炙・宴 (V City)

Open Now

Now Closed

今日入屯門搵朋友，朋友介紹呢間日本料理非常出色，特別係佢嘅灼燒豚肉，同埋和牛都非常之好食，所以就決定黎試一試佢！.我哋就order左：1. 月見豬腩肉丼 💲822. 當店名物豚丼💲78 *兩個跟餐都有沙律同麵豉湯 + 餐飲.首先講一講個月見豬腩肉丼係有隻生蛋係面，望圖就知非常吸引，撈落飯度簡直係完全昇華左個丼飯既味道，加上豬腩肉半肥瘦非常適中，口感豐富，好好好好好食！.而本店名物豚肉丼，因為係灸燒嘅關係，咬落去富油脂感而香濃，豚肉味非常突出，加上用左日本米，粒粒晶瑩有口感，真係好食(˶‾᷄ ⁻̫ ‾᷅˵)!!.整體坐得舒服，野食好食，經開一定回頭無異議ʕ •ᴥ•ʔ

當日行街不知不覺行夜了，見肚餓就走入呢間餐廳食飯，點了一個一人火鍋，都是一百多元。但上菜後見到賣相，及用餐後的食後感覺，這個一人火鍋的質素，只是與一般快餐店「大xx」相近，而快餐店的價錢便宜40%。

同朋友攀完石都夜晚9點幾，用左太多力勁攰，拿拿林去附近搵野食～去到vcity 見到依間就快截單，麻煩哂職員都照比我地入去🥹入去之後二話不說就叫餐，朋友叫咗一個海鮮丼，我就叫左月見豬腩肉丼。月見豬腩肉丼（$82）賣相好吸引，豬腩肉燒得好香口，中間嘅蛋黃可以中和下肉嘅油膩。不過食到後尾會覺得肉偏鹹，美中不足。加埋套餐就會有沙律同味噌湯。海鮮丼有齊哂帶子、三文魚籽、炙燒三文魚腩，每一樣都幾新鮮，海鮮同飯嘅比例岩岩好，朋友係男仔表示份量好夠飽！整體黎講係坐得好舒服，食物味道又唔錯，價錢都好合理。下次可以帶朋友再黎！

今次去左V citiy 嘅ABURI EN 炙・宴日本炙燒丼飯專門店試吓佢地嘅燒肉，豚肉丼同櫻花蝦拉麵，首先講吓個飯係用左嚴選鮮嫩豚肉、口感香脆，配上特製日式燒肉醬汁、以鐵板燒演繹出柔軟焦香燒肉與米飯融合的完美組合。而櫻花蝦拉麵麵質入口香濃順滑，濃濃的蝦湯，味道比豚骨湯底多了一份鮮味， 幼拉麵軟硬適中，配上特製炙瘦燒肉， 日本半熟蛋蛋汁呈半熟流心狀，配菜粟米，荀（懷孕唔食得荀，所以冇食到），和大量櫻花蝦，喜歡食蝦味及蝦湯嘅朋友就最啱！🦐

好耐無入嚟屯門既小編，今次過嚟V city 食午餐！呢間餐廳都食過唔同嘅分店！屯門分店表現都係唔錯嘅！今次小編係叫咗火炙三文魚飯！個味道都唔錯嘅！雖然唔係話好火炙，但可以先稱得上，半火炙半刺身，感覺都唔差！而且仲有啲沙律菜！都頗為新鮮嘅！仲另外送咗個沙律，不過再多啲沙律醬咁就更加好啦！另外仲有一個麵豉湯！個麵豉湯又唔算話好鹹！唔係太多味精，仲有d海帶！都有麵豉味！最後叫左杯菠蘿梳打，唔算話好甜，仲有d菠蘿味tim! 服務方面，店員都幾有禮貌！

