甜姨姨 (耀華街)

Open Now

Now Closed

經過銅鑼灣一定會食打卡人氣店—甜姨姨💛足料又大份，同朋友share一齊食啱啱好，真係大滿足！店舖長期座無虛席，keep住有人流，證明真係好受歡迎😋好彩店員動作快，落單後等咗10分鐘就有得食，而且服務態度好好！喺鑽石山/銅鑼灣/旺角分店掃QR code，輸入簡單資料，就即時可以全單九折！楊枝甘露冰 $138 （+芋圓 $15）有原條鮮芒果雪條，酸酸甜甜非常開胃！芒果味好濃郁，係用菲律賓呂宋芒製成，味道好天然，真材實料，唔會死甜🤤中間有鮮忌廉、楊枝甘露汁、椰汁、芒果粒、芒果脆脆、熱情果果凍，好豐富，簡直係多重味覺享受😝而且店舖使用日本直送嘅冰磚，食落口更細滑綿密，入口即溶，冇粗糙感💛芋圓Q彈，有嚼勁又不失軟糯口感，煙煙韌韌非常好食！

食完拉麵🍜行去銅鑼灣食甜品🍮，選擇多，都揀咗一陣，想揀一間近鵝頸橋就揀咗甜姨姨，好滿，好彩仲有一兩個散位。呢間出名食冰，但好大份同過百，最後我揀咗凍自家製仙草芋圓。但食食下要掉位，感覺唔好受。仙草比較苦，成碗份量少，坐唔耐，門口有人等位。即場電話📞做會員有9折coupon

昨晚去了銅鑼灣甜姨姨食甜品，除了售賣以前的傳純甜品外，還有熱爆嘅刨冰，刨冰系列有多款都好想試，今日選擇了兩款刨冰。🥄 楊枝甘露刨冰 $158這款連餐牌都未有，嘟QR code才發現呢款新口味，唔需要考慮，立刻下單。這個刨冰外觀非常吸引，刨冰頂上還插了一條芒果雪條，簡直♥️♥️👀，內層都好有層次，分別食到芒果金柚、芒果肉粒、芒果脆脆和熱情果果凍，佢所選用的芒果肉超甜，一點都唔酸，而刨冰刨到好似雪花咁棉密，刨冰裡面分別有芒果汁、楊枝甘露汁和椰汁組合而成。如果食到中段覺得不夠味，重有附上的楊枝甘露汁淋上刨冰里，這個刨冰真是睇得又食得。🥄 朱古力森林 $128這個朱古力森林刨冰，裡面嘅用料完部都系我的至愛，因我個人本身超喜歡食薄荷朱古力關係，所以必定要食這款口味刨冰，但它的外型就沒楊枝甘露那麼討好，外型相比之下顯得平平無奇，但口味絕對不講得笑，好味都難以形容。刨冰頂層有忌廉鋪上朱古力碎，之後中間位置會食到OREA曲奇碎碎，中間位置的刨冰全是薄荷汁，每淡都清涼透心，但又不會搶去朱古力味。當食到中層味道變淡時，還可加入附上一小瓶朱古力奶。

甜姨姨 Auntie Sweet 香港咁熱銅鑼灣超好食刨冰!🍧 香港好食嘅刨冰，唔係剩係得shari shari 嘅~銅鑼灣仲有甜姨姨, 相信好多香港人都已經食過————————————————感想:❆ 初心 Puppy love (Strawberry yoghurt)$128士多啤梨乳酪味刨冰賣相超級靚, 一定可以滿足你嘅少女心!💘同其他刨冰唔一樣既係佢唔係剩係得高質嘅日本刨冰, 入面仲有好多配料, 包括士多啤梨乾, 椰果, 抹茶啫啀etc.口感豐富, 一次過滿足你多個願望🤓 做到完美結合士多啤梨同埋乳酪兩隻味落同一舊甜品!因為小編自己鍾意食士多啤梨嘅嘢，所以就揀咗一個冇咁熱門嘅選擇😂 (見到好多人都係嗌楊枝甘露版本) 仲有好多隻味嘅刨冰想試，所以我一定會返嚟再食!^^————————————————整體:✦ 價格: 4.0/5✦ 味道: 4.3/5✦ 服務: 4.0/5✦ 環境: 4.0/5✦ 再訪指數: 4.2/5甜姨姨 (耀華街) 地址: 銅鑼灣耀華街11號地舖營業時間: 星期一至日 14:00-23:30

