一品螞蟻

Open Now

Now Closed

係度住之後日日經過門口都唸搵日去試～足之等到三個月後嘅昨天去試咗～🤭三個人order咗三個set lunch☞︎千島醬牛油果焗家鄉蔥油薄餅～外脆內軟～唔錯～可以encore～😍☞︎經典雜扒配薯菜～除咗條腸太鹹之外其他都ok～不過不失～反而好鍾意side dish嘅薯仔片～🤭☞︎香煎海鱸魚柳文也汁配薯菜～鱸魚柳超大塊～煎得好香好juicy～配上兩片檸檬～俾你避腥之餘又可以吊出魚嘅鮮味～👍**下午茶勁多人食～搵日都要去試下！

落單叫極冇人應，連經理都可以掂行掂過服務態度超差，啲杯係發脾氣式放落枱面有張隔離枱嘅嘢飲攞咗嚟，碗麵個湯底又黎錯左叫雞扒，黎到好似雞粒咁杯嘢飲，就嚟食完都未到咁嘅服務，仲要比加一真係冇下次

好難食，未食過咁差嘅鑊仔牛柳，又薄，冇味又乾又（鞋）豬扒餐，好似煲熟，冇煎過，唔好味，屋企賓妹都煮得好食過佢！唔會再幫襯！牛扒餐又不問幾多成熟！得個雜果賓治好味！價錢又不便宜，普通茶餐廳都好食過佢！總括一個字（差）

好少會寫食評… 不過忍唔住要留言畀大家參考一下… 話說尋日本來同朋友等對面xx郎，不過入對面街呢間餐廳叫杯嘢飲住等啦… 後來，不幸地覺得都係輪唔到位，所以決定還掂坐低咗，就轉場响埋嗰度食… 問佢杯嘢轉跟餐餐飲得唔得，佢哋話得，仲話要補返差價… 先講食物，成枱有飯有粉有菜有肉，我哋唔係咩奄尖人，但食物全數由尚可到食唔到落去嘅劣食級數不等… 好啦已經不悅，仲要埋單趕住走人，發現飲品照收我哋錢，問完佢娥完一輪先話散叫唔可以計落餐！費事同佢嘈，叫佢補返外賣餐飲，又話外賣要加錢喎，我見嚟咗杯嘢細過乜咁，即場隊埋佢算，我杯應該係凍檸水，但我見到係有凍有檸，不過味覺上係水囉… 同埋我想講，一啲都唔平，成舊水倒落口，仲要一肚氣，一句講晒：冇下次！完。

今日星期五收工過來黃埔睇戲，咁經過地鐵站見到一品螞蟻無人排隊，於是就嚟試下啦。啲位都位舒服，職員都有禮貌，有講有笑咁。我地總共叫左2樣野，牛魔皇hkd108同雜扒意粉hkd138，有跟沙律同野飲。野飲叫左雪糕紅豆冰。牛魔皇黑椒汁都幾spicy, 牛腩幾好食既。雜扒意大利麵啲扒有雞，牛，煙肉，腸，好多肉食haha。但啲肉都算細塊，估唔到囉。牛肉老左啲，其他正常。星期五晚餐時間都仲有位，就知道質素唔太高，不過唔洗等位，咁就算啦。

諗住價錢親民，食個下午茶，話仲有2分鐘完下午茶…呀 唔係 啱啱仲有1分鐘 (滾水淥腳叫人睇餐牌)之後食咗接近一個鐘，某佳侍應遠處觀望你張枱食完未，得閒又收下你個碟，得閒又收下你個碗 (好似催你走咁) 重點係 明明無人等枱 依家係咪食下午茶唔可以食一個鐘？。完。

由紅螞蟻一直幫襯到一品螞蟻都十幾年，除了食物質素同環境外，係佢每間店都好有誠意去揀不同的藝術作品同畫，令我覺得好賞心悅目。講返食物先，佢嘅下午茶好抵食，呢個質素呢個價錢同環境，炸豬大腸米線椰香湯底，豬大腸有少少鹹味，最緊要乾淨😆，但始終係邪惡食物，滿足左我今個下午😆另外同行友人食番茄意粉，話感覺都唔錯，但當然唔係貴材料嘅味道啦。不過我建議大家可以試佢杯凍檸檬茶，真係茶底好唔同，飲落去係有fresh嘅感覺，可能啱啱沖好🤣

未試過叫呢間外賣，又唔知menu有乜，咁打電話去諗住睇吓使唔使親身落樓點餐。正值午市繁忙時間，已有心理準備員工應該好忙而冇耐性落單，諗定求其午餐menu有乜就食乜。殊不知電話好快接通，電話另一邊嘅員工好有禮貌，好有耐性咁介紹當日午市嘅餐牌，我又問咗其他單點食物可唔可以轉餐之類，全程都好有禮貌又慢慢講解啲餐包啲乜嘢、可揀啲乜嘢，唔會趕住收線，服務一流！即刻要寫低讚下！當然會再幫襯啦 PS 小妹第一次响open rice 寫評語，星星表度有環境同衛生，然而我今次只係叫外賣，我又唔識點樣skip個俾分，故此以下評分係根據我之前堂食嘅經驗俾嘅，希望解釋返比其他用家知

