龍津美食

Open Now

Now Closed

今朝因為太趕時間,冇時間煮野，所以就去咗附近嘅龍津美食買野食～ 佢嘅款式選擇好多，平時我就會叫撈麵，但係我朝早唔係好想食撈麵，所以叫左佢早餐套餐，腸粉燒賣，都係$15咋，好平！佢嘅早餐種類都係大概呢個價位，我覺得好啱肚餓嘅時候但係唔想食太多既人就最啱！佢嘅煎釀三寶種類都好多，有時仲會即叫即整俾你，所以會每次叫都係熱辣辣，之前成日食佢嘅炸魷魚，都覺得好滋味至於早餐，燒賣都好彈牙，其實佢嘅燒賣質素唔差，醬汁都係啱啱好口味，唔會太鹹或太甜，不過腸粉就一般般，佢份量夠多搭救，但係無咩特別

因為約左朋友食飯，未夠鐘，但收工又好肚餓，於是來左呢邊，諗住食啲小食，頂頂肚。另一半喺隔離買鬼巴士，我就唯有食龍津，如果唔係附近冇咩選擇，我真係唔會食…行左一個圈，都冇好食嘅魚蛋。龍津勝在夠平，除左夠平，我都諗唔到其他形容詞，我當劣食咁合埋眼吞落肚。事實上我未食過呢間分店嘅龍津，印象中只係食過美孚同旺角(?)店，真心覺得難食，估唔到荃灣店都可以接受。啊，定其實我太肚餓，根本餓得滯。哈。魚蛋真心難食，完全冇彈性可言，粉蛋一樣。燒賣相對之下好啲，起碼仲幾軟熟。個人認為醬汁幾有蒜香味，但太鹹。

今日去荃灣食飯， 見時間尚早， 就買咗碗細嘅15蚊牛雜填下肚先。首先係碗底放咗兩塊大大件嘅蘿蔔墊底。牛肚畀得嗰兩片，仲係薄支支嘅。啲腸肯定係豬腸，中間都未清理得乾淨，食落重有浸異味。牛蒡就一啲都唔粉，仲硬過舊石頭 。牛肺就正常啲，但係剪到大粒過隻麻雀牌， 求求其其咁。可以睇得出前期處理都係馬馬虎虎，係完全冇擺心機落去嗰隻。賣嘢嗰啲阿嬸嘅態度又巴巴閉閉， 好似你求佢畀嘢你食咁。真係好唔明點解呢度openrice咁多人話佢好 食。

龍津市一間連鎖比快餐更快的小店 主打燒賣魚蛋 價錢低 cp值高 試吃街邊檔的首選 而且分店數量也不缺乏 因此能夠滿足香港不同地區客戶的需要 味道也十分一體化 是我推薦的小店如果是遊客的話 一定要幫襯龍津 因為他實在太有香港特色 非常美味

剛剛去買燒賣魚蛋，因為我未買過，我要一份燒賣一份魚蛋，佢已經話聽唔到我講野。問佢係咪買一送一，佢又話聽唔到我講野，重覆又重覆。問我分唔分開，辣唔辣，我應佢 佢直頭唔耐煩望去隔離個女人度講 ：你聽唔聽到佢講咩 ，我冇辦法聽得到。 人地講野大聲唔到係咪罪？係咪要俾你咁既態度對待？本應想開聲要多一份，但已經冇佢咁好氣，同埋幾蚊都唔想再俾佢賺！

今日行開去荃灣路德圍，有啲肚餓，見到呢檔燒賣魚旦買一送一，只係$8咋，於是買串食。原來都好多人排隊幫襯，我唔知規矩，比人誤會我打尖。輪到我時才知道原來可以淨魚旦買一送一，或者淨燒賣買一送一，又或者魚旦燒賣各一，比食客多些選擇。我最後決定魚旦燒賣各一，原來用碗載啲魚旦燒賣，很方便。因掛住食，忘記手機食先，其實魚旦燒賣各六粒，$8就有12粒，非常抵食。魚旦彈牙爽口，都有魚的味道，加埋辣汁非常惹味。燒賣賣相就比較差啲，兩粒黏埋一舊，質感比較，又細粒啲，不過加左豉油辣汁後，味道提升左變得惹味。不過下次再食，我會選擇淨魚旦買一送一。

