87 Coffee (Closed)

我從來未試過經常性咁去一間餐廳，何況係cafe呢？87cafe d食物質素高，價錢都好抵，服務態度亦好。平時出去飲咖啡起碼都要40，但喺度食個陽光早餐加咖啡都只係60。平時食開陽光早餐，見有學生餐就抱住一個試下既心態。點知又幾好食喎~肥牛多，咖哩好味，果茶又好飲。能夠喺天水圍搵到一間咁正既cafe真係好難得。以後都會繼續幫襯貴店

新北江87 coffee我都係無意中搵到，本身好少上2樓，我都係想睇下有咩野行先冇聊行上去，原來呢度都有coffee shop，實在太驚訝，始終天水圍連Starbucks同Pacific coffee 大型連鎖咖啡店都冇，呢度竟然有小店。難得有coffee shop，當然要一試。😱87coffee 68蚊就有呢個咁豐富既all day breakfast，真係由心覺得抵食好味。多士兩塊都烘到脆卜卜，雖然喉嚨痛我都要全部食哂😌炒滑蛋份量相當多，而且嫩滑奶香不絕👍我鐘意佢無落任何調味料，因為煙肉，香腸味道本身都較鹹，如果炒蛋都落調味料既話就唔balance。香腸，煙肉都唔係啲下價食材，而且每樣都有2條😆食咁多肉當然要食番啲茄汁焗豆，沙律同火龍果，咁先可以均衡飲食。夜晚一個人寧靜晚餐，當然要飲杯清香既紅莓芒果紅茶，淡淡果香，令人心曠神怡。

同老公忙裏偷閒尼到1個小店cafe,我同老公都係好咖啡之人，所以就坐底試試😜😋點知發現非常有驚喜😝價錢實惠之餘質素重好高!!而且口味好多同特別，真係要試過先知別有洞天👍👍絕對有下次💓食得出漢堡係自家製，起碼有1吋厚，好多汁，好滿足😊😊食左1塊先記得影相🙈有機果醬，尼個先係最驚喜😳雖然簡單，但有種講吾出既好食👍連咖啡只係$39,好扺。玫瑰味既咖啡，好香，好靚。鐘意玫瑰既朋友可以試下

$38嘅All Day Breakfast你食過未！？雖然個餐比一般All Day Breakfast少野食D，但味道不錯，個厚多士係都幾好味的，落既牛油分量十足，食落去極之惹味！而且冇因為個價錢而配普通既腸仔，佢用上既豬肉腸非常香口！咁既價錢，下次經過一定再幫襯！

之前一直都想黎呢間野試下，但假日成日都好多人，平日放工果去8 點就閂左門，所以一直都無機會去。今次放假試下去等下啦，等左5 分鐘左右就有，但係就坐高枱，隻腳會釣住釣住咁，但係都幾希情調既，哈哈！  我地叫左兩個all day breakfast，但佢地係唔同款架，但我唔記得左佢地叫咩名，哈哈！下邊睇圖啦！但我地落左單之後，幾個字之後先黎野飲，野飲黎左之後，又等左差唔多半個鐘先黎野食，等到我唔餓都變餓。  但都體諒既，因為佢全間舖得兩個人做晒所有野！呢個all day breakfast 就有好多野食既，都幾好食既 ，我中意將所有野放晒係個包到食，個包好脆，令到全部野都好香口。d 腸仔亦都唔會太咸。但係就普通d，無咩特別咁。呢個all day breakfast 就少d 野食既，少左隻蛋同煙肉，我覺我佢個沙律菜既味道好清新，d 菜感覺上都好新鮮。由於呢個份量較少，如果當午餐食我會唔夠食。 下邊呢個朱古力我好中意呀！因為本身就好中意飲朱古力，加上佢個拉花好靚，哈哈！  唔會好甜但係就好濃朱古力味！ 下邊呢杯咖啡都好靚，男朋友都話幾好飲，唔會太甜又唔會太苦，味道適中。價錢黎講

今日同女朋友出去食早餐，平時食黎食去都係大快活或者餐廳常餐咁，見呢間cafe平時口碑都唔錯，就決定試下新野，未入到去已經見到好多食客留言，好有親切感。 環境都唔錯，幾舒適，老闆娘好nice，叫左2杯咖啡，熱狗同all day breakfast 幾鍾意呢2隻杯既色，好襯，拉花亦都好有心思。我平時無飲開咖啡，但老闆娘推薦左隻夏威夷口味咖啡，幾易入口，唔錯唔錯all day breakfast都好好食，唔係用平價腸仔，包都烘到岩岩好，脆脆地，整體配搭得唔錯。 之後就到珍寶熱狗啦 size好大，抵食，上面係酸瓜配茄汁，夠晒濃味！ 切開入面，原來仲有好多芝士食完之後好滿足，得閒一定會再黎

(無相,非相機食先之人)三次都係食all day breakfast, 其中一次仲食埋芝士火腿飛碟, 飲過玫瑰latte, 桂圓同玫瑰普洱花茶。所有嘢都係即叫即整, 而且得老闆娘一位, 趕時間嘅朋友不需考慮。講個all day breakfast$58(有細版 Sunshine breakfast$38，只係無咗煙肉同水果, 好似係)先, 真係好有水準, 沙律菜好新鮮,個醬都好味, 有兩條腸, 蛋,煙肉,多士,所有嘢都照得,煮得好恰當~有時老闆娘好人會俾多舊蛋或者多塊多士俾你啲茶花都係啲茶包沖, 無太大驚喜, 反而個latte唔錯~~又有咖啡苦甘味,又有玫瑰甜味,balance得好好除咗環境細咗啲, 但以喱個價錢嚟講都抵食每次都想試個漢堡包同芝士熱狗, 可惜每次都賣哂