ASOK THAI GARDEN

Open Now

Now Closed

見到尖沙咀同荃灣分店嘅食評都大讚，一直想試，所以喺星期日嘅下午有得book位嘅情況，下晝嚟到荃灣分店。中午12點人流唔多，只有兩三台客。餐廳QR落單，但都提供餐牌參考。有啲失望原來假期午餐只有指定幾個選擇，並冇單點餐牌提供，一早睇咗又想食嘅結果食唔到。味道方面，紅咖喱偏甜。燒鴨大概有五舊，三舊鴨殼兩舊淨肉，當中亦有啲薯仔粒。餐盤方面，離遠睇好打卡able，但近少少就見到木碟佈滿刀刮痕，其實木餐具清潔困難，感覺衛生麻麻。所謂嘅椰汁濃蝦忌廉，只係食得出忌廉味，質感亦同一般超市買到嘅忌廉一樣。軟殼蟹偏細炸粉厚。串燒反而有焦香，豬肉外脆內軟有汁。但牛肉乾韌。跟餐只有呢個泰式熱茶，不用加錢，嚟到法國原來係洛神花茶，甜甜酸酸都好飲。即使晚餐同午餐提供食物唔同，但如果晚餐食評係咁好食，都冇理由午餐咁大分別。*餐廳提供木BB凳連枱。

泰式生蝦刺身$98🦐一上枱俾佢驚豔到，好少生蝦會咁樣擺盤，幾精緻特別。刺身都新鮮，同九龍食嘅差唔多，但就真係擺盤靚，打卡一流。😋冬陰功大頭蝦意粉$150🍝🦐呢款意粉醬汁幾特別，酸酸辣辣，似係冬陰功再加忌廉之類，幾開胃醒神，好食！飛天小椰菜$88🥬呢碟大推！通常商場餐廳叫炒菜都係冇乜鑊氣，而難得呢碟小椰菜上枱時已不斷冒煙，而且加咗唔少香蒜、九層塔，好食！Asok泰式小食拼盤$178🍢小食拼盤正常發揮🫶🏻宇治綠茶斑斕麻糬蛋糕$62🍰斑斕味都有嘅，麻糬就中間細細嚿泰式冰咖啡$42好濃郁嘅冰咖啡，我好喜歡。不過由於糖度固定，我覺得啱啱好，但平日飲齋啡嘅朋友就覺得甜咗少少，所以真係睇自己喜好啦。

📍$98 泰式生蝦刺身蝦肉食落幾新鮮彈牙配埋個蒜片同醬汁一齊食相當惹味😝泰國野大路之選.📍$158 冬蔭功大頭蝦意粉幾新穎的fusion菜冬蔭功個底汁係忌廉汁所以食落好creamy同幾夾大頭蝦份量都唔少，有兩大隻食落蝦肉好結實彈牙蝦頭亦有好多蝦膏🤤同埋成個意粉係唔辣的，連食唔到辣的B小姐都食到停唔到.📍$116 黃咖喱（豬）+ 印度薄餅咖喱的香料味都幾重係泰式咖喱個種味道入面的豬肉就正正常常個印度薄餅就熱辣辣😍食到個餅的酥香.📍$68 芒果糯米飯甜筒📍$68 花生椰子雪糕芒果食落好甜配埋椰汁糯米飯一齊食相當唔錯🤤但個糯米飯就略微有d痴住一舊咁估唔到仲送左一球椰子雪糕甜筒等我地仲叫左一份🤣椰子雪糕食落好重椰味，唔會太甜面頭仲灑左d椰子粉增加口感，正！🙆🏻‍♀️.📍$42 泰式奶茶茶同奶個比例岩岩好而且甜度亦岩岩好，唔會過分地甜😊

🍽️食物方面：🐮泰式燒牛肉沙律💲128出乎意料地👍🏼牛肉同菜嘅比例係5:5少少辣 有腰果紫洋蔥青瓜蕃茄🦀泰北蟹肉金湯烏龍麵💲158多到食唔晒 麵質彈牙 味道夾 有酸菜中和🧩Asok Thai小食拼盤💲178擺得好靚 少少辣 多款啱晒貪心為食仔🍵Thai Green Milk Tea💲46玻璃樽+杯冰 有啲香料味 唔會太甜 好飲📷打卡方面：有啲花花草草同埋木系裝置好和諧🔈環境方面：大間多位 坐得舒服🚻要去返商場💬其他資訊：📍ASOK THAI GARDEN荃灣楊屋道1號荃新天地UG樓UG37號舖💰收+1, Dinner人均💲280⏱️限時90mins

