麻辣串串香

Open Now

Now Closed

去試左 爆辣串真係好辣🤣🤣簡左好多款 但食食下都分別吾清係咩得辣了🤣但佢可以叫番個涼點 係解辣 細細碗15蚊係解到辣但有點太細 叫左佢個面食都不錯鍾意食辣可以試啊啊

今曰奶綠男收工荃灣食飯 都好耐無食串燒 黎到麻辣串串香 串燒種類都幾多 有菜 海鮮 牛羊豬 款款都幾多下 串燒仲有得㨂邊串要辣定唔辣 怕辣既人黎到都唔洗怕😆我地叫左香蒜焗金菇 呢個味道最好 食落好夠蒜香😛金菇食落好香甜燒菠蘿 都唔錯 😋不過呢度係無加點燒 食落係清甜 呢度既燒菠蘿唔係焦甜面個種 燒原條茄子 幾長身 幾多肉 幾惹味 燒芝士丸 都幾唔錯 燒大扇貝 好鮮甜 🤯😋雞中翼串 燒得幾香口惹味 只係份蒜香焗沙白原來仲會有小小粉絲底咁上 但食落就比較鹹左小小 野飲叫左汽水同椰青水 邊食邊飲 爽😌另外我地仲叫左個大大碗麻辣燙 有魚蛋 魚皮餃 豬紅 豬皮 牛腩 墨魚丸 菜 同蘿白 質素無驚艷但正常水準 8餸連粉絲都只係42蚊 幾抵下 辣度仲可以揀bb辣 小辣 中辣 大辣甚至有得揀走辣 咁樣唔食得辣既人黎到都唔洗太膽心 我地好保守咁叫左bb辣 真係唔辣咁制🤣驚辣但食到小小辣既人 我建議黎食既話 叫bb辣之上 會好啲😆呢度仲可以選擇配搭米線 烏冬 河粉 粉絲 紅薯粉 出前一丁 魚麪 都幾多選擇下 自由度都幾高 唔錯另外仲要多碗重慶酸辣粉 同平時食開既差唔多都係有一啲配菜 好似肉碎 花生 炸菜

今日嚟荃灣食Lunch, 見到麻辣串燒，忍唔住入去試試。行入餐廳已經聞到勁香川味。叫咗碗麻麻燙，揀咗粉絲底，自選其他餸菜。精華在於麻煩湯底，好味到連湯都飲埋👍🏻叫咗不同款式串燒．值得推介係牛舌、韮菜、金菇肥牛、茄子。除了已加配好味粉調味，也保持到食物本身的味道。茄子同海鮮類，都有勁多蒜蓉，好香真係好好食😋而且餐廳好衛生，遵守哂防疫指引，需量體溫．分配入座位置．餐前消毒搓手。食物好食又衛生，終於知道點解餐廳長期都咁多人來幫襯。

麻辣真係有一種魔力，無論天氣熱定天氣凍，食完都會覺得好爽。我哋兩個咁鍾意食辣野，梗係要去麻辣串串香，辣下先。好，坐低睇吓有咩好食先。魚麵，唔係度度有得食，呢度打得魚麵好彈牙，咬落又彈又爽，加上麻辣燙，正呀！呢度嘅豬紅都唔錯，一啲都唔粉，食落好爽滑。燒扇貝，扇貝大大隻，有蒜蓉粒粒仲有麻辣香味。其他串燒同樣出色，尤其要講吓呢個燒娃娃菜，估唔到燒熟嘅菜，一啲都唔乾，仲有菜汁。食到熱辣辣，飲支椰青水，降下溫先。

