味千拉麵 (愉景新城) (Closed)

［豬軟骨拉面］中學時代，味千剛黎到香港，開左好多間分店以前都覺得幾好食但現食質素已經變晒以前我最鍾意食豬軟骨拉面因為佢D豬軟骨炆得好淋連D軟骨位都係炆得好淋好淋但咁多年無食~~真係變晒，拉面面質偏硬，好似是但整完就送出黎咁湯不夠熱，但味道還好但我最期待既豬軟骨真係變晒質份量變得好細舊而且豬軟骨已經無以前炆得咁淋咁入味相信唔會再有下一次了

上星期囡囡上完興趣班醫肚，到愉景新城的味千拉麵，6點已經有不少食客光顧，見到餐牌多了很多新菜式十分吸引。我們點了豬軟骨拉麵、味千沾汁麵、趣脆薯條、北海道薯餅及特飲巨峰乳酸蘇打。豬軟骨拉麵一如以往好味，用上豚肉白湯，豬軟骨入味軟淋，麵的質感剛剛好，囡囡説很好味！新推出沾汁麵麵粗彈牙，蔥花可自行加在湯內，麵還配上慢煮叉燒、竹荀及半隻蛋，麵掛著湯特別美味。新登場的小食也十分吸引，囡囡見到趣脆薯條十分雀躍！我們揀選海苔口味。薯條香脆乾身好味，配上海苔粉味道提昇！北海道薯餅外脆內軟，入口即溶，香口美味。

今日同家人嚟愉景新城食晚飯，不嬲食開味千拉麵，水準冇變！佢鍾意食豚肉拉麵，同豬軟骨拉麵，質素好有保證，無失手！今次仲食咗肥牛鐵板餐，十足出面食嘅鐵餐！埋單只需要200多元，好抵食！

餐廳的佈局比較闊落，好適合照顧年紀細的小朋友Tea Set 超級低食，而且份量剛剛好，食完唔會超級飽而影響晚餐味千拉麵，仔仔最愛，豚肉&蛋炸雞拉麵，配了3款醬汁，其中黑松露沙律醬最最最好味😋

行街經過味千拉麵，老公話好耐無食，想去食下叫左一人一個拉麵+小食+飲品長崎海鮮拉麵係豬骨湯底，海鮮都好鮮甜～有蝦、帆立貝、蟹棒、魷魚等等嘅海鮮非常足料！拉麵軟硬程度適中！超級豐富嘅拉麵！全盛拉麵老公話呢個拉麵啲料好好味，有芝士竹崙、炸蝦、叉燒👍🏻我食左半條芝士竹崙，真係好正！超多芝士😍日式餃子即叫即整嘅餃子，熱辣辣！外面少少脆炸蝦餅又係一個好好味嘅小食之一！蝦餅好彈牙😋 兩塊完全唔夠我地食🤣飲品我哋都叫咗一熱一凍嘅仙草奶茶！

味千拉麵都係第一次食😆 一路都以為係賣$8x-9x一碗拉麵 點知原來都係$5x-6x一碗拉麵🤩比想象中平左 搞多可能之後會多左黎食🤣豬軟骨拉麵 $65豬軟骨已經炆到非常淋 唔食咬都化開咁濟😍 拉麵湯底是豬骨湯 不會太咸👍🏻 麵是幼身拉麵 但麵質不算是太彈牙的那種拉麵。麻辣牛肉拉麵 $65麻辣牛肉一上枱 老實說並不吸引 但湯底反而有驚喜 唔會太辣 但有足夠的辛辣的香味和辣度～日式餃子 $28同一般食既餃子一樣都係皮薄餡多同埋都多汁～🙈日式秘製炸雞 $35炸至金黃色 非常脆 皮唔厚👍🏻凍檸茶

