8 MILES Bánh Mì Cafe

Open Now

Now Closed

最近喺社交媒體網站見到呢間店，喜歡越南法包嘅我梗係要黎試吓啦。小店位置比較隱蔽，又唔係太近地鐵站，但係為咗食好西，我唔怕行！餐排得一眼睇晒，得幾樣嘢，好精! 我就order咗法包(50蚊)再配一杯熱滴漏咖啡(貪佢加配減5蚊)，老闆好細心問煉奶甜度同法包辣度，等咗10分鐘左右，新鮮即製嘅越南法包就係眼前喇，目測已經好爆餡，食第一啖最突出嘅係胡椒粉，豬腩肉都好香，唔san嘅豬潤仲正，仲有青瓜蕃茄，同少少辣椒，成個包都好軟，唔會人刮口，軟硬度適中，每一啖都好享受，值得推廌，下次經過一定會再試支持小店

越式法包 $50 推推⭕️-🥖（🍅🥒🥕豬手 扎肉 肝醬）即場整 個包外皮酥脆 煙韌 裏面軟熟超足料 多到跌曬落街🤣-豬手好夠味 鹹香鹹香 最緊要個皮 煙韌彈牙 少少漿住嘅質地！個肝醬味唔特出 但配埋都夾-有好多酸蘿蔔青瓜 增加爽脆口感之餘又消膩少少辣味 好惹味 加埋芫荽仲香！🤭一個食曬都得 做lunch 嘅話-整體嚟講係 好食又抵食嘅法包$50 細食嘅可以share 又平d 一人小店 服務好 又俾🪑又開風扇🥹有咩要求老闆都會滿足e.g（爆多荽）(分幾修）🤣會encore !-

近期好似開多咗賣越南法包嘅外賣店，之前都介紹過大角咀嘅蔥仔同屯門嘅Tuen Mun Baguettes，今次呢間就喺尖沙咀😯 餐牌好簡單，得越式法包同3款飲品，店面都相當之細，有個小窗口可以睇到成個越式法包製作過程，當日夜晚去買，落單之後等咗10幾分鐘，老闆見我哋企喺門口等有啲熱都專登開咗風扇吹住我哋🙈 仲叫我哋下次早啲電話落單，咁就唔使等咁耐🤩•🥢 越式法包 $50成個法包🥖都幾大條，餡料好多好滿，食完一個都好夠飽，$50係相當抵食！我同朋友都好鍾意呢間個法包嘅質地，外層薄脆，同時入面係好軟，有別於一般好硬嘅法包😋 之前食過嘅越式法包都係醃蘿蔔、青瓜、札肉同烤肉，但呢間就用咗豬手，豬手鹹鹹地，又幾特別，而且肝醬同醃蘿蔔都好多😍 不過如果醃蘿蔔再酸返啲就更好啦～

越式法包 $50法包饀料有豬手、扎肉、醃蘿蔔、青瓜、蕃茄同肝醬。麵包新鮮熱辣又脆口，質感唔會過硬👍🏻 豬手肥瘦適中，唔油膩，而且切成粒狀，增加咗口感；肝醬係老闆親自調製嘅，唔腥，但略嫌唔夠香。〰️〰️〰️〰️〰基本上小店係冇堂食，只係有2張櫈仔比你坐係舖入面涼吓冷氣速食，我哋去到嗰陣咁啱有客坐喺舖裡面食緊，老闆好好人，叫我哋唔介意嘅話，可以企係佢前面cashier位食，仲夾埋一部風扇仔比我哋吹吓☺️小店得一款法包同三款飲品，我哋只係叫咗一個法包share，老闆仲好貼心咁幫我哋分咗2份，等我哋易啲食。味道上嚟講，之前介紹過嘅葱仔比較出色啲，但呢間嘅法包味道唔錯之外，仲食得到老闆嘅用心，係一間值得支持嘅小店😌〰️〰️〰️〰️〰️食物: 4/5性價比: 4.5/5 環境: 3/5服務: 5/5Revisit: Yes

第一次經過見到俾個門面吸引，好有外國feel 既設計，但可惜岩岩食飽咗，第二次經過就試一試，本身好抗拒內臟既味道，但老闆誠意推薦醬係自己親手洗，親手做唔好有奇怪味，豬手亦親手挑選一啲瘦既肉俾我，果然肝醬好有驚喜，配搭醃製蘿蔔絲加扎肉，味道好夾，法包即焗脆卜卜，配一杯越式凍齋啡，咖啡既味道好香，同喺越南飲到既一樣出色，會再支持，多謝老闆既堅持，如果唔係都唔會試到咁出式既肝醬如果可以食到辣既人，建議加小小辣椒，味道更出色

好好食    我去越南做過野  食過唔少法包  佢同越南當地食既有得揮 香港嚟講算數一數二好食店主態度好好 好俾心機準備 店主話好想搵多啲鍾意食法包既人 加油 要做下宣傳 唔係再好食無人知都唔得店主用左豬手粒做底 同個包好夾個包外脆內軟有咬口 一啲都唔乾個豬肝醬係親自調較 仲好食過越南食既同店主傾計佢話細個係外國住有好多越南餐廳食到上左癮所以想將呢樣野帶比香港 希望更多人識欣賞我食完飯先再嚟食 都覺得好好食如果餓住嚟會不得了大家經過要試下

