紅豆烘焙 (寶靈街)

Open Now

Now Closed

今日經過佐敦，又見到紅豆烘焙，佢哋的麵包款式好多，除了麵包、西餅、蛋糕、酥點、蛋撻、曲奇、糯米糍等等各款麵包甜餅甜食外，仲有近期大熱的布丁麵包。最後買左法式牛角包、芝士德國腸麵包、及法式布丁麵包，牛角包夠酥脆，德國腸包芝士味道濃，法式布丁包，表面有層香脆焦糖，配合麵包中心嘅布丁食，口感一流。麵包出品新鮮又款式多。提提大家，記得每日下午4:00新鮮出爐嘅法式布丁麵包係限時優惠，記得把握機會!!!!!

紅豆烘焙 (佐敦).上次食過旺角分店很不錯，今次諗住再去買順便試下佢個布甸包。點知太早去要4pm後先有😂咁就試其他啦.▪️紫菜肉鬆卷▪️.上次食完爸爸都話好食！ 今次睇真啲原來入面包住係呑拿魚醬，一人半個就無咁膩！.▪️牛角包🥐▪.好好食，夠酥脆，上面有少少糖粉同埋杏仁片！.▪️芒果雪米糍▪️.媽媽最鍾意食呢啲糯米糍，個皮夠煙韌，而且佢唔係好甜所以我媽媽覺得幾好味！.📌 紅豆烘焙 (佐敦)佐敦寶靈街12號地舖環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

嘉多利首創嘅焦糖布丁包帶起了熱潮，但實在太痴線啦條人龍根本排唔到所以一直都試唔到…然後其他麵包店都開始有，前牌去買嘅時候依間麵包店仲未好紅所以根本係唔使排隊甚至冇乜人買添🤭本身有法式布甸、焦糖法式布丁包，近日食住個勢佢哋仲推出左朱古力布丁包～👓焦糖法式布丁包 $18/個參考左焦糖布丁嘅做法，不過係由一個圓軲轆嘅法包裝住布丁蛋，普通法包質地不過凍咗會偏淋，建議焗/氣炸鍋烘脆食。布甸都滑身好厚蛋、唔算太甜，不過唔好要求話香濃蛋香。面頭有塊焦糖脆片，不過真係塊圓形有點厚嘅焦糖脆塊，唔夠薄身做唔到真係焦糖布丁甜品嘅薄脆片，焦糖差少少🤏成個麵包都好大個兼有啲漏所以$18其實可以接受，老實講味道吾錯但吾算好出色，味道新奇可以試一次，但唔會刻意再翻兜😂試過就算💁🏻‍♀️評分：7/10

唔係特登搵 不過經過見到呢間之前已經有起ig見人介紹過話佢都有布甸麵包賣 咁我就入去行吓佢又真係好多麵包款 傳統 新穎嘅都有蛋糕都好多好吸引 就連糯米糍都有多款口味我就揀咗4款包試 已經冇布甸包 點知俾錢嗰陣見佢啱啱出爐 即刻殺咗2個😆▶️提子包🍇Size正常 一開始攞上手覺得好輕身 以為佢好空氣 應該唔好食點知原來係因為佢個麵包超級鬆軟😍麵粉好靚 食落煙韌 提子乾唔算多 不過我覺得啱啱好 唔會好甜好漏更好係佢比起一般傳統麵包店健康 有啲麵包舖係明顯用啲豬油整 食落成陣味 佢呢個冇 即使面掃咗層油都只係令麵包望落去靚啲同埋層皮硬身少少普通一個提子包都好好食😋▶️五彀合桃包 🥜呢個比較西式 所以質感遍硬 成個豬仔包咁 合桃料勁多勁足味道上遍淡 係健康嘅味道😂我自己就覺得冇提子包好食▶️紫薯包▶️雞尾包▶️法式布甸麵包🍞一個都幾大個 外面係法包 入面係布甸 同嘉多利差唔多望落去覺得佢唔夠燶 所以返到食之前焗一焗熱咗佢切開已經見到入面好creamy💕果然食落超正 入面勁香奶油同吉士味！口感超creamy而唔係真係好布甸口感 正在好香滑細緻估唔到佢又話會好甜喎👍🏻法包雖然都唔係好香脆 不過都幾軟身 同