次次係屯門搵野食都會比佢地既𝘮𝘦𝘯𝘶吸引住🤏🏻全部都係肉肉同和牛🥩🥩🥩食肉獸表示口水已流🤤打post既時候都好想再去食𝐗𝐃𝐃灸燒北海道帶子海鮮丼 𝐇𝐊𝐃𝟏𝟑𝟖🍱三文魚好厚切而且燒香左充滿魚油香味🐟帶子大大粒好鮮甜(*¯︶¯*)但個白飯竟然係無調味的🍚係熱飯同埋無用白醋調味食落去有啲違和感 同魚生唔係太夾😅可惜了新鮮既魚生！！！月見豬腩肉丼配生蛋 𝐇𝐊𝐃𝟖𝟐性價比高 有食極都唔完既炙燒豬腩肉🥓豬腩肉燒到有脆邊～飯係日本珍珠米 粒粒分明🤙🏻醬汁好夾再配埋蛋漿撈飯食好好味😋宮崎和牛鍋𝐇𝐊𝐃𝟏𝟕𝟗🫕和牛油花分佈得好靚靚呈粉紅色 一共有三大片🥢食落口未去到入口即溶既感覺～但食到牛肉同油脂香味💕食壽喜燒一定要配埋隻日本蛋🥚蛋味幾濃～和牛撈埋蛋汁更嫩滑！配料都幾豐富有豆腐香菇芋絲同蔬菜🥬跟埋個白飯其實食到好飽 份量好足夠🤰🏻

晚餐諗唔到食咩，見又未試過就試下，不過都已經九點幾所以決定買外賣返屋企食就算。叫左兩個餐都有跟味噌湯同沙律ABURI-EN 豚肉丼豚肉唔肥，都幾厚肉，大大塊有五塊，配埋京蔥幾惹味。飯量都幾多，汁就好平均。月見豬腩肉丼（拌生蛋黃）呢個拌埋生蛋，好香口。下次可以試埋堂食。

其實🐻係好早期都推介過尼間餐廳，當時其實得屯門沙田有得食，而家發現佢已經有8間分店呢 😲 厲害呢！相信係佢既招牌🐷丼吸引唔少朋友呢❗️而家疫情下有8款外賣自取85折優惠添啊 🈹⁡🐻の試食‼️✨「ABURI-EN 豚肉丼」$78✨「火炙三文魚丼」$88✨「南蠻炸雞」$58✨「凍香桃檸檬茶」$38⁡其實🐻推介以上各款，豚肉丼一定要試下，上枱時熱辣辣，豚肉厚厚又juicy呢，邊邊位微微燒焦，超好送飯😆 火炙三文魚丼一樣咁靚仔，睇相就知了😬 南蠻炸雞超香脆又大大件呢❗️總之就大推啦❗️⁡

之前已經食過呢間嘅和牛飯，經過見到新出左魚生飯就入去試試啦😋環境好有日式風，座位都幾闊落😎食完仲收到外賣coupon，疫情期間買返屋企食就抵啲啦👍🏻🔸炙燒北海道帶子海鮮丼 (HK$138)呢個魚生飯同相片相似度都高嘅，北海道帶子都幾大塊，不過炙燒效果唔算太勁，食落唔算超香口🙈另外仲有肥美嘅三文魚同滿滿嘅三文魚子，成碗都算足料😊🔸月見豬腩肉丼 (HK$82)上次食過牛覺得韌左啲，今次就試豬肉覺得比牛好食呢😙肉質肥瘦適中，火炙燒完入口好香🐷飯粒都好有咬口，配埋醬汁同生蛋黃令人一口接一口呀，不知不覺就食曬😆🔸火炙牛舌 (HK$58)牛舌算厚身，不過略油左少少，以及咬落都韌左啲～🔸果味威士忌香桃梳打 (HK$48)另外可以揀熱情果同四季柑味，大大杯都幾香果味😎而且杯嘅款式設計好有日本居酒屋feel呢～

V city野食普通價位都比較高, 依間都唔例外～不過食物質素都算中上, 而且座位闊落 坐得舒服 所以都算係咁豬腩肉 照燒雞肉飯 ($108)照燒雞個汁出色 皮都夠脆 肉唔鞋 唔錯～ 另外豬腩肉就唔算好肥美 d汁落埋d飯好惹味 不過白飯份量比較少～ 味噌湯 沙律正常宮崎和牛芝士黑咖喱飯 ($118)個賣相係幾嚇人 lol 但味道其實同普通日本咖喱一樣 芝士拉絲 和牛好腍 不過份量比較少～ 仲有薯角做配菜另外加咗個唐揚炸雞。正正常常原來冇叫到飲品

