18樓雞煲火鍋專門店

Open Now

Now Closed

冬天終於來臨！又係食雞煲既好時機！旺角有一間新開既雞煲專門店，名字係18樓雞煲火鍋專門店，而佢正正係創興廣場18樓🤣18樓只有佢一間餐廳，所以面積非常大，我身處區域既裝潢以舊時嘅電影院為主題，令餐廳充滿香港懷舊風情🇭🇰我地7點左右入座，套餐A每人只係$178🤑細雞煲入面好多雞件，我地叫左小辣但食落完全唔辣，醬汁濃郁，每件雞件都被醬汁包住，肉質仲要好嫩。份量完全夠兩個人食👍🏻每張枱都有一壼上湯，食完雞煲之後客人可以自己倒湯火鍋🔥透過電話QR code就可以點火鍋材料。材料種類夠多，包括餃子、牛肉、豬肉、丸類、粟米。至於菜類就要自己去雪櫃拎，選擇頗多，我地揀左油麥菜同大白菜。另外仲可以叫小食，我地試左大汗小酥肉同芝士忌廉煙肉薯波。前者口感非常酥脆，完全唔覺食緊肉。後者上菜時已經凍晒，味道有少少失色。最後食埋甜品真係心滿意足🥰

今次我已經係第三次嚟呢間火鍋店度食飯呀, 上次試咗雞煲, 今次就試下豬骨湯底嘅火鍋食物方面呢度真係冇得輸呀, 一如以往食物質素都系咁好黑椒牛筋丸, 牛筋丸裏面可以鎖住啲肉汁, 而且呢個牛筋丸係咬落去係有彈性嘅, 加埋黑椒香味, 真係好食呢度啲脆鯇魚片係真正嘅脆鯇魚片, 咬落去係有彈性, 有口感另外圓形黃色嗰粒係芝士豆腐, 裏面有好多芝士, 咬落去每一啖都有芝士香味, 所以我推薦大家食雪糕我建議大家可以淨係食綠茶, 唔好兩溝, 咁你會食到好香嘅綠茶味道呀

天氣一轉涼，就好想食啲暖粒粒嘅嘢。今日嚟到18樓雞煲，就啱晒啦！7:00嚟到好好彩都仲唔係好多人，可能因為係平日啦！因為平時喺樓下排隊等電梯都要等好耐㗎。今日冇book枱，亦都好幸運地可以Walk in入去食佢係用QR code order 火鍋配料，鍾意食咩就係咩。仲要上菜速度非常之快。一submit 張form，唔夠5分鐘就上到黎了😋我叫咗套餐A，小辣嘅雞煲 ($188)如果你係食得辣啲人，建議可以再叫得辣少少。因為小辣其實都唔係真係好辣。雞煲嘅調味做得好好，好惹味，香之餘唔會太辣雞肉質地好滑，基本上食咗半碟雞都已經有6成飽之後就食火鍋啦。有個上湯放咗喺枱面，隨時可以自己加湯，非常方便揀咗最平嘅套餐，但係都好多選擇。牛肉質素都唔差。最鍾意食佢個特選肥牛。唔會話太肥，肉質又好好佢哋仲有好多唔同嘅配料，有豆腐卜、牛丸、餃子、菜等等。私心推介可以試佢哋個自家製響鈴佢哋嘅響鈴比較出色，唔會好林，形狀都比較特別。加埋落啲湯一齊食，可以吸到啲雞保障，少少辣資源，又美味就啱啱好。嘢飲方便佢都好多選擇，有佢哋嘅自家製冷泡烏龍茶，仲有唔同嘅可樂、同埋樽裝嘢飲可惜食食吓都已經飽啦，如果唔係我一定會濕埋

