Video
2-min walk from Exit D2, Central MTR Station
continue reading
Introduction
An intimate venue with red patterning, Joy and Joy is a small restaurant that packs a bite. Their honey glazed roast pork, deep fried shrimp and steamed fish are very popular.
continue reading
Opening Hours
Mon - Sun
11:30 - 15:30
17:30 - 22:00
Above information is for reference only. Please check details with the restaurant.
Review (77)
一行五人早一星期卜左位，一去到就入得。環境坐得幾舒服，五個人order左9樣野，大部分食物質素都唔差，雖然都係以前好食啲。七味脆豆腐-$50(4/5)佢外皮又薄又脆，豆腐都好滑，份量都夠，不錯。煙燻素鵝-$50(4/5)佢煙燻味好濃，素鵝入面有小小木耳條，幾有咬口，一啖食落去口感不錯。蝦餃 and 燒賣- $58(4件) each (4/5)佢既蝦餃燒賣都幾有水準，蝦算大隻同幾爽口彈牙。×.0醬炒腸粉-$62(4.5/5)有小驚喜，佢炒得好香，腸粉就算唔點甜醬/麻醬都夠味，當然點左會再好食啲。金湯小籠包(4件)-$58 (3/5)正正常常不過不失，有湯汁但不算多。特色脆麻花(6件）-$40 (3.5/5)佢唔算係傳統既脆麻花，不過食落都香脆，幾特別。脆炸流沙包(3件)-$42 (3/5) 個皮幾脆既，本身諗住會有驚喜，但真係唔特別，同佢無流沙所以小失望。乾炒牛河-$148(3.5/5)佢唔算好油，牛河都條條分明，味道都多，牛肉片都大塊。總結:喜雙逢有個幾好既地方係佢可以order 5粒(eg 5粒燒賣)我地好多款都叫左5粒，5個人每人都食到，又唔洗叫多籠。姨個位好值得欣賞。五個人9樣野埋單90x，每人$180左右，中環lunch價黎講好合理。
continue reading
香港人飲清酒多數是去日式居酒屋才會點，用來配搭日式燒物、料理為主；但原來清酒配上廣東菜一樣好match！最近 JFOODO 推出 SEAFOOD LOVES SAKE. 活動，並與多間本地中菜館合作，推出清酒海鮮晚宴。早前就去了中環的「喜双逢」食海鮮嘆清酒，嶄新的港日組合，毫無違和感之餘，更有提香提鮮之效，讓人喜出望外。清酒分「薰、爽、醇、熟」4類，各有不同質感和味覺，配上調味和煮法千變萬化的廣東菜，要不搶去食物的原味，又不失酒的獨特性，也考廚師和品酒師搭配的專業！🍽蜜汁叉燒|花蜜燒脆鱔|滷水鮑魚拼盤叉燒豐腴肉嫩，蜜味香甜；鮑魚用滷水方式煮入味又不失鮮味；個人最喜歡是燒脆鱔，秋天鱔魚肥鮮，肉厚爽彈，微焦薰香和刷上香甜花蜜，咸鮮有緻，十分高質。