61E Coffee

Open Now

Now Closed

入去諗住食個早餐職員問我幾多人我同佢講，兩個人眼見有些人圓枱亦都見好多人，單身, 坐住四人枱。職員同我講呢張係唯一剩低嘅四人枱一定要我坐佢設定嘅二人枱跟住我要求解釋點解其他人一個人都可以坐喺張四人枱佢哋唔干涉嗰個女職員無俾答案我知道我買嘢食嘅時候，表示要投訴先至有一個男仔話自己係經理到我食完嘢， 仲要扮晒嘢話準備咗甜品問我會唔會食我同佢講唔使啦呢啲咁樣嘅服務呢間嘢唔好做得長講返句公道說話食物係可以可惜服務係九流

新開的cafe, 見到餐牌有頗多素食菜式，一於試吓。星期六lunch time時間，店內都幾多食客。我哋兩個人點了素all day breakfast, 意粉，我飲cold brew,友人打大佬試話梅梳打咖啡，挑戰味蕾。素all day的sourdough 幾好食，質地煙靭，配上Brie cheese，有誠意。有沙律菜車厘茄、仲有大堆煮南瓜，一定夠飽。（終於係無茄汁豆的all day breakfast 啦）cold brew幾好飲，唔酸，nutty, 夠凍，非常消暑。南瓜意粉味道正常。至於杯話梅啡，一飲落口唔覺有話梅味，飲到後面，就飲到咸酸味，幾醒神。barista 可以進取啲，加多啲話梅味，咁就開胃醒神兼新鮮。兩個女仔的食量，呢餐都好飽，我大食量，最後我清碟，食量細的朋友，諗清楚先好叫all day。

叫左 bacon egg Benedict 第一次見到噤熟嘅 Benedict ，煙肉勁細，又唔脆，重點係，好難食！水波蛋切落去勁實，都知唔對路，無蛋黃流出嚟，個醬好難食，咖啡有豉油味大家真係唔洗試，食完一肚火，如果唔係要做運動又未食嘢，真係唔食算，真係好想知個廚知唔知自己煮緊乜💀最後食左少少，走人，過咗一陣已經唔舒服，勁胃痛，之後仲要發燒食物難食都算，主要係因為食壞人，所以先想忠告大家希望大家唔好有同樣經歷

呢間咖啡店，位於商業大廈的地下，門口其實不太明顯。不過行到入去，綠油油的環境出現在眼前，令我覺得置身在森林裏😍餐牌上選擇多，到櫃檯點餐，俾錢喔！🧀 菲達芝士炒蛋配酸種多士 (HK$48)．一層厚厚的奶滑蛋香的炒蛋配多粒菲達芝士，好吸睛也好好味😍．酸種麵包是軟身啲，比較易切和易咬，我覺得比較薄片一啲，但佢係可以承托到炒蛋的重量，都不錯👌🏻．車厘茄，似乎是裝飾，粒粒清甜，不過比較難與蛋和芝士同一口食☕️ 沖繩黑糖海鹽鮮奶咖啡 (HK$42)．奶泡打得細緻而奶嘅溫度與咖啡相近，做出順滑的奶啡面，不易倒瀉，拉花圖案也比較持久，不容易起粒粒氣泡．杯邊原來有幾粒海鹽，令飲落每一口都鹹鹹哋，配搭黑糖咖啡的甜甜哋，好飲😋

🧐 小編search下search下，發現有間新cafe喺荔枝角開張，所以依日去開做嘢，就去食lunch試一試～🥘 芝士汁牛扒香料鍋飯 😋😋😋😋Lunch time一個女仔食，份量算好多！如果下晝要做嘢，食完包飽兼包眼瞓 😆 因為熱鍋上，香料味到散發晒出嚟，但食落又唔會落調味好濃烈或好鹹咁～ 牛扒切片舖喺飯上再淋芝士汁，整體好吸睛 👀 鍋飯粒粒分明，亦見主食設計幾有心思 😊🍵 Matcha Latte 😋😋😋😋依款嘅抹茶都算幾香濃，已經好適合大眾口味，飯落甜甜地！算係好唔錯㗎啦！😉 小編係抹茶控，覺得可以再濃再甘啲 🤪午餐 💵💵💵 約港幣$130/人💁🏻‍♀️ 平日lunch唔使加一，價錢都算幾吸引，又鄰近荔枝角港鐵站，行大約5分鐘會到！現為試業階段，喺附近返工嘅打工仔嚟幫襯，最好準備現金，咭機未算好穩定！一、兩星期嚟一次lunch chill一chill都唔錯㗎！🤗最後，喜歡嘅話，歡迎follow @foodirectory.hk！

