魚願以嚐

Open Now

Now Closed

呢間小店啲刺身丼飯真心勁正有爆多料，而且勁新鮮🤩🤩 佢全日同價錢仲要唔洗加一夜晚去食真心抵到痴線😍😍 但小店位置有啲難揾佢唔係大街，係啲住宅下面🙈🙈 魚願豪華刺身盛合丼定食 $138 👍🏻👍🏻9分佢每樣刺身都好大片而且全部都好新鮮唔腥我最鍾意係個蝦同希靈魚勁鮮甜！😋😋 粒粒雜錦刺身盛合丼定食 $108 🥰🥰9分睇相都見到有幾震撼鋪到完全見唔到飯🤯🤯而且真係好多唔同既刺身呢啲先叫雜錦!!有好多餐廳平得黎，只係得勁多三文魚、青瓜粒同蛋🥲 原條蒲燒鰻魚玉子丼定食 $98 😋😋9分條鰻魚勁大條勁厚身唔會腥，亦唔會勁多骨燒得好香好好味😻😻 只要follow佢地社交平台仲送一份細既刺身抵食又好味！

餐廳提供超級多款刺身飯，亦有雞、鰻魚等配搭。全日免加一之外，學生醫護仲有折，店員仲好熱情，真心讚。叫左厚條蒲燒鰻魚稻庭烏冬定食($108)，親子滑雞丼定食($68)。大條鰻魚冇骨啖啖肉，完全冇腥味，肉結實。個烏冬口感有d 煙韌，豬骨湯濃郁，有辣有少見芫茜湯底揀添架。佢既做作係雞蛋以生蛋形式上菜，雞肉大大件圍住雞蛋，自己刺穿雞蛋，岩哂伴飯食。雞肉嫩滑入味，飯量多到食唔哂。附送中華湯律、湯、follow ig仲送刺身/飲品，個刺身仲要勁厚切，抵到爛。整體，真心好抵食，鍾意食刺身，要試下佢d刺身飯，個份量好多，賣相亦靚。支持。

其實之前都食過幾次㗎啦，一直都唔記得寫食評😂首先要讚下老闆娘好好人，會同人寒暄幾句，follow ig 又會送刺身或嘢飲～之前食過刺身飯，好新鮮😆今日天氣凍咗，就食個親子丼。個飯好大份，啲雞好滑，個汁甜甜哋，然後撈埋啲生雞蛋食，成件事好正～

好食指數:🌕🌕🌕🌗🌑Cp值:🌕🌕🌕🌗🌑•粒粒雜錦刺身盛合丼定食•$108放工去食 真係唔錯因為唔需要等好耐😆😆😆呢碗野真係爆到痴線啲刺身同飯好似唔駛錢咁勁多😂😂😂😂真係食唔晒 啲刺身嚟講係幾新鮮㗎啦！雜錦刺身樣樣都有啲都幾平均然後刺身下一層落咗少少嘅紫菜食落口都幾香嘅Ps 入到去冇人以為應該麻麻哋 但係食落口有幾新鮮幾足料👍🏻 不過就唔係正宗嘅日本餐廳 呢間餐廳真係要細心啲先會搵到 因為比較隱世嘅

平時行過英皇道保證miss過咗🥲去到某個路口先見到佢哋棟咗餐牌指埋箭嘴直行轉左先到🤣玩city hunt咁。同場加映，附近發現一直想食嘅治癒菓子泡芙 @healing_bakery 星期六日係唔開🥲藉此tag tag 你地會唔會考慮下周末都開😭講返丼店，原來而家like 社交平台仲有得送一份魷魚/bully魚/三文魚刺身/紙包飲品！一場嚟到當然試花花刺身丼🍣🍱.1️⃣魚願豪華刺身盛盒丼定食（$138、醫護學生八折後$110）一上枱時嚇親😱擺盤擺得好開胃😍材料有爽脆嘅bully魚、鮮甜帶子、爽口八爪魚、有咬口嘅魷魚、油脂感重嘅吞拿魚腩、一咬爆即feel到好鮮味嘅三文魚籽、爽甜牡丹蝦同埋捲成花花嘅三文魚🥰食完個丼仲要有中華沙律同埋麵豉湯先$110，真心滿足🤤.性價比：🌕🌕🌕🌕🌖美味度：🌕🌕🌕🌕🌖獨特性：🌕🌕🌕🌕🌑