配上醇酒 「風之森807雄町純米酒」，酒味濃郁熟成而温厚，適合味道濃郁複雜的菜式，更帶出食物香和鮮味。🍽淮香海山蝦以接近原味嘅方式酥炸海蝦配上脆蝦片，沒有任何醬汁加持下，海蝦的鮮甜和彈牙口感表露無遺。特別適合配上爽酒「浦霞禪純米吟釀」，香氣簡單清淡，易入口，帶微花香和甘甜，是百搭的酒款，味道輕快，恰如其份不搶去食物本來的鮮味。🍽蒜蓉蒸龍蝦龍蝦是我最愛嘅食物，同樣吃其肉嫩鮮彈為主，加上蒜蓉一起蒸，典型嘅港式味道，熟悉的美味已無可挑剔之處。配上薰酒「結山田紫純米吟釀」，富果香是薰酒的最大特色，入口香甜輕柔，節慶感強，後段回帶米釀酒香，層次感豐富，與輕盈簡單的菜式最相配。🍽豉椒炒蟶子大排檔風味小炒，原條大蟶子新鮮而富彈性，嚼勁十足，加上豉椒的辛香點綴，單吃會有點過濃，配上清酒中同樣味道最濃的熟酒「達磨正宗三年」正好有中和之效。此酒色澤微黃而非一般清酒的透明，細呷有點似中式花雕酒，帶香辛和發酵的酒香。沉穩的味道提香之餘沒有把海鮮的鮮味蓋過，倒有解鹹融和之妙。試了多款清酒，純飲和配搭海鮮後產生的化學作用的味道也有所不同，更顯出各款酒的獨特性。個人最喜歡是薰酒，甘甜果香中散發清酒該有的温醇米香，易入口餘韻亦長。經過一輪清酒配海鮮後，送來「上湯金湯津白」，鹹鮮清淡，正好清清味覺。再來一碗「鮮魚湯海皇脆米泡飯」，魚湯清甜，脆米浸湯後仍然香脆，有日式玄米風味，暖暖地食落好舒服，仲有解酒之用最後甜品有「蛋白杏仁茶」，潤而不甜，有香濃果仁香，伴以「香脆麻花」為這頓清酒晚宴完美作結。
continue reading
日本清酒遇上廣東海鮮，原來好合拍！由JFOODO舉辦的年度全港大型日本清酒活動 SEAFOOD LOVES SAKE 又開始喇！上星期到了中環老牌海鮮中菜館「喜双逢」，享用特別為是次活動推出的餐單。四道海鮮粵菜分別配上「醇、爽、熟、薰」不同特性的日本清酒，互相輝映。【蜜汁叉燒、花蜜燒脆鱔、滷水鮑魚 x 風之森 807 雄町 純米酒】頭盤三道小食。滷水鮑魚彈牙入味；軟嫩的蜜汁叉燒甜度剛好。不過我們最喜歡的是外皮燒到脆卜卜的脆鱔。配上圓潤濃厚、米香較重的醇酒，能夠將食材的咸甜鮮味和香氣解放。【淮香海山蝦 x 浦霞 禪 純米吟釀】金黃的外層透著淡淡的咸香，不會搶走海蝦本身的甜香。而配酒具有爽酒的特質，正好相輔相乘，為蝦的鮮美錦上添花。【豉椒炒蟶子 x 達磨正宗三年】蟶子超級煙韌彈牙，豉椒的烹調方式惹味吸引，夠濃郁卻又不會蓋過蟶子的鮮甜。因為是幾道菜中味道最重，配以熟成過的熟酒，厚實圓潤的酒味令菜色更為融和。【蒜蓉蒸龍蝦 x 結 山田錦 紫 純米吟釀】龍蝦肉厚彈牙，鮮甜味相當突出，火候和烹調都控制得恰到好處。而蒜蓉的香同樣誘人。配酒屬薰酒一類，偏向清甜且帶花香，不會喧賓奪主又能提升鮮味。最後，配上【上湯金湯津白】、層次豐富的【鮮魚湯海皇脆米泡飯 】和甜品【特式脆麻花．蛋白杏仁】，為晚宴劃上完美句號。
continue reading
