麻痺雞 (Closed)

兩個人的話是半只雞，味道還不錯，飲品選擇不是很多，想吃海鮮自助的話需要額外加錢。老板就好像港劇裏那種超級有生活氣息的老板，上完菜就跑到外面坐在涼椅上跟鄰居們聊天，蠻有意思的哈哈

呢幾日天氣突然轉冷，最好食火鍋暖暖身， 阿仔返埋今日學開始放聖誕假，就同佢出去 食餐勁， 聽朋友講區內呢間幾抵食喎，一於試下地方唔係好大，大概二十個位左右，走嗰陣時八點半鐘見到舖頭外開曬枱坐滿人，成條街呢間食肆最旺場。除咗招牌麻痺雞之外，仲有11款煲底選擇， 我見凍凍地，揀咗個藥膳醉雞煲補一補飲落啖湯好香藥材味，少少酒味，好多件雞件調味料同飲品採取自助形式，鍾意攞幾多都得，夠曬free。火鍋配料多多，我哋揀咗肥牛，豬潤，魚腩，牛柏葉，炸魚皮，生菜，牛丸，炸支竹，蜂巢豆腐，紅薯粉。最正係即炸脆響鈴(呢個額外加錢，不過值得加)，真係即叫即炸，一籃有八條，大大條，我鍾意就咁食多過放湯， 非常鬆化，一路食一路跌曬啲碎碎， 點埋佢哋附上嘅甜酸醬，一流。一人200蚊都唔使，唔使自己洗餐懵，搞餐懵

幾年前成日食，因為真係好好味，雞煲好入味，但係依家醉雞個湯又淡，麻辣嘅又唔麻唔辣，差左好多！價錢又唔算平，一啲都唔抵，我以後寧願去遠啲都唔食佢喇！希望佢會改良一下

今晚7點左右，同朋友二人去食雞煲。天氣咁凍最啱就係食雞煲，仲要係食好辣嗰種！我哋兩個被安排咗坐喺廁所門口，心理上係有啲憂心，但已經冇其他位喇，惟有頂硬上！家姐最近食咗個小辣嘅羊腩煲，平時好食得辣嘅佢都話夠辣。於是我同朋友嗌咗個小辣麻痺雞。涼伴拍青瓜同海蜇絲唔夠入味，而且感覺味道怪怪的，不過我朋友都鍾意食。雞肉都算入味，但我哋竟然覺得唔夠辣。我個朋友自己落咗啲調味料落去，店員姨姨又幫我哋加辣。佢仲提我哋逐啲小小咁落，驚我地辣到食唔到。落咗之後，果然濃味咗，同埋越食越辣。不過呢隻辣係辣喺個嘴唇，口入面唔覺得辣，同埋會感覺個肚都熱辣辣。雞肉嘅肉質都算滑嫩，唔錯～裡面仲有幾舊薯仔，入晒味，粉粉的，超好食！我哋後尾再加嘅薯仔片太薄，冇嗰種粉粉嘅質感，冇咁好食。另外，腩肉偏肥，啲肉好難咬，我吐咗出嚟。其他我地主要食咗素類食物，例如豆卜，豆腐，炸枝竹，冬菇，冬瓜片，白蘿蔔，烏冬，紅薯粉等等，不過不失啦。可仼飲汽水、大陸碳酸飲品、鴻福堂咸柑桔、竹庶茅根等。服務態度很好，上菜快，但有漏單情況。價錢尚算實惠，每人$158。

去到大埔墟火車站博物館附近，有一間非常多人等位嘅雞煲餐廳叫做《麻痹雞》，招牌好有氣派，外型古色古香，座位更有室外同埋室內選擇。任食雞煲有十二款，成人原價每位＄198，兩小時任飲任食全包宴，仲有我最鍾意嘅「支竹羊腩煲」添，不過朋友們都比較喜歡正宗重慶雞煲嘅「麻痹雞煲」底。「麻痹雞煲」三個人就俾咗細煲嘅份量，雞件嘅份量都比較多，而且每一件雞都非常新鮮，肉質非常滑，而且好入味，食完之後忍唔住再encore左一隻，可想而知有幾好味。火鍋配料超過60款選擇，餐紙上食物分門別類列明，客人好容易搵到自己心愛嘅食物，當然唔少得叫我最鍾意嘅豆腐、粟米、蟹柳條、韭菜餃、午餐肉同埋冬瓜等等。當中「韭菜餃」非常大隻，皮薄饀靚，入面佈滿韭菜碎同埋豬肉，食落去非常新鮮好味。牛魔王嘅我當然要追加「手切安格斯肥牛」，份量有大、中同埋例牌選擇，我哋叫咗例牌份量，肥牛條紋非常平均，食落去有好濃郁嘅牛肉味道，唔錯。飲品方面，更有啤酒同埋多款汽水選擇，仲有我至愛嘅樽裝「竹蔗茅根涼茶」。最後三個人埋單，總共都係八百幾蚊，每人都只係$200有多，最重要係雞件非常好食，難怪全店滿座。

