麻布茶房 (Closed)

不久之前食4個人分享真係唔夠, 今次真係唔理la, 食完dinner4個人一人一個雪糕.1. 宇治金時: 係佢的signature item, 真係ok特別, 係其他店都未食過雪糕match蕃薯, 佢個軟雪糕真係好軟滑, 舖d綠茶汁係面, yummy, 蕃薯唔係太甜, 冇咩蕃薯味, 同埋可以多d紅豆餡, 但一冷一熱真係好特別!!!2. 芝麻新地: Wawawa, 佢個芝麻味雪糕真係一流ar, 好濃的芝麻味, 從未食過咁濃, 不過新地可以多d其他配料ba, 只係得西瓜, 奇異果同埋蜜瓜.3. 芒果豆腐芭菲: 軟雪糕當然美味la, 不過芒果雪糕不錯, 但絶對不及芝麻出色, 豆腐係真係有一粒粒豆腐ga, 好得意, 底係粟片with芒果汁, 不錯la.最後一個都係蕃薯系列, 但係有酒味的, 個人不太喜歡.Anyway, 超愛這裡的雪糕甜品, 一定會再食其他口味.

等o左咁耐終於可以一嘗麻布la, 我成日都覺得佢d甜品好靚, 好想去食.一行4人叫o左3個set lunch加一個新地, 真係好令人感動ar~~~ 鰻魚定食: 因為好耐冇食過咁大塊鰻魚的關係, 真係覺得好好食ar, 又肥美, 又香鰻魚汁味, d飯有鰻魚汁味當然係正la, 飯粒分明, 有一大堆粽o個d綠豆, 有d紅蘿蔔絲gum, yummy yummy ar, 但同行人因為食過更高檔的無骨鰻魚所以唔係特別欣賞.肉醬蛋包飯: 成日睇日本卡通見到蛋包飯, 好想食, 之前食過只係飯上面加隻蛋的"溜" o野, 今次總算食到真正的蛋包飯, 肉醬係有好濃的蕃茄味, 但我就唔鍾意佢太多汁, 同埋蛋太薄la, 而且d飯真係白飯, 未食過都唔知, 中規中矩la, 我估有更美味的.南瓜松子蝦仁烏冬: 係新的item, 好似飲緊南瓜cream soup gum, 但好似唔係好特別同唔太抵食, 好少蝦lor, 但我都ok鍾意南瓜汁match烏冬, 而且烏冬都唔係太"淋".綠茶新地(忘記全名): 佢d甜品真係有一手, 雲呢拿雪糕軟淋淋gum, 綠茶雪糕則是比較硬淨, 同埋味濃, 一軟一硬好正lei~~ 而且綠茶m

嘩,首先講入門口先服務態度已經唔得啦門口無接待員,我地自己入去,有個staff見到我地淨係識眼望望,無問我地幾位...或者歡迎光臨...呢個係飲食業既最基本之後有個staff帶我地入去坐低一坐低就咁掉個menu係台面,講左句:慢慢睇態度極差我未試過係其他日本餐\廳受過咁既對待lor好啦,點野食,我同朋友都係叫士多啤梨聖代等左5分鐘左右雪糕黎啦嘩....溶到丫....個杯底已經有一灘變成水啦溶到好似俾火燒過一樣賣相又核突........同個display差十倍雖然無可能同個display一模一樣架啦但都唔係咁核突架?D士多啤梨四散周圍.....個雪糕三分一變左做水.....真係好核突食完之後埋單...我地俾錢佢\個陣佢\一句多謝都無,就咁走左跟住找錢啦,佢\一本結帳簿就咁掉係台面,要我地自己揭起態度真係差到爆炸!!!!!!!!!!之後我FD一蚊貼士都無俾佢\!!!!個STAFF塊面就更加黑,一句BYE BYE都無!!!!之前係尖咀分店已經受到好差既待遇啦!!!估唔到呢間都一樣!!!!麻布茶房已經被BAD LIST啦!!!附:雪糕上台時既溶溶爛爛既相

同frd叫左炸蝦親子丼&咖哩牛肉蛋包飯d咖哩無咩咖哩味...d牛肉就同平日食ge牛腩個種味不過都算過得去啦!炸蝦親子丼就等左起馬20mins先尼...d旦同埋飯都ok不過d蝦無想像中咁大只係大個蝦仁少少個隻size可能佢太耐先拎尼d炸蝦已經唔脆仲林林地總之不過不失,一般咁最恐怖係呢間有2個女staff叫i ra sha i ma se個陣叫到超大聲!!!我同個frd 2次都俾佢地嚇一嚇...佢地好嘈>_<

久仰麻布大名，果然甜品比較出色！麻布風蟹肉飯：味道和一般丼無異，偏鹹！蟹肉是蟹拑，少不要緊，失望的是無味！有兩小碟前菜和一個湯，可惜水準一般！香蕉聖代：雪糕很大，是雪糕車的那種，好味道！香蕉夠多，但味道一般，不過不失！配有一粒西瓜和一塊餅，可惜沒有驚喜！以這個價錢。。。。。。視乎地區吧！