視日本為鄉下既香港人, 近年除了食盡全港鮨店, 其實對清酒也特別情有獨鐘, 香港更是日本出口清酒量其中一個最多既地方, 而且香港人對清酒越來越講究, 會以寿司海鮮串燒等作配對, 最近, JFOODO 就與多家食肆合作, 推出 日本清酒 X 廣東海鮮晚宴, 實在令不少老饗期待清酒與海鮮匹配, 其實不是什麼新鮮事, 不過搭配廣東海鮮菜式反而於坊間是較少見, 今次來到 喜双逢, 大廚親手炮製多款精美廣東海鮮菜式, 並由唎酒師選配合適的清酒, 令味道更昇華頭盤是 特式拼盤 - 蜜汁叉燒丨花蜜燒脆鱔丨滷水鮑魚滷水鮑魚 肉質爽口, 滷水鹹香盡滲其中, 而燒鱔則肉香而脆身, 這裡的招牌 蜜汁叉燒 更不用多說, 軟腍有緻, 蜜甜香潤, 選配的清酒是 風之森807雄町純米酒, 屬醇酒, 風之森來自奈良, 可謂近年人氣品牌之一, 此酒以協會七號酵母及金剛葛城山系超硬水來釀製, 入口會感受到陣陣蜜瓜和柑橘香氣, 亦富層次感, 更有特別的微微碳酸味道, 於圓潤温厚的味道下把香氣和鮮味進一步開放, 三款頭盤中, 與鮑魚至夾, 將鮑魚的鮮香盡情發揮接着是 淮香海山蝦, 香脆的蝦肉帶着豐富的鹹香, 配 浦霞禪純米吟釀 這款爽酒就最好不過, 此酒本身帶着淡麗香氣, 米香平衡得宜, 酒把蝦的鮮甜推至更高一個層次, 亦同時間減輕一點膩感繼續食蝦, 是大大隻的 蒜蓉蒸開邊龍蝦, 新鮮的龍蝦真的不用太多調味, 只加蒜蓉等來蒸便可, 蝦肉爽身鮮甜特別選配了 結山田錦紫純米吟釀 這款薰酒, 此酒來自茨城縣的結城酒造, 用上山田錦配搭鬼怒川的軟水, 無論香氣和甘甜柔和的口感都充分呈現山田錦的個性, 米香尤其豐富, 龍蝦於此酒的加持下, 其鮮味實在是更上一層樓來到海鮮環節的最後一道, 是重口味既 豉椒炒蟶子, 巧炒之處是豉椒既香濃卻又同時間沒有蓋過蟶子的鮮甜, 肉質亦十分爽身, 重口味當然要配熟酒 達磨正宗三年, 來自岐阜的達磨正宗可謂古酒的專家, 更於全日空商務倉供應, 富堅果和杏仁香, 口感如奶油香滑, 餘韻細緻, 配以濃稠的豉椒, 其厚實圓潤口感直將兩者融合重口味過後, 有什麼好得過來一碗 上湯金腿津白 清一清味蕾單尾, 也來一碗令人難忘既 鮮魚湯海皇脆米泡飯, 未吃已先聞到鮮香撲鼻的魚湯, 泡飯脆身, 令層次感更豐富, 配搭各款海鮮配料, 實在好吃! 甜品環節, 簡簡單單的來一碗 蛋白杏仁茶 和 特式脆麻花, 實在是不錯結尾留意返, 以上 日本清酒 X 廣東海鮮晚宴 只於 喜双逢 供應, 而且是期間限定, 暫只供應至十一月底, 各位海鮮控清酒控不要錯過喔~
continue reading
中環 喜双逢在萬邦行 2 樓，充满懷舊 Feel, 原来都有十幾年歷史。中環居不易，到處都很貴。這裡點心约 $60。但有套餐。我於是選了一人套餐。我在担心太多太飽，原来担心都多餘。碗麵很细碗。伊麵不似預期那麽好吃。蝦球也冇味。但總體不過不失，不差，但亦冇驚喜。而燉湯確實有一小塊螺頭，冇欺骗觀眾。燒鹅好吃祗是太少, 出乎意外的祗有兩件，未免太小家。點心則過得去。算好食。我去的時段是中午前，上班族還未殺到。客人少，服務自然也比較好。套餐基本價後，花生加辣醬 $25 ，另加茶錢，加一，埋單約 $250。
continue reading