天氣又開始轉涼,轉涼當然粟食返d暖笠笠既野.雞煲火鍋都定係不二之選,呢間充滿懷舊風既18樓雞煲之前以經聽骨係好出名,就決定黎試下.入坐後店員會先問雞煲既辣度,今次先試少辣雞煲.上餐速度好快,雞煲充滿紫洋蔥,蒜頭,青蔥,辣椒,芫茜同自家秘製麻辣醬炒香而成,雞煲醬濃郁又稠密,完全沾滿係雞件上.入口富有各款香料既層次感,帶微辣後帶麻勁.雞肉香嫩不帶雪藏味,入口仲藏點雞油香.食完雞件後可以自行拎一壺壺豬骨湯加入雞煲變成惹味既湯底.套餐A包含2款肥牛:雪花肥牛+特級肥牛雪花肥牛牛肉相對無特級肥牛咁重油脂,肥牛唔會切到過薄,夾起都唔會散.特級肥牛牛脂香較重,入口帶有肉嚼感.配料同樣提供多款選擇,而且連海鮮都有提供 ,電子落單有是日精選海鮮可以選擇！而是日海鮮係象拔蚌,肉飽滿彈牙.墨魚丸,咖哩魚旦,粟米豬肉餃墨魚丸帶粒粒墨魚肉,口感相當爽彈又充滿咬口,墨魚味仲幾濃.魚旦就食得多但呢款爆汁咖哩魚旦真係第一次試！咬開魚旦後內藏香濃既咖哩汁.粟米豬肉餃充滿香甜粟米粒,餃皮唔會太厚得黎滾得耐都唔會變得溶爛.炸響鈴炸得香脆又重豆香,放入鍋內吸盡雞煲豬骨湯.薯粉&出前一丁薯粉同出前一丁同樣係火鍋完美終結,同樣

話說以前讀書嗰陣時，成日一大班人去食任飲任食火鍋放題，一百幾十蚊，一大班人，食得開心。今晚同舊同學去重拾回憶，挑戰旺角劣食之塔創興既任食火鍋。唔好介意我咁講，創興嘅方向好明確，抵食夾大件，正所謂平靚正從來唔會同時出現。一開波食過中辣雞煲先，醬汁有味，雞完全冇味，意料中事。諗住食下雞先挑戰火鍋，以為雞煲都係任食，一問之下，要加$68先得半隻無味雞，我哋都係去食火鍋啦。反而之後火鍋叫嘅雞柳仲好食。我哋叫咗套餐C，聲稱有澳洲和牛，咁當然我哋係唔會有任何期望啦。澳洲和牛一到，仲肥過欣宜，好辛苦先揀到啲瘦嘅嚟食。反而安格斯牛小排就好靚，自家製響鈴都係非常好，有任飲藍冰，順滑嘉士伯。老實講，二，三百蚊，食個回憶，係低既！****************評分 : 6/10簡評 : 回憶加左3分

太耐無食過雞煲啦，呢間啲雞煲辣度非常正唔太咸又好入味，環境寬敞又舒適，佢哋嘅火鍋配料選擇都算多，我係平日日子19:00時段食時限兩小時，都算夠時間食，下次再食可以試吓食大辣。

入秋又係打邊爐嘅好時機😍 香港有好多打邊爐款式 蒸氣火鍋 粥底火鍋我就鍾情雞煲火鍋🤤 貪佢夠濃味今次試左旺角創興呢間18樓雞煲2小時任飲任食 時間充足飽到你上心口😂▫️套餐A ($188) 入座前會先揀雞煲辣度 叫左小辣無想像中咁辣 下次可試中辣🤪雞肉大件 肉質都幾嫩滑 仲有两隻大雞翼手機落單夠方便 出菜速度夠快👍A餐用左美國雪花肥牛 味道正常啦B餐已經有牛頸椎 蠢左🥲其他配料選擇都幾多 特別推介💁‍♂️ ▫️牛筋丸 好juicy好彈牙 有牛骨濃汁丸嘅影子👍▫️白鱔片切得夠大塊 魚肉嫩滑有口感 好食😋▫️胡椒豬肚丸第一次食幾有驚喜😂 完全係胡椒豬肚湯味胡椒味好夠 但唔會好鹹 ▫️頂級墨魚丸好大粒墨魚肉😳 通常對任食嘅丸類無乜期望 但佢真係做得幾好▫️白菜豬肉餃肉餡好足料 餃皮唔會太厚 食落唔會糊口▫️飲品方面除左可樂之外 仲有勁多選擇枝裝解茶、竹蓆茅根、自家製冷泡茶同冬瓜茶 不過冬瓜茶略嫌太淡 仲有部雪糕機做飯後甜品😍 太貼心了

