Aroma Dessert Cafe (Closed)

厚pancake伴海鹽芝士卡士達醬及雲尼拿雪糕 $75 成份厚pancake賣相好靚，睇得出係有心思嘅甜品店！兩件厚pancake都夠濕潤唔會乾，蛋味唔會太濃，不過略嫌爭少少空氣感。芝士卡士達醬食得出好厚嘅芝士味，味道同質地都好似芝士奶蓋，不過係再重啲嘅鹹香味。因為厚pancake食落唔會太甜，配埋卡士達醬食啱啱好，幾鍾意呢個配搭。而雲尼拿雪糕有驚喜，唔係個種雲尼拿死實嘅香精味，食落口唔會過甜。🧡感謝用心睇到呢度嘅你🧡

這間又是bookmark 了一輩子但還未去的甜品店，今天是因為七時多就吃完晚餐，所以就決定去看一下多不多人，裡面是坐滿的呀，等了大約十分鐘吧，呀對了，每個客人都要點一項食物或是飲品。*厚Pancake 伴海鹽芝士卡士達醬及雲尼拿雪糕 $75這應很多人也大推的梳乎厘班戟，的確這價錢這份量這質素，真的是性價高的。這裡的梳乎厘班戟不是空氣感的，是會飽的，但又鬆軟。至於鹽芝士卡士達醬，其實就是芝士奶蓋的感覺，這味道外面比較少見，其實也蠻配的，不錯呢。*紅豆綠茶窩夫伴綠茶雪糕 $55首先窩夫的綠茶味很重，是香濃那種，苦苦的，所以配微甜的紅豆和綠茶雪糕是很好。*香蕉朱古力窩夫伴朱古力雪糕 $55這是我選的香蕉朱古力窩夫，窩夫的朱古力味一樣是不甜的，是大人的口味，香蕉有點微暖，我個人覺得不加糖漿更好吃。

荃灣人想食厚pancake，要夾好時間，注意呢間cafe星期一唔開，6點半至7點半唔開。4人以下最多叫2份，賣晒就冇。Pancake$70份，我地都一致認為草莓好過雜果，因為玫瑰花瓣醬有啲怪。pancake好經濟實惠，幾厚，要share黎食，外形吸引而非常足料，入口甜而不膩，美中不足嘅係略嫌少咗啲空氣感。二人份量窩夫$100，有兩球士多啤梨雪糕，都唔錯。唔係好識食甜品，但唔會唔夠食，加埋忌廉同焦糖漿夠晒飽。

今晚同朋友們去食了一間荃灣勁正黃甜品店，叫Aroma Dessert Cafe😋店面細細預左要等位，但店内用盡每個地方貼連儂牆和文宣，黃到金。最正都係佢d甜品，兩款芭菲一上枱，簡直就少女心爆發，朋友話簡直就係大媽都變少女，澄清返先我唔係話我嗰兩個朋友喺大媽😝士多啤梨芭菲（$58）上面有一整個芝士蛋糕同埋士多啤梨味雪糕，個芝士蛋糕好soft好鬆軟好正!配合士多啤梨味雪糕一齊食我出奇地夾！我下面就係一啲cream同埋粟米片，用cream去配任何嘢食都係百搭，不過勁邪惡！另外朱古力芭菲上面係心太軟，切開仲熱同埋流㗎，加埋馬卡龍同埋朱古力味雪糕一齊食簡直就係冰火嘅口感！下面係朱古力脆脆加cream又係另一個邪惡嘅傑作😝我哋仲點左鮮雜果日式厚pancake伴玫瑰花瓣醬（$70）每日限量100分㗎咋，我覺得個pancake蛋味都幾濃，空氣感都有，不過唔係我食過最好味嘅，我覺得gram再soft一點，不過個玫瑰玫瑰花瓣將不過個玫瑰玫瑰花瓣醬好正好濃。不過個抹茶味窩夫就有少少失望，雪糕就好食，應該都係啲靚雪糕，半嘅紅豆都好大粒好香甜，但係個窩夫就覺得唔係好夠香脆，有少少失手嘅感覺。不過整體來講喺呢度嘅