三五知己就去到大埔嘅《麻痹雞》，餐廳位置比較偏僻，但係人流非常多，等左10分鐘就有位了。餐廳裝修撲素，室內嘅位置比較多，如果室內冇位嘅可以坐室外，秋涼嘅天氣坐外面唔會太熱。最後揀咗有優惠價嘅任飲任食正宗重慶雞煲「麻痹雞煲」套餐，＄200都唔使就有超過60款嘅火鍋配料選擇，超級抵食。醬料方面更有三四款自由選擇，當然有我最鍾意嘅「香蔥粒」同埋「辣椒絲」。招牌嘅「麻痹雞煲」遠處聞到好香嘅滋味味道，驟眼望雞煲配料非常多，有洋蔥、芫荽等等，非常香。雞嘅質感非常鮮嫩，咬落去肉質都滲透晒出嚟，質感林，而且非常入味。另外我哋加左＄68叫咗例牌嘅「手切安格斯肥牛」，食落去肉質一啲都唔鞋，而且好爽口，新鮮牛肉味點埋辣椒豉油更為滋味。配料當然有我最鐘意嘅「炸響鈴」，只需要灼三秒，食落去好香脆可口。飲品方面係自助形式，雪櫃林林總總嘅飲品整齊排列，如果鍾意飲啤酒嘅朋友每一位只係加＄15就任飲，好抵飲。最後我哋再encore左一隻雞，食過咁多雞煲最好食都係呢間，所以下次會再帶多啲朋友一齊食咁美味滋味嘅雞煲。

年尾就係日日聚舊的好時機，話時話，我已經唔知幾時開始晚晚約左人食飯，對上一餐住家飯係幾時？近太和呢間任食雞煲，做左好幾年啦，區內略有名氣，舊朋友要食雞煲，今晚就揀呢間啦！老老實實，今次都算係我第二次真正食雞煲。真係講出黎都驚俾人笑平日夜晚都爆場，信心保證。店內平實裝修，仲有幾台可坐街邊。見老闆同客人有講有笑，氣氛好好！超地道！雖然小妹唔食辣，但呢度叫得做麻痺雞，緊係要試招牌痳痺雞煲啦！雞味濃，肉質夠滑，份量仲要唔少！煲內的配菜，洋蔥呀，芫茜將雞嘅鮮味帶曬出黎！洋蔥又爽又甜！食完個雞煲就點左些少火鍋配料， 肥牛質素唔錯，有雪花紋！其餘丸類質素都好高！粟米超甜，菜好新鮮！野飲都係任飲！呢個價錢有咁好嘅質素真係超曬班！難怪做左咁耐都大受歡迎！

同外國朋友去玩，第二日去佐踩單車，大圍踩到去大埔，夜晚我一早訂佐枱黎麻痺雞食雞煲同打邊爐。老實講，我自己平時好少食雞煲，因為雞煲多數都太濃味又好油，但為佐俾朋友體驗一下香港呢個咁地道嘅飲食文化，就黎試下啦，結果呢間成為佐朋友是次香港美食之旅嘅第一名至愛！事實上，呢間嘅雞煲確係好有驚喜，連我都覺得佢係暫時食過最好食嘅雞煲。雞煲有好多口味揀，揀佐招牌「麻痺雞」（$158/位），我地4位有大煲，入面有成隻雞份量，好足料。雞肉好滑，煮得好入味，而我好鍾意個醬汁，調得好惹味，辣度適中，加埋香菜同洋蔥，好有穫氣。價錢仲包2小時仼食仼飲火鍋選擇種類唔算多，但麻雀雖小，五臟俱全，肥牛、餃子、時蔬、菇類，連涼拌青瓜、涼拌皮蛋都有。有客人，我地食好d，點佐手切安格斯肥牛(小 $138)，牛味突出！廣島生蠔($68)都好正，肥美飽滿，蠔味濃郁。飲品自由喺雪櫃攞，汽水、啤酒都有我自己就好鍾意鴻福堂嘅鹹青檸，下火又健康。全晚冇漏單情況，但略嫌岀菜就比較慢。不過值得一讚嘅係呢度服務都好好，招呼周到，對我嘅外國朋友表現非常友善，thank you!