呢間餐廳裝修又chill 又relex。環境好好，坐得好舒適闊落。乾淨企理。而且店員服務很好。上菜速度理想。👍🏻👍🏻👍🏻1)雞肉及豬肉串燒好香好juicy，肉質好鮮嫩入味😌唔錯👍🏻再完美配合埋秘製沙嗲醬汁。整體配合得好好！好惹味😋推介💁🏻‍♀️2）飛天小椰菜呢個每次嚟親都order, 小椰菜碧綠爽脆，亦都炒得好入味。好惹味😋3）和牛金不換炒飯一上枱已經聞到好香嘅金不換炒飯味。而且牛肉嫩滑。配料充足。整體配合得好好👍🏻😋4）青咖喱牛肉青咖喱牛肉，咖哩汁香濃足料。好香好有質感。再加上薄餅，好好食😃5 ) 泰式凍奶茶泰式茶膽正，就算加上一大杯冰，完全冇沖淡到奶茶嘅香味。飲完透心涼。好抵飲。6）芒果糯米飯甜筒巧手甜品，芒果清甜好味😋糯米飯香滑軟糯。而且賣相吸引🤗👍🏻👍🏻👍🏻整晚食物美味。我哋邊享受美食邊傾偈，呢度服務態度都好好。全晚都好寫意，感覺好似去咗一個短程泰國之旅咁樣 take 咗個break。好難得香港可以搵到一個咁舒服嘅聚腳地方，所以我都極力推介❤️

｛食盡荃灣之泰式 — ASOK THAI GARDEN｝————————————————平時成日行過荃新天地都畀呢間泰國菜嘅門面吸引㗎喇， 驟眼睇佢嘅門面，會差d誤以為係泰式按摩店🤣 以木系花園為主題，感覺舒服🔸甘蔗蝦配魚子蛋黃醬 $108啲碟菜嘅擺盤賣相精緻， 一共有五條甘蔗蝦， 香口熱辣辣， 點上蛋黃醬加埋粒粒魚子，推薦！😋🔸 蛋炒咖哩軟殼蟹 $198咖哩嘅味道屬於偏甜嘅口感，椰香味重， 軟殼蟹炸得幾好，而且都幾多肉， 佢仲配咗一大碗白飯，2個人食岩岩好🔸 魚露椰糖燒雞全翼 $78正所謂，燒雞翼，我鍾意食🤣 燒雞全翼就更加正，一次過可以食到飽滿嘅雞肉同埋香脆可口嘅雞翼尖🥰， 一共有三隻，仲配有一塊新鮮多汁既菠蘿伴碟！🍍🔸 馬拉盞炒通菜 $88正常水準發揮嘅馬拉盞炒通菜， 上菜速度好快而且係冒住熱煙， 證明即叫即炒唔錯！Overall comment: 如果下次有機會約朋友去荃灣食泰國菜嘅話我諗我會encore呢間餐廳， 除咗因為食物水準中上之外，佢嘅環境亦都好舒服，好適合可以傾計式者打下卡👍

位於荃新天地嘅 Asok Thai Garden真係好方便，行街行到攰可以過嚟食餐靚飯。餐廳環境超有Feel，播緊柔和嘅泰國音樂，坐低就即刻好放鬆，好舒服。首先試咗 青檸吞拿魚北海道帶子鍋巴（$128），呢個真係好開胃，青檸味清新，吞拿魚同帶子都好鮮，配埋脆卜卜嘅鍋巴，食完之後個胃即刻打開哂，超正！之後食咗北海道帶子娘惹牛油貓耳粉（$158），呢個好香牛油味，貓耳粉好有嚼勁，帶子都超鮮甜，牛油同帶子味道好夾，食落口感豐富，真係好滿足。最後係蒜香班蘭烤羊架（$248），呢個羊架真係不得了，外脆內嫩，羊味好濃，但唔膻，配埋嘅薯蓉都係香滑到停唔到口。

之前同朋友食過一間尖沙咀泰北菜印象唔錯，今次同老公食位於荃灣另一間分店。📍荃灣 Asok Thai garden我哋食左：🌟蒜香🧄班蘭烤羊架 💰248烤羊架冇羶，淡淡班蘭味，肉質厚實,薯蓉好creamy 。🌟泰北蟹肉金湯烏龍麵💰158烏龍麵係粗身索晒啲咖喱🍛汁，烏龍麵加脆麵，口感有層次，脆麵炸到好乾身，好特別，大量蟹肉，仲有酸菜，好豐富。🌟南薑椰子雞湯💰108南薑味好濃，椰子雞湯清清地，雞肉嫩滑，呢個湯好健康。🌟Thai milk tea💰42泰式奶茶好滑,奶同茶既比例一半一半，夠正宗,一定要飲！！！📍 ASOK THAI GARDEN (荃灣)荃灣楊屋道1號荃新天地UG樓UG37號舖10分滿分味道：7/10環境：8/10價格：7/102人總數💰556💰人均278總結：Asok Thai garden 裝修好靚，好舒服既度假風泰北菜夠正宗，價格好理，好岩同朋友打卡影相。#hkfoodieblogger #hkblogger#chansfoodie.hk#hkrestaurants#hongkong🇭🇰 #hongkongfood #hongkonglocalfood #hongkong

