麻布茶房 (Closed)

今日去左海港城間麻布茶房叫左個鰻魚飯點知真係食到成肚氣,等左成半個鍾先黎餐,咁都唔只我叫鰻魚飯佢比左碟牛柳粒黎你話死唔死咁我就叫個服務生黎問下啦,點知原來佢洛錯單!!!跟住就同我講先生你等下啦好快有跟住1等右十幾分鍾,今次就真係鰻魚飯啦真係食得好唔滋味d飯右硬右凍唉~~~慘野以家先開始,係我差唔多食完個飯既時候比個服務生成個麵車過黎搞到成件杉濕哂哈呢次好野啦個女經理走過黎講左聲呢位先生對唔住阿我地會送個甜品比你唔好意思,我果時真係o哂嘴!!!咁都算了個甜品呢次算快啦十分鍾唔洗就送到黎不過個雪糕就好似比薩斜塔咁斜哂結帳果時果個淋到我成身濕哂既服務生仲要對住我(嘴秒秒)你話死唔死怪知得我個朋友話海港城麻布茶房出名差啦我仲唔信邪真係搵黎衰阿唉~~~

週六來吃下午茶，對咸品一概全無興趣，目標是重溫精美的甜品。是日刨冰缺貨，就來一杯焦糖新地吧!　新地的份量比過去縮細了不少，看在心裡不是味兒，然而還不及服務來得令人失望。與友人要求拎要多隻匙羹，第一位店員答應後完全忘掉整件事，第二位更誇張，是完全不睬我們!再問第三位店員，才拿到了匙羹；這時，第二位店員卻再送上匙羹。雖說週六生意好她們因而很忙，可應有的禮貌也要維持呀!　再說，新地水準比過去差了，加一後$43一杯，覺得不及haagen dazs值。咸品甜品都不對味，真的要say bye了!

夜晚約左朋友o係尖沙咀，o黎左呢間野食左個「松子南瓜海鮮屏屏麵」，清清地都ok，海鮮唔太多=.= 南瓜汁個味適中，份量對我地d 女士們o黎講係o岩o岩好，除非係大食之人=.= 呢個麵係病人o既首選~!!可惜唔係餐\\\\\\\，叫set dinner o既話就要焗住叫160左右o既野~

Whenever I think of eating ice-cream, always 麻布茶房/ hagendaze which came into my mind. Today,at TST, it would a good choice to eat in harbor city's 麻布茶房for its good view.ordered black seasame parfeit. The overall quality was good, not excellent. Presentation was good. Taste, of couse, was not comparable with hagendaze.service was fair, seems it was under-staffed. Anyway, it was a good place to rest after shopping. Also a good place to chat.

2007年10月13日，麻布茶房。很久以前在銅鑼灣吃過甜品以後，都沒來過了。今天喝完早茶又跟另外2友在這裏繼續聊天茶聚。明太子屏屏麵: 闊pasta，看menu以為是冷麵，但是微暖的（為什麼？）但味道很好，清清地，很開胃口。分量則稍遜。露筍野菌牛肉卷：幾香，不過牛肉的肉味麻麻綠茶甜番薯雪糕宇治金時：都係咁上下，無乜改變，唔係心思思成日想食種甜品。黑芝麻雪糕小丸子：黑芝麻雪糕一般。日式糯米，非我所好。另有3 pat cream，肥呀。今天重點聊天，坐了幾小時都沒有被趕的壓力，好舒服，算係咁啦。

ORDER了食物後, 食物等了40分鐘還未來, 於是放棄走人!

因為之前的cheesecake還未消化掉，於是我和媽媽只點了一份主菜（茶房風蟹肉飯）、小食和甜品（兩個名字記不清了，看照片吧）。蟹肉飯配一小份青菜、納豆和湯，菜同湯都麻麻，不過納豆我就很喜歡！而且據說這種東西非常健康，建議大家都去吃。不過蟹肉滑蛋就太鹹了，比較下飯！小食和甜品其實都好大件，價格亦不便宜，但都很好食。卷著青菜胡蘿蔔的豚肉卷（其實就是豬肉，不過很嫩）蘸芥末醬會更美味，不過一點點就得，不自量力的我就被芥末辣到掉眼淚……最令人開心的，當然還是甜品啦！抹茶紅豆是我最喜歡的組合，抹茶和香草雪糕都很濃，食到最後雖然化了一小部分，但同泡在其中的穀類脆片搭配依然很棒！店家還細心的加了糯米小丸子和杏脯作點綴，好吃又好看。總之這款甜品無論是味道還是外觀都幾好，值得一試！我下次都還要嘗嘗其他同類甜品~

之前覺得服務一般，上菜慢，但因為喜歡日本菜及這裏的甜品，所以繼續光顧。最近一次，感覺上服務越黎越差，擺枱都慳番，個waitress 飛d 筷子濕紙巾同筷子落枱面，要客人自己分。食物依然上得慢。唉...