鰂魚涌有不少隱世小店，藏於內街中會比較難發現。其中像這間吃丼飯的 魚願以嚐 As Yu Wish Sushi 就是囉除了熟食的丼飯，也有刺身丼Menu是全日供應的定食套餐，所以包括了麵豉湯和前菜。若果 Follow IG 會即時送刺身或飲品的喔！✦ 極尚五品刺身盛合丼 ($128) -店員說這款是頗多客人會點之一！五品中有弄成花型的三文魚，都幾肥美的。不過劍魚肉質柔軟，個人更喜歡這多過前者。還有清脆彈牙的八爪魚 & 鮮甜的帆立貝，另外亦有一隻紅蝦和少許的三文魚子。雖然只是小店，但配菜和飯量也不會少。有玉子、青瓜、薑：飯較特別是加了味素。

呢間小店喺鰂魚涌嘅一個小巷入邊，位置唔顯眼，所以人流較少。我嗌左一個燒三文魚丼，佢配上沙律同埋麵豉湯。沙律菜清爽，麵豉湯正常。至於三文魚丼，三文魚嘅份量非常豐富，佢燒到油脂逼晒出嚟，燒到熟度剛剛好，所以表面魚肉結實，然後下面魚肉仲係生嘅，口感層次豐富。🥴朋友嗌左個帶子甜蝦三文魚丼，刺身全部都好新鮮，帶子鮮甜，三文魚肥美，甜蝦鮮甜結實冇腥味，而且份量好多，令人食到好滿足。😚佢每個飯都有飯素、酸薑，同埋沙律菜。真係非常足料，令人食到好開心。☺️老闆娘不斷提醒食客，喺social media share Story，可以有免費嘢飲或者刺身，我哋share左就有八爪魚刺身食。然後有個個年長嘅食客冇Instagram，我個老闆娘都好友善咁話送嘢飲俾佢。🥤呢度嘅服務態度真係非常友善親切，食物味道又好，睇嚟呢度將會成為我將來嘅長期飯堂。🤪🤪

晏晝喺鰂魚涌附近有啲嘢做，搞掂之後就搵嘢食啦😗 但係呢頭唔係太熟路，即刻打俾朋友問吓，佢就介紹咗呢一間附近嘅小店俾我🥰入到去唔算好大間，裝修普普通通啦。感覺比起附近經過嘅小店大間少少。我叫呢個刺身丼午餐，$118，Share ig會多送魚生或者飲品丫。呢個價錢來講，魚生份量都算幾多😆特別嘅係佢嘅飯加咗唔係味素😳比較少見，不過都幾好食嘅✔️如果下次再經過可能都會幫襯，雖然我比較少去呢一頭😂不過都好多謝朋友介紹！

聽過這店很久，昨晚終於決定一試。佢地係屬於地區有心小店。地方唔算太大，裏面亦冇華麗裝修，食物選擇又唔係太多。但食物水準不錯，價錢合理。同時店員熱情招呼。當晚我叫了芫荽烏冬刺身set。朋友叫了鰻魚烏冬set。好少餐廳有提供有芫茜set嘅餐，愛好芫荽嘅話一定要泥試下。佢哋嘅芫茜完全冇手軟，令愛芫茜者感覺滿足。刺身水準正常，當然係一分錢一分貨。鰻魚味道亦不錯，個汁都幾好味。這店整體感覺係好ok嘅。因為住在同區，一定會再去光顧。

