香港QQ蛋仔 (Closed)

上星期去開灣仔買game 經過灣仔道 見到曾志偉既大型紙牌公仔 跟住至發覺呢度開左間雞蛋仔 一望到menu咁多款口味揀已經流晒口水 因為不嬲都鍾意食雞蛋仔 見到好多款式揀 不過第一次食為左穩陣起見 我就叫左朱古力雞蛋仔 等左2-3分鐘 雞蛋仔未到手 就已經聞到好香既朱古力味 一拿到手 就急不及待放落口 一咬落去 外脆內軟 有好多朱古力粒 好好味 雖然外表同傳統既雞蛋仔有分別 不過食野至緊要好味 何必區分傳統與否呢~~

上星期某天一到灣仔, 經過這兒見到有間雞蛋仔鋪頭, 仲有唔同新穎味道既雞蛋仔.香港人最鍾意試新野, mk o個間雞蛋仔鋪, 見到芝士味賣到$18, 至今都未有味嚐. 因為始終覺得點好食都唔值哩個價錢但哩度見到只賣$13, 諗都唔諗就買左底試下.靚女收銀姐姐問我要唔要埋野飲, 唔知加幾錢. 最後都冇試.等既期間睇住佢整, 先放蛋漿再灑上芝士碎, 都灑左幾多上面.冇耐就到手了. 先看包裝, 好像不俗. 雞蛋仔上仲有佢地自己logo 既倒帽, 的確花盡心思.但以肉眼望及手摸, 就覺得唔太似雞蛋仔.事關望落有點似膠模型, 個面"ling"立立, 好似我地成日食開o個d 幸運餅(入面有張紙o個d) 咁.食落係脆, 但始終怪怪的.入面蛋漿甚滿, 但一d 蛋味都冇. 而且哩個係芝士雞蛋仔, 卻一點芝士味都食唔出來.成個雞蛋仔係甜鹹混合體. 係糖鹽flavor?食完係有點失望. 可能其他味道會較好. 但個面都係獨特既反光面我份人較守舊, 就不太喜歡啦.

同同事去左會展睇展覽...睇完後佢話灣仔有間雞蛋仔店,食開好好食問我有冇興趣試下!我見距離同男朋友仔相約食飯0既時間有段距離,所以就跟左佢去買~~一去到見到好多人排隊買(男女老少都有,相信都真係OK好食)....原來間鋪唔止賣雞蛋仔重有台式飲品賣..天氣咁熱....同一時間可以等野飲之餘又有雞蛋仔食...都幾好WO~重要加$6 就有一杯,真係好抵 ($0$)間鋪原來有好多種唔同味0既雞蛋仔~粟米肉鬆,朱古力,果仁,芝士....雞蛋仔同事話佢之前食開粟米肉鬆,朱古力&芝士味0既雞蛋仔都好好味..不過今次唔會食依d....因為佢知道有新口味的雞蛋仔剛剛推出就係"綠茶紅豆雞蛋仔"咁特別,對於紅豆發燒友0既我...當然一完要試0下啦~~我地每人買左一底另加$6 買左杯珍珠奶茶飲..見個個男仔整0既時後放左好多大大豆0既紅豆係雞蛋仔內...未食都已經覺得好好味...yummy!!待店員叫飛到我時, 發現原來個雞蛋仔有logo架..而且好得意同好靚呀...(自家機~!!..唔怪得整出來同其他的唔同..靚咁多啦)食落脆有綠茶香之餘又有紅豆味...正雖然買都要等約15-20分鐘,好多人幫襯但一定會再食

去開灣仔, 順便試下...本身是芝士迷, 故叫了一份芝士雞蛋仔, 即叫即整! 5 mins 有得食!可惜:1. 等候過程中, 見到位姐姐仔雖然載晒手套, 但一時又拿頂鴨舌帽往頭上載, 左載右載,一時又開爐,而且不會好像其他雞蛋仔店, 用隻夾夾住份雞蛋仔入袋...,柑同唔載手套有咩分別?2. 雞蛋仔..一望d顏色..嘩..令令立, 真係好像果份放係店櫃的假模型一樣, 很膠質感!真係從未見過柑既顏色&柑令立立..."臨記", "高調低手", "北角果間", 甚至大坑的炭燒車仔檔的出品都唔會柑樣...不知道店方在蛋漿裡落了甚麼?3. 芝士味只是一味咸, 完全沒有芝士應有的奶香..雖然見佢落餡料很多, 但金玉其外, 敗絮其中, 觀乎衛生 & 質素...真係1次都兼多!

