Video
Exit D, Kwai Fong MTR Station
continue reading
Opening Hours
*Randomly closed one day per week
Mon - Sun
13:00 - 22:30
Public Holiday
13:00 - 22:30
Public Holiday Eve
13:00 - 22:30
Above information is for reference only. Please check details with the restaurant.
呢間外賣店除咗出有海膽手卷、仲有玉子燒，見到其他人買都好大舊好吸引😍今次就試試軟殼蟹芝士口味($38)🦀一攞上手已經feel到超級熱，面頭除咗有半隻炸軟殼蟹、仲唧滿沙律醬，玉子外邊亦都煎到微微濃，賣相加埋香味真係滿分👍🏻軟殼蟹炸到變曬空心，好似食緊炸到透嘅蝦頭蝦尾，脆得嚟唔會成口粉漿，個人嚟講非常鍾意😆玉子燒就偏硬身，冇動L動L嘅感覺，但勝在蛋味幾濃又夠厚身🙈最估唔到嘅係玉子燒中間仲有飯，根本係個大型版軟殼蟹玉子壽司🤣不過芝士味完全被沙律醬掩蓋，亦都唔係拉絲嗰種，但整體嚟講都幾好味😋餐廳提供4款醬汁比大家自己加，因為沙律醬都好濃味，所以應該係加落丼飯/壽司，不過我好奇佢個特辣wasabi有幾辣，就加咗幾滴試😂結果攻鼻到瘋標眼水，平時唔食開真係唔好試🤪
continue reading
每次嚟葵廣掃街，都一定會想食啲日式卷物。呢間問卷開咗好耐，之前都幫襯過好多次。最特別係佢有得自己落唔同嘅醬汁，我最鍾意佢嘅黑松露沙律醬😋火炙芝士鰻魚太卷 HK$38 6舊今次我就叫火炙芝士鰻魚太卷，因為本人好中意食鰻魚～ 不過呢到因為係一人工作，所以落完單之後要再等多一陣。有鰻魚汁又有芝士，所以整體上好夠味！芝士係鋪面嘅，啲飯入面包住鰻魚同青瓜，咬落比較有口感～
continue reading
之前食開既壽司店已經無做，今次就試下另一間好多人食既問卷先🌝叫左一件手卷同一份火炙等左15分鐘左右🕝🌋活火山(三文魚)火炙芝士蟹柳＋三文魚太卷$45火炙好難唔好食🤣芝士蟹柳份量都好多，食落口感好豐富，加埋三文魚既油脂，下次會再食👍🏻👍🏻💫半板馬糞海膽手卷$53賣相麻麻地，一Patpat，海膽望落亦唔太新鮮，食落海膽應有既鮮甜味唔出，不過刺身呢類，質素不嬲唔太穩定，醋味比例岩岩好，有四條青瓜絲，手卷唔算好大件，應該要食三四件先夠飽⚠️⚠️要小心佢個勁辣wasabi 油食到我差啲升天👼🏻攻到個鼻好辛苦🤭控制唔到眼淚🥹
continue reading
經過‘美食熊貓’叫咗個大少爺丼飯，平台價$72，魚生數量勁少，三文魚只有2片，厚度同平時壽司嘅三文魚差唔多，虎蝦2隻，少量玉子、蟹籽、中華沙律同埋一丁點海膽。至於三文魚算幾肥美，成碗飯最好係三文魚，虎蝦懷疑就係急凍貨，完全冇鮮味冇咬口，玉子同埋蟹籽普通質素，至於海膽唔係咁新鮮味道都係一般。白飯數量算OK，但係基本上白飯食到最尾要淨食，啲料完全唔夠搭嚟食，成碗飯都冇咩賣點食完都唔夠飽，X鮮40幾蚊嘅便當好食過佢同埋份量會多啲。
continue reading
有時放假諗唔到去邊就會諗起葵涌廣場。。記得以前細個讀緊書嘅時候，都成日黎呢度，好多後生仔女都鍾意黎掃街😋😋超多嘢食揀！行行吓有D肚餓，我記得上次黎嘅時候，有幾間手卷好似幾好食嘅😀😀點解搵極都搵唔到嘅，唔知係咪轉咗舖頭？呢跟住上網 search 一下，原來地下有一間，個名就覺得有D搞笑… 叫做「問卷」🤣🤣🤣個名冇乜食日本野既味道喎！不過唔緊要啦～最緊要係食物好食啫🫢於是乎就嗌咗兩個佢哋主打嘅手卷一個叫做「問卷王」有蝦、蟹籽，同埋拖羅，原本係海膽嚟，但今日冇晒海膽就改咗拖羅。又嗌咗一款叫做「問后」D名都幾好笑😛就係蟹籽、帶子，同埋代替海膽嘅拖羅，不過味道就一般般啦😉可能因為我地太夜關係，唔係話特別新鮮好味，下次有機會早少少來試一試海膽😍😍
continue reading