甜姨姨私房甜品 (清風街)

Open Now

Now Closed

坐喺度食嘢呢唔系享受完全喺度好似俾人鄙视咁样，服务员完全唔系服务客人的。间铺啲服务实在唔得，而且呢啲嘢又唔好食喎。即系你入间铺呢系冇人睬你㗎，服务员望到你有人坐低呢嗰阵呢会有人掉低个QR code俾你。太差劲了。香港是一个非常国际的城市，现在还有这样的服务其实是因为个别服务员的造成的，这家店关于这方面的投诉很多，但是可惜我去了后结果还是一样，证明一样嘢，有人认同态度差也是可以立足的。我以后永远回避。

其實食物性價比算係中上只不過:當時係夜晚八點半我係門口睇餐牌睇左三分鐘都无人理我當時裡面2枱客共4人已經等埋單樓面兩人算我見裡面枱面無歺牌攞埋嗰張痴立立歺牌入去坐低繼續睇坐低5秒後有個魅影喺我後面申隻手出嚟放低個QR code但係都无人同我講嘢我只感覺佢好似好想同我交换個歺牌冇人講嘢朕當然无理繼續睇之後我嘗試掃code掃唔到叫嗰兩個等收工过嚟有個新嚟嘅唔知可以点老一啲嗰個等收工員工用眼神向我極度清晰地表達我好麻煩嗰啲同你落完單对眼即刻用百分之一秒斜向上移开嗰隻呢重要戴住口罩都要清晰地向我表示佢黑緊面咁完美嘅經驗食物幾好都冇用我一講今晚嘅經歷幾個朋友都喺呢間舖有同樣嘅生還體驗其實如果天后依間諗住執嘅話不如撇脫啲啦

每次去天后食完飯都會去甜姨姨食個西米露為當日畫上句號🤣平時食開既西米露多數都系椰汁底，面呢度既豆腐西米露系沙冰底架！豆腐味濃而不膩，夏天食真系好爽！豆腐西米露（配芝麻雪糕）綠茶豆腐西米露（配豆腐雪糕）

呢間甜品舖真係細細個開始食，咁多年都仲係咁多人排隊 今日同朋友喺天后附近食飯，食完飯就決定過嚟幫襯下呢一間咁耐都冇食嘅甜品舖 我哋食完飯大概九點過嚟，都要等位，不過好快就入到去 我就叫咗木桶薑汁撞豆腐花，係我細細個最鍾意食嘅甜品，豆腐花充滿薑汁嘅香味，少少辣辣地嘅感覺，係童年嘅回憶 再加埋紅糖食非常好味，口感配搭上非常好 朋友就叫做芒果西米露，都係傳統嘅甜品，芒果都俾咗三大片，而且非常香甜，同朋友食完都非常滿足

呢一日係大坑食完飯，想食埋甜品，朋友就介紹左呢間係天后既甜品。鋪頭出名榴連同埋豆腐系列既甜品，因為我地都唔係好食榴連，所以大家叫左幾款唔同既豆腐甜品。🐷豆腐西米露 $42可以揀芝麻或者豆腐雪糕，呢個揀左芝麻，芝麻味雪糕好香，豆腐西米露口感類似豆腐沙冰既豆腐蓉，加埋西米好夾，豆味好濃，食得出係用鮮豆腐黎整唔係開粉溝出黎🐷芝麻豆腐西米露 $42呢個同樣有得揀芝麻或者豆腐雪糕，呢個再特別d, 豆腐蓉係加埋芝麻去打出黎，豆腐味同芝麻味都好出，兩樣唔會影響到大家超夾，呢個好好食👍🏻🐷芒果豆腐西米露 $44呢個無雪糕既，但有半個芒果放係面，賣相好吸引；芒果好甜，配豆腐西米露都係好夾，不過頭先果個芝麻太出色，呢個難免比下去🐷炸燒賣 (8粒) $30呢個等得比較耐，大概都等左3個字，糖水都差唔多食完先黎到。不過等左甘耐又無令我失望，燒賣炸出黎外脆內軟，點豉油同平時蒸燒賣好唔同，幾特別，值得一試

