三橋臺灣牛肉麵館

Open Now

Now Closed

今日放假，約朋友喺屯門慢慢行，掃啲特色小店。夜晚行到置樂花園（惠康超市旁邊），見到呢間「三橋台灣牛肉麵館」，被佢玻璃窗貼嘅透光畫吸引到眼球，～放天燈、行夜市～思鄉之情即刻湧晒出嚟！咁就即刻坐低揀嘢食啦！主食三類（湯麵、拌麵、便當），另外小食、飲品、甜品，總共有超過60種選擇。【秘製特級花枝丸麵】花枝丸大大粒超彈牙，熱焫焫嘅紅燒牛肉湯，濃度適中，唔係普遍嗰種重口味超油超咸湯底。麵條煮得非常煙韌，夠淋又有咬口，一啖湯一啖麵咁夾住食得好舒服！【龍式香煎雞扒乾拌麵】雞扒煎得皮脆肉嫩，每啖咬落去都係juicy嘅！拌麵嘅麵質就煙韌又爽滑，唔會糊埋一團。【台式蒜味燒香腸】最鍾意台式香腸配蒜片，烤得外皮脆卜卜，咬落有肉汁，無可挑剔，呢個係必點小食！【梅香脆炸地瓜條】口感香脆軟糯，甜度酸度剛剛好，一條接一條咁搶食！晚市時間一直見有客嚟買外賣，店員做到冇停手，但我哋等唔使10分鐘就陸續有齊嘢食，估唔到出餐時間會咁快。Menu上面標明係「全天然、無味精、無食粉、無化學」，真係飲完全碗湯都冇口渴嘅感覺，好湯好料可遇不可求。呢間小店食得出係用心做，而且份量頗多，一份主食加小食人均$55左右，性價比相當之高。

係置樂嘅轉角落位竟然發現到有一間賣牛肉麵嘅舖頭，估唔到味道認真唔錯😍 附近都係民居，做嘅大多數都係街坊生意，人情味極濃厚😆 不能係坐低食或者拎外賣都好方便，老闆仲要好好人好nice好啱傾添😚1️⃣ 三橋慢煮麻辣牛肉湯麵🐂果然係麻辣湯麵，湯底又麻又辣，夠晒惹味🤣如果覺得唔夠辣仲可以試吓舖頭特製嘅麻辣醬添，食辣之人有口福啦🤪而且仲有配料酸菜同蔥，加埋一齊好正😍呢碗麵用咗半斤半腩，牛筋爽口又嚼勁🤪牛腩大大件超厚肉，食完極滿足😆2️⃣ 酥炸黃金鹽香雞乾拌麵🐔原本以為拌麵會好乾身，但係加埋有肉燥，撈埋一齊就濕濕潤潤啱啱好✌🏻～呢到將雞扒炸到外脆內juicy，唔會好柴😌 另外炸粉唔會好厚😋3️⃣ 蒜香脆炸金豬扒🐷揀咗微辣嘅口味～ 估唔到呢到嘅豬扒係帶骨豬扒，帶骨炸豬扒係好食啲😋 仲用咗生菜墊底，抵讚😚4️⃣ 冰綠茶🧊係一杯味道較淡嘅茶👅 飲落有陣陣嘅茶香味🤏🏻 飲落清清哋都唔錯～ 不過👦🏻就話味道太淡了🙈 咁似椰青水嘅feel🤣

服務態度很好，十分有禮貌。今次分別叫了牛肉麵、肉燥拌麵和蒜片台灣腸。🔸慢煮紅燒牛肉麵（半筋半腩）$53牛腩同牛筋都非常入味，炆得夠哂稔，湯底非常有驚喜，有藥材味，但一點也不會口渴，最後飲到一滴都不剩呢！🔸真·古早肉燥糖滷蛋乾拌麵 $45肉燥選用肥豬肉，入口即溶，而且都能夠掛汁上麵條，但若果肉燥再可以濃味點，會更加惹味！🔸台式蒜味燒香腸 $30店家會將台灣腸切片後，再配上薄生蒜片，非常惹味！整體而言性價比高味道好，門外設有幾張檯，見附近很多居民都來買外賣，下次會再幫襯！

政府全面徹辣， 去完屯門睇樓， 行行下有啲攰喺置樂花園 見到有間新開嘅牛肉麵檔門面唔算好大，位置亦都唔係好多，估計多數做外賣為主， 見到咁啱有位 ，一於就入去試一試睇睇個menu 發現食物選擇都唔少坐低後立即叫咗兩個套餐1. 三橋慢煮紅燒牛肉麵 $53應該係呢間舖頭嘅主打麵餐， 有別於一般嘅台灣紅燒湯底 ，佢個湯有好濃厚嘅藥材味， 當歸味最突出， 非常之好飲， 喺寒冷嘅天氣飲係非常之暖胃嘅選擇， 而且feel到佢個湯係真材實料，完全無加味精， 飲曬都唔會覺得口渴而佢嘅紅燒牛筋腩都非常知足料，大大舊，經過慢煮之後係非常之入味， 肉質鬆軟， 牛筋爽口彈牙 真係好有驚喜2. 真• 古早肉燥糖鹵蛋乾拌麵 $45好欣賞呢一個麵個麵質係煮得啱啱好， 唔會太淋， 肉燥嘅份量亦都唔小，亦都唔太鹹，撈埋個麵啱啱好 另外佢個鹵蛋亦都係做得非常之糖心 覺得啲嘢食幾好味再叫咗啲小食同埋嘢飲：3. 台式蒜味燒香腸 （2條）香腸佢係切片上， 但係依然外脆內軟， 你起一般街檔嘅燒香腸， 佢geh油脂比例係恰到好處， 特別香， 加上有生蒜配合，真係好好味4. 酥炸黃金鹽香雞外皮鬆脆，鹽香味好出，唔太辣， 雞肉亦都好香

一碗紅燒牛肉麵，牛肉肥瘦相宜，半筋半腩，有嚼勁但不韌，肉味新鮮濃郁。碗麵湯底藥材味食得出係有當歸同香葉，非常暖胃。有少量位置可供堂食，在現今百業蕭條市道而依然有勇士願意開鋪，實在值得支持。