Video
Read full review
2014-02-23
2884 views
前排天氣寒冷警告，但我有個朋友就嚟出國讀書，唯有硬著頭皮出來食飯。佢住元朗而我又係元朗返工，大家就約咗係元朗度搵地方食飯。咁咁岩醒起我有間餐廳好想試，於是乎我就落左去同我一齊嚟食呢間野。可能因為太凍啦，街上面無乜人出街食飯，所以去到都係得兩枱人係到，但係都冇阻我哋想去食嘢嘅意欲，之前聽講入邊啲雞卷好好食，所以今次都有嗌到。一去到，個職員好好招呼我哋，問吓我哋凍唔凍啊，又有比暖水我哋飲。之後睇餐牌，上邊有分類好多樣野，可以散嗌都可以叫餐，於是叫左個雞卷餐，會跟一杯野飲。之後散嗌飯同咖喱。喂職員同我地講，跟餐嘅飯可能會細碟D。之後我仲有叫左個薄餅，用黎伴咖喱食。首先黎左個雞卷，佢有錫紙包住，所以即使係好凍嘅日子，雞卷都可以保持到一定嘅溫度。另外佢都會提供三款醬汁比你，分別係，薄荷醬，芥末醬，同埋一款白色嘅醬汁，白色個隻係雞卷入面都已經有左架啦。咁我我已經試勻晒三款醬汁，我覺得薄荷醬汁最夾。其他都唔差嘅。之後就上牛肉咖喱同埋薄餅，咖喱好香，睇得出係落咗好多香草落去，雖然同佢講話唔係幾辣，但連我呢個平時食開辣既人，都覺得係幾辣。下次都可以搵職員你問那邊啲係真係唔辣既，雖然系幾辣，但係會好吸引人
可能因為太凍啦，街上面無乜人出街食飯，所以去到都係得兩枱人係到，但係都冇阻我哋想去食嘢嘅意欲，之前聽講入邊啲雞卷好好食，所以今次都有嗌到。
一去到，個職員好好招呼我哋，問吓我哋凍唔凍啊，又有比暖水我哋飲。之後睇餐牌，上邊有分類好多樣野，可以散嗌都可以叫餐，於是叫左個雞卷餐，會跟一杯野飲。之後散嗌飯同咖喱。喂職員同我地講，跟餐嘅飯可能會細碟D。
之後我仲有叫左個薄餅，用黎伴咖喱食。首先黎左個雞卷，佢有錫紙包住，所以即使係好凍嘅日子，雞卷都可以保持到一定嘅溫度。另外佢都會提供三款醬汁比你，分別係，薄荷醬，芥末醬，同埋一款白色嘅醬汁，白色個隻係雞卷入面都已經有左架啦。咁我我已經試勻晒三款醬汁，我覺得薄荷醬汁最夾。其他都唔差嘅。
之後就上牛肉咖喱同埋薄餅，咖喱好香，睇得出係落咗好多香草落去，雖然同佢講話唔係幾辣，但連我呢個平時食開辣既人，都覺得係幾辣。下次都可以搵職員你問那邊啲係真係唔辣既，雖然系幾辣，但係會好吸引人去食。而且啲牛肉都好多，同埋都幾冧下，值得一試嘅。
另外果個飯呢，佢隻飯同平時係香港食既唔同，個形狀比較長身同幼，所以可能真係係外國到進口入黎，飯個口感岩岩好，亦好重香味，我個朋友想食魚黎炒飯，佢又肯配合，但其實餐牌上面係冇既。所以係服務態度黎講，佢真係做得好好。真係會再去試過。
Post