<Asok Thai Garden 荃灣分店>係好受歡迎嘅泰式餐廳同Asok Thai Cake係同一集團餐廳環境以木系裝飾為主 打造出文青風格 門面好似去左泰國海邊渡假咁 有異國風情好啱鍾意影相打卡嘅我🍂泰式生蝦刺身生蝦好新鮮配上蒜頭同辣椒加埋秘製嘅醬令人食過返尋味🍂泰北蟹肉金湯烏龍麵蟹肉浸喺咖喱湯入邊加上煙靭嘅烏龍麵 仲有炸到脆卜卜嘅豬油渣 全部嘢加埋口感層次豐富🍂和牛金不換炒飯好香濃嘅金不換味道 加埋和牛好正啊！🍂泰奶刨冰香濃嘅泰奶味 刨冰屬於雪花冰好滑身幼細 入邊包住椰子雪糕 有驚喜🍂Thai Milk Tea個樽好靚 味道同喺泰國飲到嘅泰奶好相近 還原到泰國地道味道

去完泰國🇹🇭番香港，為咗延續泰國美好時光，所以繼續係香港食食食🤤今次去咗荃灣帶你返去Asok Thai Graden🥰環境：8/10以泰式悠閒風為主，配置一啲農具做裝飾，增添農村氣氛，度假風get📸食物：8/10泰式生蝦刺身 $98生蝦新鮮，肉質爽口彈牙，係泰國菜必備前菜之一，亦都係我最愛菜式之一☺️青咖喱(雞）$98  配印度薄餅 +$38青咖喱辣度適中，配料充足，食咖喱個人中意配薄餅或者蒜蓉包食😝冬蔭功大頭蝦意粉 $158調味相當出色，食得出醬汁加入咗椰奶好creamy🤪意粉Al dente，而且相當掛汁，每一啖意粉都食到醬汁嘅精華，大頭蝦肉質爽口👍🏿金不換辣椒糕炒蜆 $158為咗迎合香港人口味有所調整，相信大家都會接受到辣度，一上菜嗰時見到啲蜆多到成坐山咁🤣，但都入非常惹味，個人覺得可以配一個白飯🫣Thai Milk Tea $42食泰國菜梗係要飲返杯泰國奶茶😍以玻璃樽入奶茶，另上冰底非常貼心，泰奶同泰國一樣味😋💰性價比：8/10 人均$300左右，本身仲想食芒果糯米飯，但係太飽，唯有下次再去試🥹如果成班朋友嚟嘅話，就可以happy share🥳

係荃灣行完街經過一間泰國嘢就入咗去食🇹🇭😆👇🏻👇🏻👇🏻🥗柚子紅石榴沙律 $88🧀🧀🧀🧀柚子份量勁足而且柚子好甜😚食落勁鮮甜勁開胃🤤👍🏻北海道帶子娘惹牛油貓耳粉 $158🧀🧀🧀🧀第一次食貓耳粉🤔係白汁底甜辣甜辣咁貓耳粉食落煙煙韌韌幾特別😆帶子煎得外表金黃勁新鮮👍🏻馬拉盞炒通菜 $88🧀🧀🧀+0.5個人覺得口味比較偏甜辣味可以再多啲🤔份量足同菜都新鮮😆豬肉生菜包 $108🧀🧀🧀哩款生菜包都係比較偏甜🤔個人鐘意食辣嘅泰國生菜包😂如果係怕食辣嘅人就可以一試😮🍵 THAI GREEN MILK TEA （GOLD）$46🧀🧀🧀🧀+0.5飲落唔會死甜綠茶味好濃但唔會苦覺得比泰式奶茶更好飲👍🏻🍉 Watermelon Smoothies $58🧀🧀🧀🧀哩杯西瓜沙冰🍧飲落勁清甜解渴😆感覺無咩點落糖醬😮💬 環境好靚😆 每張椅都會有枝蠟燭燈勁浪漫💕 而且枱與枱之間都唔會好逼👍🏻ASOK THAI GARDEN (荃灣)荃灣楊屋道1號荃新天地UG樓UG37號舖#食乜cheese #香港美食 #香港旅遊 #荃灣 #泰國菜 #🇹🇭 #hkfoodies #香港好去處 #港女 #打卡 #港女日常#照騙 #荃灣必食

