麻布茶房 (Closed)

我同男朋友嗰日起初諗住去和民食晚飯，但係太多人等位啦，就嚟咗呢度食，但係都要等位，不過又唔係等左太耐。好好彩有window side位，不過我覺得帶位嗰個女仔啲態度就認真麻麻啦，我地未坐低就同我地講話可能要我地坐番二人枱，好似係度恐嚇我咁‧‧‧我地食咗兩個定食同埋一個小食，我食豬肉配梅子飯，我男朋友就食左雞肉配肉碎飯，小食叫左個炸魚，辣辣地，我都覺得幾好食，又唔係人地講到咁差‧‧‧waitress啲服務幾好，我諗佢地都會幾忙，不過佢地都有不停咁加水俾我地，我問佢地攞隻匙更或者menu，都好快攞到俾我地。甜品真係有好多款，花多眼亂咁，都唔知食乜好，後來叫左其中一個好高、瘦瘦地o既waitress幫我介紹下，佢好有禮貌，笑笑口咁話佢地樣樣野都好食，後來我pick左幾款雪榚問佢裡面有啲咩料，佢答得好詳細，其實我都問左好多野，問到我男朋友都話我煩，但佢都冇話唔耐煩咁‧‧‧結果我食左個綠茶布丁，男朋友就食左個香蕉刨冰，都幾好呀，啲雪榚真係幾滑，同m記2蚊個好大分別‧‧‧不過我就真係覺得唔係太抵，但係野食都算ok，尤其甜品真係幾吸引。

同女朋友去食, 叫左宇治金時同埋一客年糕~~~有點言過其實, 雖然都算好味, 但又唔係真係堅到值得大排長龍去食! 好在我去o個時又唔係繁忙時間, 所以完全唔駛等位, 亦都唔覺得waitress 姐姐服務唔好, 反而覺得佢地refill水得太多! 飲到好急......年榚比較得意, 有d 似中式湯圓既texture, 但我女朋友話好大舊, 好難趙~~~~~~~食一次好啦!~~..... = =""

女朋友:我同男朋友去食~~叫左個宇治金時同埋唔知咩年糕~~個宇治金時都幾好~最鍾意佢熱辣辣既蕃薯~~年糕就幾得意~~不過好大舊~~好難趙......男朋友: 好耐之前聽過人地話呢度食甜品好正, 今次同女朋友經過試食, 覺得都係有d 言過其實, 我地唔係繁忙時間去食, 所以唔駛等位, 亦都唔覺得waitress 姐姐態度唔好, 反而係refill 水refill 得太快, 所以飲到好急! 正如下面所講, 我都覺得雪榚同m 記冇乜分別, 但係都幾精緻既, 年榚比較得意, 有d 口感, 總括黎講, 係坐低傾o下偈既好地方, 不過就貴左少少啦"~~~p.s. 我地食左80蚊~~~~我地係~~~ 暴食男女~~~~~~~ ("OO")

第一次去係朋友介紹，話燒蕃薯雪糕好味，去到食都幾好呀~可能我去o既唔係繁忙時間，所以service都ok喎~但係再去食晚餐d定食就麻麻啦，同日式百貨公司美食廣場差唔多，但係價錢唔平喎~建議淨去食甜品啦，都幾吸引，女仔實鍾意！

因為o係度食過佢個蟹肉飯, 個蟹肉又少又無味, 好似食蟹柳咁...而且價錢又唔抵!佢個宇治金露我就幾like!

去美麗華商場附近個間入面d staff 個個幾乎年輕貌美有一個直頭靚到dum一聲睇見佢條美腿真的乜都唔想食唔知佢叫乜名

試過烏冬.幾煙韌既.(我諗全店最好呢樣)<br />又試左飯團+炸雞餐.完全唔踮.<br />雪糕又一般.<br />d staff又十下十下.<br />價錢又唔平,<br />本人唔推薦.