焙茶心太軟平時的心太軟都是巧克力口味，這次是焙茶口味，第一口已經吃到香濃的焙茶味，加上淡淡綠茶冰淇淋中和一下，吃起來不會膩。 絕對值得一試。士多啤梨窩夫窩夫屬於外脆內軟，加上百搭的草莓冰淇淋，再淋上蜂蜜，是不會出錯的甜品，不過不失，可試可不試。朱古力brownie Brownie並沒有想像中的扎實，介乎於蛋糕跟brownie之間，幸好巧克力味很濃郁，再加上巧克力冰淇淋，巧克力愛好者必吃！ 但如果怕膩的人，就好點其他甜品。

若要吃pancake荃灣區只能說出這一間日本的過江龍都在尖沙咀及銅鑼灣變相其他地區沒有什麼選擇雖比不上它們，但甜品還是不錯鮮雜果厚PANCAKE伴玫瑰花釀醬及雲尼拿雪糕配上的不是楓糖，而是玫瑰花釀醬甜度較低，但多了一陣花香味配忌廉更幼滑而主角厚厚的班戟鬆軟有彈性入口極濃蛋香味紅豆綠茶窩夫伴綠茶雪糕即叫即焗的抹茶窩夫非常熱騰騰，外脆內軟幽雅的綠茶香，還嘗出微微奶的甜味配紅豆蓉更是絕配，口感更豐富再加雪糕，一冷一熱的極端感覺更惹味

甜品控真係絕對唔可以錯過！😍同friend行街，lunch食得太飽，夜晚果餐都係食甜品啦！😊我哋兩個叫咗一份朱古力窩夫，一份士多啤梨芭菲，兩份都非常好味呀！😋窩夫有著朱古力味同蛋香味，同香蕉好夾！😆芭菲有一件好大件嘅芝士蛋糕！真係好滿足呀！😍😍😍

Aroma Dessert Cafe 經常性食完晚飯，但又未捨得走住，想同朋友傾多陣計，甜品舖就係最好嘅選擇。呢間荃灣小店可以話係高質嘅平價甜品舖，性價比高💛等候入座嘅時間望住餐牌，唔同甜品（疏乎厘pancake、窩夫...）都咁吸引嘅良心小店😋-🔍 香蕉朱古力窩夫伴朱古力雪糕 $55窩夫脆脆地又唔太硬，口感啱啱好，再加上香蕉配上朱古力醬同朱古力雪糕，份量滿足💛-📍 荃灣鱟地坊38-46號祐強樓地下42號舖

呢間小鋪一向出品都 ok.. 黑暴後冇去過！今晚見疫情放緩，食肆放寬限坐，心情輕鬆忽然想吃，而且甜品都是齋類，晚飯後一於去排一排隊！點知入坐後望一望個牆😱😱真係胃都反埋！

今日同朋友荃灣遊，中午撐完黃店西餐，然後直落黎依間甜品黃店👍🏻老闆在開甜品店之前，曾經做過甜品師傅教整野食，我曾經也報過他的堂，的確教得唔錯😌😌我地點左兩款signature $65Pancake 軟綿綿很鬆化，像棉花般的軟嫩，充滿著蛋香。 鮮藍莓醬料味道酸甜，與pancake 清香味道形成對比，為味蕾帶來刺激；加球草莓雪糕，冷熱交融，正！-$55心太軟是我最喜歡既甜品，用上特濃朱古力去製作，不會偏甜之餘，亦有濃濃朱古力香，吃得多也不覺膩；配上雲呢拿雪糕，口感極佳。

最近最想食甜品 同朋友去左荃灣一間甜品店佢選擇好多甜品，我每次都會食厚pancake 配海鹽芝士卡達醬及雲呢拿雪糕 當然要叫黎食，因為好多時甜品都係甜類多啲，呢個鹹既甜品，食落好夾味道，平時我喜歡食甜既pancake ,每次都只會簡呢個甜品，必食。 特濃朱古力配朱古力雪糕如果好喜歡食朱力古朋友推介，濃濃朱古力味道，感覺好似食緊心太軟，唔會話好甜，每食一啖有好濃朱古力，另外再叫一杯蘋果花茶飲落去 唔會話好甜，食完甜品再配花茶。

