味道樂居酒屋 (河內道) (Closed)

趁住有幾日長假期，唔使湊天天返學🎒，梗係搵人嗒返兩杯🍻啦最鍾意去居酒屋🏮，#味道樂居酒屋 尖沙咀分店響河內道地理位置非常方便，入邊裝修非常有家庭式日本居酒屋嘅風味，而且價格又實惠北海道真蠔🦪😋每一口都散發出海洋的鮮甜，蠔的質地鮮嫩多汁，彷彿在口中綻放出幸福的海洋花朵。香炸一口芝士🧀️🔥芝士的香氣在炸的過程中散發出來，讓人垂涎欲滴。😍迷你三文魚子甜蝦蓉丼飯🍚🐟三文魚子的鹹香與甜蝦蓉的鮮美完美結合，讓我彷彿在口中品味到一場美食的交響樂。💕味醂魚乾🐟味醂的香甜與魚乾的鮮美相互融合，一口魚干一啖sake，真係極之享受😋🐟🌸金紋細鷹純米吟釀🍶清酒色澤清澈，散發出芬芳的香氣。一口品味下去，口中瞬間充滿了酒的香甜和芳醇⚡️

黑松露帶子刺身沙律配柚子醬（HK$138）：帶子好大粒，成碟菜都好切到好碎，而且感覺不新鮮， 日本生蠔刺身-3隻（HK$128）：雖然生蠔唔係巨型果種，但味道鮮甜濃郁，生蠔底下仲有d海帶，非常美味！牛肉壽喜燒（HK$148）：份量唔大，牛肉得面頭兩三塊。壽司盛盒-八件（$248）：壽司全部都好唔新鮮，d飯仲唔知有咩汁撈埋，見到都唔開胃。總結：今餐唔知食左咩就700幾蚊，只有日本生蠔好食，除此之外毫無亮點，完全唔建議黎呢間。

衰過漏單，唔追問都唔知無貨。好日去食lunch。叫左個香煎牛油三文魚丼。手機落單顯示落左，前菜同湯都有上到。同臺既朋友已經好快收到餐食緊。我就一直等，等左半個鐘追一追佢先同我地講話無貨賣曬。我地唔出聲佢都唔會話比我地知，要我地等一世。無出到餐無貨居然唔識主動話我地知，咁咪lunch time完左都無飯食？d侍應又好無留神，叫好事次先有人應。 強烈建議大家唔好黎呢間食，尖沙咀食日本野仲有好多選擇而且價錢平過呢度好食過呢度都有。衰過漏單，唔追問都唔知無貨。好日落去

就係K11對出一直都冇留意到，見到朋友推介先黎trytry😆又真係好出色！原條鰻魚飯真係超大條飯食晒啲魚都未食晒🤣✅海膽三文魚子丼飯一定要嗌，海膽好鮮甜Creamy多到就嚟溢出嚟！仲嗌咗✅帶子蟹膏飯卷，同埋✅鮟鱇魚肝，兩個都好惹味！不過最鍾意嘅都係海膽三文魚子丼飯今次兩個人食有啲嗌多咗，冇諗到份量咁足！有驚喜！.好難得喺尖沙咀旺區係一個遊客都冇，成餐真係好enjoy ，我好夜先去都坐到八成滿，所以如果想去佢book咗枱先～

芝士燒雞扒溫泉蛋丼套餐（午市）（$65）一碗硬冷飯 + 一塊仔炸雞扒 + 一塊芝士 + 一大pat美滋乃 + 少量中華沙律和蛋碎+ 一隻溫泉蛋食醬佔居多，啲飯超硬，似係未煮熟，同埋啲飯係凍嘅。雞扒都係就咁用炸爐炸出嚟而唔係燒嘅。前菜有蒸蛋、沙律、麵豉湯，連一杯免費飲品（橙汁）或甜品（雪米糍一粒），都幾豐富，才$65另加一，以地區來講係幾抵食。不過就唔好盼望會有咩Service，個較senior嘅女店員態度麻麻地，唔肯幫唔識掃碼落單嘅老人家顧客。 環境就幾好坐。

