Achacha Food & Beverage Boutique (Closed)

老細請食Lunch, 有同事選左這間, 之前都黎過, 嗰次係係度食漢堡扒既, 今日唔知係咪晚左放Lunch 定咩原因, 今次黎度無左漢堡扒選.... 好失望....成個Menu 得薄餅set 同埋all day breakfast.....搞到好似無份正歺落周咁...  然后5個同事選左薄餅 set. 我就選 all day breakfast... 估你唔到, 我份all day breakfast 竟然係咁样.我自己本身就唔太喜好薄餅, 尤其是當正歺食, 咁要接近8X-1XX 一個 set... 係就係見到大部份all day breakfast 應該有既配料, 好似隻蛋都擺左係面, 2種腸就係隔離, 重要多塊薄餅, 但... 我都係想食返正常既all day breakfast 囉...咁同事個幾款, 佢地話都ok 可接受既. 但有人話太甜(因為有朱固力醬係餅面), 有人話唔夠飽, 因為整體都係餅為主, 主菜就得小小咁夾係餅入面.咁除左呢堆餅, 佢個set 都包埋基本湯或沙律, 同飲品一杯. 但整體食呢D 都幾貴, 變相個價錢係買左食物賣相好睇D, 包左佢張枱, 同環境一個鐘囉.

話説上星期想帶仔仔去mega box 到睇恐龍 ，但逢星期六日午飯時段mega box 實爆哂場，想搵家餐廳食飯都一定幾乎禁仔 ， 點知比我發現到五樓鄰近恐龍側邊有間餐廳，假日似乎冇物人 。於是我就帶埋仔仔一齊去食，一睇原來餐廳有得食兒童餐 ，賣相唔錯 用輛車仔型狀餐盤放注D野食，又有意粉，又有沙律🥗，又送果汁，於是叫左黎食 ，質素原來都唔差，又抵食又飽肚 ，餐廳環境非常好 又非常近恐龍，仔仔可以一面睇恐龍一面食午餐。餐廳服務唔差，入面又有兒童餐具，啱矖我呢D唔帶餐具出街既爸爸👨

叫個乜乜365日牛扒，落order 5成熟，黎到得3成都唔知有冇。塊牛完全無味，亦無調味，感覺就好似係街市買塊生牛肉係咁易煎兩野就食咁。d 配菜又難食，條筍老到咬蔗咁樣。無啦啦配紫薯又完全唔夾件事。另外叫左個油封鴨，一味得個死咸，咸到條脷都痺埋。唔講我以爲自己食緊臘鴨脾......另外叫左個黑松露薯條，麻麻地啦，未至於難食既。跟餐叫左柸熱檸茶，連柸熱茶都可以難飲到入唔到口既。埋單4舊幾，完全唔值呢口價。真係唔明，到底俾like 果d 人平時到底係食開d 乜既呢？服務黎講，成間餐廳得兩個暑期工feel 既後生仔，奇奇怪怪。

行到攰, 個場d食肆爆, 喺5/F搵到間餐廳, 冇咩嘢人咪入去食野, 叫左個"油封雞脾飯"同一杯cocktail, 隻雞脾好大隻, 好抵食, 肉都幾滑, d待應話係慢煮, 之後杯cocktail都幾好飲, 幾fresh, 先前嚟都冇, 可能係新promotion, 可以一飲, 整體都幾好, 可以再嚟。

去九龍灣附近處理完工作見隔離係megabox又好餓就入左過去....因為星期日好多人又唔想上高層睇食咩，見都多人坐就是是但但行左入去呢間到食😅叫左一份好似燴牛肉既飯，很一般....肉還肉本身既味無咩調味，汁還汁既味 😅😅😅食物上既時候，店員無發現我地無餐具，放低就走左，再要花上好幾分鐘先有店員發現我地揮手中鴨腿更一般...肉質好似整好左好耐再翻熱咁...伴菜配搭亦都唔算好好焗蔬菜因為基本無調味過咁，正常...