甜姨姨最近又推出咗新產品，今次係聯乘甄沾記，推出咗新口味嘅刨冰、心太軟同兩款飲品。🌟甄沾記椰子糖冰 $148今次推出嘅新口味係椰子糖，用上最靚嘅甄沾記椰子糖，逐粒拆開，敲碎再煮成椰子醬。最頂有粒椰子糖，仲會附送兩粒特濃椰子糖。刨冰味道比較清新唔會好甜，中間會有椰子片同雪糕，咬落脆卜卜，食到中間覺得唔夠甜，都可以自己再加椰子醬🌟焦糖椰子心太軟 $128心太軟一切開裏面嘅流心流晒出嚟，入面係焦糖椰子味，有一球椰子雪糕，下面鋪滿lotus 嘅餅乾碎，口感豐富。心太軟可以連埋上面cream同椰子片一齊食🌟芋泥桃膠仙椰汁 $58🌟芒果桃膠仙椰汁 $58呢款飲品有兩種口味，一款係芋泥一款係芒果，底部係桃膠。芒果口味會比較清新，芋泥口感綿密，比較濃稠。加咗QQ桃膠口感更好。

等咗好耐終於入咗，叫咗豆腐花，咩嘢大少同埋榴槤唔知咩。 嘢食質素正常，榴槤嗰個唔錯。份量都算係偏細碟甜品等咗比較耐先到，張單係啱嘅，但係又出錯甜品。呢度都比較等咗耐嘅時間。啲嘢一食完（成個進食過程其實只係一兩分鐘），個收銀姐姐立即收走啲嘢食，然後就直接叫我哋埋單，話出邊好多人等緊。都明白繁忙時間係比較多人，但冇需要以咁冇禮貌、態度好差嘅語氣趕人走，一句唔該請麻煩都冇，食完都一吐氣。食物質素一般，服務態度負分，唔推薦大家再去

叫咗個蛋白杏仁茶，完全係溝水開出嚟嘅杏仁粉加糖，難食到一個點！放咗喺度一陣，已經可以見到水同粉自己自動分開，沉澱左一坺嘢。😡😡個綠茶蕨餅仲離譜，係唔知煮咗幾耐等喺雪櫃入邊，已經係雪到硬實咗，用义都义唔入！ 紅豆都係硬嘅，唔知佢擺咗過期定係完全未煮熟？湯圓已經係最easy handle嘅事，都仲可以攪到咁難食，都係世間罕有😡😡😡😡😡😡二仲要居然好意思收到50幾蚊一碗！🤬🤬🤬🤬自己落百佳買包片糖，煲過水飲無咁嬲😡😡

話說今日就諗住試吓間新嘅甜品店，睇落個封面賣相好好，但係拎到上台，完全係兩回事，我哋嗌咗個芒果西米露同埋唔知乜嘢芒果豆腐花西米露，芒果係正常嘅，但係除咗芒果之外全部都好難食，首先講吓個豆腐花先啦，佢真係難食到係我呢，一世人永生不能忘記嘅豆腐花，佢識入口之後好神奇咁樣即溶咗跟住轉左一陣豆漿味完全冇豆腐嘅質地超神奇，然之後碗豆腐花仲有浸好神奇嘅味道係消毒藥水味，然之後再形容下形容下啲西米露放得太耐啦，佢一把上嚟就pat pat咁樣好似用膠水黐埋舊嘢咁完全冇食慾。總結嚟講，俾我揀嘅話我會揀一間又平又好食，性價比又高嘅店舖唔會揀一間又貴又細碗又唔好食嘅店舖一樣

一直都知道呢間糖水舖好出名，係好幾年前都經常幫襯，以前都覺得呢間糖水舖不過不失啦。直到前幾日再幫襯，食左兩碗湯水，完全係伏！感覺添加左好多人造色素同糖漿，食落好唔舒服….最後兩個人埋單110蚊….如果係好食既話，呢個價錢我絕對無所謂，但難食又貴…竟然仲生存到，真係厲害其實係咪轉過手，素質大不如前。另外，成間鋪頭貼滿曬欣怡的banner….都唔知講咩好啦後尾去左隔離既糖水舖幫襯，味道都好過甜姨姨十倍，價錢仲平好多….