經常在這家日料附近流連，今天趁有時間之際進去品嚐一下！😋1。網池刺身（肉質帶點咬口，一點都不腥，清甜爽滑）2。明太子火炙三文魚卷：三文魚厚身，色澤好，紋理分明，三文魚炙燒熟外層香脆，經火炙輕輕帶過有誘人的焦香，口感油香，實在是太好吃了！3。迷你三文魚子甜蝦蓉丼，魚子，甜蝦蓉，新鮮，份量10足，材料豐富，顏值高，口感極度奢華！4。牛肉壽喜燒，這是我吃過價錢最合理的壽喜燒，重牛肉，牛肉口感嫩滑可口，分量足！5。🇯🇵生蠔刺身，價錢便宜，味道鮮甜！6。黑松露和牛炒飯（碗），黑松露濃郁，炒飯粒粒分明，啖啖和牛肉混合埋一齊食，好香口，好食到根本停不到口！😋

放工後係TST 同同事晚餐吹水，揀左間成日都full house 的居酒屋，地點極度方便地鐵站隔離，重點係好有氣氛海葡萄油甘魚刺身野菜沙律-好少地方食到沖繩島名物海葡萄，新鮮爽脆咬落去多汁-油甘魚肥美厚切，份量多有成6-8塊，$138黎講抵食！日本生蠔(3隻)-唔係巨型size 嗰種但好鮮甜，蠔味濃，有after taste黑蒜黑豚肉卷-黑蒜醬汁落得好豪爽，整串黑蒜味十分濃郁👍🏻-黑豚豚肉好香，唔會太油膩明太子醬燒玉子串-一定會encore 的一碟！玉子非常嫩滑，唔會太甜, 蛋味香濃-重點係明太子醬燒後好濃郁，係明太子特有的鹹香，再帶點微辣鹽燒華美雞雞腎-燒得好出色，微焦，加左鹽更顯雞味明太子雞翼-外脆內juicy, $68 兩隻，CP值極高

Happy Friday約咗朋友一齊飲杯嘢Chill吓，係尖沙咀行行吓見到間叫味道樂，日本居酒屋睇落好有feel，所以就入咗去食晚飯。入到去已經覺得餐廳好有日本居酒屋氣氛，我哋一人叫咗一個主食，再叫啲snacks。我叫咗個原條成田醬炭火燒鰻魚飯，上台真係好大條鰻魚，大到隔離枱到望住我哋碟飯嘩嘩聲。鰻魚食落都肉都好嫩，外層蒲燒醬偏甜但唔膩。除咗鰻魚好大條，白飯都好足，啲飯索咗啲蒲燒醬之後都好惹味。成個飯性價比極高，足料到一個人都真係食唔晒。朋友本身鍾意食海鮮同湯麵，所以叫咗海鮮特濃魚湯烏冬。先講啲料我就咁望落已經好多，有一隻大蝦、一舊三文魚肉、帶子、魷魚、日式魚蛋同埋好多菇同海苔，本身以為咁已經好多，再撈下原來仲有一隻蠔係下面，一樣咁抵食。湯頭無論聞定飲落，都好鮮海鮮味。烏冬亦好煙韌同好大個，朋友話食晒成碗已經飽咗。不過我哋見去居酒屋都當然要叫啲小食食住傾吓偈，叫咗芝麻雞翼炸得好香口，唔會太燶，加埋啲芝麻口感同香味都更豐富。仲叫咗一個送酒一流嘅香炸薄脆魚片，食落係香口酥脆嘅，有淡淡魚香味，跟埋一大堆沙律醬，真係好有居酒屋嗰種風味。我另外仲叫咗一隻牡丹蝦刺身，好新鮮處理得好好，蝦腸嗰啲全部

