旭川日本料理

Open Now

Now Closed

旭川喺西灣河屹立差唔多十年，前排行開西灣河再次回味一下！餐牌同幾年前一樣無變，重點係價錢都無變！一樣仲係性價比咁高。下午時段今次想試新野，點咗個北海道三色飯 $68。餐牌話包三文魚籽、海膽同埋帶子，已經非常抵食。但一上菜時即時眼前一亮！點止三文魚籽，直程有埋三文魚！仲有蟹柳、蟹籽、玉子...儼然係個七品丼嚟！旭川嘅三文魚質素一向有保證；帶子亦都係刺身級別。海膽係加拿大海膽，味道無日本嘅咁鮮甜，但味道都好濃郁。呢個價錢食到一個咁豐盛嘅三色飯絕對喜出望外！晚市時段開番有機會會再嚟西灣河食其他料理！

平價日本嘢呢間日本嘢食物選擇多到我要揀半日先揀到，同埋價錢真係比其他日本嘢平。不過食物質素同價錢就絕對成正比啦，唔好期望佢係好好食，其實真係麻麻地。叫咗幾件三文魚小卷同蔥碎吞拿魚腩飯外賣，三文魚小卷都真係幾小下，啲壽司飯好梅，蔥碎吞拿魚腩飯啲吞拿魚份量唔算多，同買食唔到新鮮既味道。呢間日本嘢平就平，但應該唔會再去食多次。Very inexpensive, but the quality of food is not as good

今日去完西貢玩，回家了， 在西灣河食晚餐，正在考慮食什麼好呢，仔仔就好想食日本料理，接著上網睇下哪一間抵食， 爸爸就話使乜上網，西灣河有一間旭川日本料理好抵食，接著我們就去咗旭川日本料理食，仔仔點了一個套餐，接著我們再点其他壽司，點了一個芒果壽司卷，一磅三文魚 刺身，帆立貝刺身，北寄貝壽司，鰻魚壽司，再點兩碗濃湯豬骨拉麵，仔仔話點解食極都好似未夠飽未夠喉，日本料理 真是食到唔停得口，仔仔話我想叫多兩碟壽司可以嗎？我話你食到先可以叫再點，就点一個甜蝦壽司，一個蟹柳壽司，終於好滿足了，旭川壽司夠新鮮好味，價錢公道。

上星期想係附近搵日本野食，上黎openrice望下有咩選擇。shortlist完發覺可以坐低食既舖無幾間。醒起平日坐車經過，見到呢間個門面都可以，睇過巴絲既食評都唔錯，即管走去試下。星期六晚7點鐘，雖然呢排有限座，舖頭枱同枱之間距離拉開左，座位少左啲，但只係係門口等幾分鐘就入得。或者可能仲算早，入面只有5,6枱客左右。坐低之後望下餐牌，魚生飯一般7,80蚊，唔算平唔算貴，其他熟食都係正常價。睇完一輪，最後揀左 蔥碎吞拿魚腩飯，角切魚生飯，燒牛脷，再加多個是日推介既赤貝刺身。然後就為充滿創意既一餐揭開序幕。首先係前菜。當你望住一粒個面金黃色，碟底有啲白色醬既面粉波，仲諗緊係咪上錯左泡芙既時候。一咬落去至發現原來係章魚丸子，但佢個丸子係唔熱既，只能叫室溫。好彩唔算油，仲可以食埋去。然後係兩個魚生飯，呢兩個簡直係經典。角切魚生飯，除左左正常三文魚，少量白身，貝肉，青瓜，玉子燒外，竟然會有魚板。究竟從幾時開始，魚板歸左入魚生一類？跟手再黎個蔥碎吞拿魚腩飯，正當食左兩啖個碎魚腩，以為正正常常既時候，神奇既事又發生啦。點解咬落啲蔥咁唔似蔥既呢？原來係呀蔥個外國friend-洋蔥。魚生飯配洋蔥真係第

疫情下好多餐廳都少左客，所以我多左嗌外賣，餐廳唔多人就堂食，希望多D小店捱過疫情。好耐之前喺旭川食過鮑魚刺身，龍蝦刺身，幾錢唔記得啦，記憶中好抵食，貴價食材喺度都係平民價錢，但係之後唔再賣。仲有曾經喺餐牌上嘅鮟鱇魚肝，螢光魷魚等等等等等等等....曾經喺度訂過幾次新鮮飛機貨。原條喜之次，金目鯛，中環銅鑼灣食靚景收2、3千起，呢度平一半以上。跟餐嘅漬物真係似日本D小店會成日轉，自家製嘅牛蒡，蘿蔔，帶子裙邊等等，雖然有時都係普通螺肉海帶之類。旭川係我嘅日餐飯堂。喺度同老細，待應，熟客吹水已經係日常。是晚部份Order：赤貝刺身，新鮮甘甜。馬糞海胆壽司，吞左之後就懷疑人生，點解咁好味架自家製火炙三文sushi必點，最愛。炙燒左口魚邊Sushi，好香魚油味！燒牛舌，厚燒! 有口感！日本直送蕃茄刺身。我超怕酸，老細話冇酸味，真係一D都唔酸，清甜爽口。鱆紅刺身，鐘意烟UN 口感有啲懷念平時星期五六日晚市要排隊嗰種燥底。期待疫情過去，再一大班人去食餐好嘅!

