101肉燥飯專門店 (西洋菜南街) (Closed)

第一次去食，叫左個三杯雞肉燥飯。肉燥偏甜，唔係咁香，唔係做得特別好，食落都唔算好差，但唔可以叫做專門店，我都唔係好介意。點知食到三分一，突然覺得有啲奇怪野哽到喉嚨，好似哽魚骨咁勁唔舒服，於是我即刻唔敢再食，撩下啲飯，仔細觀察，發現有啲類似魚骨既物體，我問個侍應，佢話係豬毛！我真係勁無奈又驚訝，食過咁多次肉燥飯，未試過比豬毛哽親！我亦無同佢地爭辯，比錢就走人。條毛仲哽住，如果係老人家/小朋友食真係要小心

今日放學去旺角食飯，但又唔知食咩好，咁就黎到呢間鋪坐低左就落order，大約5分鐘就黎到，10分鐘黎齊所有野，好快手 👍🏼我地叫左兩個火鍋我叫左個香辣三杯雞做湯底，叫左蘿蔔唐生菜同雞肉做配料+台灣渝川麵+杯嘢飲👉🏼都係60蚊 （未計加一） 價錢真係抵到爛佢黎到時所有配料都已經放晒落個鍋度，只係開火煮滾佢， 食落都幾好食，湯底唔算太辣，蘿蔔好甜，生菜好新鮮，雞肉就一般，上黎時已經係熟既，用黑椒醃製過，台灣渝川麵好食，特別係煮到最後索晒d湯汁特別好食，到最後因為份量太多都係食唔晒其實味道都唔錯，一分錢一分貨嘛，以60蚊係旺角食晚餐嚟講真係抵食到無野講🤤

今日同朋友喺旺角行完街之後，就去食好耐冇食嘅101肉燥飯😚😚 佢呢度嘅一人set我覺得好抵食👍🏼👍🏼 有一個主菜，小食，仲有大size既飲品！而且飲品亦都非常之高質😝呢個係雞柳玉子豆腐肉燥飯😝😝我同朋友都好鍾意呢個，所以兩個人都點左同一個主菜😋 佢嘅份量非常之大，女仔一定食唔晒！玉子豆腐非常特別，外面脆卜卜，內裏軟滑，雞柳亦非常滑！鹽酥雞，炸得非常酥脆，非常香口，很喜歡！這個台灣腸仔很得我們歡心，非常大份！另外，跟餐飲品我們選了朱古力牛奶雪香和芒果乳酸，也非常好！

好飽，好扺食，無諗過鬧市都有咁抵食嘅一人火鍋。我想信大家諗起一人火鍋會諗起大家樂，美心，吉野家竹輪火鍋。今次係西洋菜街見到嘅係快餐店價錢一人火鍋，旺區黎講少見。我叫左個清湯三杯雞，佢幾多料，大過快餐店一人邊爐，雖然每一樣都唔多，但幾多款配料，適合唔食咁多肉嘅我。三杯雞比想像中無咁辣，所以怕辣朋友唔洗擔心。一上菜就有一個大鍋，之後再上烏冬，就連電話都無位放。一望落去好大份啊~~~邊有諗過6十幾蚊都咁大份量。去到台式餐廳，一定會叫珍珠奶茶試下，雖然杯珍珠奶茶唔係特別好飲，都可以叫黎飲。

完曬成日活動已經差唔多十點 好隨意地搵返呢間之前食過又幾好味又唔會太頹既鋪頭當晚餐去到都有好多位 唔洗等我地分別叫左一人餐 全部都好抵 $65起就可以揀一個主食 加台式小食 再加一大杯台式飲品我就叫左無骨香辣三杯雞肉燥飯（$65再加一）三杯雞依然都係咁好食 辣得過癮 而雞肉又嫩 肉燥飯都唔錯 味道啱啱好 唔會太咸或太乾小食就點左台灣腸 唔錯唔錯 切成薄片 而每一片都好香濃 係正宗既味道而呢個係朋友既鹽酥雞 但略嫌炸得太乾 唔太鐘意飲品都有好多選擇 我就揀返次前飲過既士多啤梨牛奶雪香 但覺得今次水準差左 有啲稀 但都唔錯不過下次真係會想試下其他

其實每個星期都會出一次旺角,經過就有好多次不過未曾試過~101肉燥飯專門店,分店有好幾間不過我第一次食~自行配搭,選擇算多當日好彩唔洗點等餐廳入坐率幾FULL但座位都幾窄,好迫如果怕迫就唔好揀晚餐時間去~等食~朋友病病地,所以食米粉SET有主食+小食+飲品 ($69)三杯雞湯+芝士竹輪卷+台灣腸+魚皮餃配肉燥飯+飲品($62)分量上比想像中多, 所以抵食肉燥飯,其實女仔食一定夠,我自己都食唔晒個味道似台灣地道風味會偏甜少少按價錢同味道,算值得一試既平價晚餐!