呢間日式居酒屋喺尖沙咀屹立不倒，食物款式眾多之餘，價錢非常親民！火炙北海道帆立貝蟹膏卷 $98蟹膏嘅濃郁配上鮮甜帆立貝，同埋火炙嘅香氣相得益彰。每一口都充滿咗鮮美嘅海鮮味，好滿足。牛肉壽喜燒 $128將牛肉嘅鮮嫩同埋壽喜燒嘅獨特風味結合得恰到好處，牛肉薄切牛味濃郁，再配上壽喜燒嘅甜味醬汁，全部配菜都好入味。石鍋鰻魚炒飯 $148呢道菜有石鍋嘅香氣，鰻魚肉質鮮美多汁，炒飯每粒都入味，好辣辣仲有少少飯焦，煙靭脆口。味道樂自家制生啤 $78黎居酒屋梗係唔少得嘆番杯生啤啦，呢度有自家製嘅生啤，順口味道較清淡，咁就唔會搶咗魚生嘅鮮味。

放工去咗K11附近同朋友行街，行到有啲肚餓就諗住食飯，但又唔想去K11商場食啲連鎖式集團嘅餐廳。朋友介紹去K11附近嘅味道樂居酒屋🤤，一於去試吓我地兩個人因為驚唔夠飽，叫咗唔少壽司同飯卷😂。我哋叫咗三文魚火炙壽司、左口魚邊火炙壽司、大葱特上吞拿魚腩卷、脆炸軟殼蟹反卷、海膽手卷、鹽燒雞翼同埋芝士免治雞肉棒😋三文魚左口魚邊火炙壽司🍣新鮮嘅三文魚同左口魚配上火炙，正🤤。佢地嘅左口魚邊食起上嚟有口感，唔似岀面嗰啲淋得滯👍🏻大葱特上吞拿魚腩卷🐟大葱配上肥美嘅吞拿魚腩卷，可以令到口感更加豐富，連平時唔太食葱嘅我都忍唔住食多幾件🫣脆炸軟殼蟹反卷🦀佢哋啲飯卷，份量好足。呢款軟殼蟹炸得鬆脆，配買沙律醬，邪惡得來，又唔會太過油膩🤤海膽手卷鍾意食海膽嘅朋友一定要試，鮮味十足，份量亦都夠大。鹽燒雞翼、芝士免治雞肉棒🍗鍾意食雞嘅我又點可以唔試呢度嘅雞翼同埋雞肉棒呢🤤。呢度嘅熱食都冇令到我失望，雞翼燒到香脆👍🏻。芝士同雞肉棒嘅配搭亦都好夾。

今日去尖沙咀接朋友收工 佢提議黎食呢間味道樂居酒屋 因為佢之前同同事食過話幾正 間野又近地鐵站 食完可以嗱嗱臨返屋企煲劇一入到去見到間餐廳裝修同佈置幾靚 唔講以為真係去咗日本居酒屋 waiter都好有禮貌同埋好好笑容壽司盛盒（八件）$248全部都好新鮮 三文魚入口即溶脆炸軟殼蟹反卷 $98外脆內軟既軟殼蟹 調味適中 唔會太鹹 黑松露和牛炒飯 $68非常之香嘅黑松露 加埋日本和牛 真係頂級嘅炒飯配搭總括嚟講 呢間餐廳環境靚嘢食高質 俾咗一個好好嘅體驗我 下次黎尖沙咀一定會再黎食

睇戲之前，嚟到河內道嘅味道樂居酒屋，店內環境好似日本一樣，餐具精緻，牆身貼滿唔同嘅特色佈置，充滿日本風味。✨黑松露帶子刺身沙律配柚子醬 🥗沙律上菜嚕！濃濃嘅黑松露香味撲鼻，大大粒嘅帶子味道鮮甜爽口。沙律菜加入紫甜番薯望落顏色豐富，份量仲好多呀～✨芝士鐵板餃子 🥟滋滋聲嘅鐵板餃子飽滿大粒🥟 餃子上嘅芝士Topping，令餃子帶有香味濃郁嘅芝士🧀️。✨鹽燒雞翼雞翼熱辣辣，外脆肉嫩，仲可以加少少檸檬🍋汁調味，令雞翼帶有微微嘅酸味，更加開胃！✨日式卷物 🍣（大葱特上吞拿魚腩卷 ＋ 辣三文魚碎卷）日式卷物叫咗最鍾意嘅吞拿魚腩同辣三文魚，吞拿魚腩軟綿綿，幼細香滑，充滿魚油香味，而辣三文魚香口惹味，忍唔住一啖接一啖！✨明太子醬燒玉子串厚厚嘅玉子加上滿滿嘅明太子醬，入口香軟，啖啖香濃蛋味道，仲唔係大人小朋友嘅最愛！✨黑蒜黑豚肉卷 🫔黑蒜醬掛滿黑豚肉卷，肉味醇香，肉汁豐富，同甘香嘅黑蒜味真係好夾呀！

