鳩砌

Open Now

Now Closed

喺正馬頭圍道大馬路 個招牌勁sharp醒 唔難搵到只有做外賣價錢合理 只係貴快餐店少少醬汁仲可以任揀貼地呀 仲有最特別嘅生酮漢堡可惜係無薯條賣嘅如果有成個餐會滿足啲個漢堡多汁唔乾 味道合格

夜晚同朋友過嚟買外賣，第一次嚟所以企左喺門口同朋友研究下menu先。由於朋友係外籍人士唔識中文，所以我諗住翻譯比佢聽。點知女店員聽到我地講英文，主動話我地知佢地有英文menu，好細心由於當時舖頭冇其他人等，所以我地既漢堡等左五分鐘左右就整好，非常快男店員拎食物比我地時，仲話我知佢突登有一袋mark左"Hot"，代表係我個朋友既order，真係好好服務呀小店雖然冇咩好靚裝修，不過食物都好好食，加埋呢個服務態度我覺得係物超所值！

收工搭緊巴士落車前用signal 落單預好時間兩個字就有得攞send完 好快就有人覆佢會影張單confirm 同問你想幾時攞今次叫左衣啲芝士漢堡炒雞脾菇焦糖化洋蔥黃芥末醬沙律醬收錢姐姐態度好 有笑容又有禮貌 好過好多外賣店好多行到返屋企都仲熱 一打開個袋 會見到用錫紙包住個包 仲有枝簽吉住個包 食緊嘅時候都唔會走曬位個包有煎過小小脆 塊肉個黑椒又香 啲菜份量多但係又唔會搶左肉嘅味道 醬汁多又唔會流曬出黎 價錢仲要好平好耐冇食過咁好食嘅包

係土瓜灣做嘢，見到間賣漢堡嘅小店，經過聞到超香嘅味道，做完嘢後忍唔住即刻買黎試下我決定簡簡單單叫個漢堡算，唔加其他配料睇下咩味道先(⁎⁍̴̛ᴗ⁍̴̛⁎)漢堡即叫即整㗎，漢堡個麵包非常脆，而漢堡扒與其他店唔同，佢係做用豬肉做，咬落去非常juicy ，估唔到豬肉都好好味(*¯︶¯*)豬肉入面有加黑椒，令味道更加豐富，而醬汁我係選擇燒烤醬，味道亦很夾食左第一啖嘅時候，我即刻心心眼😍😍，超好食，諗起之前處女座朋友仔帶我食過一間好好味既漢堡，而今次9砌嘅漢堡同佢有得比，我可以同朋友仔分享下lu，好正正子呀😚另外，竟然有生酮漢堡，第一次見（可能係我太摺摺啦😂），下次可以試試，仲有9餅呀～

知道有這間漢堡店很久了。但是一直都沒有機會到這裏。漢堡包裏的材料全部都可以自由選擇，所以總會揀到適合自己的漢堡包。材料非常新鮮和足料，所以漢堡包都非常之厚。基本上都不能一口吃晒所有材料，要不然就會滿臉都是醬汁😂

大大份又真材實料嘅小店🤤9餅啊9餅 一定要食真系要食 勁好食 入面有煉奶 砂糖 花生醬 牛油就好似格仔餅咁 但系好食過格仔餅好多個包有啲似豬柳漢堡個包 不過系勁脆版口感鬆脆 有空氣感 花生醬🥜多到流出嚟唔會膩 會好想再食多個 尼個9餅系格仔餅嘅再昇華版 真系要去食吓 唔系講笑🤤🤤煙肉芝士漢堡+9炒洋腸+紫洋蔥+番茄+多汁+9醬漢堡冇得輸系真嘅👍🏾大到成個口都塞唔晒啲料多到瀉 冇誇張配料層次分明 切開睇就知道食落好JUICY 一啲都唔乾柴洋腸會有少少🤏咸 加埋大堆配菜+醬食 就中和咗 要食啊老闆仲好好 會問唔洗唔洗切開一半 方便SHARE 真系值得一食 食完一定會再幫襯價錢唔貴 好有質素記得幫襯小店💛💛🤩🤩🤩

