貳號冰室

Open Now

Now Closed

朗豪坊對面新開無耐既茶餐廳，地方企理，店員都好有禮貌不過座位安排上就吾多ok餐廳以卡位為主，連細細張既1-2人枱都中間加隔板分開。一份早餐有粉麵一碟、炒蛋麵包一碟、仲有飲品一杯，全部放晒係1/2既枱面，幾驚啲碗碗碟碟吾覺意撞到會跌食既途中見到有幾個男仕不滿個位而走左吾食🤣🤣

趁太太返工前，同佢同埋佢同事食個早餐，需然開咗無幾耐，但今次已經第三次光顧呢間食店。餐廰環境早上九時左右到達餐廳，睇落真係好多人係店內食早餐，但總算有卡位坐新店無幾耐，環境設施都很企理乾淨坐位寛落唔會覺得迫出地鐵站行過來只需3分鐘，交通十分方便食物評價沙嗲牛肉麵+太陽蛋+凍奶茶沙嗲牛肉麵+熟蛋+奶茶西冷牛扒+煎蛋+凍檸茶食物質素好好，小弟去茶餐廳食早餐多數會叫沙嗲牛肉面，呢間D麵算唔錯，夠硬身唔會咁易淋，餐包新鮮曖笠笠。奶茶味道一流，師傅調較既奶+茶的比例好好，黎度值得一試以食過咁多間快餐店既早餐黎講，呢間真係值得一試服務基本上早上時段都各有各忙，起碼要order時都即時會有服務員協助，已落單後幾分鐘已經有得食，客多黎講師傅都係好快手

作為新裝修新餐廳，竟然可以冇廁所，廁所要進入商場再上3樓，仲要廁所使得馬桶一格，三個尿兜全封，衛生環境極惡劣，仲要是但有一個去洗手間你都唔使旨意有得去，飲食牌照規定至少有兩格廁所俾人，都唔知個飲食牌點樣得到？嘢食冇問題，只評論廁所的配套不足，考慮去呢度食嘢一定要喺其他地方去好洗手間先好幫襯。

我第一次去冰室，早餐A，B，C，D餐連基本轉麵或通粉都吾得，硬食A餐通粉就是通粉，這是第一，我見到隔離食客叫早餐餐包轉波蘿包加幾多錢，這是第二，杯餐茶冰多個d水，這是第三，最好笑連杯水自己取，一個早餐轉凍飲大約41元左右，但好普通，質素和服務都沒下次。

檸檬水正常多士炒蛋正常，多士都脆但有點凍，蛋都算滑但唔會太油雪菜肉絲米個餐唔可以轉麵，肉絲幾新鮮，唔乾，湯底算淡，食完唔會好口渴奶茶正常，滑同時唔會有茶澀味沙嗲牛麵肉質淋，唔會好鹹，湯底正常菜圃辣椒油無咩辣味，茶圃好爽口，加落個米度好過癮普通d 野食好健康，唔算濃味，味道ok👍🏻

上次喺附近整完眼睫毛，滾水淥腳咁嗌左個蕃茄大蝦意粉，水準可比美高級西餐廳！the pasta was al dente and shrimps were bouncy, not to mention the right balance in seasoning 今次個焗豬扒飯真係一絕 - 豬扒有豬油嘅香味的來一啲豬個陣怪味都冇，調味啱啱好個炒飯又夠乾身 - 真係打工仔個寶物！希望呢間茶記可以保持水準啦！呢間野D麵包勁香 - 唔想減肥敗筆真係唔好入去食啦！

🎈食物總評1. 蝦仁炒蛋 $69⭐️⭐️⭐️⭐️2. 拍薑炒西蘭花 $51⭐️⭐️⭐️3. 椒鹽鮮魷 $78⭐️⭐️⭐️⭐️.約了朋友去朗豪坊，實在好多人，間間餐廳都排長龍，還限時間，於是我和朋友決定走出去外面找找，我只想快快坐下，經過這間餐廳，見頗光猛，又沒有長人龍，於是二話不說便入去坐，又有卡位。.🎈餐牌.餐牌厚厚的，很多選擇。.👇扒類晚餐.👇港式食品: 奶茶、菠蘿油、焗豬扒飯等.👇咖哩類.👇炒粉、麵、飯.👇碟頭飯.👇湯飯及小食.👇中式晚餐: 配白飯及例湯.🎈食物評分.蝦仁炒蛋 $69⭐️⭐️⭐️⭐️蛋炒得滑，蝦夠大夠多。.拍薑炒西蘭花 $51⭐️⭐️⭐️菜未炒夠，比較硬，好少薑.椒鹽鮮魷 $78⭐️⭐️⭐️⭐️夠脆口惹味.跟餐的白飯及例湯.🎈💖全晚重點: 辣椒菜圃，好香口，不算辣，就是惹味，我也不太確定是否菜圃，爽口，又有豆豉吊味，好正.總體來說，坐得舒服，乾淨，遠離太多人的朗豪坊。