今天難得放假，帶同兒子到灣仔購買電腦配件路經灣仔道，赫然碰見曾志偉拿著雞蛋仔於眼前原來那裡新開了一間雞蛋仔店 (之前經過沒有的，不知開了多久)而那曾志偉只是紙牌來的本身不打算買來吃，只是兒子嚷著說很香，又很久沒吃過雞蛋仔了，便乾脆買來試試吧總共買了兩底，一份原味，一份朱古力味及一杯珍珠奶茶先說原味吧，老實說，久未有吃過雞蛋仔，不知其他聞名的雞蛋仔味道如何，但這間點的味道就很不錯! 有種久別重逢的感覺 (也許實在太久未有吃過了吧)蛋味很夠，表面亦很脆口，不過我不大喜歡太脆 (我兒子就很喜歡了)其實當我看見menu時都有點愕然，原來現在的雞蛋仔有這麼多味道。至於朱古力味，本來以為只是朱古力味的蛋漿，豈料一口咬下去，竟然吃到朱古力粒，而朱古力的味道亦沒有蓋過本來的蛋味，這真的令我十分驚喜!最後的珍珠奶茶，都算是驚喜過後的餘韻。本打算買來止止渴，實在對味道沒有什麼期望，因為畢竟那裡都不是台式飲品專門店。但這杯珍珠奶茶的確可口，很有奶茶香! 值得一讚。可能今天是假期，人比較多，我等了好些時間，這實是應該改進的地方。

從同學口中得知灣仔有間叫'' 香港QQ蛋仔'的雞蛋仔'好好味~問完位置就去一試!原來有好多隻味道:原味, 朱古力, 芝士,粟米肉鬆同果仁味!!我同朋友諗緊食邊種口味時, 見到店員整緊粟米肉鬆雞蛋仔,佢放個D肉鬆同粟米好足料,人地拿住做完的雞蛋仔食都話好味.所以我地就買了粟米肉鬆雞蛋仔.由於即買即做, 所以需等一陣叫號碼先有得取~~見店員細心咁做我地的雞蛋仔,相信出品的都一定好好味(而且同學們都極力推介此店)果然粟米肉鬆雞蛋仔,好靚好好食^^食落有雞蛋仔的蛋香+栗米&肉鬆味,口感好好,而且重好足料,適當的外脆內軟,咸咸甜甜的味道,出奇地好match, 好正(好彩佢唔似其他雞蛋仔咁...勁硬..食硬殼咁.....食完一粒都感到豆豆出來同人SAY HI ....如果唔係我地一定唔會幫襯!!)第2日亦同朋友一起再次幫襯, 今次食朱古力雞蛋仔, 味道一流,d 朱古力味好濃而不太甜!!

睇到呢度d食評，好壞差半，本來就無咩期望。咁啱前幾日經過呢間鋪頭，又俾我認得佢地隻雞的LOGO，就即管試一試。要試一間雞蛋仔鋪頭的質素，當然要試佢地的原味雞蛋仔。果然，正如其他的食評一樣，質感唔似港式雞蛋仔，唔係外脆內軟，而係整個雞蛋仔都比較軟，口感似雞蛋糕。雖然款式似乎比一般雞蛋仔的鋪頭多，但係雞蛋仔的鋪頭，最緊要係做到雞蛋仔應有的質感同味道，而呢度的雞蛋仔似乎蛋香味不足。整體而言，如果大家係想食地道的港式雞蛋仔，始乎呢度唔係你地的選擇﹗