好耐之前見過有人介紹佢嘅雞皇酥嗰時已經bookmark左呢間小小嘅烘焙店經過佐敦記得呢間麵包店 終於有機會一試🤣—————————————————————香蔥雞皇酥 $10打開已經聞到淡淡的蔥香同芝麻香切開中間會見到入邊有雞皇內餡 而且份量都幾多！酥皮層次唔算多但係都幾鬆 幾鍾意佢哋加咗少少蔥!雖然只係$10但係大大個而且好重手 性價比好高！杏片牛角酥 $13本身冇打算買埋其他嘢 不過見到佢新鮮出爐而且啲牛角酥個個都脹卜卜好大個 忍唔住就買埋😂返到屋企食之前焗返熱先再食 外脆內軟幾香如果表面多層蜜糖 多啲甜味應該更加好食🤘🏿豆腐蛋糕 $10每次喺舊式麵包舖見親豆腐蛋糕都忍唔住想買佢哋嘅豆腐蛋糕都好有份量 長方形一大條食落濕潤而且好軟熟 豆腐味唔係特別出但好鍾意佢好鬆軟好light嘅口感 而且唔油膩🤘🏿

我終於食到喇，但都無想像中咁好食，仲要佐敦係無焦糖燉蛋，只有朱古力🍫味，要去旺角先有焦糖燉蛋但好攪笑，旺角係無朱古力味架，所以要試哂兩個味就要去2間分店買喇😜就係咁所以兩個包底都有好大分別，我較喜歡佐敦朱古力🍫味多好多， $15 包好軟熟，仲有流心感覺，朱古力味都夠濃而唔會太甜👍🏻但旺角焦糖燉蛋布丁麵包$18 ， 包好硬，係標準嘅法式麵包底，而唔夠蛋香，亦唔覺有焦糖味，包底較厚，所以蛋漿唔多🤷🏻‍♀️我會選擇直接佐敦買布丁麵包 + 朱古力布丁麵包😛

每次經過佐敦 #紅豆烘焙 都會比佢哋嘅麵包櫃深深咁吸引，無論乜嘢時間嚟到，麵包櫃都係常🈵️ ，所以作為麵包控嘅我都會掃幾個飽餅返屋企慢慢嘆 😋😋加上同老闆娘熟咗，見佢每一次都好勤力咁招呼客人，正所謂力不到不為財，呢一點我好佩服佢，一個人要打你兩間烘焙店唔係咁容易，希望老闆娘繼續加油👏🏻👏🏻堅持烘焙出香港人最愛的貼地包餅🥖🍠🍞🥯菠蘿紅豆包新鮮出爐㗎最緊要係菠蘿包皮夠香脆，紅豆餡唔夠多食落去口感十足。紫菜肉鬆吞拿魚卷大大個嘅紫菜卷，兩邊鋪相肉鬆，裏面塞滿左吞拿魚醬，好味又飽肚豆乳蛋白蛋糕蛋糕就留返第二日做早餐，可能係用蛋白做嘅關係口感唔夠軟熟，有點點豆乳嘅香味，整體味道較淡。​​

店舖雖然唔算大，但麵包種類繁多，仲有依家好hit既布甸麵包，超級吸引，行過忍唔住要買呀。布丁麵包$15熱辣辣新鮮製造，每日有限定數目，賣完就冇㗎啦，而且仲有朱古力味，好正好吸引。杏仁牛角酥$13出邊有糖衣甜甜地，外脆內嫩，仲有杏仁喺上面，配咖啡一流。紫菜肉鬆吞拿魚卷$12呢款都好特別，裏面係吞拿魚醬，然後出邊係滿滿嘅肉鬆，再用紫菜包住，三層唔同嘅口感。整體而言唔錯，麵包種類非常之多，而且樣樣都好食，下次要再試吓其他款，特別係班蘭蛋糕。

經過行過路過想食乜？見到新鮮出爐熱辣辣食個皮蛋酥？食個蛋王酥…定係？蜂蜜戚蜂蛋糕🧁？一於就………….想食就帶佢返屋企😂—————————🟡皮蛋酥：新鮮熱辣辣皮焗得脆卜卜，入面白蓮蓉餡不太甜又軟熟———————🟠蛋王酥：又係皮脆熱辣辣新鮮出爐好味道，白蓮蓉香滑軟熟，主要新鮮出爐更加好食😋—————————🟤蜂蜜戚蜂蛋糕：見到個名咁得意。同埋價錢又咁抵，所以又買一個嚟試吓，原來呢款蛋糕又軟熟又鬆軟，而且仲帶點蜂蜜嘅香味，食落又唔會太甜，咬落就像一口一口的棉花糖的感覺，入口即溶的這款蛋糕🍰原來是這麼的好吃😋其實仲好想食佢嘅法式布丁麵包，但可惜佢嘅出爐時間係四點，所以我就要等下一次經過嘅時候，如果時間許可的話，我一定會買來吃，因為實在太吸引，上次喺朋友網上度見到個朋友仔食嘅時候，已經好想食，今次專登去買。但係原來係有出爐時間，今次買唔到，但我下次經過嘅時候一定會買來食😋👍————————-呢度有好多種類嘅麵包蛋糕、而且仲係自家製新鮮出爐，原來連糭都有得賣😃——————————新鮮出爐嘅麵包…熱辣辣好食又讚👍其實開心🥳簡單就在你身邊..。食….拍…寫.. 已經成為我生活中的一部份鍾意食..鍾意拍