今天剛巧要去西灣河做嘢，難得嚟到這裡，就和朋友相約午餐，佢知我喜歡食日本嘢，於是就找這間店試試⋯⋯去到門口發現竟然要等位，仲有好幾個學生在排，以為學生好有錢才來食日本菜，結果等緊的時侯，發現佢有學生價，真幸凍！而且價錢仲好合理！等一陣就有位內進，朋友極力推介食魚生相關的食品，於是我叫鰂一個壽司餐，睇下咩狀況！食物嚟到時，我都有些驚喜，一間不起眼的小店，食物的質素相當新鮮，以為價錢平，俾的食物都唔一定好靚，結果一分錢兩分貨，超讚！好想下次壽食晚餐，逐樣刺身試吓！

去到「香港士林夜市」太安樓其實唔係整係得掃街，可以順便試埋呢間高質嘅平民日本嘢💃自從唔知幾時開始試過佢嘅頂級劍魚腩壽司之後每次去都一定會叫，肉質鮮嫩細膩，脂肪多會食倒劍魚腩獨特嘅油香味🤤，其他地方可以收到好貴，呢度廿幾蚊兩件cp值認真高🌸 另外京蔥吞拿魚蓉🐟壽司亦值得一試，雖然吞拿魚味唔太濃，但勝在口感柔軟，亦同京蔥、wasabi豉油好襯！呢度啲串燒都做得唔錯，特別係牛舌同雞軟骨，調味恰到好處，唔會過鹹或重口味。牛舌係厚切架，因為火候控制得好，超有咬口，絕對唔會好似某間板x連鎖店咬極都咬唔開要成碟放棄🌚安格斯牛扒🥩亦係favorite之一，唔怕生六成熟好正，七成都ok嘅，再熟就唔好食lu～牛扒都可以點wasabi豉油，會更加好味架！💬唯二唔好就係環境比較狹窄，同埋唔收卡唔收卡唔收卡💳💳💳（重要嘢講三次）！不過因為係街坊小店，都可以理解嘅🏘

旭川是我一直的心水飯堂，希望佢長做長有，繼續做我的飯堂。旭川有兩層，如果有長者，最好早少少 (即6:30pm前)，否則行樓梯上雖然不算長，還是要行。首先餐牌已好大本好多選擇，店內亦貼滿食物照片同價錢，方便食客揀，見有咁多選擇亦食慾大增😅😅🤣🤣晚餐餐牌有壽司、魚生、拉麵、烏冬、飯等好多個選擇，如果都揀不到，仍有好厚的餐牌再揀。墻上另貼滿不同食物和照片，好多色彩，多相片會食慾大增，亦令人有選擇困難症😅😅因為post相有限，不能盡錄。加州冷烏冬 $68 👍😊天時暑熱，怕熱的人會喜歡這個冷烏冬，烏冬口感煙韌，撈烏冬的蔴醬汁又夠份量，上菜時烏冬面整齊地排列好，美觀吸引，感覺上亦覺得好多餸。有蛋、肉、腐皮、魚子、粟米、青瓜絲等。好味醒胃😋讚👍鹽燒三文魚鮫 $48😊望上去雖然好似黑了一點，其實無燶，魚皮入口都沒有燶味或燋味。調味剛剛好，少少鹹鹹地，半個魚頭和魚鮫好滑，$48不錯。鹽燒三文魚頭 $68比三文魚鮫貴$10，同時分量好像多了超過$10，我個人覺得這個會比較抵，加上魚頭有更多骨膠原，這個更著數😊😊味道與三文魚鮫一樣好味，好滑，次次都有叫這個，不過試過有一次失手，鹹過頭，全碟都鹹到條脷都澀埋😅

今日突然之間就同屋企人話想食日本嘢啦～但係而家已經夜晚十點幾喇正常來講，壽司舖應該一早收曬啦但點知畀我搵到一間，一於狗衝去試啦冇諗過價錢同埋新鮮度完全值回票價！ 最後就嗌埋外賣走添！