When it first opened, I was addicted, to the freshly done waffles.They were crispy and chewy inside like Pon-da-rings.The waffle is different to the usual grid ones, so the texture is slightly softer than the usual grid ones.The egg puffs were also good when done freshly, I tried the cheese one, which was quite nice, same with the chocolate. I also want to try the egg puffs Dundas Street, but that place is also busy.In the beginning it was worth waiting for, however the pavement was very narrow

早排經過灣仔見到呢間新的雞蛋仔店…就唸住買個雞蛋仔試下…見買的人唔多…一心唸住好快就有得食…點知等下等下…差唔多等左十幾分鐘先有…真係等到想走左去唔要個雞蛋仔…但係又俾左錢…. 今次試左原味雞蛋仔…但係就好失望….雖然雞蛋仔入面的肉算係多…但係好 “林”…唔係我地食慣的港式雞蛋仔o個種外脆內軟…只可以話係蛋糕仔…..而且唔夠蛋香…..同埋覺得倒漿唔夠平均……一d好多肉……有一d又好似無咩肉…..有d望上去好似扁左…...同北角雞蛋仔差好遠…以咁的價錢…下次都會去返北角雞蛋仔買另外，仲買左杯珍珠奶茶….質感好似同市面其他的唔同….比較黏口…怪怪地….同埋我覺得珍珠奶茶的精粹係d珍珠……但係珍珠的數量好少…..少過其他台式飲品鋪一半有多…...而且d珍珠好硬…..唔夠彈牙….要飲珍珠奶茶都係去番台式飲品鋪買好d

由於灣仔番學~所以'' 香港QQ蛋仔'' 新開張時已即時去買黎食~大約有呢5款口味:芝士味~肉鬆粟米~花生椰絲~朱古力~原味~第一次食 ''肉鬆粟米雞蛋仔''其實都估到吾會好似以前食既雞蛋仔咁外脆內軟,但吸引之處就係咸咸甜甜既味道~有d覺得似食緊''肉鬆粟米蛋糕仔''~因為一d都吾覺得脆~但肉鬆就十分足料~第二次食 "花生椰絲雞蛋仔"原先諗住會有d花生粒~但原來係花生味+椰絲~搞到好失望因為同食原味冇咩分別~椰絲又小第三次食 "朱古力雞蛋仔"因為同學們極力推介~所以就試左~原先以後只係朱古力味既雞蛋仔!!但原來重加入埋朱古力粒~~重要係十分足料~見到都流口水食完之後覺得好正~~因為好香朱古力粒~每一粒雞蛋仔都佈滿朱古力粒!!~good!!!但如果可以脆口d就更好!!!~雞蛋仔要襯熱食先好味嫁!!~re: 覓食王~我係新年都係林村到都食左""雞蛋仔大王""雖然沒有什麼特別野但原味既雞蛋仔!!~做到外脆內軟!!~所以就算沒有特別'花腎'~只要就到外脆內軟~重有好香既蛋味!!~就已經係最好食既雞蛋仔!~

因事來灣仔，路經此雞蛋仔店，又記得網上食評不錯，於是決定試試它的雞蛋仔。朱古力雞蛋仔($13)：外表色澤均勻，有朱古力粒。咬下去，外脆內軟，有香濃朱古力味而不會過甜。雖然只是小店，但很有條理：顧客先排隊買票，等叫號數；職員造好食品後，叫號數確定顧客在場才入袋；然後向著小風扇吹一吹，才遞給顧客。職員的服務態度很好，弄食物的職員製作時不慌不忙和很專心；收銀的職員很有禮貌，顧客臨走時她會說「byebye」。有位伯伯想到別處逛一逛返轉頭才取雞蛋仔，她說「當然可以，沒問題」。除了原味雞蛋仔和朱古力雞蛋仔，還有芝士味雞蛋仔、杏仁雞蛋仔、QQ窩夫、珍珠奶茶等，雖然價錢不算平，但有機會一定會再試。