o係九龍灣食晚餐～～搵倒依間Achacha Food & Beverage Boutiqueo係megabox 一上條長電梯就到～～餐廳裝修唔錯～ 不過食客唔多樓面都唔係好夠人....叫侍應都要d時間先見倒你Menu~ 價錢唔算太貴勃良地風紅酒燉牛肉配飯味道正常，但有少少茶餐廳感覺不過d飯煮得唔錯蕃茄海洋三文魚、鯷魚、蕃茄蝴蝶意粉一開始覺得唔係太夠味...d 醬原來o係晒底原來有三文魚同鯷魚...食落好似唔多覺蕃茄墨西哥莎莎配玉米脆片個sause 味道唔錯～～野食就一般般啦...可能因為少人都算坐得舒服  傾計唔錯

呢間餐廳的評分係“冇回頭”系列都唔知d人平時食開咩架！咁樣都話好食，得個樣！樣係指餐廳環境同埋食物賣相ok食物：1.青口意粉： 意粉同青口完全係獨立個體！意粉冇味，青口得個咸字！2. 法式薄餅： 外皮略硬和實，不夠軟熟3.法式油鴨脾：凍的。。但味道可以4. 餐湯及麵包：全晚最好食😂服務：侍應不夠醒目，應該冇乜經驗或者係炒散性質，但沒有黑面及有禮優惠：即時買了openrice上的coupon用，以$85買$100， 平了$15，算是有一點安慰😖整體來說不會再去，食物要好大改善🤔😂

Husband and I went for dinner as I saw they have crepe on the menu and we had a 15%off voucher. the menu was simple and a lot of dishes were crossed out, meaning not available. thus there were probably less than 15 main courses on the menu. Husband wanted to order steak, the staff replied that there was no beef..... so we thought that there was no steak and burger which constituted to half of the menu. Then husband ordered a pork burger noir, but the staff said they don't have this dish was not

今日係Megabox睇戲 睇完戲都差不多7點咁就係Megabox 食埋晚餐啦一開open rice 見到最多好評既餐廳咁就入去試試啦7點左右入座 得3-4枱客人 唔洗等位 環境安靜唔錯 價錢親民 一個意粉都係幾十蚊 我地不是太肚餓 所以點了一個牛扒餐我們點了a款牛扒 選了洋蔥飯 $198 5成熟圖中可見得白飯一個 汁又冇 說好的洋蔥飯呢？？牛既味道是可以的 但太薄 5成熟？似8成熟 我諗係因為太薄所以好易熟 $198實在太貴 另外叫了個甜品 香蕉朱古力薄餅 $46 另加一個雪糕球 $25 雪糕係奇異果香蕉味 味道好酸 但入面有奇異果肉 本身諗住配薄餅食 但味道完全唔襯果個香蕉朱古力薄餅係脆既 有香蕉果肉係入面 都幾好食既整體黎講 都叫係一個伏既餐廳 唔明點解有咁多好評 坐我地鄰座係一枱10人既客人 佢地言談間都話係伏 我地仲交流左幾句Tim 佢地話d意粉都係唔好味都係冇下次了

在悠閒的假日.....商場人很多.....但這間餐廳人不多.............煙肉芝士簿餅.....簿餅脆口的...如可另外配上蜜糖醬會更好..................三文魚蕃茄意粉............三文魚比例不一.......意粉是足夠的..............但味道很淡...................下午茶餐免費跟果茶..........Earl grey.......

專登走入megabox咁遠 為嘅就係網上睇到78蚊（未加一）芝士火鍋🏋️‍♂️ 好似幾正又唔貴 咪9衝入去試下78蚊係講緊下午茶時段 我哋去到早到咗就去咗ikea 9fing咗陣 等到差唔多夠鐘先入去🤑餐廳環境都幾唔錯 座位唔算好多 大致都相當企理，舒服🍽可能我哋閒日去 我哋差唔多下午茶夠鐘就入去 都只係坐咗4~5枱 都仲有唔少位淨 (我哋早少少路過嗰陣得一兩張枱有人）坐低即刻叫咗個芝士火鍋 兩個人食但都係一個鍋 個鍋都相當之細🥘配料方面有西蘭花，丸，腸，煙肉等🍖🥓🥖🥦份量唔算好多 上菜時切到勁細份 味道就中規中矩咁啦 (其實啲料本身都係熟 餓起上嚟就咁食都得）第一啖食落個芝士鍋都真係有啲意外，同我想像中嘅好有出入 佢個芝士味唔係話真係咁濃 反而就feel到有好明顯酒味🥃可能我就比較細蚊仔口味👦🏿 對呢種濃酒味嘅芝士味唔太感興趣 所以就覺得個味道真係普普通通 但話唔定有啲人會好鍾意都未定嘅🧔🏿雖然係咁 其實個芝士份量都ok嘅（冇記錯嘅話加芝士係要錢）足夠你食幾轉嘢食 所以最尾食哂啲芝士之前都已經飽哂💃🏿呢個下午茶餐係包埋嘢飲嘅 我就叫咗杯凍奶茶 飲落同個賣相都相當唔錯🍵總結係呢個餐都對得住