晚上10點幾上到去，人客都唔少，不過我地2個人去即刻就有位坐。坐咗入口直行最入面嘅位，十分之陰暗，而且冷氣開到好大，我地2個都食到打哂冷震😂我叫左個肉躁豬扒飯，跟一個小食同一杯野飲，$66，好抵好抵。本身想叫蘋果醋，但冇得賣就轉咗做芒果乳酪特飲，大大杯係好抵飲肉躁豬扒飯賣相嚟講，個人就覺得真係唔太吸引，尤其係一pat汁係豬扒上面「浪下浪下」咁雖然明白中間嘅伴碟唔係主角，但都真係幾求奇下😂肉躁飯算係幾唔錯，屬於稀身少少個隻。反而小食比較好，兩個人都隨餐一個小食，鹽酥雞粒略乾，炸台灣腸就十分出色（不過呢隻腸本身都好味呢度冷氣大，啲野食好快就凍哂，最後我地都係急急就走人

今日係假日🤗下午茶時段，差唔多4點，唔需要排隊。係兆萬對面間屈臣氏內搭升降機上2樓。芝士牛乳炒蛋撈公仔麵🍝雖然睇個樣好唔吸引，但係又幾好味，滑蛋炒得好滑，唔會好老，有蛋汁👍🏻 個芝士汁都好濃味。無骨香辣三杯雞新竹米粉（小）🍜因為我地比較鐘意食濃味既野，所以碗野一黎到見到都幾清個湯，知道都應該冇咩味道。但三杯雞既辣汁係可以加既。新竹米粉唔似普通米粉甘易碎同爛，有口感。甘既價錢都Ok,因為一碗其實都好多，都夠飽。飲品方面↩️🍹蜂蜜綠茶🍹珍珠奶茶🔹雖然呢個時間唔多人，但可以加多啲人手。🔸抵食

lunch time去食，點左個玉子雞扒肉燥飯平時好少食肉燥飯，比唔到專業嘅評價，但係覺得都好好味，好多汁個雞扒就麻麻，無咩驚喜值得一提嘅係玉子，佢有輕微炸過，外脆內滑，口感好好不過另外最失望嘅係珍珠奶茶，原本以為台灣出名嘅店應該珍珠奶茶都唔錯，點知.....甜到無法形容，究竟落左幾多糖價錢都唔係話特別平

今天試左一個雞扒肉燥飯。上菜既速度的確幾快，但係碟飯上到檯望到賣相經己覺得不太討好。 味道方面，肉燥淡而無味，雞扒雪味極濃。食左一半就完全失去食慾。可一不可再。個飯仲要唔平，索價七十大元。

我叫左個下午茶餐 當中有鹽酥雞亦兩隻我以前食開都會問佢攞泰式辣醬咁我就問左個短髮女侍應「唔該，有冇泰式辣醬？」佢都仲好好態度「好呀，等等」但個女侍應搵唔到 拎比左辣椒醬我我就話「咁有冇甜酸醬？」之後佢話「冇呀」我「咁唔洗喇，唔該」之後個女侍應行返去出餐處個邊 都幾大聲話「M記咩？比埋獨立包裝你好冇？」之後其他食客望住我！！令到我好尷尬！！！雖然最後個女侍應係有到個醬我，但唔該餐廳好好管教下個位員工！教下佢講客人是非時細聲d

呢間一開既時候已經成日食，因為好中意佢個三杯雞肉燥飯or新竹米粉！今日做完野太肚餓就叫左個2人餐，但真係好大份，最後係要打包😂如果簡飯，上菜時會擺係鐵板上但侍應冇問我地邊個跟邊個，我地落單時亦有跟次序，但呢個問題不大的😂⭕️玉子豆腐有芝士汁，豆腐好脹卜卜都幾好味⭕️沙律有好多芝麻醬😍同菜好新鮮完全冇啡邊！⭕️鹽酥雞(大)炸粉薄，雞肉滑亦多汁👍🏻⭕️鐵板豬軟骨塊豬軟骨好大塊，又易咬，勁多骨膠原既感覺😂😂同鐵板上既粟米係勁好味撈肉燥飯一流！肉燥飯正正常常，肉係偏瘦但勝在多汁⭕️鐵板三杯雞豆卜依然係吸哂d汁，雞就唔算滑🤔但d汁真心正☺️⭕️芝士鳥東冇咩特別，芝士汁都幾濃💁🏻

🍲香辣三杯雞涮涮鍋🥘當中有既料都吾少，有花枝丸、肥牛、玉子豆腐、豆卜、甘筍、包心菜同埋吾少得就係啲雞🐥望到已經滿足左對眼既觀感👀(睇相就感受到)小辣既程度係非常之小，就算吾食得辣既朋友都可以一嚐佢既辣味。甘當然都會有豬骨清湯去選擇返👍🏼但整體既味道吾算太特別，至少係呢方面無令到我留戀任何食物👅但絕對夠您飽肚。食到甘上下，一定吾少得就加返個公仔麵啦🍜(果然係好偉大既發明)另外職員對客態度非常好，絕對值得一讚

今日，同一班同事黎左101肉燥飯食lunch, lunch menu 都幾多野揀，花多眼亂，大約$50-$80 一個餐。我叫左特盛雞扒拼蔥油拌麵，佢d蔥係平時去街市斬料，買隻雞佢比d蔥你果種薑蔥呀😂😂😂😂，好搞笑，真係估佢唔到。 分量就真係好多，完全符合特盛呢個形容詞，我一個女仔，食淨左三份一個面😅😅。因為個餐有野飲之餘，仲包埋自選一客小食，我揀左花枝丸，有三粒。我個餐七十幾蚊，有小小貴，不過份量係足既，男人食就fit啦！

今日諗嚟諗去都唔知想食咩，最後決定食台灣嘢，咁就約朋友去呢間餐廳試吓；可能係食午飯時間，餐廳都坐滿人，好好彩我們一到就有人走，超快安排到座位！我們2人叫咗兩個午餐，有飯、小食&飲品，我們叫咗：醬汁雞扒拼玉子豆腐肉燥飯 + 鹽酥雞翼 + 朱古力牛奶雪香 & 台式豬軟骨肉燥飯 + 章魚餅 + 香芋珍珠，嘢食好快就到，份量正常， 碟飯有雞扒 + 3粒炸玉子豆腐 + 半隻滷蛋、肉燥及少量什菜，除雞扒細塊咗啲之除，感覺好豐富，味道唔錯，尤期炸玉子豆腐，好味yummy~ 飲品都係正常，無駕喜！午餐嚟講，都係可選擇的餐廳！