先說裝修：坦白說是不錯。在工業大廈林立的地方，竟然有間咖啡店存在，已經好想入去睇吓。而且見到門口及內裡的裝修都有園林氣息，十分捨意及嚮往。食物就麻麻地：當天是正日生日飯，如果比百幾蚊食個午餐，沒有飲品，當然有些期望。因為細看一下，午餐是沒有飲品，加上飲品，說差不多可以吃自助餐。看餐牌後，想吃飯同唔食辣，一定是選「芝士汁牛扒香料鍋飯」。但😐，好辣好辣同好辣，上面還放綠色辣椒🫑。🙄 如果係辣就真係請早揚餐。我真係真唔到辣。牛肉— 嚡口的…咬得開，但……鮮茄南瓜闊麵：都可以，至少可以食到南瓜味道。咖啡：Americano , 中上，好過連鎖店的。有著咖啡的香氣，少許果酸

荔枝角少有的大型舒服Cafe，開業幾個月，午飯時間常常人山人海，今天特來一試。叫咗個卡邦尼意粉，牛扒意大利飯，以及兩杯水果茶。卡邦尼意粉的份量非常大，很足夠，好似食極都食唔完，長通粉略嫌硬咗少少，但味道不錯。牛扒意大利飯，賣相非常好，但係冇牛扒味，感覺淡淡的，有點兒失望。凍花茶是套餐包括的，淡淡的清香，不錯！店內裝修非常舒服，恬靜，樓底高，讓人有心曠神怡嘅感覺。整體來說， CP值不高 ！不過因為荔枝角充滿茶餐廳，這個城市綠洲，值得推介，得閒飲杯咖啡也不錯！

一間在荔枝角新開的cafe。經過門口看到店面裝修不是華麗但有一種舒適感。所以便試試。進內看到裝修以木色為主，大部份椅是藤坐墊，坐得舒服。午餐款式不太多，糕點選擇也少。最後選了冬蔭公大蝦意粉連一杯latte。由於新開，只能用現金。餐具及水也是自行去取。意粉等了約10分鐘。色水及格，能夠引起食慾。大蝦有四只及大隻，滿意。味道也十分不錯。算物有所值。咖啡也很好，濃濃的喝一口心情舒暢。加上舒適的環境，確實是一次愉快的用餐。下次再來試其他菜。

讚：店員聲稱咖啡兩個shots,確實咖啡味濃郁，好喝！叫了一個班尼迪蛋，好味！只是份量少了一點！改善：衛生差！圖中有一架餐車，最上層灰色盤用來放廚餘或餸汁！最下層的餐具盤放了已清洗的餐具並用布輕輕蓋着，看見職員把餐車裡的餐具搬到最右邊銀色的架子上給客人取用！搬後，直接把餐布拿掉，餐車裡仍有餐具的！大家想想廚餘或餸汁會否不小心掉到那些已清潔的餐具上？！ 其實，只需將餐具盤放到銀色架子的中層或下層就解決了😅帶位的職員沒有考慮客人的感受，客人想好好歎杯飲品或傾吓譏！星期日下午餐廳只坐了半滿！只見職員仍安排客人撘枱，那裡的座位已經排得好擠迫，還要撘枱！ 餘下許多空枱！大家細細聲講嘢都被鄰座聽得一清二楚！還有清碗碟聲好大聲，坐在近餐廳左邊就聽得好清楚！我被安排坐在水吧旁，對住個大垃圾桶！全程無景、聽住水吧煮食聲、水吧職員傾譏聲、洗餐具聲、撘枱客人的傾譏聲！ 大家去之前想清楚！

估唔到工廠區內都有一個後花園 由九龍城南角團隊新開嘅cafe 🥳雖然位置唔太起眼 但lunch time都有唔少人幫襯😚所以最好book定枱 另外menu 定期會轉有心思 包保有驚喜😆📌芝士汁牛扒香料鍋飯 $118個飯索盡高湯既味道十分入味😚😚 牛扒生熟度適中 保持到細嫩口感 係一個超級飽肚的選擇📌牛油果雞肉午餐碗$98Low carbs 之選 配有唔同蔬菜其實都好飽肚📌忌廉喇沙雞肉通粉$98雖然最近換走左 但佢係一個有驚喜嘅選擇 通粉索晒喇沙汁勁惹味 雞肉略為柴但整體味道唔錯 中意喇沙但食唔到辣都試得📌卡邦尼忌廉雞肉通粉$98醬汁濃厚程度適中 但同樣雞肉粒都係煮得耐左得 如果出返喇沙款會開心啲🥹📌Rose Latte📌Matcha Latte📌Flat White可以跟餐加錢配的飲品 質素平均☺️ 如果唔想加錢可以直接揀Americano / Fruit Tea