天氣開始轉涼，又係瘋狂食雞煲，邊爐，蛇羹，煲仔飯的時候，早兩日已經食了蛇羹同煲仔飯，今日就近近地，平平地去了老公公司附近的創興食雞煲加邊爐。因為平日，唔使點等位，價錢約2百幾1位，自選2個鐘。一黎就上雞煲，好快手，雞煲我選了中辣，好夠味，雞件唔鞋， 醬汁濃度適中，唔會過油。 食完雞煲之後再打邊爐，電話app落單，出面拎飲品。飲品多元化，有台式冷泡茶, 角色嘅汽水，養生茶，解茶等，種類很多。野食ok,種類亦很多，總有啱胃口的。值得一讚的是上早很快，份量準確，基本上沒有漏單，而且服務員態度非常好，隔離枱一直要求他幫忙拿東拿西，打斷佢執枱佢都冇不耐煩。另有乳酪雪糕, 有綠茶味原味，可自己搭配不同配料。由於上菜快，所以食兩個鐘係好輕鬆，唔會趕，地方算好坐，性價比高。

話說天氣轉涼，係打邊爐既時侯啦，於是放左工同朋友去左旺角既火鍋店，入到去勁多人排隊，勁熱鬧。餐廳裝修係港式舊懷舊系列，座位都闊，幾舒服。火鍋套餐有三個價位，有唔同價位既海鮮同牛肉比大家，野飲任任飲，除左一般汽水，茶水之外，餐廳都有自制既飲品比大家，我就飲左冬瓜茶，飲落去淡淡既冬瓜甜味，唔會太過甜膩，好飲。事不宜遲啦，睇睇個餐牌先，首先肉類主打豬牛雞魚，仲有鮮蝦，亦都有唔同蔬菜，仲會剪好晒整好晒添，好方便，有唔同既丸餃，小食都有添。一開始就提供雞煲上枱先，醬汁香味濃，夠辣夠入味，雞肉夠彈牙，勁好食！食完雞煲之後就手機落order 叫配料啦，叫左肥牛，各種魚鯇，同埋肉丸，牛肉肥厚適中，魚鯇勁好食，叫左好多，勁鮮同爽口，一啲都唔腥，魚骨唔多！豆腐一樣勁香，索晒啲湯底，勁好食！豬紅都好香，好實下，唔會一夾就散，鮮蝦肉都好札實同彈牙，一樣要必點！同樣鵝腸一樣好食到不得了，爽，彈同香，重有陣油脂香！響鈴係餐廳自家製既，比出面街買勁厚身，勁香脆，必點之一！同埋鮮魷魚勁正，一樣勁爽口勁彈牙，強烈推薦比大家！甜品方面有兩種口味嘅雪糕，抹茶同埋乳酸！夠晒幼滑同埋好味

