% Arabica (國際金融中心商場)

Open Now

Now Closed

未夠鐘入場，醒起有間percent %Arabica走去貢下。見到menu有隻Spanish Latte, 職員細心講解解係咩黎，因會加入煉奶，我聽到「煉奶」2個字面色一沉，可能見我個樣怕肥，職員好醒咁講可以做小甜，咁就入左位，即時order. 當然未飲先影相。未飲都聞到咖啡香味，第一啖感覺好滑，又香又creamy. 雖然少甜我個人覺得都甜左d，但點都要一試。聖地之選，打卡勝地，下次試埋其他咖啡再買埋咖啡豆

I usually get my coffee at 11 something without the queue. Staff is always polite and friendly .$45 for a Tall Latte is absolutely worth for the money. You rather pay a bit more for a nice cup of coffee than wasting your quota for a cup of tasteless milky so called coffee in those chain stores....

放工去中環睇戲，行過 %Arabica 。初嘗 % 係喺日本京都嵐山，入面d 咖啡師都好有型，個陣叫左杯single origin 嘅latte，味道有驚喜，飲完行左一陣，再排隊，飲多左一杯。Openrice見到spanish latte 唔係間間分店都有，心中記住左，今次決定試下。唔使點排隊。拉花拉得好靚，打卡一流。飲落，同出面飲嘅latte唔同，因為加左煉奶，係甜甜地嘅咖啡，但唔覺特別夾。可能都係唔太鍾意甜嘅咖啡。下一次都係飲番single origin 嘅latte。

呢間咖啡店嘅咖啡同常見連鎖店Starxxxxx，Pacxxxx，Maxxxfé相比，未飲落口，聞吓就已經好唔同。連鎖店採用一般嘅商品豆，閒時需要提神時我都會幫襯。但係呢間係自家炒豆烘焙㗎！愛飲咖啡嘅我梗係好鍾意啦⋯⋯琴日路過，比個招牌「%」吸引咗入去😂然後叫咗杯Double Espresso Blend，飲落口感厚實，但係又好滑，一啲都冇酸酸地或者苦苦地👍🏼仲第一次嘗試到有After Taste响上顎，果香好正💯

每次經過都見到大排長龍，假日更出現“蛇餅”，縱然香港人一窩蜂的心態絕不可信，但目睹幾個月如是的情況都不得不有一丁點心動！就在星期日早上九時許沒有人排隊的時候，我就來做個測試；本人一直飲慣國際品牌Sxxxxxxxx的greentea latte……就以此作control experiment，從大小，溫度，味道，濃度，價錢五大方面作全方位比較。購買的時候要選擇大小，Tall size的杯和美沙酮的杯大小一樣，唯有選擇grande，但都比其他店的小，而價錢要$55，貴其他店十多元。收到latte竟發現只是微熱，味道十分淡，感覺似稀釋了的greentea latte，剛剛開舖就有不夠熱和不足料的咖啡出現實在是令人嚇一跳！精明的香港人還會去排隊嗎？

行過PMQ，緊係要買杯咖啡chill下，打下卡啦📸Percent Arabica出面裝修已經好靚，好有文青feel，白色裝修為主，帶有一種簡潔美。內裏都無令我失望，燈光柔和，又坐得舒服🌞Spanish Latte個拉花好靚啊，少女心大爆發啊🙆🙆飲得出有好重既果香味，入口甘甜，又唔會死甜。而且，Spanish latte同一般latte既分別就係加左煉奶，飲落好滑，好順口。坐係舒服嘅環境入面慢慢嘆咖啡，簡直係周末嘅一大享受啊🙌另外，我個朋友叫左一杯熱既lemonade Still，因為佢係唔飲咖啡的😂但係lemonade都好香，好清新。

每次行完City Super出嚟。都見到隔離“網紅咖啡店”阿拉伯咖啡排晒隊 今次以朝聖嘅心態買咗一杯！Menu好簡單～款式唔多 可見呢間咖啡店唔玩花巧嘢 以質量說話！第一次買 當然要試傳說中嘅“西班牙拿鐵” （金魚記憶的我很廢地忘記了店員同我講解西班牙拿鐵嘅特別之處）Any肥～ 我呢啲唔識飲咖啡嘅人 其實比較鍾意飲甜少少& 奶多少少嘅咖啡 而呢杯咖啡 屬於極少甜、甘甘地 但唔會覺得苦 反而飲得出咖啡味 同埋始終係中環地段 $55一杯算係基本收費～ 間唔中飲下都OK嘅