今日係荃灣掃街，魚蛋燒賣雞蛋仔一定要有啦！龍津係食過甘多間最平既，味道亦唔錯！不過好似加左價，之前六蚊就有兩串，依家要八蚊！！燒賣好淋，魚蛋可能剛加無耐，仲有啲硬。但都彈牙既！八蚊十粒。可自行加醬，是次混左豉油、沙爹同甜醬，好味！！整體上都ok ge, 但再加價就唔食啦

每次經過都會有7至10個人排隊食嘅街邊雞蛋仔! 一咬外脆內軟,似兒時感覺返呭來囉😋😋😋😋! (好食過佐敦同尖沙咀交界嗰間, 一咬就黐住呭上顎,乾爭爭,唔知點解會有間多人去排隊😌)雞蛋仔一底

荃灣小食多不勝數 但如果真係口痕痕地想揾野咬 身上又無乜幾銀 就可以試下龍津小食 事關佢位於荃灣好就腳既路德圍 仲要好鬼抵食 燒賣魚旦一律買一送一 一串六粒度 即係8蚊又成十幾粒喎 仲要用碗俾你 唔洗食到周圍都係 啱哂啲食野唔小心既朋友 我就要咗燒賣 燒賣都幾好食 唔係純麵粉嗰種 而係真係有魚肉味嗰啲 食落去彈彈地 好正 再加埋啲辣油 辣油同其他調味料都係自己落 辣度自由控制 如果食辣嘅 建議大家可以落多少少 因為辣油我個人覺得不是太辣🙊

荃灣小食多不胜数，出名要数路德圍龍津小食，我每次經過都會食炸猪大腸和牛什，炸大腸經過油炸後脆卜卜金黄色，配上芥辣酱特别美味，但牛什吾道是否自己擺久了有點凍，吃起來有點難而嚥口的感覺，大家緊記好野趁熱食。二

街頭小食之最出名又多人食的，一定有雞蛋仔上榜，龍津雞蛋仔出名平靚正，雞蛋仔焗得非常香脆，內裡雖然未能使到外脆內軟，但此店的蛋槳味道確係有一手，不會太重麵粉味，有蛋香味道，少少甜味，入口鬆脆，認真聞下去還可以聞到香濃的雞蛋仔味道添。

魚蛋$8一串買一送一價錢真的很吸引而且用還提供了碗盛載，雖然有點不環保，但可以點上自己喜歡的醬料，甜醬，辣醬，不會滴到地上。魚蛋爽口彈口，口感不錯。今次選了不辣，味道不夠濃，下次會選小辣，會惹味一點。

龍津美食，在路德圍也開了分店，梗係要拮番串魚旦，加燒賣啦！魚旦燒賣各一，八個大洋，我以為自己聽錯，是時光倒流價嗎?燒賣味道正常，配上辣油，食得過；魚旦，感覺就不是當年的味道，不過，佢仲收緊當年的價錢，你想點？

係百物騰貴嘅香港仲帶$3串魚蛋、燒賣實在非常難得！最正係有得加辣汁，夠曬惹味😋燒賣扁身彈牙，夠熱！旁邊還有豉油辣油隨意添加，正！之前食過魚蛋味道都唔錯，行開呢頭又想過下口癮，呢個就係平靚正首選。

平時好少到新界區的我，今日因工作來到荃灣！已經好耐無食過街頭小食，見到人頭湧湧究竟搞咩@@$7買一送一魚蛋燒賣，唔係呀嗎咁平!!還記得細細個的最愛街頭小食就係佢地。唔得la..我要懷念一下要試。平時銅鑼灣$7都唔知有無一串呀!細細粒的魚蛋，好彈牙，而且有5小粒~熱辣辣的燒賣，啖啖魚肉味，好抵食。今日連午餐都未食，格仔餅雖然好肥，但係$7真的難已抗拒這份誘惑。決定Order一份試下，格仔餅鬆脆不太厚，每一啖都滿滿花生醬的香味，但如果有花生粒粒會更好!不過$7已經有這個質素，真的物有所值了。如果下一次再到荃灣一定要再食。