赤羽居酒屋 (Closed)

食過咁多次鰻魚，都未試過食一條好似橡筋般嘅鰻魚，咬極都咬唔斷。食左大半，咁岩隔離枱又係叫鰻魚，人地用刀輕輕就好易cut開佢，我嗰條就同食一條橡筋咁無分別😑😑

星期日夜晚一家三口過黎dinner，7點到 等左10分鐘有位！叫左白鱔串燒，大葱雞肉串燒，雞腎串燒，茄子串燒，燒玉子，豬骨湯拉麵，牛肉湯烏冬，魷魚筒，芝士年糕，他他醬炸雞，燒飯團！連加一$430落樓。基本上性價比係OK嘅，食物質素唔錯，價錢亦公道！接受價。裝修幾好坐得舒服，店內燈光夠光猛！午市會更抵食！會繼續幫襯。老婆食完都讚不絕口，阿女囡好喜歡佢哋嘅牛肉湯烏冬，同埋飯團及燒玉子！今次無叫清酒！其實佢清酒都好多選擇！下次再食會叫清酒，好好享受吓！

第一次去此店，位置好隱蔽，應該係熟客多，今次係為左食好野而來，朋友介紹！朋友影相我睇，都令我流晒口水，想來試食！終於來到，入內環境乾淨整齊，重點係肚餓食咩好呢？餐牌花多眼亂，樣樣都想食，侍應好好招呼！食物質素好新鮮，賣相好精緻，雖然細細碟，但款式多，味道不錯！可叫多幾碟慢用，加埋啤酒送雞軟骨，正爆！最後加多個芝士或朱古力蛋糕，好圓滿的一餐！價錢叫咁多都抵食，值得一試！快d call朋友去試下啦！我一定會再去食番餐勁既！多謝晒🙏🙏

嶺南附近無野好食，同事帶我搵食搵到井財街，聽講新開張無耐！午市定食太抵食，唔洗加一，所以一連黎左兩日。跟餐有味噌湯、沙律、小食加餐飲。沙律個芝麻醬好正！小食原來會轉。而且餐飲除左汽水外，仲有熱柚子茶！正主食分別試左日式咖哩魚柳飯（$52）同特級牛肉炒野菜（$68）。同事試左燒鯖魚都唔錯，不過唔記得影相，同應該係即燒關係，等得比較耐。日式咖哩勁大份！！咖哩甜甜地、蛋夠滑、魚柳超脆夠香，雖然唔係炒飯底，都好正。牛肉炒野菜要一讚d卷心菜夠新鮮！下次一定再幫襯

上星期同同事去試D一間新餐廳，午餐唔貴，$38起沒有加一，又包飲品，湯，沙律，前菜。吉列豬扒超大件，又夠琳，食到個個食唔晒，好飽好滿足呀！餐廳坐得又舒服，日後又多一個午餐食飯點了！