黎到旺角嘅18樓雞煲， 呢間18樓喺荃灣大鴻輝已經好出名， 估唔到搬咗嚟旺角， 人氣都不減， 長期都排滿， 真係一位難求。 因為呢度啲雞煲真係幾好味， 同一班朋友過嚟打邊爐就啱曬啦。雞煲夠曬惹味， 雞嘅份量都幾足， 醬料又多配菜， 見到一條條嘅辣椒， 真係令人好開胃， 仲有本人最鍾意嘅紅蔥。 雞食落好嫩口， 醃得夠曬好味。之後就叫咗個是日海鮮同埋海蝦， 是日海鮮係細嘅聖子， 食落冇乜沙， 而且都幾新鮮。 海蝦夠曬大隻， 肉質夠彈牙結實， 唔會有霉嘅口感。白鱔片， 上枱睇落好有光澤， 食落雖然有細細地嘅骨， 但係夠曬肥美， 仲好有魚味。牛肉方面厚度十足， 食落好有口感。 梅頭豬肉， 唔會太肥， 食落都唔錯。甜品方面， 有乳酪味雪糕， 乳酪味真係最正嘅口味， 食完好有滿足感。

抵食雞煲火鍋放題～$188/位聽朋友介紹咗好耐 😄佢嘅雞煲火鍋放題好抵食及好有水準 今日終於有機會試吓啦😀佢火鍋配料選擇都幾多 可以手機點餐😍飲品及菜可以出去自取，都有好幾款可以揀🥰飲品我就揀咗冬瓜茶 我朋友有揀咗無糖可樂🥤食完仲有🍧雪糕添😋雞煲我哋揀咗BB辣🌶️雞煲好入味，啲雞好滑，加埋洋蔥及芫荽 好夾 好正！👍😋食完個雞煲就可以打邊爐啦 火鍋🍲我哋叫到成枱都係😂有雪花肥牛、豬腩肉、羊肉片、梅頭肉、鱔片鯇、魚骨腩、蟹子墨魚滑、萵筍、芋頭、新鮮淮山片🥰😎勁多嘢可以任叫，我哋仲encore咗鱔片添😄好好味呀😋樣樣食少少已經超飽啦！整體來講好抵食！好滿足嘅一個晚上😍😍🍴18樓雞煲火鍋專門店旺角彌敦道593～601號創興廣場18樓

這間雞煲店很大間，而且很有特色，裝修全部是有香港經典特色的店舖裝潢，戲院，牛肉檔，霓虹燈招牌，超復古的感覺🤩2小時任食，價錢也相當抵食，難怪全院滿座！🤪我們食完9點幾後還有超多人在排隊入座，而當天是平日😱飲品超多選擇，還有自家製特色茶，清涼鮮渴去熱氣👍🏻有自助醬油區和軟雪糕免費食，雪糕是yogurt,綠茶和原味，還可自問加其他配料，好吸引😽味道也不像一般奶酪，好味到食了幾轉😂食物質素相當高，有幾款套餐可選，而我們叫了💠Set A 雪花肥牛，特級肥牛 $188+雞煲（細）小辣雞煲叫了細的，但份量也多，因為不能吃太辣，所以叫了小辣，雞肉味和帶有少少麻辣的味道，味道超香，雞肉件大塊多肉，又滑嫩.食完雞後便可以加湯底轉火鍋食，湯底也是自助，不夠可再加😆火鍋材料相當多😳全部以手機下單，好方便.加上可以單件叫，完全不用擔心叫太多而食不完浪費食飯👍🏻👍🏻還可以每樣也試到😻上菜速度也是相當快，不用一會便上齊.材料十分新鮮，肉類也是高質，特別有羊肉食最正😚😚叫了幾次，因為羊肉很有羶味，好正.小食有幾款，叫了2款炸物薯波和地瓜球，太好食的關係也足加了幾次.💠五香牛腩、牛柏葉、西班牙黑豚腩片、芝士豆腐、芝士