經常食佢既早餐，價錢ok d 野食算健康d唔太油太多味精/調味。呢間既野食亦都越黎越進步，d牛扒以前硬邦邦而家開好似食緊肉質淋少少既牛肉。另外都有多樣野食選擇，幾好。

平日工作太忙沒有時間食早餐，做到下午就想食一個飽飽的tea set, 黃埔的Ant One是我常常去的餐廳。 我在下午三時到達餐廳，客人不算多，只有3 - 5檯的客人，所以我一個人也可以坐在sofa位置，十分舒服。我點了下午茶餐「雞扒漢堡包配薯條」和「凍咖啡」，雞扒煎得剛剛好，肉質嫩滑可口，雞扒的醬汁有點酸酸甜甜的，十分開胃，薯條是厚切。香脆好味。一個tea set可以代替早餐和lunch，份量十足，十分抵食。

第一次嚟呢一間餐廳食飯我哋叫咗乳鴿餐，德國鹹豬手，鐵板燒雜扒餐，乳鴿炸得好靚，保持到肉質，亦都好夠味，佢配嘅沙律係生果，水果亦都好新鮮份量都好大碟另外德國鹹豬手亦都係個皮好趣，好多肉鹹豬手都好大一個最後有個鐵板燒嘅雜扒餐配意粉其實佢哋嘅晚餐都好大碟亦都好好味亦都會有湯同埋麵包西餐來講係好抵食嘅

The seating in this restaurant is comfortable and you are not sat too close too each other. Because it is a far size its a good choice for lunch as you have more chance of getting a table if you are in a hurry at lunchtime.The have a set lunch menu which offers a mix of rice, pasta and also soup noodle dishes starting from a reasonable $4x plus. I believe their menu for rice and pasta varies day to day. Service of food is reasonably quick and lunch sets include a drink.The mains chosen were:Bake

Service was good, no need to queue, price is reasonable.Overall food quality was so so. I wanted ordered a meal with chips, but ended up when it came, it was a scoop of mash potato😭 , but it tasted nice, with strong butter flavour and lots of mushrooms. The meal portion was small, probably because they gave mash potato instead of chips, so I wasn't full. The fish burger wasn't as expected, only have small amout of salmon mixed with other meat or flour. Sausage is small in portion, the sausage s

本身諗住食個平平地午餐 都冇咩要求所以入左去依間一品螞蟻入去見副買啲自家制既肉出去 唔通真係咁好食仲有換購啲曲奇咁識做生意咁間野都幾full 入去都要等10分鐘到一坐低就見到間野幾細心兩個人三個杯 好知你會洗下啲餐具仲有張大紙巾放口罩開始揀野食發覺有十九幾個餐牌 好多野揀 但諗住平平地既我就叫左個lunch算之後叫左一個2號餐 一個3號餐加西瓜汁同熱檸茶之後就黎左西瓜汁同熱檸水 佢聽錯或者我講錯 唔緊要西瓜汁真係鮮榨 但冇西瓜味同加左好多水完全唔好飲三色排好正常 完全係一般味道 普通香式西餐但價錢要82 係大埔有60幾就食到更好既排餐3號餐黎到 份量好多好似係大滿足咁一食落去 肉還肉 蛋還蛋 麵還麵 羅宋湯勁淡你當平時茶還羅宋湯加一比一既水咁個肉正常茶餐味但個蛋係唔知想點 整體好似係屋企煮野食 懶 一次過落曬去咁份量係多 但唔想食落去 之後走左仲要食買個蛋撻食先夠～難為了女友😫仲要sale下啲曲奇 賣下自家制既排麻煩係搞好一樣先 最重要係野食 睇得出間餐廳係有心搞 但係咪有咁既執行力呢只可以講佢一次過做唔好所有野

工作關係今日去左紅磡黃埔...幾年都唔會黎一次..所以完全唔知附近有咩好食..見呢間個名幾吸引所以就坐底了..Set lunch 都有成8個選擇...薯菜，飯，通粉意大利粉咩都有..真係唔怕唔岩食最後揀左8號既鮮茄汁雜菌素雞煮扁意粉..聽到素雞好吸引..顧及埋素食者鮮茄汁濃，好香茄味....另外意粉掛汁做到岩岩好..唔會太稀..素雞口感真係好似食緊雞肉配埋D汁食完全感覺唔到係素食不過就略嫌個意粉硬身左小小...但呢個價錢響呢區黎講都算值得