每次想食甜品都會諗起甜姨姨呢間人氣甜品店，最近佢地銅鑼灣分店有新品Auntie Sweet x Haagen Dazs 的 「♥️桃之戀 Peach and Love 」刨冰，今日食完晚飯就同好友去sweet一下🥰🍑桃之戀 Peach and Love $148呢個桃之戀刨冰係Auntie Sweet 聯乘 Haagen-Dazs的新品，9月至11月限定架‼️賣相好靚🤩 不過打卡📸一定要快手🤣材料好豐富，頂層有🍑鮮水蜜桃果肉🍑水蜜桃果蓉🥛希臘乳酪。中間有🍑烘乾水蜜桃脆脆。底層有椰果🥥 和Haagen-Dazs 蜂蜜黃桃玫瑰雪糕🍯🍨刨冰充滿好香既桃🍑味，味道係酸酸甜甜。蜂蜜黃桃玫瑰雪糕本身偏甜，不過同埋刨冰一齊食甜度剛剛好。食到中間會有餡料，有烘乾水蜜桃脆脆，鮮水蜜桃果肉和椰果，增加口感!餐廳仲會配埋桃醬，鍾意濃味小小的朋友仲可以加埋啲醬落啲冰入面一齊食，酸酸甜甜，夠晒開胃😋🥭芒果大合奏 $50好友係芒果迷，一眼就睇中芒果大合奏。呢個係最受歡迎甜品之一，大合奏即係五重奏，有五種口感😍有鮮芒果果粒粒、芒果乾、芒果果蓉、芒果布丁同埋芒果雪糕，係一個芒果大集匯🤩 芒果肉夠新鮮，果肉同芒果汁食落都好

今日較早前到天后和一位朋友，晚飯後大家到附近一間甜品舖食甜食糖水，見到呢間甜品舖都有唔少人幫襯，望個餐牌都有好多唔同款式嘅糖水選擇，除咗一啲傳統嘅中式糖水之外，食咗唔少新式嘅糖水選擇，睇到大家都眼花繚亂，糖水嘅味道中規中矩算係一般甜品店嘅水準，可取之處係選擇比較多而價錢亦適中，地理位置都算方便喺馬路隔離一眼就見到，店舖入面都算寬敞闊落同三五知己坐埋一齊都唔覺得迫，如果搵一個地方打躉，想食糖水都係著一間唔錯嘅選擇。

依排天氣又熱返☀️，喺室外成日流晒汗，食吓刨冰就啱晒啦。之前見好多 foodie 有share新 menu，今次自己再三訪！🍨 甜姨姨私房甜品嘅Menu 有好多款刨冰系列、人氣甜品、同時供應小食。熱門推介：包括拉芝bagel、留戀刨冰/醬爆刨冰/朱古力森林刨冰、榴槤豆腐花 、18杯瘋味小杯甜品等。.《桃之戀刨冰 🍧》$148-Peach 🍑 n Honey 🍯- (Haagen Das) 🍨建議快快打完卡📸就食🤫 外型好得意好 fluffy～好重桃味！刨冰上層係鮮水蜜桃果肉，好鮮甜同好好咬😋，配希臘乳酪🥛。食到中間有驚喜！！！係配烘乾水蜜桃脆脆，口感好似平時食嘅早餐脆脆！食到底原來有Haagen Das水蜜桃蜜糖雪糕，好大球！食到底部仲有椰果粒，層次非常豐富😍店員介紹食到中間仲可以加水蜜桃果蓉。-《芒果大合奏》🥭 $58好豐富！有新鮮芒果塊、芒果布甸、芒果雪糕、芒果乾、芒果汁！芒果控必食😎最特別係有芒果乾切絲🤤 多重口感。

同朋友行完維園，就去附近食糖水，去呢間甜姨姨私房甜品，但甜品嘅質素一般，因為叫左「自家仙草手工芋圓」但芋圓嘅質感係好粉，成碗糖水味道亦都好淡。我朋友叫芒果糖水就比較好食，芒果夠甜，成碗糖水嘅味道都OK。

昨晚去到2人等位，經帶位座2人枱，甜品送上後開始進食，食左5分鐘左右接近食完，突然侍應走埋嚟收走未食完嘅嘢，仲話要我地走，交張枱比佢因有5個人等緊！如果係有限時，咁唔該入座前請通知客人！未食完就收走食物，係咪退返錢比我先。最基本服務都有，只想盡快趕客食完做下枱，以後都唔會去！