荃灣串燒 平時係荃灣食飯 林林總總多數食開都係冰室又或者係放題打邊爐反而好少真係荃灣食 串燒今日經過呢間串燒鋪頭 見到一面主打係麻辣燙同埋唔同嘅燒物 最緊要係都幾多人 心諗多人嘅地方一定無死啦燒大扇貝 $45/each扇貝上面鋪滿晒蒜蓉醬 扇貝都大大隻隻食落去口感一啲都唔硬 幾鮮甜 食串燒又點可以冇咗原條茄子$42上面鋪滿左蒜蓉醬 茄子整到好林好少連茄子皮都食埋 大大條嘅茄子真係一定要叫芝士蘑菇串 $22個人反而覺得呢個芝士蘑菇幾抵食因為一串都有三粒 雖然唔係大大隻嘅大蘑菇但係size都 可以接受 燒魷魚鬚$18燒雞全翼$22芝士雞肉串 $22呢個雞肉都緊要㗎因為幫助補充番蛋白質呀嘛可以但係今次嚟到就冇食到麻辣燙不過見到隔離枱好多人都有叫下次嚟試吓先總括嚟講荃灣呢間鋪頭開嘅位置方便野食食落去全部都OK 荃灣住嘅朋友要黎試吓啦

舊同事約我去食呢間位於荃灣既串燒，話好正宗好有風味，我非常樂意奉陪🤝七點半去到，見到坐滿晒，就知舊同事無介紹錯👍由於非常時期，一坐低店員就遞上熱辣辣既滾水洗餐具，衛生唔錯👏我叫左個四餸酸辣粉，朋友叫左個五餸酸辣粉，另外叫左8款串燒share～佢啲餸$6-$10一款，但分量都幾多， 豬紅好滑，豬潤爽口唔粉，芋絲索曬啲汁好好食串燒左至右順序係白鱔，露筍， 一口甜蕃薯， 雞軟骨，墨魚丸，魷魚，雞心，雞腎～白鱔嘅皮燒得好脆，厚肉又滑​蘆筍冇渣好甜​墨魚丸彈牙同真材實料，來貨應該幾靚👍​雞心雞腎都好爽口​唔怪得呢間餐廳就算唔係喺荃灣區嘅美色集中地都高朋滿座👏👏

收工想飲吓啤酒食吓串燒...呢度的確係一個絕佳嘅選擇！個人認為佢好味過佐敦重x燒多多聲🤭燒白鱔：真係一點再點，食唔停口😋燒到外面脆卜卜裡面滑一滑！真心推介🙌🏼安格斯牛：串燒到7成熟，咬落唔韌肉味仲好濃，正👍🏽燒韭菜：都係我賣飛佛！自己去BBQ學人燒但失敗咗🤣都係串燒店最好食😋燒豚腩：呢個都正呀！燒到甘香脆口，佐酒一流😎蒜香焗沙白，同燒原條茄子🍆：都用上大量蒜蓉，啱哂我呢D蒜蓉控🤤🤤另外仲叫多個麻辣燙，粉絲加幾個餸就夠哂飽🤩🤩🤩

今日係荃灣突然好想吃串燒同酸辣粉，就揾左間叫串串香專食麻辣燙同串燒嘅餐廳。餐廳總共有三張紙俾你填，佢有好多款配菜俾你自己tick。係填寫期間，店員就主動遞上一盆熱水同餐具，呢樣服務值得一讚，因為好多餐廳都係冇熱水俾你清洗餐具。我哋嗌左一個大嘅麻辣燙配紅薯粉($42)，因為第一次試怕會好辣所以就揀咗BB啦！因為有好多種揀，花多眼亂，而佢呢個就有晒好多嘅材料，有魚蛋、魚皮餃、朱紅、豬皮、牛腩、墨魚丸、時菜、蘿蔔，大大碗唔洗驚食唔飽，佢嘅湯底一啲都唔辣，但佢嘅麻辣香味同紅薯粉好夾，所以食完會再想繼續食落去，不過下次我會再嗌辣啲😋😋😋另外，我哋仲叫左一碗自選酸辣紅薯粉，蘿蔔、水魷魚、肥牛，小辣湯底，酸辣嘅湯底好味過麻辣燙湯底，完全係平時食嗰隻酸辣粉嘅味道，好正宗，最中意佢勁多花生同酸菜，正！兩碗嘅紅薯粉都彈牙好爽身，佢仲有其他面類俾你揀架！係燒物方面，我哋都嗌得幾多下🤣🤣🤣認真好推介好好味🤩👍🏻燒原條茄子($42)必叫！佢呢隻小茄子蒜蓉超多，麻香味好重好重，燒得好冧，仲好食過好多串燒檔！燒豆卜串($16)同娃娃菜($12)必叫！🥰豆卜燒到卜卜脆！娃娃菜索哂啲味好正！其他就嗌左燒羊架($34)、