星期四同個老友去左大埔搵野食，雞煲店周圍都係，而正宗重慶雞煲就唔係周圍都係，聽人講大埔有間正宗重慶雞煲就去試試位置就偏僻左少少（太和消防局格離條橋行過對面，右手邊第一個街口就係），不過今次試過先原來都好多人專登去，8點左右要坐到出門口有多款煲底選擇（雞、魚、羊腩、牛肉）我地就食左正宗的麻痺雞煲任食食物有多款痳痺雞煲 $158/位 聞落夠香，材料包括：蔥花、洋蔥、薯仔、翠肉瓜、辣椒、芹菜、雞肉等等，雞肉整得夠入味食物好快就到即炸脆響鈴：用新鮮腐皮炸成，仲可以就咁點泰式雞醬食值得一試2小時任食任飲，包你夠飽

天氣開始轉涼，約了朋友吃雞煲，又辣又暖身又惹味。住在大埔都會知道的一間小店，最亮眼就是他很有氣勢的大招牌，加上射燈照著，很遠都看到，內裡的格局很有街坊情懷的感覺，店內看上麻雀雖小卻五臟俱全，而且晚餐時段人多也會有門外的位置。任食煲底一共有12款選擇，這次我們選擇了招牌麻痺雞煲而且選了中辣。反轉後面，可以點材料打邊爐，款式都很豐富！可以點一些前菜，涼拌手拍青瓜、黃金皮蛋和海哲絲，頗清新開胃的。我們一行4人，雞煲的份量就給一個大煲的。雞煲上來的時候，雞肉都基本上熟透了，加上芫茜、辣椒、蔥、洋蔥⋯煮上來整個雞煲除了賣相滿分外香味都十分濃郁！雞煲是中辣，又麻又辣，暖胃不過，而且雞肉都吸收了辣椒的香辣味，吃上口的雞肉辣得惹味也不失嫩滑。另外店員都很細心，給了我們一個空碗用作放雞骨，吃上來不用滿檯都是雞骨。把雞煲吃得七七八八時可以加上湯底滾起再打邊爐，配料都很新鮮，最推介是紅薯粉，煮在雞煲裡吸收了雞煲的精華，口感很煙韌，跟麻辣雞煲很配合！店內有兩個大雪櫃，飲品都可以任飲的，飲品款式都很多元化，涼茶、汽水、啤酒應有盡有，任君選擇！ 亦有小型的醬料自助區！魚皮。肥牛、芝士腸、午餐肉、菜肉餃。鮮牛肉、豬

天氣轉冷，就係食雞煲、火鍋既季節。琴晚約左大埔朋友去呢間大吃一餐！麻醉雞(麻辣醉雞煲) $168一位我地揀左小辣，落左酒作調味，好香口，仲落足配料，令到個雞煲好惹味😋 如果食落再麻嘴啲會更好。雞肉幾新鮮👍🏼仲好嫩滑、好入味，好食呀，食完會暖笠笠。多款火鍋配料任食，最爽係咁，吾洗計住會吾會out budget 😂 自家製韭菜餃好好食👍🏼 同埋果幾款涼拌系列都幾正，其實配料就不過不失。廣島生蠔(6只)$68 睇落好正咁🤤 不過煮熟會縮水🙈手切安格斯肥牛$68/例加錢既肥牛更加好食。即炸胞響鈴 $48 即炸係吾同啲，非常脆卜卜，好正🤤 響鈴fans要試下喇。