食物味道: 日式嘅豚肉蓋飯相信唔少人食過，嚟到呢度食豚肉蓋飯，相信會同日本本土嘅質素比較，呢度嘅豚肉賣相就做足，可惜炭燒味不足，汁醬不足，而且啲白飯雖然似日本珍珠米，但毫無黏力，沒有日本米嘅口感，應該唔係日本米，純粹當佢係本地普通嘅薄切豬扒飯，我諗反而覺得好味，所以我會俾OK評分，但如果以日本豚肉蓋飯標準評分，只能俾劣評。食物份量: 豚肉分量相當充足，不過個碗好細，相對來講白飯太少價錢: 大眾化嘅價環境: 裝修都幾有日本風味，十分似日本嘅小店子服務: 侍應嘅態度散漫，不敢恭維！回頭指數(10分滿分): 2分

睇永恆族之前去V City搵食，本身想試隔離既台灣餐廳，但尼間快d有位就試下，點知咁好味😋特選宮崎和牛飯($169)和牛飯超級正，好好食，和牛燒得靚，入口即融，個燒汁好味，配埋飯好味。"友人"表示再食都係會揀和牛飯。(個人口味E: 3.9/5)ABURI-EN豚肉丼($78)上菜熱辣辣，食得出係岩岩燒好，5大塊燒豬肉片，有3塊係肥瘦適中好正，可惜有2塊就偏柴，但都ok。飯既份量好大碗，最欣賞係燒汁足夠撈勻成碗白飯，好好味好滿足。如果再食，我會想試五花腩肉溫泉蛋飯。挑剔既係，個黑色盤望落有d殘/油。(個人口味S: 3.5/5)

已經食左好多次呢間，今次係第三次食，記得得一次食果時個好味程度真係驚艷到我，豚肉丼嘅豚肉一D都唔肥，但係可以食到滑身唔鞋口，D汁煮晒入去好濃郁嘅味道真係好正，好難想像70幾蚊嘅飯可以咁好食。幾次都叫左唔同嘅和牛菜式，不論鍋物/便當/丼飯都一樣好好食，和牛好香，D油脂香而不膩。有時諗唔到食咩又唔想咁hea都會諗起呢間去食，有限時60分鐘，基乎次次都唔洗等位，所以我地都好鐘意呢間野。不過覺得始終第一次最好食~~今次仲叫左炸沖繩豆腐，口感似炸臭豆腐但無臭味嘅，外脆內軟好好食，哈哈。

路過屯門閒逛，見到店鋪坐位舒適，不太多人，所以入去吃晚餐。叫咗個火炙宮崎和牛拉麵，價值$128。加$15可以有多一個沙律及味噌湯。價錢進取了一點，可惜味道不太配合價錢。睇相都感受到，湯太油了。食拉麵連湯一起喝是基本，可惜這厚厚的油，不太敢喝，有點可怕。厚炸沖繩島豆腐 $38不過不失，如果有醬汁會好一點。火炙牛舌 $58份量不多，味道算比較正常，不是特別好吃。總括嚟講，試過便算。以呢個價錢，可以吃到更好的。

今日行過V city，貪方便入去呢一間食店度食嘢。原來啲食物勁差👎🏻👎🏻👎🏻，食個鰻魚飯勁多骨，仲衰過喺吉之島買，其他食物都係嫲嫲 ，豬肉餃子好多油，裏面冇味冇道，非常之差，仲衰過喺超級市場買，個拉麵勁咸😩😩、勁多油，d叉燒好硬。👎🏻👎🏻👎🏻好似隔咗好多日咁，又有限時間1小時進食。店內有好多烏蠅，裏便又焗冷氣又唔夠，真係非常之差，仲要收咁嘅價錢，真係不合理，絕對唔會再幫襯下一次。