成日經過呢一間位於荃灣嘅麻辣燙店 都好想試吓佢係咪好傳統 今日終於有時間過嚟試一下！一直以來都以為佢剩係得麻辣燙食 細心一睇原來佢仲得order 串燒入到鋪頭，雖然只得一個職員(可能係老闆娘)但佢就好有禮貌 雖然佢忙想緊 但係都用有禮貌嘅態度同我哋講嘢！佢叫我地先填寫枱面嘅紙睇吓想食啲咩。 然後放低左一盆水俾我哋洗野好想食酸辣粉嘅我 order咗一碗 而女朋友就叫咗一碗麻辣燙(由於佢有選擇恐懼症，所以佢揀咗鋪頭set 好咗嘅麻辣燙套餐)酸辣粉可以自己加任何配菜佢嘅味道拍得上旺角其中一間好出名嘅酸辣粉店👅入口感受到麻辣同酸既化學作用🥰食到停唔到口而大大碗麻辣燙最完美嘅地方係佢咩都有啲，啱晒選擇困難症的女朋友🤣🤣女朋友點咗BB辣 但發現自己可以再辣一啲 於是職員好好咁俾咗辣椒將佢自己加👏 大食嘅我哋 又點會淨係嗌兩碗野🥱🤤 我哋order左對方最愛嘅小茄子，豆卜，燒娃娃菜，雞腎，羊架，芝士丸同雞翼等等出奇嘅係一間麻辣燙店， 竟然可以笑出咁高水平嘅串燒！不得不讚茄子同豆卜！茄子好肥美唔似平時串燒店嗰啲瘦猛猛，而且爆多蒜蓉🥺真係好回味！而豆卜燒得啱啱好 唔會乾爭爭同店舖嘅調味好足夠嘢飲方面我哋

同事話今日happy Friday，約我去食串燒，佢話午餐時段經常幫襯的食店，除有酸辣粉之外，仲係一間串燒店呢度係一間重慶口味串燒店，辣度有香辣、走辣選擇，食物質素幾新鮮，酸辣粉有5種辣度，大、中、小、bb辣、走辣都有，價錢都幾抵食先叫咗一碗大大碗酸辣粉（bb辣），配8款餸，有魚蛋、魚皮餃、豬血、豬皮、牛腩、墨魚丸、菜、蘿白，碗粉真係好大碗，湯底順喉，麻辣味平衡，薯粉彈牙，有咬口串燒就有燒白鱔，牛舌，芝士蘑菇，魷魚鬚，茄子白鱔肉質Q彈牛舌、魷魚鬚香口蘑菇釀上芝士，真係非常美味燒茄子上面報滿蒜蓉，真係回味無窮四川小食有手拍青瓜，青甜爽脆，醒胃之選尖椒皮蛋，皮蛋跟一般食開嘅唔同，色澤透明黃黃哋，入口好彈牙，尖椒脆口，但幾辣總括來說，食物新鮮，價錢平，媲美日式串燒店

今日荃灣行街街，到左lunch時間搵野食，荃灣出名多種類餐廳，要選擇真係有d困難，見到麻辣喎，即時令我口水流，就行左入呢間麻辣串串香到試下。入到去已聞到麻辣味，個肚隨之而打鼓😂呢度裝修以紅色為主，好襯麻辣呢個主題😂😂咁我地叫左一碗～大大碗麻辣燙（小辣～包含左有蘿蔔、豬紅、魚皮餃、豬皮、牛腩、墨魚丸、魚蛋和時菜）真係大大碗架😱仲可以加$7換罐可樂。👍🏻朋友就選左碗自選麻辣（BB辣～腸仔、響鈴卷、雲吞）跟住又點左呢度必選既燒原條茄子，茄子上鋪滿左蒜蓉，一絲絲咁食，簡直震撼我既味蕾😂；又點左餃子釀雞翼、牛舌、雞軟骨串、雞腎串、日本一口蕃薯同埋韭菜串。值得推介係個上韭菜串，排列整齊列唔捨得食😂味道同賣相都性價比高👍🏻店員好nice，上菜又快，真心抵食。

