半島冰室

Open Now

Now Closed

好友推介左好耐嘅砲台山小店，今早終於去幫襯。遠見門口已經好多人企晒係度，原來係等外賣。坐唔到卡位，唯有坐四位座，但係枱同枱之間都好鬼迫，椅背拍椅背唔多舒服。我 order 左傳統A餐火腿通粉配雙蛋餐包，加$1 轉左兩塊牛油蒜蓉多士好香脆鬆軟。呢度都招呼到吃素的方老爺，今日叫左份煎蛋紫菜麵滾水上，唔錯。可能係因為全人手落單，今日兩杯餐茶都攪錯咗😅

星期一工作天，工作乏味當然要鼓勵一下自己。公司附近一直有間人氣飯堂，叫半島冰室。無論早餐/晏就/下午茶都一定人山人海。有見及此，當然要會一會佢。首先一番工就彩左佢地fb既是日午餐餐牌，揀完再打電話落去拎，咁就唔洗排隊，幾醒。揀完一輪最後叫左香煎1855黑安格斯牛西冷配肉醬薯蓉。舊西冷份量好足，配埋肉醬薯蓉都尚算足lunch份量。西冷牛扒有軟筋+肥膏位，配埋少少鹽，黑椒做調味已經好恰到好處。略有小小肥牛油去埋薯蓉到，令成個薯容更有牛肉的咸香味。唔講咁多，我鋸扒先。

半島冰室 Angus Cafe📍天后 Tin Hau.⭐️ 經常好多人排隊 記住預多啲時間嚟食🙈.🧀 扒丹佛芝士三文治 $32: 炮台山人氣茶餐廳 食物份量大件夾抵食😏 呢個三文治非常有水準 炒蛋好滑 麵包面亦塗上牛油 烘熱後非常脆口 入面嘅芝士亦經熱後 呈現拉絲效果😍.🧀 芝士咖哩鹹牛肉西多士 $32: 呢個西多士又創新又有水準 又鹹又甜 煎炸過嘅西多士內夾滿咖哩鹹牛肉 仲有芝士 呈現拉絲效果 食岀有多種層次😍 另外再加上糖漿 真係非常邪惡😈

半島冰室 係位於炮台山附近既茶餐廳..每逢星期六下午或者短週我都一定會嚟食佢..之後先突然間發覺原來食咗咁多次都未寫過食評...因為佢星期日係休息既..所以一星期只得一次機會可以幫襯..每次去到多數都要排隊..甚至佢誇張到係連早餐時段都係要排嘅..但係當你試過一次之後 你就會發覺排隊都係值得嘅。佢總係有非常多嘅選擇。有時晏左午餐賣晒你都可以揀食下午茶，下午茶大約有10幾個款...而且價錢非常平😏又大份。今日叫咗個下午茶餐 扒丹佛三文治再加個撈麵。起初聽到個名都唔知佢係咩黎，之後有一次膽粗粗試咗之後，就成為左我最愛嘅下午茶餐之一。佢個包面係用牛油嚟哄過。非常脆，而且好香口，入面個炒蛋...亦加左磨菇 火腿 同芝士..蛋又唔會炒到太老..半流心 正..所以非常推介

係炮台山番工既人，都應該一定食過呢間半島冰室佢雖然唔算好平，每個餐都$5x-6x，而且12-2pm都一定大排長龍，但一星期起碼有一日會食佢，因為佢既品質真係有保證，份量好足，而且好多時有創意料理佢每日朝早都會係fb upload當日既lunch menu，其中一樣我見到menu一定會食既，就係花膠湯飯胡椒豬肚花膠滑雞湯飯佢有時係胡椒湯飯，有時係芫茜湯飯。有時係雞，有時係魚。佢入面 d 飯唔係上碟前成碗飯倒入個湯個種，d 飯粒係好綿，好似索哂 d 湯。花膠，豬肚有好多件，滑雞亦都大大件，冬天食呢個真係好暖胃。芝士黑松露牛柳 飯/意粉另一樣如果 menu 有，又係成班同事會一齊叫外賣既，6 個人一齊打開，陣黑松露味係超級香濃，好邪惡佢既芝士黑松露汁係好多，足以包住每一粒飯有剩，平時唔食咁多飯，都會因為個汁好食而食哂成盒飯牛柳粒都好大粒同好多，佢地用料真係唔會輕手