星期六傍晚到這間餐廳食晚餐，步入餐廳時只有2枱差不多食完準備離開的客人。我們點餐後，才開始有2枱客入座。誰不知這2枱客人都已經開始用餐時，我嘅一份 All Day Breakfast 足足要我等了30分鐘才到面前。更失望的是，除了炒蛋是熱的，香腸和大蘑菇是暖的，其他熱食（火腿，煙肉等）都係凍的大蘑菇勁流出黑色的汁，完全影響食慾。跟侍應反應食物質素時，他竟然答我「這是厨房的問題」 沒想過食物質素和侍應態度如此差勁的餐廳可以生存，絶對不會再去幫襯

冬天就係會想食芝士火鍋不過香港啲芝士火鍋300以上 兩個人食好唔抵咁啱係ig見到有下午茶78蚊任食火鍋特登入九龍灣試一試 未夠鐘行過去睇 幾乎係無客到行左一圈 到下午茶再去就開始好多人果然個個都係點芝士火鍋個芝士鍋酒味好重 同Pizzahut個啲唔同 係偏向歐洲口味香港人應該唔係咁啱食個鍋係雪糕火鍋個種小煲任食既配料選擇得10幾款有肉有菜有包 但呢個價錢都唔可以期望太多有送碗牛尾同蜆 不過不失 無咩特別最有surprise反而係飲品 推薦奶茶 好飲

我們一行5人加1個BB係星期日光顧，環境寬敞，氣氛都不錯。由於有小孩緣故，未正式叫菜前先詢問店員是否有白飯可提供 (因菜單只寫洋蔥飯)，女服務員一口堅稱無白飯可供🤔態度亦非常不友善。隨後再問另一男店員，又回覆可供白飯！到正式點菜時，女店員又負責點菜，居然問得出牛扒要奀d定冧d，試問有咩消費者想食奀啲嘅牛扒？友人就揀左冧d牛扒，質素比燒烤店醃好的牛扒還要低劣🤮P.S. 友人的牛扒配菜點了洋蔥飯，可惜一粒洋蔥都搵唔到總結，請都唔會再去食！

前排凍凍地已經想食芝士火鍋，咁岩見到網上廣告話呢間做緊78蚊（未加一）任食，即刻約埋fd子撲過去食。佢6點3last order，所以我地要5點半就入座。我地兩個人一個鍋，叫左14樣火鍋配料，基本上除左甜嘅冇叫之外，其他都叫曬。呢個餐奉送紅酒燉牛肉同埋藍青口同埋各一杯野飲，我地就要左水果茶。呢個價錢食到任食嘅芝士火鍋算係性價比高，值得黎試下。先講個芝士底，一食就食得出濃厚嘅芝士發酵味道，我個人好重意呢種味，不過芝士分量有d少，如果要加芝士就要俾多25蚊~ (PS 我地冇加到)而薯角感覺上好似放左好耐，有d凍冰冰，唔脆，唔係新鮮炸，普普通通。而芝士嘅味道同配菜都好夾，特別同辣肉腸同法包，牛角包等都好夾，牛角包就熱辣辣，幾正，法包都夠脆，蘑菇送到上黎有d凍，要浸暖d先會好食d，佢同青口個汁都幾好味，點麵包都好正。送嘅燉牛肉好淋