魚眾不同酸菜魚 (長發廣場)

Open Now

Now Closed

【青衣•魚眾不同酸菜魚】————————————————————————黎到青衣康文署做gym 做完餓餓地 見到長發商場入面有間特色酸菜魚 裝修鮮豔 座位闊落原來係一間已經開咗連鎖分店既平價酸菜魚餐廳 性價比高用料十足 酸菜魚絕對唔會令你失望｜老壇酸菜鱸魚（豆腐娃娃菜薯粉小辣）｜HKD 78魚肉肉質鮮嫩 可能係開咗連鎖店嘅關係 做酸菜魚嘅配方已經寫入咗餐廳嘅寶典 酸菜魚湯底芽菜、木耳等配料十足 啱曬我呢個酸菜魚迷🍯｜海鮮炒飯（泰皇海鮮味）｜HKD 62炒飯都有唔同口味選擇 鑊氣十足 用黎送酸菜魚一流🍹｜紅豆冰及利賓納梳打特飲｜HKD 12+12（跟餐）食辣野點小得飲品 呢間餐廳都多特別飲品選擇架餐廳環境：📸📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰💰消費 HKD164/2位✨✨✨✨✨✨✨✨✨✨✨✨✨#青衣美食 #魚眾不同酸菜魚魚眾不同酸菜魚 (長發廣場)青衣担杆山路6號長發廣場3樓317號舖

【青衣•魚眾不同酸菜魚】✨@extraordinaryfish_hk————————————————————————性格比高 位於青衣長發廣場三樓 平民價錢 高級享受 主打酸菜魚 亦都有唔同鍋底嘅打邊爐選擇🍯｜老壇酸菜鱸魚（豆腐娃娃菜薯粉小辣）｜HKD 78鱸魚 肉質潔白肥嫩 細刺少 無腥味 美極鮮美 富含豐富的蛋白質及維生素 酸菜魚令到每啖魚肉都吸收到酸菜獨有嘅魅力同味道 用新鮮 芥菜 加鹽 花椒 白酒等等食材配料 絕對係茶記價錢 皇帝享受🍯｜海鮮炒飯（泰皇海鮮味）｜HKD 62炒飯都有雞牛海鮮等口味揀 最後就揀左有泰式海鮮味既炒飯 配料都算幾多 有蝦蟹柳蜆肉墨魚等 少少辣份量亦都相當大碟🍹｜紅豆冰及利賓納梳打特飲｜HKD 12+12（跟餐）飲品嚟講算叫做大杯 亦都相當化算

初初開嗰陣幾好，食過幾次魚份量多又好味。但而家感覺退步咗，魚嘅份量少咗。蕃茄湯底無蕃茄味，有油溢味偏多。鴨舌唔入味同有腥味，食咗兩舊就無再食。。魚同海蜇味道就正常。應該無下一次。

今日去咗青衣長發商場嘅「與衆不同」，揀咗一人份量嘅酸菜魚$78，先選魚肉再選湯同其他配料，我哋揀咗鱸魚片、老壇酸菜湯(湯濃少🌶️)、加萵筍同雲耳，再加上薯粉。食落魚肉好滑無骨唔腥，酸菜湯味重而唔太辣，好惹味，份量又足夠，最重要係可以按自己嘅口味配搭🌶️，真係好正呀👍🏻！飲品方面揀咗凍柑桔蜜+$12，凍冰冰好解渴。同平時嘅川菜館有好大分別🤩，揀咗泰皇海鮮炒飯$62，海鮮有蟹柳、蝦肉、元貝、魷魚，炒得好乾身無油有鑊氣，比美大排檔嘅味道😋。飲品方面揀咗菠蘿梳打特飲+$12，大大杯冰，加菠蘿汁同檸檬片，梳打水全罐上，非常足夠氣又解渴，真係好正呀👍🏻！總括而言，「與衆不同」係一個好值得嚟試嘅餐廳，份量足夠，味道正，同埋可以自由配搭口味，真係一個好適合喜歡川菜嘅人士嚟嘗試🤗！

好地地酸菜魚走去學人賣早餐前提工夫都未做好就推出早餐平日叫外賣已經等得耐 晚市起碼要等30分鐘今日去試下佢個早餐 一入餐廳人影都冇個有個好似清潔阿姐嘅人迫住招呼食客發覺呢間餐廳嚴重人手不足平日外賣出餐已經夠慢 每次見到d伙記都係目無表情個樣勁攰今次唔係評食物 反而係評服務管理不是良心餐廳 切勿幫襯 。。。。。。。。。。。。。。。。。。。。。。。。。。。。。。

