Video
8-min walk from Exit C, Heng On MTR Station
continue reading
Opening Hours
Today
07:00 - 02:00
Mon - Sun
07:00 - 02:00
Above information is for reference only. Please check details with the restaurant.
久唔久都會食吓碗仔翅，今次食依個碗仔翅都算係有誠意嘅，點解？望落去個魚肉覺唔覺得同其他大多數店唔同？因為佢肉同麵粉比例係肉多過粉，所以唔會”白賴晒”，係近鯪魚球色，食落去唔似麵粉魚肉咁，佢係有質感，依樣已經夠晒誠意，翅底唔會過稀/渴，調制控制得好，唔會好似外間咁開始時渴撻撻食到尾都唔會稀溜溜，有番上下水準👍🏻。後記，見樓上有啲師兄話店家態度差？我又唔覺喎，嗱純粹個人觀感，唔關食物事～戴返頭盔先，我覺得好唔好食≠你覺得好唔好食，好唔好食因人而異。
continue reading
今日係呢間舖頭買左個雞翼尖，返到屋企一食發現奇辣無比。心諗都俾左錢試下食喇，食左五隻真係頂唔住，我平時譚仔都食大辣，但呢個雞翼尖真係食唔落去。忍唔住打電話去舖頭問佢今日既雞翼尖有無得揀辣度，雞翼尖係咪出左錯？佢竟然答我一句呢個叫辣味雞翼尖👏🏻👏🏻👏🏻精彩！！！呢個應該係我聽過最精彩既回覆👏🏻👏🏻👏🏻見唔少人都話呢間舖服務態度差，我心諗外賣店你都唔使佢有D咩服務態度，但原來真係可以咁差。其實一個電話打落黎都唔係話想做D乜，想問下你配方係咪有錯姐，想嘈你既我直接落左鋪頭喇，但得到一個咁既回覆我心諗開呢間舖既人真係奇葩。真係祝你呢間舖長做長有👏🏻👏🏻👏🏻PS 你改佢個名做特辣雞翼尖呀ma 咁以後無人嘈到你
continue reading
落單會黑面，問有咩醬店員會當你弱智，會喝返你轉頭，好似唔休做，在此時勢有如此霸氣的營商之道，不得不佩服。同時令我以為自己去左澳牛，女店員氣場不遜澳牛大叔。腸粉魚蛋味道正常，價錢正常，的確有點似以前恆安街市腸粉，冇投訴。但服務態度差很遠，沒有了那份街坊風味，取而代之是囂張的氣焰，除非你想俾人寸俾人black face，否則貼錢買難受又何必。味道又唔係特別好，俾我再揀會幫襯其他鋪，成個街市又唔係得佢有腸粉賣。
continue reading
老公車緊我返屋企嗰陣, 無啦啦話想食芋頭西米露, 即刻喺Openrice search下馬鞍山糖水鋪, SO SAD全部都夜晚先開... 靈機一觸我話不如去恆安街市碰下運氣, 就算無糖水鋪, AT LEAST我都可以買到椰汁+西米+芋頭+冰糖li 4樣材料丫.>行到去食街, 見到車仔麵斜對面竟然有糖水鋪, menu要抬高頭望, 即刻打俾老公話無芋頭西米露👉🏻👈🏻有....仲有.... 原來俾店內嘅妹妹聽到然後佢嗌我話個menu喺隔離🤣. 仲話隨便影個menu, 我要香芋西米露, 香芋紫米露, 喳咋3碗都係HKD64👏🏻>份量方面, 不得不提店家用嘅係平時買麵嗰啲大size發泡膠碗(我下次會帶個盒裝).>芋頭紫米露 (HKD20)好濃香椰漿味, 甜咪適中, 紫米又多, 煲得爆哂米口感好好, 芋頭靚而大件, 食落好粉呢! 香芋紫米糖水最好味係整體係濃稠而啖啖有紫米𡁻𡁻. 喺屋企食完晚飯黎碗足料糖水實在爽YY !
continue reading
今日送完阿女去學野，同老公去撑枱腳。 恆安街市翻新過後，開設左好多食市，真係花多眼亂。見到呢間既早餐好平，又好耐無食粥，就簡左呢間食粥腸粉。B餐燒賣魚蛋腸粉，承惠$12, 咁平邊度搵。灣仔外賣都要$18, 仲要無呢度咁大碟。腸粉真係超級熱又滑。個妹妹仔好細心遂隻醬問要吾要。👍燒賣賣相吾吸引，不過食落都 okay, 吾會好粉。 魚蛋一般。A餐皮蛋瘦肉粥配腸粉$25個粥真係熱到會燙傷，食完晒野碗粥都係食吾到，要一啖啖吹黎食。碗粥最食得出既係粥味，食完咁多醬料既腸粉，覺得個粥好清淡。粥餐配既腸粉好少，可能得兩條。最後加個黑豆漿，清清涼涼。食完野買餸返去接阿女，安排得剛剛好!
continue reading