正啊！！可以自由揀要咩餸，有咩緊要得過有得揀？包底我要煙肉芝士漢堡，餸就要咗：+雞髀菇；+豬頸肉<聽講好辣,所以我即刻叫嚟試吓,佢嘅辣係香辣,掂啊！；+焦糖化洋蔥<呢個真系必加啊！；+蕃茄<諗住健康啲😂😂；問店員推薦咩醬,店員話第一次食推薦黃芥末醬+燒烤醬+沙律醬<又真係好夾好好味😋另1個包要咗芝士漢堡，餸就要咗午餐肉<塊餐肉厚切到呢~有d搶咗塊塊嘅味本來想要豬頸肉，點知店員：豬頸肉好辣架！醬就要咗千島醬+🈲醬B(蜂蜜芥末)感謝店員可愛圖文並茂咁表示豬頸肉好辣😍😍

本身食素，以為來到x砌無野啱食。見到個個都叫漢堡包，賣相十分吸引，希望遲啲會有素漢堡啦。見到有一款叫x砌奶油花生醬包？（唔記得叫乜野名😂），點都要試下。等左5分鐘，新鮮滾熱辣拎上手。個包烘到好脆，入面填滿超多奶油花生醬，唔係輕輕一層咁簡單，而係好多好多好多。一啖咬落去，脆、香、濃，味蕾前所未有咁滿足。點解可以咁好食🤩🤩😱😱😱😱❤️❤️❤️店員超有禮貌，會提醒客人小心辣親，super nice🥰🥰

之前一直聽人介紹生酮飲食可以減肥，終於的起心肝試左幾日，但對我呢個澱粉質愛好者來講好難經過9砌，心思思想食漢堡包🍔但又唔可以食麵包可以點處理呢？答案就係試佢嘅生酮漢堡包啦新酮漢堡包顧名思義，就係將麵包轉咗做生菜，入邊夾有兩塊豬肉漢堡同埋一塊煙肉。醬汁方面，我加咗茄汁同埋黃芥末，另外我為食，加咗個焦糖化洋蔥，又係超級好食嘅配搭整體來講，麵包變生菜，清爽得來，夾住煙肉同埋漢堡口感一流，唔會太油膩不過食嗰陣有少少論盡，生菜比較容易散開，所以大家要留意一下整體來說覺得冇咁大負擔，食起上嚟個人都冇咁有罪惡感

#漢堡 燒烤醬 多汁 👅8.5/10 $38真心掂呀 係香港少數難得好食嘅漢堡包⚠️⚠️而且仲要唔係貴 間舖頭又有人情味💞💞個包唔係啲連鎖集團大公司嘅漢堡包而係一啲小型麵包店出爐嘅包🫴🏻非常之難得同埋少有會咁樣仲煎過塊包所以個包都係脆脆地💓💓大癲 因為我好中意食脆嘅包😂😂唔知有冇人都係咁😂😂😂😂😂塊漢堡亦都好香 好juicy💦💦有啲舖頭嘅漢堡扒乾到呢呢間真心好食 加上即叫即整即煎好少漢堡包可以做到咁香絕對唔會乾曾曾咁樣又有蕃茄呀、洋蔥呀、生菜呀幾多野加埋重點係 好飽肚 又抵食 一定會再戰！！

