味‧壽司 (Closed)

***** 味壽司的服務質素低劣至極!******本人因為見到有推廣, 所以早前買了現金劵打算請男朋友食他最鍾愛的壽司. 點知花錢之餘,仲搞到我同男朋友食到好唔開心 . 到了餐廳門口, 望入去唔錯, 可惜樓下無位, 所以唯有上樓上, 樓上裝修比較差, 樓底又矮.不太好 !野食方面 , 我們點了一些壽司及刺身, 之後有位女待應送來一碟赤貝和帶子刺身, 但係個女待應好唔小心將其中一件赤貝刺身)跌左落台面 ( ORDER 左一只活赤貝, 共有3件),佢馬上說不好意思, 不過之後馬上行開左及沒有再理會我們, 我同我男朋友都覺得不明白點解可以甘就行左去?? 於是我地叫左附近一位男待應過來看看及將事情告訴他, 但是他聽完之後好寸甘反問返我地, "甘你地想店惦?", 我真係沒有想過會有一個甘既回覆!? 於是我問他"甘我們可以點?" 他話可以換過一碟, 不過我一望見到佢個樣,心里一寒~~, 我真係好驚, 唔知佢會比返些什麼比給我們, 所以我說不需要了, 但是佢話, 佢地唔會再要, 所以會換過一碟給我們, 當時我有點兒擔心, 誰不知道第二碟只有一件直徑只有約一寸左右( 即平時壽司上面既一半SIZ

呢條街有幾間壽司店都試過，唯獨呢間最有口碑既未試過，原來真係名不虛傅。劍魚腩壽司 ($22)：劍魚腩 size 細，口感唔會太肥膩。鮮帶子壽司 ($22)：帶子肉厚又唔腥。蟹親子壽司 ($25)：蟹糕香濃，好似食緊隻蟹甘。赤蝦壽司 ($13)：蝦肉彈牙新鮮。馬刀貝壽司 ($13)：馬刀貝新鮮爽口。芥辣八爪魚壽司 ($13)：芥辣味重，好刺激啊。海膽壽司 ($35)：普通海膽無貨，用既係貴d既馬糞海膽，味道鮮甜，份量也足夠，好好味。海膽魚籽壽司 ($28)：壽司用青瓜薄片包住，食落好 fresh，又唔會好似紫菜般易淰。胡麻豆腐沙律 ($28)：豆腐又滑又冰凍，胡麻沙律醬好香。雞軟骨唐揚 ($22)：雞軟骨炸得香脆，外皮既炸粉香口。鹽燒青魚 ($40)：青魚燒得皮脆肉嫩多汁，十分鮮味。芝士蟹籽壽司 ($13)：芝士味很香濃好好味。龍蝦沙律壽司 ($13)：龍蝦肉細細件，食唔出味道。三文魚壽司 ($10) 吞拿魚沙律壽司 ($10)：普普通通。海膽醬燒墨魚壽司 ($16)：無海膽味，麻麻地。中華沙律 ($13)：沙律淰身唔夠爽，又唔夠凍。蒜味螺肉 ($13)：蒜味夠，但螺肉不夠凍及肉質硬身。

有一排冇黎呢到食壽司.第1次食已經係成4,5年前,自此每次想食壽司都一定係諗起呢間..最鍾意呢到d飯夠"的色"..唔洗比d飯整飽晒...星期2,入座率都有7,8成..幾好~~食左三文魚-ok海松貝-第1次食,ok,味道鮮,有小小似象拔蚌個種味火灸芝士盛盒(三文魚,饅魚,帶子各一件),三文魚同饅魚都好好味!!帶子都係就咁食好味d海膽, 本人好鍾意食海膽,這裡的海膽價錢很合理,味道亦很合理, 沒有一次令我失望, 星期6一板刺身仲有特價.撞o岩星期6去多數都會成板叫黎食..櫻花魷魚,好味甜蝦,普通因為食完就趕住入場睇戲..所以今次只係食左好小野香港太多集團式食肆,難得呢間小店可以撐咁多年,因為試過好幾間鍾意ke食店都捱唔倒所以真係應該多多支持下,唔希望再有好+有良心小食店消失~~