刨冰的质地细腻滑爽，仿佛在舌尖上融化。😍每一口都带来清凉的感觉，令人心旷神怡。而花生酱的香浓味道则是这道刨冰的亮点。它散发着浓郁的花生香气，入口后立即充斥着激发味蕾的滋味。花生酱的甜味与刨冰的清凉相得益彰，让人回味无穷。

香港嘅夏天已經開始🙂‍↕️咁嘅天氣夜晚當然要去食甜品🤤仲要係大大個刨冰嗰隻🍧甜姨姨相信好多人都食過，但我自己就係第一次食🤣今次叫咗楊枝甘露冰🥭等我呢個第一次食嘅人帶大家回憶吓第一次食甜姨姨嘅感覺啦～#楊枝甘露冰💰$158首先上面嘅醬真係滿滿嘅楊枝甘露味🤤加埋西柚粒同西米，已經真係好似食緊楊枝甘露咁！上面嘅cream好滑好有奶味，芒果雪條好厚實，口感好似真係食緊芒果肉咁🥹好神奇嘅感覺～刨冰好軟綿綿，就咁食都已經有椰汁味🥥再挖入啲仲有芒果脆脆、芒果粒同熱情果果凍！超級足料💯芒果脆脆似係抽乾咗水嘅芒果粒，所以依然非常足芒果味🥭隨刨冰仲附送一張完整配料圖嘅小卡，係非常用心嘅插畫🎨好可愛啊😍總括嚟講，嗰冰十分足料～由冰底到醬到配料都好好食好豐富🤤下次會再試其他味！P.S. 喺門口掃QR code做會員可以即時有9折！

響銅鑼灣食完晚飯，終於試到呢間人氣甜品🤩🤩食到佢哋嘅刨冰真係好好味❣️❇️甄沾記🍧🥥🥥呢度嘅刨冰真係好大杯‼️刨冰質地細膩好綿密，入口即化，每啖都食得清涼舒爽，椰子雪糕加上脆脆椰米片，椰香十足好好味😋😋另外仲可以額外加入椰奶，令口感更順滑👍❇️黃到金芒果刨冰🍧🥭🥭都係即叫即整大大杯，刨冰頂層有豆腐奶蓋，豆腐味相當濃郁。入面配料相當豐富，食到底有楊枝甘露同芒果布甸，配搭非常好味🤤🤤呢度仲有好多款唔同配搭嘅刨冰，下次要再試其他款式❣️

甜品嚟講，我幾鍾意食豆腐花。今次嚟到甜姨姨，由於得一支公，唔敢挑戰食名物刨冰，於是就叫咗芒果豆腐花。首先要讚係呂宋芒份量幾多，差唔多鋪滿大半碗豆腐花，芒果味鮮甜，再加埋芒果汁，好食。下面嘅豆腐花就正常水準。另外要讚嘅係呢度環境幾寬敞，座位唔算好逼，食得舒服。

呢間嘅刨冰好綿密，啖啖都好夠味，我哋揀左🍧醬爆刨冰 ($128) 姐係奶醬多味，除咗有好濃花生醬🥜，面頭仲冧咗啲煉奶甜甜哋，又有餅乾碎好有層次☺️ 呢隻味好特別幾港式可以試吓😛 間中仲會有啲crossover 例如同台灣好出名嘅蛋卷海邊走走、本土老字嘅甄沾記椰子糖😗另外仲有啲港式甜品，可以一班friend share 唔同嘅😉不過私心都係鍾意shari shari 多啲因為刨冰味道選擇再多啲同埋口味上都再吸引啲🤭

甜姨姨，林俊傑打卡店！芒果大合集 No.❶ best seller，一粒粒芒果條，芒果肉，還有芒果雪糕球，底下有豆腐花墊底（豆腐花巨香濃）芒果控必點，一次滿足所有願望尋榴敢 （個名好特別）同樣是豆腐花墊底，上面有爆珠，一口口榴蓮肉，香純