相約舊同事一起去吃晚餐。這家食肆位於尖沙咀，很方便。居酒屋的內部環境充滿日本懷舊風味，有燈籠、日本海報、日本酒及日本玩具等，燈光柔和，氣氛輕鬆。吉列蝦配芥末沙律醬58元，吉列蝦外層香脆，蝦肉彈牙，沙律菜鮮甜。 脆炸軟殼蟹反卷98元，賣相美觀，軟殼蟹脆卜卜，蟹籽爽脆，沙律醬味道正常，飯粒軟硬適中。燒油甘魚餃148元，魚皮香口，魚肉鮮嫩多汁，魚油甘香，十分美味，值得推介。原條成田醬炭火燒鰻魚飯148元，鰻魚巨型，肉厚，醬汁濃郁惹味，飯粒軟硬適中。

下班約了朋友晚飯聚舊，選了尖沙咀的居酒屋。居酒屋食物款式多，刺身壽司、串燒燒物、手卷等，應有盡有。火灸北海道帆立貝蟹膏卷 - 紫菜包著蟹柳及青瓜絲，鋪上鮮甜帆立貝及蟹膏，再稍以火灸，濃郁蟹香味爆發出來。明太子醬燒玉子串 - 甜甜的玉子配充滿鹹香的明太子醬，味道相襯。燒米餅 - 暖暖的米餅帶點微甜，掃上醬汁燒，煙韌可口又不會太膩。燒日本磨蠔 - 有三款口味，選了其中兩款。辣蒜惹味，煙肉櫻花蝦則滋味帶點香脆口感，配飽滿燒蠔，各具特色。石鍋鰻魚炒飯 - 鰻魚掃上甜醬汁燒，肥美惹味；炒飯乾身，除蔥花、蛋絲、紅蘿蔔粒等外，還加入了鰻魚粒，份量之大，抵食。

味道樂居酒屋是一家位於尖沙咀地區的日本風格居酒屋，提供優質的日本料理和獨特的用餐體驗。這裡以其豐富多樣的菜單、新鮮的食材和舒適和溫馨的環境而聞名。裝潢簡約風格，充滿日本的氛圍。味道樂居酒屋的菜單非常豐富，提供各種日本傳統料理和創意美食。無論你是喜歡生魚片、壽司、炸物、燒烤還是飯麵，這裡都能找到適合自己的菜式。他們使用新鮮的食材，並注重食物的味道和質量。他們特色的燒烤串燒更是引人注目。菜式評論：1. 安格斯牛肉串：如果你是一位喜愛牛肉的美食家，那麼「安格斯牛肉串」絕對不容錯過。這道菜使用優質的安格斯牛肉，切成小塊串在竹籤上，經過炭火燒烤至香嫩多汁。牛肉的質地鮮嫩，油脂均勻分佈，搭配上餐廳特製的調味醬汁，口感和味道更加豐富。每一口都帶來滿滿的牛肉風味，絕對令人滿足。2.「鹽燒翠玉瓜」是一道清新爽口的菜式。這款菜餚使用新鮮的翠玉瓜，經過簡單的烹調，保留了瓜的嫩度和天然的甜味。它們輕輕灑上一層細膩的鹽巴，提升了瓜的風味。每一口咬下去，清爽的口感和微妙的鹹甜味道交織在一起，令人愉悅。3. 白桃乳酸梳打：「白桃乳酸梳打」是一款清涼又甜美的飲品。餐廳使用新鮮的白桃和乳酸飲料，混合調製而成。這個組合帶