西灣河既依間旭川日本料理，其實都見距開左好多年，之前都有試過幾次，覺得都幾抵食餐廳入面一條走廊放置所有枱凳，右手邊就係寿司吧餐牌上既食物選擇都好多寿司，剌身，串燒，炸物等等一應俱全刺身幾新鮮三文魚籽有爽脆既口感魷魚剌身沾滿飛魚籽赤貝好爽口三文魚腩夠肥美大蜆湯啲蜆唔算好大隻，不過個湯都幾香，幾好飲三文魚籽好食，所以忍唔住嗌多两件寿司火炙佐口魚好香，入口軟嫩依個燒牛舌非常出色，燒得夠香，一咬就流啲肉汁出黎

又係個句，最近無咩心機影同食，黎黎去去都係屋企附近或hea食... 加上上個月個人攰到連食既動力都無，呢個係3餐，2個晚餐一個lunch... 而且其中一餐係佢食兩份我只食小食XD呢間之前其實都幾抗拒入去，但有日真係唔知食咩就是旦啦，結果又唔太差，又係以呢個價唔差咁囉，佢做街坊生意多，所以都係大大份既， 而刺身都新鮮，個壽司飯個味都唔錯，其實佢係quantity多過quality.Btw, 個牛肉鍋太hea啦，hea過吉吉家，係暫時最差既一樣!(唔好意思，因為係三次唔同既餐，逐樣影會太多相，上載不了才合成)

夜左收工去食飯，周圍都收好早，但呢間舖越夜越多人，可以慢慢食全部野都係即叫即整，環景感覺都幾舒服，有埋電視睇，所以見到好多人都自己放工食。好有老區小店feel，員工好親民。日本海膽好好味好新鮮添。軟殼蟹手卷又係熱辣辣好好味。最好味係個沙律🥗D芝士加埋落去好好味。

最近，心情有點低落，踏入七月，一切都覺得很灰，食慾也隨之下降⋯⋯那晚沒有做飯的心情，男友說，那就不做吧，我們在外用餐好了。這家店比較近，而且好像選擇也不少，之前吃過，也沒有很大問題，也沒多想其他，就進去了。由於食慾不振，最初我們只是點了些燒烤和一個豬扒拉麵，拉麵是最先到的，聞起來很有港式方便面的味道，口感一般，面質偏軟，湯太鹹。之後等了一陣才上的不是豬扒，卻是另外的烤串。雞軟骨不過不失，沒有被烤乾也算是不錯。牛舌算是全晚最美味的，黑椒少量，份量也少，爽口不帶騷味。接著上的也不是豬扒——心開始有點涼，拉麵碗已經被收走，主角尚未出現。感覺這個就有點素得可憐，金針菇比較多，帆立貝變成了配角，總共有四顆。在我們的心目中應該是有牛油、蒜蓉，可惜都沒有，結果是四顆帆立貝吃起來也都是菇的味道。等好久的豬扒終於到了～不知道為什麼要炸那麼久，也沒有特別香脆，可以說算還好。最後到雞骨腸，也是在我們脆催單之後上台的，男友似乎真的餓了，沒等我拍照已經先吃了一條～烤得外皮很脆。最後，我們覺得燒烤都不是很好吃，肚子尚未填滿，那不如再來點新鮮刺身什麼的吧？！由於餐牌已經被收走，所以我們在牆邊查看了一下圖片餐牌，看到

頂級劍魚腩刺身（4切）💲67日式咖哩豬扒飯 💲45帶子壽司（2件）💲15（跟餐）青蘋果乳酸特飲 💲6（跟餐）✅ 劍魚腩油香豐溢食落唔腥🤤 厚切食落爽口🤣❔ 豬扒飯味道好一般 類似茶記碟頭飯既感覺🐖❔ 帶子表面有裂痕🧐👅Taste：3.25/5💰CP值：3.25/5🙋🏻‍♂️Service：3.5/5👁‍🗨Stylishness：3/5

<<西灣河 • 旭川日本料理>>是一家很較為細小的日本料理店 座位真的有點窄 但有留上座位 上面較為寬闊一點 上下層都有電視給客人觀看😊聽聞這家店的魚生都挺新鮮的 但因為本人不太喜好魚生 便選熟食為主🥰1.)▫️西京燒銀鱈魚 銀鱈魚既質素有點下降 煎得比較長時間 香口的 但有點油膩 銀鱈魚的份量都頗為大 性價比較高👍.2.)▫️軟殼蟹反卷.3.)▫️壽喜燒肥牛定食肥牛煮得剛剛好 不會太甄 湯底味道剛好 不會太味噌 吃完都不會口喝 但唯一缺少了生雞蛋🥚環境: 🌕🌕🌑🌑🌑價格: 🌕🌕🌕🌕🌑食物質素: 🌕🌕🌕🌑🌑