阿四快餐

Open Now

Now Closed

　當個細佬仔行去拎野食個到.... 冇啦啦係地下有水...... 地下冇放上{小心地滑}的指示牌..... 令到一個細佬仔跌低, 員工冇問一下情況如何... 冇安慰細佬仔.. 只係企係到睇住.. 對唔住都冇聲.這足以證明員工服務態度不佳及不善處理突發事件及衛生程度低! -----------------------------------------------------------------------------------------------------------一碟干燒伊麵太多油, 應該減少油既份量.一碟海南雞飯太辣, 唔岩細佬仔食, 應該係餐牌上寫住{小辣/ 辣/ 大辣}.

由細到大都對『公司』系列特別有好感，凡有公司二字的食物都會秤先。原因是材料必然豐富，一定吃得飽足，而且永遠估不到材料是什麼，增添一份神秘感。來到阿四，本來想食我喜愛的港式漢堡，誰知佢沒有漢堡供應。再睇下餐條，有公司三文治，就要一份，加多杯可樂。這裡有幾部電視，可以邊食邊觀賞，難怪咁多麻甩佬幫襯。公司治例牌是製作需時的一樣東西，等上了近十分鐘才有得食。一份四件的三文治，眼見有咁多材料已經十分滿足。裡頭的餡料有火腿、煎蛋、生菜、蕃茄和雞扒，與我想像的大致相同。餡料太多，吃得幾狼狽的。雞蛋煎得香口，火腿味香，生菜爽脆，蕃茄鮮甜不會酸，雞扒煎至皮脆肉嫩，即使麵包也是經過烘製，增加口感，絕不會馬虎了事。正如之前所講，吃一份公司治已經飽足。快餐店的打汽可樂，不用多說了。平平地的一餐，也可以食得開心滿意。

放工行過見到呢間嘅裝修環境好似以前的快餐店,諗住快餐店應該會平啲卦,但係望落個餐牌一啲都唔平,焗飯都要三十三蚊,特別啲嘅炒粉麵要三十六蚊,鐵板餐梗要四十八蚊,雖然價錢等於一般的餐廳,但以這裡無乜裝修,自己買飛,自己捧餐嚟講就有點貴.金必多魚翅炒飯 -- 很大碟,不過獅子狗很硬,魷魚ok,魚翅都有很多條,整體上只是一般的炒飯,無特別.椰汁鮑魚焗豬扒飯 -- 日式鮑魚有三塊,不過比較硬,豬扒幾大塊,亦算淋,焗飯一般,但無乜椰汁味.雖然以上包熱飲或湯,可惜杯熱奶茶超難飲,無奶茶味,澀的,個湯(冬瓜湯)仲衰,醎的.唯一可取之處,就是無乜人食,可以揀個靚位睇東張西望.

媽媽今晚沒有煮飯於是去買了一個咖哩豬扒飯作我的晚餐.豬扒好淋有肉味,最好就是夠大塊,咖哩汁亦有好香的椰香味,最好就是只有小小辣,正呀!:我最欣賞有菜,有肉有菜夠晒健康

同小牛黎呢度食飯,係因為唔知去邊度食好,一心諗住求求其其又一餐,又估唔到食到好味既海南雞飯!一個海南雞飯餐$43,加凍飲就變左$45,碗飯好大碗呀!一個人都食唔晒!不過唔似油飯。但係呢,個餐最好味唔係碗飯,而係碟雞,估唔到雞肉咁滑咁好味,又夠多肉,可惜係雞皮好肥呀!所以一定唔好連皮食,不過雞肉唔多唔少黏左好多肥膏,要自行剔走,總之係肉質幾好啦!另外要個菜遠牛肉湯麵,原來都好大碗架!而且料足,多菜多牛肉,唯一唔好係個湯底,成浸油淨晒係面,食完又飽又膩,牛肉唔多筋但係略肥...

9時許肚子餓了便落樓尋找早餐，也是向樂道的方向進發，依然是榮華最多人但由於早餐品種較少便選擇了第2多人的阿四餐廳，見出面挂著24小時營業的牌如果晚黑肚餓有可能會落離食ge~ 走進餐廳掃jor下墻上的餐牌早餐有10款不同類型，全部都只要20蚊，還不錯~ 想食焉列便要個煎牛扒、鋦豆焉列、餐飽餐發覺原來香港人的習慣與老外是1樣的，早上都均拿住份報紙坐係度睇分別只是港人喜歡奶茶，老外飲的是咖啡~ 這裡的早餐是即叫即整的所以要等上1段時間~ 交完錢後10分鐘左右便熱辣辣上盤，要自己去攞見牛扒的油還在沸騰，很好不是乾爭爭，看上去也不老~ 食落的確蠻嫩滑的，不老不韌，是不錯的薄扒~ 鋦豆焉列也似樣，落足火腿味道的確完全被鋦豆的獨有香味包著，蠻滋味的，感覺很好~相對的餐飽則差了少許，不脆不軟沒有咬頭，非常韌~ 感覺不太好，可能擺久了不過總括來説20蚊食到不錯的薄扒+焉列已是非常值得，幾抵食的~