5/15/2007 9:00PM行完一輪銅鑼灣, 係時候食晚飯. 朋友話食麻布, 好啦~ 累到死, 其實無咩胃口, 見到menu上”人氣”的燒餅形烏冬好吸引($68), 就試左. 話要等15分鐘, 但不到10分鐘已到, 可能夜, 人唔多. 賣相果然好好, 金黃色的煎蛋, 鋪滿了木魚碎. 有一隻大圓碟般大. 用筷子一掰開, 好香既牛肉混合左烏冬傾出. 味道好濃, 汁裡有少許黑椒味. 朋友都話好食~味辛叉燒拉麵: bf 要的, 一端上枱就發現好大陣回窩肉味, “o下?! 唔係嘛?”都唔知係唔係用o個d汁.. 不過食起黎就唔覺咁犀利. 辣就無點辣, 香味而已.咖哩吉列雞扒飯: 朋友點的, 等左20分鐘有多, 幸好上枱時熱辣辣, 我試左一小塊雞, 炸得香脆, 肉質頗嫩且有肉汁, 不錯. 咖哩是日本那種, 無什麼辣,個人認為係吉列肉類既好配搭.好飽, 我最愛既雪糕都無食呀….

已經良久沒光顧此店，今次是因為朋友選了，所以赴約而至。根據經驗，此餐廳還是甜品比較出色，正餐的食物則沒有甚麼驚喜。我最深印象始終是它的蕃薯雪糕，暖暖的蕃薯配滑滑的軟雪糕，口感非常有趣。那兒的聖代(即平時俗稱的新地)也不俗，大大的一杯有很豐富的材料。反而刨冰以同一個份量就略嫌太多，令人吃得牙關有點麻木。今次午我叫了客鰻魚定食，它的鰻魚有別一般的，肉身較幼長而色澤較淡，味道也不濃，吃不出有鰻魚味，整體感覺只屬一般。那兒的食物份量偏小，較為適合女士，不過若果是吃甜品則作別論，一不留神很易攝取過高卡路里。

原來閒日可以咁抵食.Tea set供應至18:00,而18:00後埋單是可以有九折的.1.牛肉烏龍麵$39.8 ~ 是肥牛,及較幼身的烏冬麵,麵質幾煙靱,但湯底就一般.2.鮮果曲奇雪糕窩夫$37.8 ~ 賣相幾好,窩夫的糖漿好甜,味不太好.雪糕味幾特別,因為有新鮮感

點了杯朱古力咖啡, 難飲, 朱古力味不夠, cream 太少, 咖啡本身也一般, 和starbuck, pacific coffee一類的相比, 實在相差太遠.麻布茶房倒只有雪糕/甜品類比較特別.想一說的是她參差的服務....一般waiters的服務態度一般, 給了tips, 一句多謝也沒有. 鄰桌的人欲多問一句, 換回一句敷衍的回應. 另一方面, 經理的服務卻非常具水準. 面對那兩位麻煩的鄰桌人, 能在百忙中也耐心回應, 提出令麻煩人滿意的order suggestion, 值得一讚.

上年食過麻布茶房, 覺得除左甜品同飲品之外, 其他都好唔得.尋日再去, 發覺餐牌唔同左, 多左野食. 唔知係咪轉左廚, 同d Friend一至覺得ok !!

12.1.2007 (FRI)每次一大班人食完晚飯，總想去食甜品。今次就揀銅鑼灣名店廊麻布茶房啦！都成9:30 p.m.，但都係咁多人，好彩我一行10人等5分鐘就有位。我大部份人都揀綠茶聖代，而我就揀黑芝麻聖代，另外有就揀燒蕃薯雪糕......其實，我次次都係食雪糕，雪糕真係好好味，好香滑，唔會太甜，must try!另外，我個人認為燒蕃薯雪糕蕃薯會好飽，如果要試，之前不要食太飽。而且個蕃薯都頗甜，由於蕃薯係熱，搞到上面雪糕好快溶。服務都o.k.，經常替我加茶。

食完晚飯黎左食甜品吹下水.雪糕類都係咁啦,都幾好啦...又好難話好差既...但d候生女服務生就...唉...惡行:1)落order時態度惡劣,想趕客咁...2)同友人投入地吹緊水,冷不防有人失驚無神衝過黎添熱茶,我只手明明貼住茶杯,佢都成壺熱茶照倒落黎,好在我縮得快,驚險之極...

去完美食展，近近地就試下依間喇。叫左兩set 野食，一個係豬扮飯，一個係拉麵，味道唔錯。最後，叫左個芒果刨冰，這個就不是太好了，刨冰唔綿，芒果太酸。我bf仲食到肚仔唔舒服添呀，不過我就無事，所以我覺得無問題，未必一定關刨冰事。可能係美食展食多。總括而言都不錯。

經常經過呢間門口,見佢好似好企理咁,印象幾好,第一次黎食,好失望~ 我同朋友叫左兩樣野:銀雪魚+梅子飯及蒜蓉牛柳+三文魚飯團. 銀雪魚好一般, 唔滑,蒜蓉牛柳好實, 而且冇咩牛味. 之後我地叫左兩個紅豆伴雪糕,只係一般貨色, 冇自己餐廳既特色.

夏日炎炎....去完沙灘就好就係可以享受一啲極透心涼既食品。相信沒有其他比食「冰」更涼快。2人點了1) 宇治金時刨冰2) 芒果牛奶刨冰好味!好味!好味!服務比想像中進步了。