每道菜式都有驚喜 餐廳環境舒適 自然風格👍🏻青檸吞拿魚北海道帶子鍋巴 $128 超級refreshing既一個頭盤 吞拿魚他他fusion左泰國元素 食落唔會好搶口 仲有淡淡既檸檬葉味 份量都算多 4塊鍋巴唔夠食🤣泰式燒牛肉沙律 $128 呢個沙律 牛肉係Thai style沙律係western style但同時間有腰果HK style😆😆不過不失 冬陰功大頭蝦意粉 $158 大推🫰🏻🫰🏻🫰🏻🫰🏻🫰🏻 原來泰式味道+creamy+意粉 係可以咁夾大頭蝦超級大隻 仲好新鮮又多膏 意粉份量較大 同埋較creamy 建議share 芒果糯米飯甜筒$68 打卡必點菜式😎一上菜 睇見都已經心花怒放🥰椰子味既雪糕 配芒果糯米飯 $68 超值😋整體評分:味道: 5/5環境: 5/5服務: 4/5抵食: 5/5ASOK THAI GARDEN (荃灣)📍荃灣楊屋道1號荃新天地UG樓UG37號舖

人氣新式fusion泰國菜，餐廳裝修偏向奶油白，仲有一啲植物擺設，環境舒適又啱打卡，平日夜晚都多人排隊，今日就試下佢嘅lunch，lunch set好多款揀，仲可以按心水加小食、轉泰tea同加甜品大蝦海鮮配喇沙湯麵 $85.00睇佢個碗正正常常，但用筷子一夾，原來勁多麵，蝦仲有3大隻，加埋魚片，半隻蛋，仲有勁索湯嘅豆卜，我諗男仔都夠飽，喇沙香濃有椰味，不錯椰香黃咖喱豚肉飯 $68.00呢個一食勁有驚喜，咖喱好香但又唔會過咸，亦都唔辣，怕辣嘅朋友都唔驚，仲有勁多豚肉，食到尾都仲有幾舊肉，個汁勁送飯，連我平時只食半碗飯嘅人都食晒成個飯，好多咖喱汁絕對夠撈飯，差啲想叫侍應俾多半碗飯撈汁香茅豬頸肉青木瓜沙律 +$58.00兩人叫咗一個小吃，點知嚟到好大兜，似正常 size，豬頸肉好香好好食，唔膩，木瓜清新，女fresh榴槤雪糕+$20.00芒果糯米飯 +$25.00甜品同朋友一人一個互相試下，的的骰骰，但因為之前嘅沙律同主菜份量已經好多，所以甜品細細地滿足下第二個胃已經好足夠。雪糕好有榴槤味，唔太甜。芒果糯米飯都好大個，芒果好甜，椰汁配上暖暖地嘅糯米飯好好食。泰式奶茶 +$10.00泰式奶茶係

泰國fusion菜跟傳統泰國菜不同除了味道和食材不一樣外觀也充滿玩味馬拉盞炒通菜$88正常發揮不小心吃了一塊辣椒辣到飛天冬陰功海鮮湯$138味道濃郁足料大頭蝦也爽口豬頸肉炒河$128主菜首選露筍豬頸肉炒河最入味整頓晚餐最高評價北海道帶子娘惹牛油貓耳粉$158很有特色牛油吃得多會有點膩不過份量其實不多黃咖哩黃咖喱雞印度薄餅$118脆口惹味但價錢偏貴串燒4串芒果糯米飯甜筒$68上面的雪糕筒裝飾外也可食用泰式奶茶比綠茶好喝

荃灣IGable嘅泰國餐廳Asok Thai Garden 店內裝修係滿滿嘅度假風🏝️種咗唔少綠色植物 以木/藤為元素嘅傢俬同佈置 令人感覺好chill好悠閒主打泰菜 款式多元化🇹🇭下午有套餐 主食配埋飲品 仲可以優惠價加配小食同甜品ꕥ 馬莎文吉列豬扒飯 馬莎文係泰國其中一款咖喱🍛味道濃郁 帶微微辣味 食落有淡淡嘅椰奶香 入面嘅配菜有洋蔥/辣椒/薯仔等 配菜索晒啲咖喱汁都好好味 豬扒做得都唔錯 肉質比較軟嫩 唔會好油膩🐷ꕥ 炭燒肉眼扒配黑松露薯條肉眼都幾大份 牛味濃郁 配嘅燒汁好夾🐂牛扒下邊仲有粟米/西蘭花/蕃茄等配菜 而薯條都夠香脆 少少鹽 調味啱啱好滲出黑松露嘅香味飲品當然都以泰式為主 叫咗青檸梳打同埋泰式奶茶 泰式奶茶仲用個樽仔裝住 又靚又好飲💕