亞蘇爾澳門菜

Open Now

Now Closed

今日女朋友放工約左朋友食飯，晚餐唯有自己搞惦。因為女朋友去左尖沙咀，我要接佢番屋企，所以去左尖沙咀果邊睇下食咩。K11新商場有個好靚好grand既美食廣場，進駐左好多大型食肆，經過我見到亞蘇爾。記得我係元朗食過一次，感覺唔錯，今晚再來試下。葡國雞飯，雞件好滑溜，份量好多好大件，椰汁底好濃厚，味道香甜好岩送飯！我再叫左一個木槺布丁，好喜歡幼滑的忌廉入口輕盈完全唔會膩，餅乾碎帶微微脆口。套餐加配果汁夠健康。

今日又來到K11 MUSEA幫朋友買東西，買完東西就去商場下的食街吃飯，見到亞蘇爾在這裡開了，就不如試下它。我選了一個椰香葡國雞伴白飯和一個葡式牛肝菌芝士焗鴨飯，買了飛後，店員給我一個叫喚器，食物做好後，部機就會叫，等客人可以去取食物，不需要在店外呆等。取了飯後，沒觸碰碟邊已感受到食物的熱騰騰，葡式牛肝菌芝士焗鴨飯飯底好像一些細小米飯，加入牛肝菌和鴨肉去炒，再加上芝士和好像臘腸的腸一起焗，面頭還有一些橄欖，入口好香芝士和牛肝菌味道，味道還有一種獨特的酸味，吃起來都頗得意，我都是第一次吃這種飯，幾特別，不錯！椰香葡國雞伴白飯，椰汁味香，葡國雞汁都很濃，面頭還有半隻雞蛋，最欣賞它是裡頭很多雞肉，還要是無骨的，啖啖肉，份量還很多呢，配上白飯真的無得頂呀！我都頗喜歡他們的味道，最緊要是夠熱，一個飯夠熱就已經很好，加上味道不俗，真的令整件事加分不少！