星期五夜晚好多人排隊，起碼等30分鐘，加上有姜濤嘅應援，所以應該再多啲人。刨冰係佢哋嘅招牌，眼見都有幾枱叫中式糖水。*醬爆 $128好大個刨冰，唔係行綿滑嘅路線，而係似食緊一個刨冰，冰塊入口會慢慢化開，偶然一兩塊小冰粒但唔影響整體口感。最頂係海邊走走嘅蛋捲。表面嘅花生醬超級香濃，但煉奶味偏淡。刨冰本體淋上特濃花生汁，第一啖超級驚艷，外層好濃，但近中間位置比較淡味，尚可接受啦。中間包入花生粉、花生波波，花生粉配冰口感唔錯，但波波配冰比較怪異。黑極 $128最頂係海邊走走嘅芝麻愛餡蛋捲。刨冰表面淋滿特濃芝麻汁，第一啖似食緊一個黑芝麻糊，挖深啲食，會有芝麻酥脆粒，脆脆口感配刨冰好夾。即使中間嘅味道淡啲，中間都有黑芝麻雪糕搭救。最底係豆腐花，清爽啲豆味帶嚟味道上嘅變化，係一個小驚喜！

一行三人點了兩個中色糖水，一個芒果豆腐花。一入去裝修以為係姜濤做左老闆，不是我杯茶。只可用QR code 落單，只有英文，沒有中文介紹。雖然我是一個不折不扣的香港人，但我都覺得真奇怪！你知糖水再翻譯成英文一向都係一個字-怪！ 一如以往，沒期望便沒希望，好普通的甜品，算幾差，杏仁茶比較稀，喳喳有苦味！ 芒果豆腐花好有糖水味，得個甜！ 要是因為銅鑼灣冇咩糖水舖，都唔多想揀。其實我想放多D心機落去整甜品會好過落心機整好多偶像紙板

天氣炎熱，最想享用冰涼的甜點，這次和朋友再次來到甜姨姨，品嚐他們的解暑冰品～榴槤豆腐花 $68 榴槤愛好者必嚐！榴槤肉鋪在豆腐花上，中間夾有榴槤餡，底部是豆腐花，豆腐花的豆香濃郁，入口香滑，配上榴槤，難怪是店內排名第一。榴槤奶凍 $68 榴槤奶凍使用了泰國金枕頭榴槤，榴槤肉鮮美，奶凍的特別之處在於口感有點像硬雪糕，與一般習慣不同，入口十分有趣！甄沾記焦糖椰子冰 $158 點了焦糖椰子冰，配料有焦糖椰子糖漿、甄沾記椰子雪糕、甄沾記脆脆椰子和甄沾記脆脆米，椰子糖漿是用甄沾記特濃椰子硬糖製成，淋在整個刨冰表面，中間有很多椰子脆片和椰子雪糕，如果不夠味道還可以加椰子醬，刨冰口感豐富，層次分明，不會膩，推薦～楊枝甘露冰 $158 楊枝甘露冰很適合拍照！杯頭插著一支鮮芒果雪糕，層次有鮮忌廉、泰國金柚、楊枝甘露汁、芒果粒、椰汁、芒果脆脆和熱情果果凍，完美展現楊枝甘露的味道。水果配料如柚子肉、芒果粒、熱情果果凍，每一口都帶有熱帶水果獨特的酸甜味，刨冰綿密，帶有淡淡的椰汁香，持續享用不會感到無味，芒果脆脆增添口感，難得清爽不膩的滋味。汪阿姐 $128 這款冰讓人眼睛一亮，裝飾著紅火龍果乾，還有忌廉、爆炸

就是偏偏喜歡你 餐廳 聯乘 甜姨姨-銅鑼灣店 搞既 一個月應援活動開始啦！之前返工日日經過終於等到今日4月1日 開賣既愛的桃冰 即刻去試下..！每個打卡位都整得好靚，刨冰又好食 😋最開心係門口有個大招牌係出面都影到相，排隊排唔到…仲有得外賣 真係好周到😍😍😍食刨冰 重有應援小禮物送😍😍😍店內有多個打卡位🩷同時follow 兩店 社交平台重可以額外再領取應援小禮物，我今日就攞左一頂生日帽😆姜糖們！唔好錯過啦！🩷🩷🩷

幾個中女食完飯，想搵下場，甜品就最好不過😂去到預咗要排隊，去到見到全間舖頭都係「姜濤」嘅佈置，就算排隊都即刻開心返🥰叫咗4個甜品，最鍾意係「紅豆抹茶蕨餅」，當中嘅紅豆尤其好味😋豆腐花好滑，值得等15分鐘，4個人唔駛5分鐘就食晒😅芝麻湯圓，個湯夠薑，啱中女飲😂