之前冬天黎過呢度食過花膠雞米線覺得幾好食，今日放假就同隊友黎食佢個招牌菜酸菜魚，呢度地方闊落，裝修落過心機，屋村商場黎講佢都幾落本。食物方面除左招牌既酸菜魚之外，仲有炒飯同港人最喜愛既火鍋，而我地今次叫左兩款唔同辣度既一人份系列同兩杯特色飲品。份量都幾多，完全唔驚唔夠飽。青花椒酸菜鱸魚薯粉-每個一人份可以免費揀兩款菜，呢個我揀左娃娃菜同萵筍，啲菜索晒啲湯汁入晒味，香辣惹味，鱸魚好滑好好味，薯粉彈牙得黎唔會咬唔爛。老壇酸菜牛肉米線-而呢個我地就揀左大豆牙同金針菇，份量都幾多，有好多金針菇，成碗都係餸，驚辣嘅可以唔食辣都得㗎！菠蘿梳打特飲/鹹檸七-食完辣嘢，飲返杯凍飲，消暑又解辣。

主要食酸菜魚店午餐可選擇一人餐，自己一人都可食到酸菜魚☺️價錢為$70-80左右選了魚類或牛肉或毛血旺或魷魚便可以選湯底，有辣有唔辣，例如檸檬酸菜、酸菜金湯、麻辣等等再之後可選兩款素菜最後就可選薯粉、飯或者米線整個餐一定夠飽，而且味道很好🤭但係唔食得辣嘅，如果選毛血旺就要留意吓，因為辣度都幾勁🤭🤭另外仲有煲仔飯可選，不過要等30分鐘，比較遜色的係花膠雞米線，雞同花膠都比較少整體來講依間都算係抵食之選☺️

▶蕃茄濃湯肥牛$84配料點了薯仔和豆卜，豆卜可以吸滿蕃茄湯的精華,薯仔是薄切的一片片，可能想更掛湯手打薯粉很煙韌，配蕃茄湯很match特別一讚他們的蕃茄湯很合我口味，很鮮甜的，不會太酸，所以整碗吃光光  ▶紅豆冰$12滿滿的紅豆蓉，可以自選甜度▶酸菜金湯鱸魚片$105因為怕辣點了小辣但都還蠻辣，因為會放很多辣椒等調味料配了金針菇和黑木耳，都很爽口魚片嫩滑▶青蘋果梳打特飲$12味道清新解膩週末人比較多可能要提早一點入座

自從屋企附近開左間魚眾不同酸菜魚後，又成為了我的食堂了，今晚就約了朋友來吃晚飯，不過就和朋友各點選了一人系列，主要各自追求不同的辣度，我點了青花椒酸菜魚湯底配鱸魚，朋友則選了老壇酸菜魚湯底，同樣是配鱸魚，選完湯底及魚後，仲可以選兩款美食，及一款主食，我就點了手打薯粉，加7元仲有埋飲品，價錢也不過是每位$85抵食又好食。老壇酸菜魚湯底當一人份量的酸菜魚上桌時，新鮮熱辣，分量十足，那陣陣香味，己令朋友按奈不住，配菜方面每份酸菜魚都可以點選兩款食物，朋友點了萵筍及黑木耳，入口都好爽脆，薯粉煙韌無比，吸晒了湯底的精華，那酸菜湯底是小辣，辣度剛剛好。青花椒酸菜魚我點了青花椒酸菜魚配上鱸魚，酸菜及鱸魚的比例幾好，分量剛剛好，由於我點了中辣，所以也感受到辣度，辣得來又令人好開胃，鱸魚片真是好滑，加上索埋湯底的精華，真是辣得好過癮，我沒有點飯，只選了薯粉，和萵荀一齊食，一流的口感。套餐可以選飯或薯粉，我薯粉吸收晒湯底的香辣，好正。萵筍爽口清甜，香辣又惹味。

真係唔知食咗啲乜 雖然間餐廳食酸菜魚為主，但係都唔係咁樣掛上到枱呆咗呢個煲唔係貴 但係份量唔成正比 毛血旺 叫咗少油都係好油 米線一夾就斷 終於都明白點解已經冇人排緊食….

早前我家人得悉家中附近開了一間專吃酸菜魚的餐廳，每晚人流都頗多人等候入座，都很想與我一起吃，當晚便決定到此店一試。當天一共3人共點了（餐應是Qr code 下單）：❣️魚眾不同招牌酸菜魚 （鱸魚片）已包含很多主料：大豆芽、寬粉、金針菇、娃娃菜、萵筍、豆腐皮等等可選主食2碗 米線/白飯/薯粉亦包含了2款飲料：凍鴛鴦（普通的味道）菠蘿鹹梳打特飲 （是喝得舒爽的選擇）亦可自由選擇辣度：當天選擇了小辣這份酸菜是適合2-4位食用的，所以份量都頗多的。份量雖然取勝，但酸菜魚湯頭偏油，沒有酸度，辣度是微微的，是一款沒有香味撲鼻的菜色，色、香、味都欠缺。這家的酸菜魚味道真的是正常水準以下🥲 總括來說，酸菜魚真的試一次便好了，餐廳除了提供酸菜魚外，還有煲仔飯、一人份主食，如有機會的話，會想試其他吧。