平日lunch想買來試, 但次次都排長龍。最後, 放工見無人, 終於買來一試, 點了 spanish latte 特別d丫麻, 見個個評語講到天上有地下無。講真, 飲唔到有幾好飲............咖啡溫度只可以用微溫來形容, 唔知係咪卑客人可即時飲用的溫度定其它原因啦。咖啡應該要熱先好飲。以家, 好似變凍左既咖啡, 飲落去以為有如評價般的驚喜好飲, 但一d都唔覺。感覺好似......連鎖食肆賣d咖啡咁.......完全無特別。如果以呢個假錢來講, 真係唔覺得值, 咁既價錢, 但無特別。但有d野, 唔試過唔知既。

等待星期五來臨既星期四，下午就同同事買個咖啡☕️，之後再上返office𡚒鬥！4點零唔係好洗排隊，3個人order左2個latte (1 whole milk 1 skimmed milk), 同埋1個iced americano. Coffee base 比較nutty, 係我嘅喜好，奶嘅溫度可以再熱啲，拉花好靚。 americano 試倒嘅味比有奶嘅咖啡更突出。另外要介紹嘅係個炒豆corner同埋張介紹世界各地咖啡嘅地圖。幾得意同埋可以知多啲唔同地方咖啡豆嘅特色。

上親Instagram都見到唔少人去呢一間咖啡店度買咖啡飲打卡我同朋友決定去IFC呢一間試一試呢度經過就已經聞到好香好濃嘅咖啡味我哋非常期待叫咗一杯spanish latte with oatmilk咖啡味香 拉花靚 但又未至於值$50一杯可以一試 打卡唔錯但未必會再飲了

作為一個coffee lover, %arabica 既咖啡可以話係從未令我失望。來自京都的咖啡，可見店面一致既簡約，木色與白色的配搭令人十分舒服，亦係總多OL既休息之選。當日與朋友一個叫左latte 一個叫左green tea latte,greentealatte入口細滑，奶味非常濃，令人喜出望外，而latte則係一如以往既高水準，唔會過分苦，有奶香同時亦帶出咖啡的味道。十分滿意。飲過咖啡後，我地又繼續一日的旅程了

Well，I am not a coffee person，but this shop, I think you could give it a shot，it really surprises me!行左好多次ifc，成日都見呢間野好多人排隊，今日晚上又經過，因為太眼訓，諗住叫杯咖啡飲啦。我就排隊，係到叫左杯Latte飲，飲完後我又覺得幾好飲，奶味濃，而且又貌似有提左神。呢間鋪聽人講話好出名，今日試左後，就當朝聖左，對住唔太飲咖啡的我，我覺得正常啦。無乜特別。

Spanish Latte (Tall) $50之前不知道什麼是Spanish Latte上網搜尋了一下原來即是用煉奶沖的咖啡這次經過中環 便決定一試.午飯時間去雖然要排隊 但整個過程不用十分鐘.看過其他人的食評 說此飲品偏甜平時喝咖啡也不太放糖的我本來也有點擔心會太甜可是喝起來又不算甜啊我本來還以為店員給了我普通latte呢不過慢慢細嚐後發現又真是有帶微微的甜味比平常不放糖的咖啡易入口但也不會因為甜味而失去咖啡的香味所以我十分欣賞$50雖然很貴 但值的一試的有機會還想試試其他款式

I have try for this coffee before in Japan, the environment for them is really nice. This is my 1st time to try them in Hong Kong. This time I have order a latte. I love their coffee as the coffee is different then the other, maybe this is the reason for the hand craft coffee. But if they can offer some bagel would be better.

大家去開IFC一定要去%潮勝一下！%係日本人主理嘅咖啡店，裝潢非常簡潔但不失時尚感，唔怪得好快就成為咖啡打卡勝地！咖啡店內除左凍熱飲外，仲有唔同嘅咖啡豆俾人選購。玻璃櫃內仲有唔同咖啡豆嘅介紹，好詳細又用心。咁我當日就揀左杯Spanish Latte Large Size($50)，店員送過黎嘅時候就無蓋嘅，咁就可以清楚睇到%出名聞名嘅拉花，都可以睇到打奶打得好棉密幼滑。而%可以挑選綜合豆咖啡或單品豆咖啡，咁我就揀左綜合豆因為比較香濃。咁Spanish Latte同平時普通Latte嘅分別在於用鍊奶沖調，容易入口，唔落糖都有甜味，剛好%係採用深度烘培手法，咖啡濃度會高d香d，所以配合鍊奶都特別夾，唔會話太話甜口而蓋過咖啡味。外帶咖啡要$50一杯係唔平，但如果在IFC內買嘅都算做合理嘅。整體黎講都可以一試，起碼打卡的確係一流！