餐廳門口的味千妹妹， 十分趣緻可愛， 裝修簡潔明亮。海鮮拉麵(優惠價)$58海鮮拉麵湯底， 奶白色十分吸引 ， 先呷一口湯 ，湯底味道醇厚， 香濃而不膩 ，拉麵材料豐富 ，有蟹柳、小元貝、 彈牙蝦仁、魷魚鬚及爽甜蔬菜， 彈牙拉麵， 掛汁力強， 吸收了豬骨湯底精華， 跟湯汁一起吃， 別有一番滋味。吉列豬扒拉麵$75吉列豬扒十分大件， 即叫即炸， 外皮炸到金黃色，熱呼呼， 香噴噴 ，令人垂涎， 大口咬下， 豬扒十分香脆， 豬扒仍然保持嫩滑， 令人津津回味。蒜片牛肉粒$43牛柳粒表面鋪滿炸到脆卜卜的 蒜片， 散發著誘人的蒜香 ，上枱時熱燙燙的牛柳粒， 在鐵板上， 發出吱吱聲， 肉香四溢， 時間控制剛剛好， 入口充滿肉汁， 十分嫩滑細緻， 與香脆蒜片一起吃 ，讓人陶醉其中。日式餃子(五隻)$28日式餃子，皮薄餡靚， 大口咬下 ， 肉汁從口中爆出， 大快朵頤。仙草奶茶(凍)$20仙草奶茶， 入口順滑， 滿滿的奶香，比例調配剛剛好， 不會太甜 ， 配上滑溜仙草，口感更加豐富，冰爽怡人， 飲後令人暑氣全消。

#試新拉麵 #緬懷長崎之旅 #後附當地旅行相.上年疫情前去咗轉長崎 #nagasaki 🇯🇵但而家只可以睇相懷念出走嘅美好時光～為平衡想飛嘅心唯有去食碗日本拉麵啦 (吃貨總有食嘢嘅藉口😆)今日經過由細食到大嘅 #味千拉麵 ～發現有新menu喎～襯餓餓哋就入去獨樂樂開個餐啦～.★長崎海鮮拉麵 $58秘製烹調乳白色豬骨濃湯～再配以多種海鮮 (蝦,蟹棒,魷魚鬚,帆立貝...)&蔬菜等配料～營養滿滿^^鮮味十足😋😋.★仙草奶茶 $20特別推薦！！！以仙草,紅茶,奶等調配而成🙌飲一啖即刻冰爽降溫～一路食麵一路飲好滋味^^.★蒜片牛肉粒 $43每次經典必叫小食😆😆肉粒唔會韌～再配上卜卜脆蒜片～食到停唔到口！！

今日跟爸爸到了愉景新城開餐。呢期愛上了食拉麵。估唔到六點幾既時間，呢間分店都已經有咁多食客，好彩爸爸早到，所以我唔洗等位。入座後，睇下食咩好，原來味千已有50年歷史，果然唔簡單。不過我都記得自己細細個都好鐘意去味千拉麵，以前冇咁多唔同既拉麵鋪，諗起拉麵都系會去食味千。過左咁多年，味千水準依然好好，而且性價比都高。我們點了飲品。一杯是生薑蜂蜜。十分足料，有原片既生薑同有無數既生薑絲，飲起來夠曬姜夠曬暖身，而且入面仲有蜜糖，好滋潤，呢杯冬天飲好岩。另外一杯點了水果茶，入面有藍莓、橙等等的水果，唔錯，甜甜的，好開胃又消濟。小食方面點了秘制炸雞。嘩，份量都不少呢，都大份，粒粒雞粒又香脆惹味，入面仲份外juicy，very yummy。一啖一粒，好快成碟炸雞都被我們掃光了。另一款小食是香煎蝦餅。有兩片，沾上了甜辣醬吃，十分惹味，咬開後，仲會見到粒粒蝦肉，好彈牙好有口感。爸爸點了豬軟骨拉麵，每碗拉麵都配有半顆溏心蛋，正。拉麵份量都不少的，拉麵爽口彈牙，豬軟骨啖啖肉，充滿膠質，而且肉質又腍身，yummy。食豬軟骨都已大滿足了。個湯底又正，濃濃豬骨味。另一碗點了豚肉拉麵，份量好多，成個碗都鋪滿了又薄又

疫情關係相信大家都多咗係屋企食飯或者會出街買外賣，小編本身自己都幾鍾意食拉麵，所以早排就買咗份外賣拉麵返屋企慢慢嘆，新推出既【外賣懶人拉麵組】有啲似平時嘅懶人火鍋，仲有提供發熱包，返到屋企只要5分鐘就可以食到好似堂食嘅質素，微波爐都慳返，方便得黎又快捷💜_🍜麻辣牛肉拉麵湯底辣辣地都幾易入口，個湯底亦夠香濃惹味、牛肉嘅份量非常充足，一個人食已經好足夠，而且仲有小許配菜，拉麵既軟硬度剛剛好，食落去幾彈牙套餐配飲品一杯小編就揀咗仙草奶茶，味道唔會過甜，仙草就好滑身，增加奶茶口感_新產品小食 ：香煎蝦餅🦐香煎蝦餅有兩大塊，食落去非常彈牙有口感，旁邊仲附上左檸檬同泰式辣醬，食落去更加惹味，下次同朋友試埋其他小食先🤣