某天晚上同朋友去左荃灣河背街食晚餐，餐廳都幾多人嫁，自助落單寫紙落order,我地坐低叫左燒大扇貝，好香蒜蓉味同勁大粒，好鮮甜，燒茄子原條茄子燒，好淋好好味，燒安格斯牛肉好香肉味，好juicy,燒菠蘿份量好多好甜，燒餃子加雞翼好特別，好香口，餃子涵响雞翼入味燒完真係好好味，啖啖肉，制作功夫十足，燒鴨舌都好有趣口感特別，燒秋葵原味風味一流，燒雞軟骨都好入味加左辣粉好香，燒白鱔推介，厚肉香口，好香魚味，仲叫左碗辣既紅薯粉，bb辣都真係麻辣得幾過癮，入面仲有蓮藕，萵笋，牛柏葉，紅薯粉彈牙好有咬口配辣汁湯底不錯。

星期日，偷懶日，老公帶我去食辣嘢，今次揀咗間我想食好耐的小店，每逢食飽散步回家必定經過的一家串燒店～店面不大，但可以坐室外，也別具風味，呢度除燒物串燒，仲有麻辣燙丶酸辣粉同車仔麵。重慶燒集麻香辣甜於一身，種類繁多，雞牛羊豬丶時令海鮮丶時蔬一應俱全。老公唔好麻辣燙同酸辣粉，所以揀咗個五餸一丁車仔麵，而我就要咗一個大麻辣燙跟紅薯粉。呢度粉麵同麻辣燙係用外賣碗裝，高高一桶，裝到好多嘢～先到車仔麵，肥牛丶豬皮丶牛柏葉丶牛丸同豬大腸，小辣，牛柏葉爽，豬大腸肥美，肥牛腍滑丶而豬皮夠爽口又索汁，小辣不太辣。值得一讚係整碗麵除咗多芫荽同葱之外仲唔會油淋淋。而我就梗係叫麻辣燙，佢有個大碗套餐，8個指定餸加粉麵都係＄42，仲有菜有丸有肉，好低食！8款餸分別係菜丶牛腩丶蘿蔔丶豬紅丶魚蛋丶墨魚丸丶豬皮同魚皮餃，D餸每款都有2~3件，童叟無欺。牛腩腍滑又大嚿，蘿蔔又甜又爽，豬紅都好爽實，配埋麻辣同滑溜嘅紅薯，絕配串燒我地叫咗五款，先嚟雞軟骨丶安格斯牛，燒粟米，雞軟骨要左一串辣一串唔辣，個人中意帶辣口味，既香脆又帶麻辣，而安格斯牛燒到大概五成熟，有牛味，入口軟腍。燒栗米原條上，又大條又香甜再來豆腐卜同魷魚鬚，夠乾

差唔多一年冇來食串串香，有點掛住串燒同燒茄子，weekend 返來荃灣就食返一次。串燒同燒茄子一如既往咁好食，但係環境變左d，最唔習慣係播嘅歌，以前都會播下廣東歌，今日店舖係咁播大媽電音/廣場跳舞歌，超唔慣。 以前個收銀姐姐都不在鋪，有冇人知道發生咩事？🥺 下次都唔知好唔好來堂食

有麻辣燙酸辣粉仲有串燒食❗️價錢中等麵類幾抵食 串燒款式唔算好多但應有則有😉-麻辣燙配薯粉就必定啦但俾我發現佢有魚麵揀不過就要額外加錢咁第一次食就試下啦！魚麵就唔係話真係好有魚味但個質地幾特別好彈口😂配料就正常丸類水魷牛餐肉響玲等等👍-串燒推介雞皮燒到好脆！好特別但$20得2塊仔就有D貴🤨蒜蓉金菇呢D必食既好入味👍另外仲有第一次見既豚肉年糕卷年糕卜卜脆一D都唔硬😋其他串燒都係正常冇乜特別🤣