昨夜路經此店, 由於總共有2人, 於是安排了一張2人枱給我們, 但我覺得枱面積太細, 而4人枱還有3張,所以便要求換枱, 但經理說那是4人枱,不能換, 所以我亦無所謂, 但未知是否得罪了他, 而得到以下不禮貌對待1. 一餐只有一杯茶(叫了幾次加茶都無人理, 最後一次有人理, 但經理竟叫她先帶客人入坐,但當時門外只有2人)2. 經理落錯ORDER, 但沒有歉意, 還說是我們叫錯在先

今日去食晚飯叫左壽喜牛肉飯同蒜香牛柳粒十分不知所謂唔明點解仲咁多人去食先講個牛肉飯，牛肉肥到淨係見得到肥膏，牛肉得少少，最終掉左三分二肥膏出黎，食得少少牛肉！ｄ飯又硬又少．．．咁就５０幾蚊蒜香牛柳粒仲離譜，等左半個鐘先到，仲要得７粒細細粒既牛肉，又硬又唔新鮮，咁又收人４０蚊！好過份囉！！！永無下次！！！

星期五晚，預咗要等位，呢間都唔例外。見到有四個女仔係度等位，其中一個同個侍應嘈交，跟住無等到就一齊走咗嘞...雖然唔知誰是誰非，不過都知好多人話呢間d service差>.<又唔使等好耐位既，大約等十分鐘就有位。周圍差唔多全部都係年青人，我哋叫咗三樣人氣食品，有麻布雜錦燒烏龍麵($73.8)，其實係類似廣島燒餅，不過似係烏冬麵，加上椰菜、豬肉及日本甜醬汁，幾好食，隔離兩檯都點咗呢樣。另外仲有蕃茄牛柳蛋包飯($64.8)，沒有蕃茄汁味，牛柳食落似牛腩多d，雖然蛋有蛋香，但我認為唔算係人氣推介食品。甜品黑芝麻慕磁芭菲($47.8)就不錯，黑芝麻雪糕有香濃既芝麻味，慕磁煙煙靭靭咁，加埋紅荳、香滑既雲呢嗱雪糕一齊食，幾好味。不過呢個芭菲收成四十幾蚊，我覺得都幾貴。呢度好似唔夠人做嘢咁，好少有人加茶，侍應又無乜笑容，服務態度真係一般啫。好奇怪，食品價錢通常都係八毫子做尾。

昨天，我到了海港城的分店食lunch，坐低叫人寫野時，完全無人想認你，結果都叫左野食喇，點知足足等左50分鐘!叫個侍應再點菜，點知又要等成45分鐘，最後沒有等了，便打算離開，但結單都要你等，我叫了幾次，都冇應，我發現他們圍住其實在傾談，最後十分不愉快地離開。

尋日係海港城間麻布茶房食lunch + desert，人多不在講，侍應又慢、野食又慢，但係就不斷地催客埋單，d 野食都未到、又未食點埋單呢? 竟然你地有時間趕客，倒不如催下廚房快d出野食好過喇!!原本打算用一個鐘頭坐低食個麵同甜品，結果差不多要花費兩個鐘先搞掂，下次都唔使旨意再幫襯你地。唔明點解同一間舖頭，美麗華果間分店既侍應咁快手，呢間就慢到死，仲要唔係慢工出細貨添，因為杯雪糕拎出黎時已經溶溶地，個冷麵仲要係暖既麵，仲要拎漏個冷麵醬，都唔知佢地想點，漏呢樣漏個樣咪仲晒時間。到左埋單時，就係最快既時候，五分鐘左右已經搞掂，但係後來發現竟然計錯錢!! 明明話匯豐卡顧滿$250 (加一前)會有9折，竟然無俾個折頭，個經理仲話錢就一定無得退，最多下次送一款小食/ 雪糕之類俾我地。大佬呀，你間舖既侍應咁唔掂，點敢再去幫襯呀!! 除非真係要好好再train過你班仔仔囡囡喇!! 因為勁多客投訴都只係企係度話跟緊、跟緊，但全程都無去廚房睇下，只係答完又轉頭去斟茶、執野，唉!!

本人於昨天(26/08)到了海港城的分店食lunch，企門口的侍應當你透明，直至你踏入舖內，收銀個女仔先問幾多位呀? 人齊未? 唔齊唔入得。小姐呀，當時明明眼見我地三個人一齊入，又講明係三位，咁你認為齊人未呢? OK，算喇!!坐低叫人寫野時，又係要等... 完全無人想認你咁，除左個外藉遊客係有人理之外，終於都叫左野食喇，佢話要等15分鐘，OK 無問題反正有時間，點知等左半個鐘先至黎一樣，足足等左45分鐘有多!!咁都算喇，叫個侍應再寫多兩個甜品，點知又要等成半個鐘有多，仲要係催足佢地幾次先有人真係去廚房跟同拎出囉!! 見佢舖面咁多人都算喇，點知個經理仲差!! 見我地食完都未叫埋單，已經拎張單埋黎叫找數。喂，有無搞錯呀，食完要即刻走架咩?? 入黎時你無講囉!! 更何況有好幾張枱 仲早過我地入但都未走既，齋坐你又唔叫佢地走，係咪見我地個係女仔就好蝦D呢??俾錢時又叫左個唔知係新人定summer job 黎找數，簽完咭問番我應該俾邊白色定黃色單我，鬼知咩我又唔係度做，其它侍應經過都當睇唔到囉，後咪個收銀好似發脾氣咁話：講左好多次係黃單喇!!臨走時見到有個坐輪椅既婆婆走，個侍應仲要完全無讓路俾佢

1.侍應的態度其差,看到佢,拿著個水壺,扮好忙,她望到我的,因為本身,佢去兩邊去傾茶..但一見我,即走,走去另一方,..好差囉...不落單2.食物來到,冇筷子給顧客..莫非用手吃3.如果不夠人手,找同事幫手,不是圍住扮機其實在傾談,4.台灣客操普通話口音的..全不識答人..5.找數都要等成幾十分鐘..點解,又係在扮做野囉人事部請人,莫非只請平..而質素差的人真夠眼光。