放工成日都見到有好多人食。嗰日約咗D friend聚吓咁有人話去麻布茶房食，因為嗰到Ｄ雪榚好正。六點幾去到都要等，地方都唔算好大。Service就好差喇！叫Ｄ待應攞Ｄ嘢等咗好耐都唔攞嚟，只係掛住傾計，問少少嘢就面黑。個menu唔係好多嘢揀，睇咗好耐都唔知食咩好。最後叫咗個冷鳥冬同埋燒三文魚。烏冬就冇咩特別，個汁又唔係好好味。至於個三文魚就更差，又冇肉汁燒得太耐Ｄ魚肉好"鞋"。最後同個朋支share個宇治金時雪榚，蕃薯上面有個軟雪榚喺上面。雪榚同麥當勞冇咩分別，而蕃薯太甜所以唔覺得好食。最後每人差唔多要俾成百蚊，一Ｄ都唔抵死。

星期三晚去咗呢間度試下，因為唔太肚餓，所以食個甜品做晚餐。點咗個草莓聖代，$41.8，好唔抵食，因為好細碟，不過啲士多啤梨又幾甜幾新鮮。佢啲雪糕好似富豪雪糕車啲軟雪糕咁，味道麻麻，早知平平哋試佢地個草莓牛奶刨冰($29.8)好過，又平啲，又大份啲。

尖沙咀金巴利道都開o左間啦，請加理啦。

一句講晒: 貴+唔抵食+服務又麻麻。個宇治金時雪糕甜過頭，又唔係特別好食，一舊綠茶雪糕+幾件蕃薯就要成35仲要加一，呢個價錢...我諗去haagen-dazs食雪糕一定會開心好多。或者我見識少，如果各位有其他好介紹記得話我聽，我一定會搶住試，呵呵。個次我仲叫左個定食，唔記得叫乜名，我淨係記得有牛肉，味道普通啦，但係價錢唔係好普通呀，58.8。普通的食物再加埋waiteress既麻麻地服務(成日係度傾計，嗌?落order十世都叫唔到，不過已經係幾個月前既事，唔知而家有無變?)......我諗銅鑼灣應該有好多比佢更平(或值回票價)更好食既地方。

果牛奶刨冰($35.8) -- 果不夠新鮮, 很酸. 刨冰算幾滑, 沒有很臭的雪味.草莓聖代($41,8) -- 合格啦, 但糖漿太甜, 士多啤梨能用一些新鮮的會更理想用此質素的生果, 價錢只值$15左右服務方面ok la, 扮日式服務可惜扮得不似, 但肯主動替客人斟茶, 地下濕了也會提醒笿人要小心, 香港地的服務態度算係咁啦, 不能要求太高了.

麻布茶房開業不久, 已光顧過一次吃晚飯, 味道真的麻麻, 一直未有再光顧過。星期六看完電影想吃甜品, 發現New Face Sogo 的UCC caf變了Italian Tomato , 朋友提議可考慮麻布茶房的招牌貨- 燒蕃薯霜淇淋。我叫了一客, 味道真的一般, 食唔到蕃薯同平日糖水舖有什仙麼大分別, 雪糕同麥記個2蚊新地更差唔多, 價錢卻非一般- $35.8。侍應們表達能力亦好差, 我們10:30pm入座後, 10:45pm 巳告訴我們last order , 11pm再告訴我們商場落閘冇冷氣, 好趕客feel, 其實入座時可講明, 讓顧客心中有數

New Coming Soon<br />in TST, at the same position of closed "friends@kimberley"

請恕我對食物要求不高，我同女朋友食左個蟹肉蛋包定食(個名類似咁啦)同芒果牛奶冰，幾好食喎，蟹肉蛋清清地又新鮮、個飯又好味，唔算係好差呀。係服務方面侍應反應都好快，而且女o既都幾靚、男o既都幾斯文，服務可以接受喎。當然唔同人對同一件事都可以有唔同睇法，我就覺得呢間餐廳幾好喎，係銅鑼灣唔想食太貴但又唔想食'行'野都係好選擇。