🍔煙肉芝士漢堡💰$46😈今日終於去到9砌到買佢個最岀名既豬柳漢堡🍔呢到個Menu都係得個幾個款唔複雜🤣而我就揀左煙肉芝士漢底🍔之後就再左$8叫左雞髀菇🥔同埋$8焦糖化洋蔥🧅我想講佢啲餡係爆多😝佢所有食材都9砌埋一齊再用錫紙包住🤣好似5個人餐廳咁😝我建議大家一定要加個焦糖化洋蔥🧅佢洋蔥係偏淋身但佢表面啲焦糖甜甜地好好味🤤同埋重點大家可以Offer多醬係真係好多😂我係多到會漏哂岀黎👅同埋佢個麵包皮都烘得好香同好脆😝不過個日唔好彩個包加左塊價值💰$320既牛肉乾🤮所以有揸車🚗既朋友都要話記得快快手買完就閃

一直聽過土瓜環有間食burger 好好味既叫9砌終於有機會食到餐牌好簡單 叫左個芝士漢堡做base 加左焦糖化洋蔥🧅 番茄🍅 大約等5分鐘左右就拎得睇相已經知道係超大個 個包都好脆口 最重要既當然係塊豚肉喇 超級juicy 同埋好有嚼感 好好味Caramelised onion真係不得了～ 超香 好想再多木😂特別一提 揀左千島醬 好match 反而朋友揀左蛋黃醬唔算話好夾 但有d唔過癮既地方就係無其他sides e.g fries/ salad 揀 不過都明白小店未必搞到咁多野🙈🙈 Overall speaking 好味道

每次經過鋪頭都見到好多人，甘啱有次完全唔洗等，唸都無唸立即去幫襯，睇下有咩甘好食先係門口等既期間，比我見到香港有人情味既畫面🇭🇰話說當日好熱，我係度選漢堡包，見到前面客人同店主傾計，店主好耐心介紹唔同既配搭，佢地又傾既聽既歌，傾下幫襯唔同既舖頭。要後來我見到客人走左，我點完餐等找包時，客人從對面店買左杯冰凍既飲品請客主飲，店主又用凍水沖左杯蜜糖水比客人，成個畫面勁有愛同人情味🫶🏼🫶🏼好啦，講左好多其他野，講番個包，我叫左煙肉芝士漢堡包，加焦糖化洋蔥，醬方面我選擇左黃芥末醬同茄汁，加埋總共$54。呢個配搭簡直係perfect match，價錢實惠，100分因為係外賣，為左保溫佢用錫紙包住，番到屋企都仲保緊溫，正食果陣食得出佢個包脆脆地，中間果塊係豬肉漢堡，我首先食左少少焦糖化洋蔥，甜甜地好好味加埋其他材料一齊食簡直係美味既盛宴，如果佢唔係成日都要排隊，我之後有機會經過一定會keep住叫

位於土瓜灣呢間外賣漢堡店比客人自由揀選配料、豐儉由人，因為時間尚早唔想咁heavy，只係剔咗焦糖化洋蔥 ($8) 同芝士漢堡 ($41)🙈所有漢堡扒都係豬肉做，但唔似豬柳咁”實的的”，保持到肉粒嘅口感，唔食牛嘅朋友都可以一試👍🏻漢堡即叫即整，攞上手非常熱辣辣，仲有錫紙保暖，個包亦都比預期大😆麵包煎到外脆內軟，漢堡扒都幾厚，食落唔油膩、好飽肚😛焦糖化洋蔥炒足時間、香甜軟淋，個人嚟講幾滿意🥰本身諗住食到一半影下漢堡嘅橫切面，點知好快已經唔記得咗🤣

經過土瓜灣呢間漢堡包店好多次…見到都幾多人買野食…感覺應該唔錯。今日終於有機會黎試下。第一次黎未知點樣點野食…有d迷惘…店員見到就好耐心解釋點柯打…先揀包再揀配料再揀醬汁…寫名同電話方便認人。我就揀左芝士漢堡加焦糖化洋蔥加泰式辣醬同毒辣醬(醬汁可以全部都要…我唔貪心揀左兩款)。等左大約20分鐘就有得攞。拿拿林返屋企吔包。返到屋企個包凍哂左…凍左味道就一定會打左折架啦。不過覺得味道唔錯…相信熱時應該會係幾好味…