本人係湾仔工作, 大約3星期前經過發現幾特別,因為係雞蛋仔連鎖店好奇心推動下當然買了一底原味雞蛋仔和一杯珍珠奶茶(本人十分喜愛珍珠奶茶)但品嚐後覺得比較林,像蛋糕仔一樣, 不夠香口. 奶茶d珍珠好硬, 口感不足, 茶味不夠.但看見店舖像在試業中,可能也有不足之處, 所以上星期5再經過就再買了一杯珍珠奶茶一試((本人真的是十分喜愛珍珠奶茶)但今次發現味道非常好, 比平時連鎖店的更香更有茶味, 不像是糖加水. 而珍珠也不像之前般的硬, 口感好好. (有小小細珠加強口感) 的確值得一試 , 心想奶茶有那麼大的進步,雞蛋仔又如果?? 結果昨天又買了一底原味一底朱古力(同事要求) 一試下發覺有很大進步, 比之前香口很多, 口感也不像是蛋糕仔的一樣, 有香脆感. 而告古力也很有朱古力味, 味道濃郁, 更有一些朱古力粒加強口感. 總括來說, 明顯進步, 值得一試

今日飯後見唔係好飽，又見有d時間所以特登行黎買底雞蛋仔試下。之前係OpenRice得知佢地既朱古力味雞蛋仔內有朱古力碎，一如就試下呢款啦。落完order先即刻整，你眼望我眼等左6至7分鐘左右，終於有得食喇。無錯，係食到有chocolate chips而且朱古力味香濃，好過市面好多其他無名小食店。佢地的出品無北角個隻咁脆口，如果鐘意食好脆身的朋友呢款就未必啱你口味喇，加上我估佢淋d蛋槳淋得唔夠多，所以內裡唔算餡多，不過總抱黎講都好味，下次要試下佢個waffle夾餅先，$7蚊咋！

同男朋友經過灣仔道，發現新開左一間「香港雞蛋仔」,門口放左曾志偉樣的LOGO牌 ~ " 係香港最好嘅雞蛋仔"，所以決定一試。聽店員講朱古力味雞蛋仔內有朱古力粒，見有好多人都買..好似好好食咁...所以自己都決定一試...另外重買左朱古力味窩夫...同買左一杯珍珠奶茶朱古力味雞蛋仔:皮脆內鬆軟,中間重有朱古力粒..有內涵唔係空心的...好正!!朱古力味窩夫:有笑面LOGO好CUTE..搽原味醬~花生醬,牛油同錬奶......多醬&口感好珍珠奶茶:無諗過買雞蛋仔的地方可以買埋台式飲品..味道OK..不過D珍珠數量較少PS :下次一定要試下芝士味雞蛋仔同榛子醬窩夫....因為我0地買完之後勁多人買依2種食物

約兩星期前，已見到這間香港雞蛋仔正在裝修，終於在農曆新年假期後正式開業。此店位於狹窄的灣仔道，門口放了一比一的曾志偉牌，話係「香港最好嘅雞蛋仔」，夠晒搶眼。本應試試這裡的雞蛋仔，但看過食家覓食王的食評後，就決定試另一款產品「QQ 窩夫」。QQ 窩夫 ($7) 有多款口味選擇，包括士多啤梨醬、朱古力醬、榛子醬等，但我比較保守，穩穩陣陣要了原味醬。窩夫的 size 不大，外層呈橫間紋，中間有個笑面 logo，賣相的確幾 QQ，但感覺似夾餅多過窩夫。先咬一口，窩夫餅層不夠鬆軟，口感普通，打開裡面一看，全是一些小圓格，空間不大，以致醬料下得不太足夠。原味醬以花生醬為主，加上少許牛油和砂糖，味道勉強合格。總體來說，QQ 窩夫只可說是個小玩意，吃罷不會有滿足感，多多少少也令人失望。勁愛窩夫! I Love Waffles!http://www.facebook.com/group.php?gid=142587759858