欣賞老闆既堅持 同 細心法包得一款 (自家製 無骨豬手粒 豬肝醬）配埋甜酸甘荀絲 紫洋蔥法包外脆內軟，餡料 爽 脆 香前面客人叫 小醬，我地叫正常點知老闆唔小心搞錯咗佢堅持再整一份俾我地話正常醬係最好食小醬嗰份佢寧願唔要都想我地食到最好味既(我地有話就咁搽番d 醬落去得唔得，佢話要搽完再焗先得）欣賞老闆的堅持 & 初心淨係係法包，佢都好俾心機去焗唔可以太硬，又唔可以 "un"佢仲多次提我地要立即食所以佢唔接 熊貓/袋鼠 單因為外賣會唔好食要即買即食先係最好食希望下次去仲有得食呢d 小店買少見少老闆 加油！！！

令人有驚喜的法包，面夾了些蘿蔔絲連同個餡有豬手及扎肉，再配埋老闆自家製的潤醬，一食果刻不但有種好fresh既感覺，還會覺得好特別🤩當然老闆控制焗既時間都好重要，因為個包真的食到脆卜卜，我同朋友都齊齊話好食，好脆口！還有一杯蜜糖青檸梳打，都調得不錯👍🏻整個過程都是老闆親自做，不用5分鐘一定有個熱焫焫同脆卜卜既法包到手，真心好欣賞老闆很用心製造❤️呢個包真的會令人回味😋我一定會encore😊

個包啲料滿滿嘅，佢個醬配合扎肉同豬手咸香加上醃蘿蔔嘅清香，出到黎嘅效果一絕，食完都唔會好漏。同老闆傾過計，佢自家醬料配方都開發左成年，亦都用左好幾個月時間去研出一個脆口而唔刮口嘅法包，9成嘅用料都係用新鮮食材，日日朝早都會用幾個鐘時間黎準備，睇得出佢好用心去做每一個包！值得一讚！！雖然menu上嘅選擇唔多，但飲品加上法包嘅配搭絕對可以可以當一餐黎食，飽腹感極強。老闆同我講佢嘅佢挑選咖啡時飲左無數杯咖啡，只為求找出最佳嘅組合去同味道呈現最完美嘅越式法包比大家。

當全街都食緊漢堡包嘅時候竟然有新舖開張賣法包、仲要得一款咁囂張見連埋嘢飲價錢唔貴就買咗一個餐試下啦對法包無研究嘅我見個店員洗錢咁擦咁多醬落個包到牙痕就問下中間嗰d係乜醬料啦佢話係豬肝醬、仲要係每日新鮮整嘅What 😱 ?! 我真係孤陋寡聞竟然豬肝可以愛嚟做醬鵝肝醬鴨肝醬就聽得多原來貧窮真係限制咗我嘅知識好啦、講番個包~個包出到嚟竟然係吹卜卜但唔係全統法包個隻硬脆個醬唔會好張住個口但係又同啲餡料好match青瓜多小小我就更加like 👍35度高溫再飲埋杯青檸梳打哩下竟然有少少驚喜佢並唔係一般青檸掉落杯梳打汽水到又或者泰式嗰隻梳打青檸嘅感覺佢嗰種清新嘅感覺令你會有一種好涼爽、又精神嘅感覺我唸我會再幫襯

經過呢間店見到個法包好吸引試一試噶心態，出乎意料原來裡面係豬潤醬一直只知道豬潤好腥，但呢個完全唔同，無腥味。👍而且呢個配搭真係好味聽老闆講豬潤醬係無添加味精👍呢個好重要，食完唔會口渴。值得推薦❤️

近排恐龍🦕🦖大熱….陪仔仔去科學館睇完恐龍化石！見肚仔餓搵野食e肚行行下遠處見到有隻藍色窗（被吸引）原來係間新開嘅越式🥖法包店order 左個越式法包加杯蜜糖🍯青檸梳打未食個賣相已經好靚仔😍😍個包外脆內軟，裏面有自家製豬潤醬（一啲腥味都無👍🏻）睇得出老闆用心製作❤️配菜仲有豬手粒（自己整）青瓜蘿蔔絲酸酸地，食落好夾，味道好清新再飲多啖梳打…一個字「正」👍🏻👍🏻😋😋而家呢啲天氣熱辣辣🔥☀️不錯嘅選擇其實我都係第一次食越式法包….值得再試🥰🥰👍🏻

同朋友行街路過被鋪頭嘅名同裝修吸引住旁邊個窗口位夠哂chill門口仲有張木櫈仔打卡位新開張一定要試吓一直以黎越南菜只愛撈檬點知第一次食越式法包一試便愛上原來越式法包唔同平時嘅法包咁硬綁綁好軟身好好味一咬落去就食到個豬肝醬好特別(原來係老闆秘製豬肝醬)配上特製嘅蘿蔔青瓜絲蕃茄等配菜成個味帶咗出黎食完一啖就想食下一啖天氣炎熱加埋個足料青檸梳打簡直透心涼絕配而且老闆好友善知道佢對廚藝好有興趣然後創業今時今日絕對要大大力支持！