今日放假,見呢排武漢肺炎確診少d,同朋友去荃灣附近食個tea,搵咗呢間喺街市對面嘅cafe仔入到去果陣人唔多,但坐咗一陣,好快 就full晒，出面仲開始要排隊。 叫咗一份pancake x 梳乎厘,一個果茶 同朋友一齊share士多啤梨醬味道帶點清清嘅酒香味,跟士多啤梨甜味互相配合,清香甘甜,比一般pancake加添獨特。旁邊用生果點綴好清新健康! 梳乎厘係即叫即整上給既時候仲保持溫度適中,件件都有幾 cm厚分量十足! 店員提示影完相要盡快食,以保持鬆軟口感，非常貼心雖然唔算係好鬆軟未去到入口即熔既境界，不過蛋味都好濃好香 即使依家武漢肺炎嚴重搞到有得去旅行都可以尋回日本班戟，good美味果茶好香,又唔會太甜,滿滿生果好幸福 仲有個蠟燭熱 住,唔驚佢凍,好貼心! 下次要再黎食!

呢間甜品店係荃灣區好出名，成日大排長龍，原因係佢有大熱既厚pancake食，價錢仲非常之親民，深得一眾街坊歡心🥰小店空間不大，簡約的裝潢走文青風格，有好多有特色既裝飾，要去支持👍🏻－－－－－－1. 焦糖蘋果Pancake配楓糖漿 4/5Pancake每日只限量賣100份，每份都係即叫即整🥰一份有兩舊Pancake，配上一粒粒的焦糖蘋果，焦糖味唔太濃，唔會過甜，配上原味既班戟食相當夾，仲要有多一球雲尼拿雪糕，真係好飽🙈2. 士多啤梨Pancake配粒粒藍莓醬 3.8/5班戟賣相幾靚，比起其他過江龍班戟size係較細，但食落口感都幾鬆軟🤤要趁熱食，因為食食下會覺得食緊蛋糕咁，同埋空氣感不足，但以呢個價錢來說，係絕對抵食

聽講Aroma Dessert Cafe最出名係佢嘅日式梳乎厘厚pancake，今日慕名而來，諗住朝吓聖 點知原來呢度嘅招牌pancake每日限量100份，售完即止 今日遲咗黎，已經一早賣曬，唯有改嗌呢度第二出名嘅心太軟 心太軟系列有特濃朱古力、焙茶、焦糖三種口味揀，每款蛋糕都會跟埋一球雪糕價錢由55蚊至60蚊不等，唔收加一，下午茶仲有九折優惠 計落比好多餐廳平，抵食 特濃朱古力心太軟因為即叫即做，製作需時，大概要等20至30分鐘至有得食 一上枱梗係即刻切開個蛋糕，影張相，打個卡先啦 可惜流心效果唔澎湃，要用隻羹引導一下d朱古力漿至留出黎蛋糕質地亦略乾同硬，可能焗得耐咗少少 朱古力味雖然講唔上「特濃」，但蛋糕都算香甜好味 雲呢拿雪糕口感幼滑，同心太軟一齊食，一凍一熱，一軟一硬，層次分明 整體而言唔錯嘅，下次如果早d攞個蛋糕出爐應該可以更濕潤鬆軟

大家要記得留意佢星期一係唔開門：（我上次黎佢無開門好傷心，我今日再黎過！佢座位方面因為係小店關係都幾密麻麻，算係無咁好。飲用水就自己去湛既。野食方面，我同朋友一人叫一個甜品。佢呢度亦要求每位客人都要至少order一杯飲品或甜品。我就叫左個海鹽芝士厚pancake，朋友叫左個特濃朱古力心太軟。兩個都係需要等既甜品，但唔算要等好耐。我個海鹽芝士厚pancake到先，碟上有2件pancake，其實應該算係梳乎厘，搖一搖就震幾震好過癮hehe 。碟上仲有雲尼拿味雪糕，講真雪糕就真係好一般嗰啲雪糕，硬實，唔係好滑同香咁。不過其他野都好好。好鍾意佢個質感，好鬆軟，唔係蛋糕咁實，有啲空氣感，但又唔會食完似無食野咁，仲好有蛋香。個海鹽芝士汁係另外裝既，可按自己口味決定倒幾多。又幾好味，濃濃既芝士味配有少少咸既味道，同個pancake又幾夾，唔怕過咸會蓋過芝士味，岩岩好。碟邊仲有一pat 忌廉，香滑唔膩，最正就係一啖食曬pancake, cream同海鹽芝士醬。我亦有試食朋友既心太軟，超濃超濃朱古力味！！佢一切開就有熱辣辣既朱古力漿流出黎，外脆內軟，香到爆炸。推薦大家除左黎食佢地既pancake外，都可