三文魚刺身$35三文魚籽軍艦$22香芒加州卷$22吉列豬扒卷$16特上蟹棒壽司$13燒玉子壽司$10腐皮壽司$10辛味吞拿魚卷$13燒海鰻卷$22加一合共$179.00是日有戲睇，（打檑台）是也，又係港產片，cult cult地，幾好笑唔係屎尿屁嗰種，入面「羅莽」成日掛住嗰個名牌袋好攪嘢，睇番喺街有啲麻甩佬都係咁，又要扮有Taste有錢，就買過名牌袋扮嘢，套戲幾好睇，真係要支持吓啲有誠意嘅港產片想食壽司，好似呢度話幾好食，價錢係幾平，啲嘢都係一般三文魚刺身冇鮮味，好似食緊蘆薈，冇味冇道壽司飯冇米味，冇醋味燒玉子似用來貨，冇味辛味吞拿魚卷啱夠惹味香芒加州卷，芒果唔靚其餘都係乏善足陳，之後仲好口渴

好耐冇寫食評, 今日寫開另一篇~* 就想起要為 "味" 寫一篇由我第一次食 "味" 我就愛上左呢間壽司鋪短短半年就成為左佢既 member**成為member後~食得更加瘋狂~*一個月平均去5次 或以上點解去咁多~??? 因為食完佢之後~* 真係對其他壽司鋪冇晒興趣好自自然然會同"味"作比較, 而每一間都會比輸所以, 慢慢, 一想起要食壽司~就會返黎~** =]呢度有幾樣必食~!!1) 火灸3文魚腩, 佢既香味未上枱已經聞到, 當你食入口時~魚腩好肥美, 入口即融 佢火灸得岩岩好, 好多壽司鋪都會灸得太熟又或者d飯冇灸到 但呢度連d飯都灸一灸, 搞到好有香味!! 正~!!! 2) 鮮帶子壽司 鮮帶子好大隻好甜!! 次次都令我食到回味無窮!! 果種鮮甜好少地方有同樣質素!! 3) 海膽壽司 同鮮帶子壽司一樣, 你好難忘記佢果種鮮甜味!!!4) 咖哩飯~* 佢d咖哩好好食~* 越食越辣, 亦越有味道~* 唔識講~但真係好好食~**仲有好多好多好多好好食既食物~* 強烈推介大家去食下~**p.s. 早幾日帶個friend去食完~* 岩岩佢就call我~話佢條癮

我一個月都會去度食一二次, 但最近兩三個月, 發覺啲壽司飯縮左水, 細左約三分一, 而且唔係一兩次嘅事, 以前黎食覺得價錢同出面大集團差唔多, 但會較大件, 所以覺得幾抵食, 但而家細件左, 有啲偷工減料的感覺, 因我付錢無比少你, 但你就比少左野我, 我知道而家物價越來越貴我寧願你加貴少少囉, 唔好咁鬼鼠, 因我哋成日食會發覺到架, 其實, 呢間野食啲質素都唔差, 都幾新鮮, 但咁樣會比我覺得佢哋唔係咁好囉, 所以希望佢哋有所改善啦, 唔係我都唔會再去幫趁啦!

上次食完金水之后就好驚"lai"野,今日原本想去峄壽司;但因為遲咗少少收工,見到呢間食評唔錯,費事去到峄壽司排隊,就膽粗粗試吓呢間果然唔錯,推薦所有有海膽既壽司.d海膽真係好新鮮,比monster & 峄壽司都好,帶子係峄壽司既size咁大,但味道都唔錯,三文魚都好肥,叫咗3碟.埋單$310 (2人),平時去峄壽司都要4舊幾.上次去monster重要5舊幾tim. 想食吞拿魚腩可惜無,希望下次有la.$35有2件.第二度要$36/1件.食咗以下壽司:火炙海膽醬帶子火炙帶子三文魚吞拿魚腩軍艦 海膽吞拿魚腩軍艦海膽魚子軍艦海膽軍艦炸蝦卷天婦罹蝦炸蠔卷鹿兒島牛肉火炙三文魚淮生卷ps, 呢度最好既係無?人,我走既時候7:30都好少人.平時去峄壽司走7點都叫緊飛.monster重差,成日話要1小時交枱

一行三個人, 剛好看到此店下午茶做緊$19以下壽司2件送1件, 即每碟有3件, 便入去試試.店面真的好細, 不想對著門口, 唯一只可選擇迴轉枱$19以下壽司, 選擇都很多當日我地食左:-腐皮 $9 ~ 普通北寄貝沙律軍艦 $13 - 大件芝士蟹子軍艦 $13 - 好味龍蝦沙律軍艦 $13 - 抵蟹棒 $13 - 普通鰻魚 $16 - 好味喜靈魚 $19 - 大件魚生沙律腐皮 $19 - 普通總括而言: ok, 抵食, 會再去

今天同妹妹去食壽司.燒牛肉壽司 牛肉有點過熟<火炙> 好好味, 如果可以熱d 就好.火炙帶子壽司, 火炙三文魚腩壽司由於即炸, 所以極好味, 不果d飯唔夠黏, 一夾就散晒~~炸蝦壽司 仲有食咗 九州烏冬 , 麻麻地, 唔係好夠熱, 味道一般~~