係附近做野突然發現開咗新餐廳，依頭都好少高質cafe。咖啡唔錯，叫咗杯dirty同個意粉，意粉如果再乾身啲會好食啲。環境幾靚我覺得都幾舒服！偶爾係工作室攰落去飲杯咖啡做陣野係唔錯嘅選擇。

📍最近經過長沙灣發現咗一棟新嘅甲級寫字樓🏢勁搶眼👀呢座寫字樓下面仲見到呢間好靚嘅Café添☕️一於就入去試吓先🥳😍一入到去餐廳🍴我就見到好多綠色嘅值物🌴感覺就好似去咗一個好大嘅綠色花園咁🌳同街外邊車來車往嘅感覺就好大對比嚕🌻餐廳感覺比你一種好relax嘅感覺😍加埋呢度美味嘅食物💯放假過嚟嘆番杯咖啡放🈳️一下真係唔錯👍🇯🇵Hokkaido Scallops Pilaf Rice $108北海道帶子鍋飯🌈呢個充滿住誠意嘅帶子飯😍上面鋪滿北海道嘅帶子😋足足🈶️9隻帶子添👍夠曬甜味呀☺️佢哋係用一個鐵板咁樣上枱🔥所以我哋一路食個帶子飯都熱辣辣架💯🍳Big Brekkie $118早午餐 🌈超豐富嘅早午餐❤️炒蛋又多又滑🍳仲有煎到脆卜卜嘅煙肉🥓鮮味嘅煙三文魚🍣好多牛油果🥑車厘茄🍅Nurnberger Sausage😍重點係🈶️我最鍾意嘅Sourdough🥰我就超喜歡佢地呢個Big Brekkie喇🥳🥤Iced Preserved Plum Soda Coffee $48「口立濕」話梅梳打咖啡 🌈係Menu一睇我已經勁想試呢個「口立濕」話梅梳打咖啡🥤佢成功吸引左平時好少飲凍野嘅我😂首先我係鍾意食話梅嘅😍佢哋呢

收銀服務員態度差，冇耐性！早餐只有麵包選擇！出餐比較慢！先出咖啡10分鐘，然後再出麵包！如果想等打咭，咖啡已經開始冇泡同凍左了！野食味道一般！咖啡比較細杯。。。

一路有follow開南角知道佢地上年係荔枝角開咗新店取名自街號「永康街61E」中的61E與九龍城店的風格大相逕庭如果話九龍城各個細節位都透露出土炮跟歷史的味道61E Coffee則是將田園風發揮到極致各處都擺放著的Greenery、收銀旁的鬱金香而且不少桌椅用上圓桌、藤椅, 亦有小法國感覺在午後日光曬下來也不太熱, 讓人舒服得可以☺️另外桌位有大有細, 感覺上挺適合來溫書/做嘢呢題外, 這次是吃過才來看到sourdough只是ᴴᴷᴰ48-62的價錢覺得好心動而且聽說還是用上Alive的麵包, 一定要翻兜ᵀᵀ!!飲品我們都點了non-coffee, 都是不錯的選擇𓂅 Matcha Latte (ᴴᴷᴰ 42)𓂅 Lemon & Ginger Tea (ᴴᴷᴰ 36)

最近個市好返少少，荔枝角亦越來越多野食，最近又發現一間新咖啡店，環境開揚裝修田園風都幾舒服，早餐仲幾多蛋奶素食選擇，咖啡都唔錯㗎。荔枝角地鐵站行過去都唔太遠，青山道後面果條永康街，環境比較清靜，原來開了間咖啡店。行入去原來幾大間，店內好多綠色植物佈置，環境開揚坐得舒服。傢俬帶點田園風，影下打卡相都ok嘅。半自助式服務，自己行去收銀處點餐，水和餐具都係自己拎。目前還在試業中，另外都有些蛋糕酥餅可以食下。這天來吃早餐，蛋奶素選項都幾多款，另加HK$10即可配埋奶啡。牛油果雞蛋酸種麵包配小乳酪+Latte HK$82酸種麵包好大片，比例上顯得配料很少，不過吃起來都OK，唔會太澎湃唔知點咬囉。不過我都係覺得個擺盤可以改善少少，賣相會更為吸引。牛油果上面係少許水煮蛋碎，另加上黑醋醬，味道不過不失。小乳酪食落唔太甜，質地濃厚係希臘style，配料得兩粒藍莓和黑白芝麻，都可以改良一下。咖啡風味偏nutty，味道都幾多層次，飲落唔錯。