每日經過呢度，見任何時間都係有人龍。食下午茶$38有飲品，芝士雞皇焗飯，勁多芝士，雞柳好嫩滑，仲有其他午餐款式好特別，每日不同款，有時有去飲先食到嘅炸蟹鉗，今日仲見隔離枱成隻蟹拎住食，重點係價錢唔貴 又有質數，排隊入嚟食都值👍🏻

本身我今日要去北角做嘢，所以search下附近有咩食啦 ，就見到依家冰室好似幾吸引 ，不過原來都唔係好近北角 ，間鋪喺銅鑼灣同北角中間， 好彩去到仲趕得切食早餐， 二話不說叫做呢個日日都推介嘅鹹牛肉叉燒炒蛋多士!!多士好大份好厚， 當你食一啖就知點解咁多人推介， 因為佢啲炒蛋炒得好滑 ，咬落去仲有蛋汁流出來， 熱辣辣好新鮮， 唔似有啲cheap cheap嘅茶餐廳好似整定一堆炒蛋有Order 就夾落去咁雖然坐得好逼，但係啲員工唔會好似某啲舖頭咁逼你快d食完走, 坐喺度慢慢食都冇所謂，呢個係我另外欣賞嘅地方!

芝士煎蛋豬扒包$32豬扒肉質嫩滑，個包烘過再搽上牛油，絕對有驚喜！配上極邪惡嘅拉絲芝士同流心煎蛋，令到個包冇咁dry😍真係極邪惡，令人回味無窮🤤 難怪每日都排曬長龍😳

除左澳牛華嫂之外這間冰室都應該係最多人排隊的冰室早餐選擇多而且大件夾抵食 質素仲要好好難怪地點不方便但依然長期要排隊人氣高企但其實都好快有位 等10分鐘左右另外值得一讚係員工態度好好 服務周到美式早餐 | $37 (+$1轉多士)你可能會覺得$37茶記早餐唔特別平但要留意這裡的$37換來一塊比我塊臉更大的煎豬排肉質超鬆軟不乾身 外面加了層薄麵粉增加脆感同香味 絕對係有誠意之作另外仲有一大塊搽滿牛油的多士、腸仔同炒蛋當然包一杯厚滑香濃熱奶茶👍🏻樣樣的份量都不少 實在係超值❗️鹹牛肉叉燒炒蛋三文治 | $33 (+$1烘底)超足料的厚蛋治🤩多士烘得香脆中間的炒蛋香滑 加上鹹牛肉的鹹香仲要有不少塊叉燒 勁足料味道出色餡料正亦包熱飲 又係平靚正之選😍絕對值得排隊再番兜😏

🔅北角♾半島冰室🔅🔸北角炮台山宏安道14-28號威德閣地下2號舖呢間屋企附近冰室我都bookmark左好耐先去食😂😂 係咪好搞笑 因為佢真係由朝排到晚 都排左好多年 人龍從來冇減少過咁🤨之前就聽過朋友每個星期都一家人落來排隊食佢早餐既滑蛋 我當時就好震驚 到底係有幾好食呢 終於我搵到機會同屋企人來排隊食😈🦞波士頓龍蝦蟹腳烏冬 72HKD(好似係，我唔記得左)不得不說 佢真係好抵食!呢份野都係最高價既 🤔唔止份量夠大 仲要真材實料 個湯夠鮮甜 烏冬煮得岩岩好 仲要入到味下😳食完明哂條人龍咩事 佢個蟹腳仲要拆到大大舊肉出來 咁既價錢收哂貨啦👌🏻🥳🐷黑椒豬扒配帶子飯 58HKD(差不多價位)呢入最正係佢個帶子!!煎到爽口又香身 送飯都食唔到幾啖飯 但真係好有記憶點既好食🤤豬扒煎得唔錯 細佬都食到🙉黑椒汁淋係飯上岩岩好到 食完一碗飯都唔DRY 話說佢好似每日既lunch menu都有變動😳我次次見都唔同菜式 上網都搵唔返我果日既餐單 所以我個名都個價錢都係我憑記憶既🙊而且你地去時好可能唔係呢堆菜式其實入面坐得算逼 環境上唔算舒服🐣但係佢落單上菜夠快之餘 都係新鮮熱辣辣🤭因為果份帶子真係熱辣辣到