呢間雞煲火鍋店好搞笑，佢有兩間分店，都係喺18樓，所以個名就叫做18樓雞煲火鍋專門店，包你一定唔會去錯樓層！食火鍋最怕枱貼枱，有時太侷促就會成身吸晒味，而呢度環境寬敞，食得舒適。一個定價已經有齊雞煲同任食火鍋，價錢都唔貴。呢度係用QR code點選火鍋配料，另外仲有大大個雪櫃任你攞飲品同蔬菜。首先就食個雞煲，揀咗小辣，啱晒又想食辣又唔食得辣嘅我哋，雞煲醬調味做得啱啱好，帶有少少香辣非常惹味。食完雞煲，當然就輪到食火鍋啦，枱上面已經放定上湯，可以自己放湯，唔使下下舉手，真係夠晒貼心又方便。餐紙有介紹建議食法，「落2吋上湯夠哂味」！落咗上湯就搖身一變變成火鍋，雞煲裏面嘅香料繼續停留喺火鍋入面慢慢滲出，真係越食越夠味。火鍋配料相當豐富，基本上就算你揀最平嘅餐，牛肉質素亦不俗，而且亦有海鮮俾你揀，一啲都唔吝嗇。當然仲有丸類、餃類、蝦滑等，基本上款式都好齊全。食過火鍋，仲可以自製軟雪糕。 軟雪糕有兩款味道選擇，鍾意單一口味又得，扭紋風味亦得，仲有好多唔同雪糕配料俾你灑上去，包你食到肚滿腸肥。

最近同朋友約食飯唔知食咩好，幾經討論之下決定食雞煲，見到網上嘅評論都唔錯，所以就決定嚟試吓。呢間餐廳個名好有趣，唔知係咪因為佢位於18樓，所以叫18樓雞煲火鍋專門店，餐廳位於創興廣場，人流都好旺同埋都容易搵。我哋係平日嘅六點半入席，餐廳係人都唔算好多，但離開嗰陣時門口已經對滿晒人喺度等位，所以唔想等位可能要早啲去。入座前職員已經問定我哋雞煲要幾辣，所以坐低之後好快就有雞煲送上。啲雞好好味，又嫩又入味！！雞煲嘅調味係偏濃，所以加湯變打邊爐嘅時候，個湯底都唔算好淡，打邊爐嘅材料款式都算多，要特別推介炸芋頭同埋牛柏葉，好食到我哋仲encore左幾次🤤另外，呢一度嘅熟食、飲品同甜品都好多款同埋好高質，所以呢一次嘅雞煲放題感覺都十分良好👍🏻👍🏻

🍴再訪18樓雞煲 水準回落 🐔 這是第二次來到18樓雞煲火鍋專門店，上次新店開幕不久，食物質素和服務的確不錯，這次水準輕微回落，有望改善。雞煲店按食物品質及種類定了A/B/C餐價格，再次點選了B餐- 美國安格斯牛肉套餐 $218 ，套餐任點任食120分鐘，但要留意餐廳職員會再最後30分不斷提醒大家即將要交檯。雞煲小辣已十分惹味，味道會偏咸一點，雞件份量頗多，而且有雞翼和脾位。待雞煲吃得七七八八時可加入雞湯打邊爐，味道便會中和不少。餐廳設自助調味吧，客人可自選合個人口味的調料。蔬菜類🥬亦可到雪櫃自助領取。而肉類、海鮮類、丸類、麵食類別等則掃瞄二維碼，自助下單。📍美國安格斯牛肩脊感覺沒有上一趟來的精緻，牛肩邊旁有一條肥膏，但仍算新鮮，牛味甚濃。📍響鈴是必點單項，這裡響釣大大朵似花型般，體積大，可吸收大量湯汁，愛吃響鈴的朋友絕不能錯過。 （先別理卡路里吧！🤪）📍花膠也是值得一提，是必點的單項啊！ 由於花膠會偏更，建議一開始便落煲，大概15-20分鐘後吃，軟硬度便剛好。花膠吸收了湯底精華，軟綿綿，美味😋📍這裡只有一款甜品，客人可到自助軟雪糕機自製軟雪糕。當晚提供了雲尼拿味和抹茶味雪糕，斟出美感