亞里斯餐廳 (Closed)

布置、格調令人好舒適第一次去時是下午茶時間收費不貴, 見裝修不錯食物一般, 導致價錢合理然後早兩日(閒日)去試它的晚市顧客不多, 頗有氣氛食物方面中規中矩, 沒甚麼好說的直至約10:25一名女職員用報紙在場內抺玻璃然後將用完的報紙置在我朋友隔離坐位後去別處再抺... 扣分!一名男待應於廚房內聊天, 用上了粗言, 扣分!洗碗阿姐推車於飯廰中間經過, 有損形象, 扣分!一名髮型較「突出」的男待應工作時一秒不忘的看電視... 扣分!我跟朋友亦做了個實驗因為套餐\\\有包甜品, 我跟朋友於用過餐\\\, 甜品還未上時, 坐下一直等, 一直聊半小時過去仍沒有人問我們要否點甜品...然後我叫待應, 他的反應是以為我們要買單了不問及甜品的話, 待應大概會當沒有了這回事...最後要提一件事...Menu 有錯字(擰, 檸)

中午同同事去食飯,因為佢有張$10 coupon但要2點前先用得,我地先lunch time去,否則我會2點去食平tea.好多人,好彩同事一早唻霸位.個環境ok,可惜好迫,兩張枱之間好近,張枱唔夠大,又湯又包又意粉又雞又餐飲.我個fd仲話支射燈照到佢出晒汗.我哋都叫咗A餐--咖喱雞球($29).等咗20分鐘先唻個湯,三催四請先再唻餐包,d侍應部長清潔人員都非常忙咁行唻行去,我個fd都話佢地要請d part-time.由於我得一個鐘食飯,好驚食唔切,所以真係要催.個湯ok,唔係咁濃.餐包好熱,搽牛油食,好味.個主菜終於唻,但要急食.我唔多覺佢有咖喱味,因為真係好淡,我本身唔食得辣所以好易入口,d雞,我個fd勁踩佢又硬又嚡,我初初食嗰兩舊都ok,但之後食落都覺得佢硬,唔得.我係配意粉,暖暖地,腍腍地,我諗已攤咗一陣...或者下次試下tea set,希望好d啦.服務呢,算罷啦,無加一0架.

呢間餐廳其實環境唔錯, 但D 野食就出奇地差.我同d frd 一行八人上左呢間野食.我地有人叫左咖喱, 蝦火煱, 海南雞有個frd 漏了個湯, 三催四請,等了差不多十五分鐘才肯俾返個湯我地..我個frd 講明白湯. 但最後竟然黎左個紅湯服務態度何其差....另外一個frd 叫左白飯..催了三次有多, 最後埋單個食還未見影. 實在氣結.馳名咖喱. 根本係騙子!!馳名什麼? 又淡又稀...好耐未試過食咁耐食既咖喱.火煱. 個火冇力咁. 煲極都唔滾海南雞. 肥到喊. "油"雞??我以後唔會再黎呢間野...

尋晚同朋友去左呢間餐廳食飯，點知俾我見到呢間餐廳既待客態度真係好差....事源係尋晚食食下飯，隔離枱好似有d 事發生，我就八掛望下啦，點知原來係個侍應成杯咖啡/奶茶倒左落人地個袋入面。之後受害者就拎哂個袋d 野出黎睇下有咩整濕左啦，我都以為好小事，點知...佢地拎左部相機同NDSL 出黎，d 電同card 拎出黎都有哂咖啡/奶茶0係入面，我心諗整返都無用啦...個袋仲誇張，成杯野0係入面，仲有d 冰架wor...不過我就睇唔到係唔係貴袋，但應該唔係Gucci 同LV 呢d 名牌既。之後受害者同個經理理論，仲叫埋差佬，好似好大件事咁。估唔到食餐飯都好似睇戲咁。到最後個經理咩都唔肯賠，仲將所有責任都推哂俾保險公司...我諗你地公司整到人地d 野咁又濕哂，整返都無用啦...賠返俾人都唔係好過份即...好彩受害者唔係我，但我都好戥佢慘囉。完全不負責任。

在旺角搵食已經難,要搵容納十多人的地方更難!終於誤打誤撞下搵的呢間餐廳.本人十分注重環境,因食晚飯除了食味道外同友人好好地談天說地更是興趣之一,若環境太嘈雜又不舒服會大打折扣吧!先先入到去都俾人一種高雅而舒服的感覺,比許多cafe還要好,可惜我們人太多,否則可以提供房間給我們.另外食物方面就同一般西餐分別不大,無論羊膝,牛扒或是雞也不是太突出.選料的肉質不是上好的,而烹煮的方式也沒特別吧.然而,服務上算是不錯了,侍應們都有禮並會不停為客人添水(這麼小的動作許多地方也不會做).而因友人生日,這裏不收取切餅費之餘仍十分細心的安排用具給我們.價錢上也中規中矩啦~~~

尋日下晝係旺角補完習,同幾個朋友唔知去邊度食,行下行下,有個靚女姐姐俾張coupon我,係咁sell,ha,笑死!我地見個天又咁黑,就入左去食. 估唔到真係十幾廿蚊就可以食到一餐,又有野飲.味道又唔錯,服務又好.我食左個肉醬意粉.好食!最可惜,個靚女姐姐帶完我地就走左.遲d補完再食過,不過唔知仲有冇coupon呢@@

尋晚出黎同女朋友仔食飯...本身諗住去花園餐廳....不過...神推鬼(own)之下... 黎左alex's cafe~service好好bor.... 我地叫左一個牛紐,一個羊腿..點知呢.... 佢冇羊腿wow.. 再問之下... 原來有淋滑既羊膝bor 味到都ok la~最得意係個經理... 因為女朋友仔已經食到好飽...所以我地叫佢cut一個dessert... yesterday's dessert係jelly~咁我就加$要個blue berry cheese...點知呢...個經理竟然拎左today的chocolate muss俾我地試食wow... haha.. e餐食得好開心呀..其實只要同鍾意既人一齊食...餐餐都咁開心ga la

新開的西餐廳~好食~尢其牛柳同羅宋湯~~~好味.旺角一個唔錯食飯既地方