同聚

Open Now

Now Closed

📍 同聚 (上水)上水馬會道176號地下今日入去上水有野做，見有d餓就搵朋友一齊食飯😄以前我都係上水人，所以即興約都約到✌️😆呢間餐廳位於馬會道，呢度食肆林立😍選擇勁多，要突圍而出都唔容易☺️今次揀左呢間新開餐廳，環境乾淨衛生，又夠光猛👍食物質數唔錯，又夠平，性價比超高😋$48已經有指定套餐，有嘢飲有靚湯一坐低店員已經即刻送上冇味精靚湯，服務勁好🥰🥰下次可以再去👍麻辣水煮魚勁大份，我哋兩個面咁大😍😍魚肉厚身，入口爽口彈牙🤤🤤仲有超多配料，包括寬粉、萵筍、蓮藕片、雲耳、芽菜、芫荽等…用料十足👍沙嗲金菇肥牛粉絲煲呢個超級惹味，送飯一流，金菇肥牛都超入味，而且粉絲索曬汁，真係食到停唔到口🤤🤤炒貴刁呢個貴刁味道都好正，好足料，香香辣辣😋不過如果炒到乾身少少會更好🤭點咗杯熱杏霜，非常有香港情懷佢哋其實仲有唔同嘅食物選擇

馬會道又有新餐廳，有雞煲、打邊爐、同小菜～～今次先嚟半隻麻辣雞煲，小辣岩岩好，份量夠兩人食，過下口癮，嗌雞煲可以送生菜一份！食完雞煲可以換清湯打邊爐，加錢可以轉其他湯底，選擇都幾多～火鍋配料唔少得肥牛，美國肥牛，超大份，油脂香濃，軟綿綿～鮮蝦雲吞，有粒粒蝦肉，飽滿彈牙～蝦滑爽彈，口感good~~脆肉鯇腩, 肉質爽脆，啖啖肉，新鮮火鍋配料～上菜速度都好快～位置坐得寬敞，仲有二樓，岩晒一大班friend坐埋食飯～叫返個可樂先夠完美～

見到上水有一間小店新開，連紅紙都未除，好奇心驅使之下，睇一睇佢嘅餐牌，發覺價錢合理，就決定入去光顧一吓🤩雖然係新開，但已經見到全場爆滿，而且個個都開懷暢飲，氣氛非常熱鬧，而我咁啱揸咗車，所以就唔飲酒喇🤣餐牌有唔同嘅菜式，當中海鮮竟然係定價而唔係時價，有點小意外！去茶餐廳梗係要飲下特飲啦！呢個雜果賓治香甜且有鮮果，非常解渴。而朋友選擇咗王老吉，坊間並唔多茶餐廳有呢個選擇😁茄子炆䱽魚～呢個菜式喺餐牌第一次見亦都係第一次品嘗，軟糯嘅茄子加埋外皮香脆嘅䱽魚原來可以咁夾～海鮮雜菜煲～呢個煲樣樣菜都有啲，而且有海鮮嘅鮮味，當中大蝦完全可以博取我嘅歡心，非常彈牙而且大隻🫶🏻薑蔥生蠔煲～蠔非常大粒，炸漿唔會過厚，味道惹味！而輔料都絕對應記一功！京蔥爆牛肉～牛肉份量非常多，而且十分入味，食得出既鑊氣！師傅一定係高手！由於白飯跟餐，所以免費。另外，特飲跟餐都會比較優惠，所以呢一餐真係絕對唔貴，而且非常豐富😊