久違去鰂魚涌，內街仍然好多餐廳，不過有啲周末晚唔開/早收。上網查下，見到呢間小店平平哋有魚生丼飯，決定去試。小店位置有啲隱蔽，要行入屋苑巷內。 因為防疫政策店內座位得4-5枱，我哋入去剛好仲有位。除咗刺身丼定食，仲有熱丼定食，不過我哋今次目標係刺身丼！🌟三文魚親籽丼定食 $108：🍣滿滿的三文魚！仲好有心整咗朵三文魚花🍣三文魚冇雪味🍣魚籽一咬開口腔內充滿鹹鹹的魚香味🍣附送中華沙律，麵豉湯，有種小時候食個啲日式定食嘅感覺🌟魚願豪華盛合刺身丼定食 $138：🍣三文魚剛好賣晒，改咗帶子，帶子有點甜味🍣吞拿魚蓉唔錯，但個人比較中意有魚粒更有口感🍣其他魚生，希靈魚，八爪魚都冇雪味🍣另加的墨魚刺身都不錯，有鮮味總結：以呢個價錢，總體質素合理。雖然裝修簡單，但都乾淨。老闆娘好好人，要支持下良心小店！

Geo條👅評分：⭐️⭐️⭐️💫 (5⭐️最高）日式叉燒玉子定食 $68魚願以嚐喺公司附近，周不時都會去食吓，由最初嘅餃子拉麵🥟🍜，到日式熟食料理再到依家有埋魚生飯，真係食極都唔厭😂今次lunch就試吓新menu嘅叉燒玉子定食先，依家follow佢哋Ig再post張相仲送刺身或者飲品二揀一👍🏻叉燒玉子定食賣相唔錯，味道充滿濃濃嘅日式醬油味道配上叉燒感覺唔錯，但就覺得叉燒肥咗啲，對我自己嚟講🤣玉子甜甜哋幾好食，雖然叉燒肥咗少少，但味道真係唔錯，成碗飯食晒🤤送嘅三文魚厚切啖啖肉，正👍🏻

態度完全唔得 冇禮貌 聲大夾惡上菜速度慢 成個餐俾左人地 催左幾次先上菜冷氣唔夠 夏天有啲辛苦份量太少 但收費貴Impolite manner Inefficient delivery speed Urged for many times Not enough air con Small size but expensive

第二次光顧，價格好像比之前提高了一點，食物少了選擇，但性價比還是不錯的。原條蒲燒鰻魚玉子丼定食（$98），連前菜和麵豉湯，加$10可以要一款刺身，有四款選擇，我們要了三文魚和大八爪魚。鰻魚大大條，上面鋪了紫菜碎，玉子份量也不少，有飯素拌飯，也有沙律菜和子薑，前菜是中華沙律。刺身性價比很高，三文魚和大八爪魚各有兩大片，而且不是薄片的。學生和醫護人員去吃都有折扣。

叫兩盒一口牛外賣，一心諗住支持。外觀睇落冇問題，點知啲牛肉除咗鹹之外一啲味道都冇，有幾舊仲用鬆肉粉醃到好似豆腐，除咗鹹味同鬆肉粉味乜嘢味道都冇。其實啲牛肉唔新鮮，點解要比客人食？以前食過好好食唔係咁樣，70幾蚊一盒飯，而家淪落到街邊茶餐廳咁嘅質素。點解會咁？我明白市道艱難，但係維持食物質素，難道不是守住業務的最重要一點嗎？希望不要當客人是慈善家，我其實真的想食一個好的午餐。價錢同質素完全不成正比，叫同路人點繼續支持？

番工最期待既食飯時間，同同事睇到呢間餐廳，就約埋一齊去食啦！呢一間餐廳嘅位置有啲隱蔽，係759阿信屋嗰個轉角位轉入去就會搵到㗎啦。餐廳細細地，但係其實入邊都幾多位錯㗎。我哋嗰日等都唔使等就坐低咗。呢間餐廳除咗食當飯之外仲有烏冬食嘅，我仲見到有好特別嘅芫荽湯添下次一定要試！<一口牛丼>呢度嘅lunch set其實真係幾抵食60幾蚊又有中華沙律小食，又有湯，碗飯仲大大碗。一口牛丼真係做得非常之出色，食過返尋味。牛肉非常之軟林，有牛味，食咗咁多舊都得一舊係有筋，而且份量一啲都唔吝嗇。非常推介