昨晚沒有到吧飲番杯，改為吃個quick dinner 算數。由於時間趕急，所以到了在公和和這間快餐店門外猶豫了好一會，最終決定一試這間快餐店。要了什扒鐵板餐，餐是即叫即弄，非常「新鮮」，弄好後，由阿姐大喊自取。這餐份量可真是大堆頭，一大兜茄汁意粉，雞、豬、牛、腸仔、火腿各一配上大量薯條和一大砵洋蔥汁，鐵板燒得唔夠熱，所以下洋蔥汁沒有「嗞」一聲的「快感」，豬扒過嚡，但雞扒則不俗，最回味是那大兜茄汁意粉，不會煮得過腍，每條均沾滿醬汁，極美味。

最近早上都會在尖沙咀出沒,一連幾天都經過樂道,試過比較出名澳門茶餐廳同榮華,今朝呢間.唔好睇佢鋪仔細細,原來都係連鎖經營,記得響佐敦都有間.其實早餐食食去都係個D,本來無乜好寫.但係因為近日響同一條街只係相隔幾個鋪位食肆都食過,有感而發而已.以食物質素而言澳門茶餐廳同榮華都比呢間好但係服務就唔得.呢間收銀個阿姐好好服務,見我頭岳岳就好主動指個餐牌俾我,收完錢又去執,服務殷勤.講番食物,今日食牛扒,奄列,餐包同奶茶.本來全部都好普通但係餐包係熱,炒旦同牛扒係即叫即做,響一個冰凍早上,一個普通早餐變成一個窩心早餐,再加上好服務,食完零舍醒晨.

完了街show，找間平宜點的地方吃下午茶，想到阿四，我毫叫了炸雞脾薯條，炸得不錯，又有香脆”溜溜”薯條，好味呀！見到其他人叫咖哩飯，好似好好味，又好大碟，下次要試下．

睇呢度食評，雖然唔多但全部都係笑面，見行開果頭就諗住去試下，一間格局同我樓下間愛群差唔多既快餐店，但係可能因為尖沙咀區關係，價錢我覺得比我想像中都貴唔小，但係貴又點，好唔好食先最緊要，可惜個答案就係唔好食，叫o左個咖哩牛扒麵加腸仔，咖哩湯底唔靚，水還水咖哩還咖哩，個麵又煮得唔好食，腸仔又淋到好似唔知放o左幾耐咁，係得塊牛扒叫做煎得唔錯，加杯野飲$23，我樓下$18就食倒，下次不如還屋企先食好過了。

昨晚又到了這裡吃我的致愛雞翼麵餐,我最欣賞就是那些美味的雞翼呢但那些河粉認真差勁呢!但由於我對那些雞翼情有獨鐘嘛! 所以那就當是下午茶吧!唯有回到家後再買叮叮點心回吃呢!

說真的一句,知道這裡的麵是不好吃,但我就偏偏放工到這裡吃我最愛的雞翼麵餐,昨晚終於忍唔住問可否轉河粉呢? 哈哈!答案是可以呢!而且那款河粉是闊闊的,我就是愛這款河粉咯!雞翼都是照舊的好味道!

昨晩放工又去左呢到食我致愛的雞翼麵餐,今次一樣係咁大份,但係講真嗰麵就真係麻麻地咯!光身麵咯! 總之咩味都無啦! 講真我叫呢嗰餐都係想食d雞翼咋,因為炸得恰到好處,呢個就真係抵讚ga! 加上又唔會好似某茶餐廳咁整到好咸呢! 同時亦希望佢地都有心機整好嗰麵啦!

今晚放工好肚餓於是即刻到了這間沒那麼多人烟的快餐店吃飯,今晚超級想食雞翼於是就點了個雞翼麵,嘩!真的估不到那麼大份呢! 我覺得抵食過出面的茶餐廳,可能我無預計會有菜,同埋d菜ga份量都唔少喎!入面d員工雖然做野慢,但我相信係呢到ga style呢架!我都接受到ga!因為最緊要d野好食,同埋佢d唔會等你走咯!其實係好耐好耐之前都食過呢間,但當時就覺得麻麻地呢!

交完稅﹐年關又至﹐不節省一點不行。再加上趕過年前將所有事情辦妥﹐所以最近午餐又頻頻找舊老友(飯盒)聚一聚。過往飯盒選擇總是不離家家樂或燒味﹐最近則有新選擇﹐就是阿四快餐。相信跟UNCLE 4 BAR同一老闆的阿四快餐﹐過往我只間中惠顧早餐﹐水準一般﹐勝在夠便宜夠飽肚。而最近聽聞這裡的咖喱很受歡迎﹐決定試一試。這裡叫做快餐但其實未必保證會快﹐因收錢的只有一人﹐如果遇著收銀員正接聽外賣電話的話﹐還是要等的。我今次買外賣由進入店鋪至離開﹐至少花了十分鐘。而二十七元一個咖喱豬扒飯﹐連雜菜湯及飲品﹐價錢則算合理。雜菜湯是頗濃厚而偏甜﹐個人口味來說是可以的﹐但不愛重口味的朋友就未必喜歡了。飯盒份量適中﹐豬扒有兩大塊﹐味道及厚薄都是傳統快餐的標準﹐不過不失。而咖喱汁以快餐店計是做得很不錯的﹐夠香夠惹味﹐跟煎炸的醃肉類相當配合。當然不要期望是甚麼十數種香料數十年功力的那些正宗咖喱﹐畢竟只是二十多元。作為一個飯盒﹐這個咖喱已算超額完成。吃飯盒期間有同事經過﹐問我“乜0甘慘呀? 一個人食飯盒? ”我除了傻笑一下﹐實在想不到可以如何回應。心想﹕“有得食點會慘? 個飯盒都不知幾好味!”而一邊吃飯盒﹐一邊上OR