今日入機場送完機 搭巴士去青衣諗住轉車出市區 長安巴士總站隔離嘅長發商場 之前都未行過 反正我哋都想搵啲嘢食 決定入去碰吓運氣行吓行吓上到三樓 發現有間食酸菜魚嘅舖頭 登時眼前一亮 鍾意食辣野嘅我 即刻衝左入去 打開餐牌一望 絕對係街坊價 難怪非繁忙時間都有咁多人食 地方都幾大 座位亦闊落 衛生程度令人滿意 我地叫咗兩個餐 鯛魚酸菜魚 山城毛血旺 每個餐都另外有兩款配料 白飯、米線、薯粉任揀一款 每個餐都唔洗$80 落單後好快侍應就捧出如小面盤咁大嘅碗 原本係我哋order 嘅嘢食😂鯛魚好有魚味 又滑又冇骨 啖啖肉 毛血旺有好多配料 午餐肉、豬腸、木耳….都唔記得咁多😅麻辣湯底亦調節得好好 濃淡適中 今次叫小辣 下次可以挑戰中辣或大辣見到餐牌上仲有一人火鍋 睇落都唔錯 下次一定要試吓 就算專登搭車入嚟都有著數😂

今日個星期六過嚟青衣探朋友, 大約五時左右落到去長發商場搵食,發現原來這一家叫魚眾不同酸菜魚的食店在青衣開了分店, 之前曾經試過元朗分店覺得唔錯,發覺青衣分店比元朗店更加寬敞光猛,便決定在這裡用餐。除了酸菜魚外, 還有很多其他的食物例如煲仔飯, 炒飯, 煲仔菜等,即使幾位朋友當中有些不喜歡酸菜魚的也可以有其他選擇, 由於朋友未試過酸菜魚怕食唔慣, 所以我們點了一份酸菜魚及一份炒飯分享。老壇酸菜鯛魚, 酸菜系列有多種不同魚種及其它肉類可供選擇,包括鱸魚片,生魚片,鯛魚片等,即使不愛吃魚片也可以選擇,龍利柳,肥牛和墨魚等, 絕對可照顧不同口味朋友的需要。另外亦可以自選不同的配菜及主食,我們選了豆皮,萵筍及薯粉。辣度方面亦可以自行選擇,由於我們都不嗜辣,最終我們選了不辣, 鯛魚片爽口彈牙, 鮮甜美味,而且份量也不少,沒有細骨, 即使平時食魚怕骨的朋友亦沒問題,酸菜魚湯十分鮮甜,最終幾乎把大部分湯飲完。泰皇海鮮味海鮮炒飯, 海鮮炒飯啲海鮮配料有蟹柳, 小元貝,餐肉, 蝦肉等, 而且份量著實不少, 幾乎每一口都會嘗到海鮮的滋味, 配合稍為有少少微辣的泰皇海鮮醬來炒,非常惹味, 而且炒飯既唔會好濕

今日去咗青衣搵朋友～太耐無黎發現長發商場配套都幾齊全 餐廳亦都梗有一間喺左近😂想食咩都滿足到~我地就幫襯左位於長發商場3樓嘅魚眾不同酸菜魚 開業兩個多月鋪面都幾光猛幾新淨企理！我地叫左酸菜魚湯麵🍜我朋友叫左中辣而我就叫左小辣 黎到碗麵，超大份 酸菜同配料都好多。魚份量再多少少就完美 我會建議大家叫中辣 個湯會相對濃郁少少~麵底我地叫左薯粉 好爽口qq感好重😎呢間餐廳絕對適合重口味嘅朋友！魚眾不同酸菜魚 (長發廣場) (青衣)青衣担杆山路6號長發廣場3樓317號舖

剩係得個辣字，唔夠鹹得好少魚今日夜晚喺呢間舖頭嗌咗外賣自取，等咗差唔多半個鐘拎到返屋企嘅時候，一打開就見到啲湯全部都係油嗌咗豆腐皮同埋木耳兩個餸入面魚嘅份量非常之少薯粉又係幼薯粉，唔係平時食酸菜魚嘅嗰種紅薯粉唯一OK嘅地方就係配菜嘅份量都算多，但係魚嘅份量就非常之少，一啲都唔值，而且湯嘅味道一啲都唔夠鹹，食落去完全唔覺得湯底係有擺心思在裏面總括嚟講作為一間酸菜魚嘅舖頭係唔合格嘅，唔會再有下一次嚟呢度食