行過 味千拉麵 見在有個限定套餐好似好吸引，試試吧。其實這個麵比下午茶貴很多，叉燒拉麵套餐$28，這個要$58，試下值唔值。喜歡他們的形容這個套餐的口號「營養滿滿，免疫力up!」第一口吃蟹柳，冷冷的要扣分，其他還有小元貝，蝦仁，魷魚鬚及好多蔬菜，尚好。乳白色的豬骨濃湯味道不錯，這比叉燒拉麵的湯頭清，所以你會感到麵條比較清爽。

假日同仔仔出去愉景新城買日常用品，買完太肚餓又唔想返屋企煮飯食，呢個時候為食的仔仔話想食拉麵， 諗一諗我地都好似好耐冇去過味千拉麵到食了，所以就咁入去座低嘆拉麵了。由於我地實在太肚餓，所以一口氣叫左以下兩款拉麵，兩款小食和兩杯飲品 :番茄肥牛拉麵 ~ 一大碗滿滿的肥牛，旁邊有粟米和番茄， 湯底酸酸甜甜好岩小朋友食。全盛拉麵 ~ 有一件炸蝦， 兩件蟹柳，一件肥瘦適中的叉燒， 一件芝士車輪超長好好味，湯底濃郁唔會過咸，拉麵煮得剛好唔會太淋，因我好怕過淋的拉麵。香煎蝦餅 ~ 蝦餅兩件， 蝦的份量好多，好彈牙。蒜片牛肉粒 ~ 極度推薦一定要食， 我和仔仔超愛呢碟， 炸過的蒜片， 放入鐵板牛肉粒到夾住一齊食超香， 而且牛肉好腍好入味。最後仲有兩杯正野仙草奶茶 和 鮮檸檬紅茶。係味千拉麵都可以食得好豐富的。

今天跟朋友到荃灣愉景新城想吃個西式下午茶，主要是為了那兒的黑糖麵包。行過「味千拉麵」見到有超值的下午茶套餐，一個叉燒拉麵加飲品只售$28，超值，還有幾個選擇呢。我們都叫了叉燒拉麵，追加了一個日式餃子🥟$10，叉燒拉麵實在唔錯，麵量唔會太少，半熟蛋金黃流心又入味，叉燒樣子好靚帶點點肥，還經過炙燒所以特別甘香，有肉香有油香，好讚。日式餃子就沒有什麼特別要推介，普普通通啦！奶茶就當然冇茶餐廳的好。

宜家夜晚冇得堂食 想食拉麵都唔得添😢好消息！味千拉麵好貼心為各位拉麵控推出左外賣包 只要將獨立包裝湯包倒落大兜 將加熱包放入 等5分鐘就可以開餐laaaa💛唔怕湯汁比麵吸晒 又可以食到熱辣辣嘅晚餐～.拉麵外賣包可以自取 都可以係網上外賣平台 apps買到 安坐家中就有專人為你送上🤟🏻.👉🏻全盛拉麵($68)主要配菜有叉燒、芝士竹輪同吉列蝦叉燒肥瘦均勻 吉列蝦外皮偏厚芝士竹輪有滿滿嘅芝士 仲有蟹柳同粟米 但稍嫌粟米口感太硬湯底係豬骨湯 幾濃郁 有進步！冇以前咁多味精了😛.👉🏻日式餃子($28)食個陣凍左 我就拎左去微波爐叮叮佢個皮脆脆地 好香又唔會太油———————————-味千拉麵荃灣青山公路荃灣段398號愉景新城1樓1016-1018號舖

依家喺屋企唔洗開火🔥都食到拉麵⁉️都可以用新奇手法食到拉麵⁉️我講緊嘅係 味千拉麵 推出既外賣包裝🛍·外賣包裝分開上下2層，上層係即叫即製既拉麵同配料，下層則附有發熱包♨️ 而湯底亦用上即煮密封獨立包分開上，安全得嚟👍 仲唔洗怕返到屋企啲麵索哂啲湯汁啦🤗 只要將水倒入下層指定水位💧倒入湯包快速閂蓋，發熱包就會發揮作用，等待5分鐘加熱後，就可以食到熱辣辣既拉麵啦🍲 **特別要注意開蓋時既熱蒸汽呀！·▪全盛拉麵  HK$68▪金菇牛肉卷  HKD$30▪生薑蜂蜜  HKD$15·@hkajisenramen依家係 外賣APP 都可以叫到哩個味千拉麵外賣喇！