之前試過幾次都唔覺得半島冰室有咩特別，但係今次食完之後覺得佢嘅質素係的確比一般茶餐廳好嘅👌🏻🐟麻辣酸菜花膠水煮海斑米線［走辣走酸菜］（$58）走咗辣就更加食得出佢夠唔夠鮮味（其實自己係唔鍾意食麻辣🤣）海斑係好多舊，但係花膠仲多🤣🤣海斑應該係冰鮮嘅但係冇冰鮮味👍🏻。鍾意佢加咗D芽菜，一啖啖食落去嘅口感都爽D。食得出佢嘅湯係冇乜味精味👍🏻🍳全日早餐（$48）香煎豬扒：好大塊😮好似大人嘅手板咁大🤣，有啲部位唔夠腍，可能太瘦。雞肉腸 火腿 煎蛋轉炒蛋：大件😅薯餅：即炸好大嚿😍超脆好味🤤🍅索女餐（$44）特濃番茄牛肉湯通粉：蕃茄湯真係好濃👍🏻，牛肉都好多唔係太韌配炒蛋、牛油多士：最鍾意佢嘅牛油多士牛油搽得好均勻同埋份量啱啱好👌🏻可以在看得脆啲，炒蛋份量都唔細，好滑。但係兩塊真係好飽😅女人食唔晒成個餐。雖然侍應們都好忙，但係態度仍然保持住好好嘅。繁忙時段係要搭枱㗎啦，排隊都排左幾耐，但係一次半次都無所謂😋

搬左黎炮台山差唔多兩年，成日見到半島冰室無論甚麼時候都大排長龍！次次見到條龍就唔想排，所以今次就7點起床落去食。7點10分落到去已經好滿，不過好在不用等。 我點了蕃茄排骨通粉，友人食沙嗲牛肉紅腸麵。早餐份量好足料！這個價錢非常抵食！他們的奶茶很滑好喝。番茄排骨通粉他的排骨很浸，有點像豬軟骨！番茄湯底好味！ 牛油多士一點都不hea! 兩面都有焗！ 沙嗲牛肉紅腸麵友人說他的牛肉好味過一般茶餐廳！牛肉勁大塊！ 價錢抵味道佳！唔怪得日日都咁多人排！有機會要試下佢個下午茶餐！

第一次試佢外賣。本身以前試過佢嘅型男常餐，一致好評。今次食嘅係芝士龍蝦魚柳飯。睇圖都知塊魚個size都差唔多成盒飯咁大，仲有半隻龍蝦添因為我外賣都放左成個幾鐘先食，所以張圖可能唔太靚。塊魚柳食落去唔會有冷藏急凍味，撈落濃厚嘅芝士嚟食，係唔錯嘅配搭。當然加埋意粉食又係 perfect match。講重點，就係龍蝦！！！龍蝦足足有半隻，而且成個殼入面都係肉，塞满口係彈牙嘅龍蝦，係幸福嘅感覺。而最重要係，呢個餐都只係60幾蚊，性價比之高完全唔洗講啦

今日去半島冰室個下午茶☕️先⋯⋯⋯小公主好邪惡食 #椒鹽炸雞脾🍗 配紅豆冰🥤 仲追加薯條🍟 ，個雞皮係脆既，但我地握人椒鹽因小公主食野食比較plain，小公主話炸雞脾好juicy，薯條🍟好正⋯⋯杯紅豆冰就麻麻地，之後跟餐叫咗杯凍徐都⋯⋯⋯水鬼尿咗啦😰Vienn叫咗 #芝蛋豬扒飽🍔 一開芝士🧀流心，個蛋就喊係流心既，so far係幾得意既，豬扒係煎所以唔係脆，會有d肥膏位，可以接受，如果未食過可以試下，係咪勁好食就得意囉，未算係好好食🤔🌟但勝在服務超好，勁nice，價錢今時今日來講係「抵」Tim la🌟真心講咁價錢，有咁既質素，已經算好❤️✌🏽✌🏽餐飲再好d就正啦⋯⋯🌟平時諗唔到食咩好都可以試下，種類選擇都多半島冰室 (北角)地址：北角炮台山宏安道14-28號威德閣地下2號舖#TR90達人 #怎吃也不胖#肥dodo食記

半烏係呢區可以話非常出名，無論好天落雨，甚至打風，排隊人潮依然，由開舖到關門人龍永遠都有十幾人或以上，可見大家為左美食幾努力💪🏻但公司只有一小時食飯時間，真係無時間再排隊，好彩可以買番公司食。砵酒炆牛尾($62)非常入味，好好食，每一啖都有肉醬。牛尾非常大舊，肉炆到好淋，唔會韌，入口好易咬開，仲有沙律菜，增加清爽感！ 食完覺得好滿足，送飯一流，份量非常足夠，食肉獸大滿足🥰🥰🥰半島的人龍反映左食客對佢食物質素既支持，希望佢可以一直保持👍🏻👍🏻推介指數: