龍津美食

Open Now

Now Closed

一直都買開早餐超抵 炒面炒米由兩年前$10食到而家$14加奶茶咖啡先加$4 炒面炒米粉都有加魷魚干去炒干身炒得幾好好好大份夠哂飽燒賣加埋佢個辣椒醬真係好好食我成日搭單幫人買魚蛋就相比下失色左d味偏淡唔夠燒賣濃腸粉就都係行平價路線$12有6條大圍沙田都幾難搵煎釀三寶都幾多款用料幾好 感覺幾新鮮D姐姐又好人又快手不過見到佢地真係好辛苦出面幾十度 佢地廚房無咩通風間野仲要好似係24小時OT後除左老麥都叫多個選擇牛雜未試要搵次試埋佢

作為香港人又點可以唔食香港到地嘅街頭小食:~ 外脆內軟 蛋味非常濃 簡直係人間極品 我喺大陸嘅時候從來都未食過啲咁好食嘅嘢 香港真係一個美食天堂 一份雞蛋仔竟然可以做到啲皮有少少燶 但係裏面依然軟熟

因為阿仔的暑期游泳班，所以我同太太經常會在大圍流連。但，我們只有少於一個小時的時間，又要泊車，又要坐底食野，這絕對是一個 mission impossible。於是，我們就簡單一點，便利店外賣加珍珠奶茶。而有時間吃厭了便利店的東西時，會想邪一點，而邪一點的地方，就是價錢比周區小食店都又便宜的連鎖魚旦店，《龍津美食》。魚旦，長期買一送一的，$8 就有十幾粒。味道也就是香港式的味道，夠濃味，要辣時也有足夠的辣勁，絕對夠風味。雞旦仔，$15一底，非常之經濟實惠。最重要的是蛋味夠，入口夠脆，雖然是空心雞旦仔，但勝在夠晒香脆。街頭小食，很難做得差。再者，能令我們經常做回頭客，說真，是有小水準。

點了格仔餅，煎釀三寶，，。格仔餅八元，熱烘烘，醬料夠，在這天氣吃最好不過。我認為三寶十元五件則太油膩，我吃不慣油膩，別人可能不會。總的來說，價格不錯！味道是一般小食店的味道。

係城門水塘經道風山到大圍，行左成日山正好肚餓，見到魚旦燒賣買一送一緊係要去攝下牙罅要左16蚊燒賣，加辣，佢個辣汁甜甜辣辣好開胃，而佢魚肉燒賣一啲都唔腥!另外仲叫左一碗牛雜，牛雜夠哂林同入味，唔似有啲整到好韌成塊香口膠咁咬唔開!!加埋都係40蚊，夠哂抵食

早餐想飲下咖啡同簡簡單單食番餐所以就去左龍津買早餐啦$12 就有十粒燒賣同一支樽仔咖啡咖啡味道唔錯，好香濃，易入口。燒賣都抵食，我鐘意加埋辣醬一齊食！辣辣地配埋豉油好正

香港食店除了好味會多人排隊就係夠抵食先會大排長龍龍津就係其中之一啦大圍都有分店啦~$15就有一碗細牛雜份量都不少味道濃但不太鹹不過我比較喜歡較稔身的蘿白清甜都不錯啊~$10 魚旦就有咁多真係唔止小食咁簡單兩樣都有分辣同唔辣辣度對我來講只屬微辣如果有勁辣揀就更好啦~

今日唔記得買早餐，去附近龍津小食買早餐食。其實幾抵食喎，見到＄10可以買到一碗魚蛋燒賣。食完之後都幾飽！好小食呢d小食，但係今日食到呢間龍津美食都幾好食架喎。個魚蛋好彈牙爽口，個燒賣都材實料，好有魚肉嘅味道，好鮮甜。兩個加埋一齊一碗只係要＄10咋，真係抵到爛！之後仲見到佢賣一隻雞比都係＄10咋！見到其他小食舖一隻雞比起碼都要＄14以上。所以下次再去試佢隻雞比先！