今晚我和兩友人,去完睇魚後.去了始創對面這處,早已知道它出名是人手握制,新鮮壽司..所以也主力下單此也.叫了甚麼大致記不起,都有成十款,試過後也感覺幾好的.魚類,海鮮類..鮮嫩肥美..飯和配料的比例適中但故不到,三文魚生飯.分量十足,厚厚一整片面的三文魚.其新鮮度與肥美度都很高.日本米飯.粒粒幼滑可口..和魚生配合得天衣無幾幾.最後！埋計約只需二百六十.真係幾低..推介給各位.太子區真不錯的日本手製的壽司

今晚同老公慶祝，在新公司服務左兩年，好開心啊！佢原先話食元Ｘ，我上網睇睇附近有兩間可以一試，喱間有位就試下喇！魚翅海蜇：汁有Ｄ酸酸地，令我胃口大開。麵豉湯：味道普普通通。芒果炸蝦卷：芒果唔酸，炸蝦脆而爽甜。三文魚sushi & sashimi：食落口唔會有筋，又甜又大件。吞拿魚sushi：甜而不膩。火炙帶子sushi：從未食過咁大件既帶子壽司，好有肉地，正。魚生粒腐皮：蟹子，三文角粒，吞拿魚粒，Ｘ魚粒，少少飯放在腐皮上，頗特別既配塔。軟殼蟹手卷：紫菜好脆，軟殼蟹口感適中。

向來喜歡吃日本菜的人某天在上開飯喇的時候, 剛好找到這間店, 看到價錢不貴又近我居住的地方, 所以就選了。跟男朋友大概7時到達, 人不多, 被選了坐在迴轉壽司枱。我們點了拉麵, 海鮮鍋烏冬, 多碟壽司包括火炙三文魚, 普通三文魚,吞拿魚腩, 火炙海膽醬帶子, 火炙蟹腳,等等。拉麵海鮮鍋烏冬普普通通, 不多評, 三文魚肥美, 推介!自己最喜愛的是吞拿魚腩! 吞拿魚色澤美麗, 咬下口肥美無比,油脂的甘香滿溢嘴中, 令我吃完一碟又想再點多一碟, 可是有點貴呢, 要35大元一碟, 所以我們收手了;D 另外火炙蟹腳覺得比較普通, 很失望, 沒有什麼味道 火炙海膽醬帶子還可以, 我反而覺得未火炙的鮮帶子比較肥美可口呢!我相信這間壽司店比對面的那間更好吃呢

今日有朋友黎同我食lunch慶祝生日...之前係度睇到li間野...見好多喎...咁咪約朋友去試下law...火炙帶子...火炙鰻魚...好好味....十個讚...炸軟殼蟹又係好味道喎...芒果炸蝦卷都好得...li間野...值得再去食....

食過咁多次, 佢地既鰻魚壽司最好食, 應該係燒過既關係有少少脆邊, 同埋加左一ｄ蔥花,幾香,唔錯唔錯, 芥辣八爪魚軍艦個辣味幾刺激, 都幾好食不過佢地d三文魚就略厭薄左d, 無咩口感,另外, 最好就坐樓下,因為樓上既服務態度同下面真係差得遠,上面果d侍應做野比較慢, 同埋成日黑晒面咁下面果d就好得多la~~

出開太子工作, 午飯時間隨便找了一家食店.由於都將近2點, 店都已經沒有多少顧客. 本打算叫一個定食快吃快走, 不過壽司餐吸引了我的注意: 帶子, 三交魚, 吞拿魚, 蟹棒, 甜蝦, 鯛魚...再加一個自選的飯或烏冬, 小弟點了一個蔥三文魚腩飯. 42元有這些東西, 抵食, 質素當然要上菜先知啦.茶...很淡, 茶包問題. 不過我不是來喝茶的, 也罷.先上壽司, 壽司飯握得實了一點, 不過總比一夾就散為好. 鯛魚有點鯹 蟹棒實了一點, 味道可以甜蝦冇特別意見 帶子鮮甜厚肉! 意料之外 吞拿魚沒有吞拿魚獨有的血味 三文魚一般迴轉壽司店供應貨色後上的是蔥三文魚腩飯蔥夠香, 不過三文魚腩唔夠肥, 飯上面加左少少芝麻, 幾香.份量係一個小碗, 一個佐餐而言個size都ok.$42有如此份量同味道, 已經再冇要求.不過...話有小食, 但影都唔見...不過食完先記起, 都懶的去追了.