今晚和姐姐帶外國朋友食香港特色風味的雞煲火鍋，店員安排的們在外面街燈下坐，感覺卻出奇地有風味。醬料和飲品在自助區，難得飲品有清熱的咸青檸，令我一再encore。雞煲有足一隻雞，份量很多。一大鍋上，雞肉煮得入味，辣度適中，會愈食愈辣，很惹味，加上香菜和洋蔥，很有穫氣和風味。而且雞肉都算滑，雖然沒有新鮮雞味，但味道也很好。特別是配菜如薯仔和翠玉瓜，更是吸盡精華，很重味，又美味。之後便自行加湯作火鍋，我們加了安格斯牛肉，份量一般，但紋路吸引，牛味也算突出。而追加的廣島生蠔肥嘟嘟，煮熟後很滑嫩，又鮮美！可惜當天魚雲已售光，未可嘗試。之後我們便主攻丸類、菇菌和蔬菜，還有豬潤、魷魚筒等等， 選擇也很豐富。芝士丸還是一貫的流心芝士，味道很好，而牛柏葉也很爽脆，不會太韌，蜂巢豆腐用作吸收湯汁更好味。我們亦點了鯇魚腩，魚肉很滑和有魚淡淡的鮮味，可惜沒有我喜歡的脆肉鯇。整體來說，雞煲質素很高，有風味，性價比也不錯，服務很好。火鍋食物飲品款式多，可以任加，我們最後也捧著肚子走！

香港人無分季節，基本上一年365日都愛打邊爐。而以大埔區嚟講，「麻痺雞」一定在我火鍋list 穩佔top3位置。環境方面不算太舒適，始終店面較細只能用木枱木椅。而調味料為自助形式。麻痺雞以任飲任食形式經營，價錢在於選擇什麼煲底。當日我們選擇了麻痺烤魚，每位$168 任飲任食。火鍋配料選擇不算多，但涼拌系列都很不錯嫌不夠多選可以加錢食好少少，我們就追加了一個例牌安格斯肥牛及廣島生蠔。開餐前，先來一個涼拌黃金皮蛋開開胃！辣辣辣地好惹味 主角話咁快到達，雖然只有一半魚的份量，但魚的size超級大！魭魚肉非常厚實，一點腥味都無。加上大量芫茜和蔥，香到不得了！火鍋配料質量都很新鮮。蔬菜沒有發黃，頗清甜。魚皮亦非常香脆，令人一吃再吃。其他配料不過不失，任食的質素來說實屬不錯。我們加錢的安格斯肥牛和任食肥牛比較，油脂較少，但牛味重且無筋。大概焯過十多秒口感就最好而日本廣島生蠔雖不及桶蠔巨型，但勝在蠔味極濃。細細粒反而不會太滯。

好難得咁搵到間食雞煲ge小店因為食雞煲通常都係連鎖既今次係openrice搵到呢間麻痺雞就去試下喇個位都幾近三多太和火車站應該行10分鐘就到餐廳係放題形式，野飲任飲我嗌左個麻辣雞煲，158蚊仲要唔洗加一😱😱😱雞煲d雞好出色😭好滑仲要好多芫茜😭好中意另外可以任點配料選擇都幾多不過用料就一定無得同單點果d店比較任食黎講都叫對得起個價錢重點係餐廳服務好好所以唔怪得佢生意咁好下次會黎試下個魚煲，好似都不錯🤤

今日朋友帶我去太和食雞煲，店鋪面積不是很大，6點多已全場爆滿，7點多離開時，發現已經有5張枱的客人坐在外面食雞煲。店鋪出名吃麻痺雞，可以選不同程度的辣度。但由於天氣熱，不想吃太辣，所以選擇了農家蔥香雞煲。每位158元，加48元可以轉新鮮雞，所以轉食新鮮雞。選擇正確！蔥香撲鼻，雞肉鮮嫩，配料有香蔥，芹菜，洋蔥，薯仔，脆肉瓜等。飲料自助，有迷你版竹蔗茅根和咸青檸等。食了一半的雞煲，叫了店員加湯底，改為食火鍋。因為有雞油，油麥菜及唐生菜特別好味道。可以叫些小食吃呢！又叫了最愛的手拍青瓜。😍額外加了北海道帶子與及安格斯肥牛。又捧著肚子離開了！😋