香港的麵包店雖然已被各大連鎖麵包店壟斷，但傳統舊式麵包店仍有不少。連鎖麵包店賣的麵包雖然較新款，可惜大部份來自麵包工場，傳統麵包店保存着傳統前舖後工場的格局，賣的麵包都是新鮮出爐，價錢亦較大眾化，亦因爲保留了不少傳統麵包，例如菠蘿包、雞尾包、舊式腸仔包等，所以客源仍有不少，有一定生存空間。這間位於佐敦的紅豆烘焙傳統麵包店，除了有售賣傳統麵包外，亦有不少新款麵包，例如紫薯包和牛角包。近期香港大熱的法式布甸包，這間麵包店亦不落後，每日下午4點新鮮出爐。1）杏片牛角酥 $13 酥皮夠脆，加了杏片更有咬口。2）紫薯包 $10 包鬆軟，餡料有香甜紫薯蓉。3）法蘭克福芝士腸$11 香腸腸衣煙韌，麵包帶有芝士和蜜糖，焗焦後夠惹味。

細細個就好鐘意食麵包但太多麵包舖而且真係越開越貴但好多時啲麵包都只係得個樣食落去質數太參差其實比起連鎖麵包舖我更愛吃懷舊麵包因為有好多童年回憶去佐敦食飯見到間好光猛嘅舖頭一見到就係我想揾嘅懷舊麵包舖見到啲麵包種類好多仲要呢排好流行嘅布丁麵包而家唔洗去排隊都有得食所以我買左啲麵包諗住聽朝早餐同屋企人食我分別買左原味布丁麵包、杏片牛角酥同三角形嘅酥原味布丁麵包牛奶味好濃郁布丁好滑溜好香而且麵包好鬆軟一啲都唔死實牛角酥亦係我嘅至愛面頭嘅杏片烤得好脆牛角酥就算放到第二日都保持脆口牛油味好濃郁好重好香食得出牛油係用左靚牛油唔係一般雜牌子我諗下次早餐都係喺度買麵包食因為每日新鮮製造買完都仲係熱辣辣正啊📍 紅豆烘培 (佐敦)佐敦寶靈街12號地舖

A classic cake made thrice bigger. This must try sour plum sour sauce cake is so delicious and tasty. A simple yet moist and soft cream inside made the whole combination to perfection. Happened to try it once, and now I made an effort to go there numerous times just to savour the cake and the friendly staff and smiles.

紅豆烘培因為近我公司，所以我經常都會去買，佢前面舖後面就廚房，焗完即刻拎出黎賣，絕對新鮮熱辣，款式非常多，咸甜麵包唔在講，仲有千層件裝蛋糕，Croissant，芒果布甸，曲奇🍪，蛋糕🎂，中式既有馬仔，蛋卷，牛耳，角仔，蛋撻，皮蛋酥等等，真係多到數唔晒，做早餐或者甜品真係日日都唔會重複。仲有好出名既法式布丁麵包同立體蛋糕。香蔥雞皇酥-攞到返公司仲係熱架！超級大件，好香既蔥油味，又足料，入口啖啖用少少黑椒調味既雞肉，香口惹味。呢啲多功夫既麵包出面好少做架啦！法蘭克福熱狗🌭️-條法蘭克福腸真係大件夾抵食，條法蘭克福脆皮腸長過晒個包，芝麻包切開再加左蕃茄同埋青瓜，我鍾意佢用左千島醬而唔係白色既沙律醬，係好食好多既！車輪包-車輪包真係童年回憶，其實麵包店真係好少見，入面加左提子🍇乾，啖啖鬆軟，經典中既經典。

自己好鍾意食麵包🥯，咁岩今日經過佐敦，見到呢一間小店都好多唔同款式選擇 一於就買啲麵包做早餐！呢間小店有凍餅丶曲奇丶傳統麵包🥯丶蛋糕等等，可謂應有盡有！還有近來大熱法式布丁🍮！買咗幾個包返屋企食～紫菜肉鬆吞拿魚卷外邊有紫菜，然後用肉鬆包圍着，內裏係吞拿魚加沙律醬，非常滋味！合桃提子包，非常大size , 麵包鬆軟好吃，內裏有大量合桃和提子🍇，作為早餐相當不錯！法蘭克福芝士腸芝士腸超大條！配上濃郁嘅芝士，不會錯的選擇🤩這間小店價錢不貴，分量十足，下次可以試吓佢啲甜品😝

放工行過位於寶靈街嘅呢間麵包店，見到有近期大熱嘅布丁麵包，當然唔能夠放過，順便買啲麵包做早餐。布丁麵包每日下晝四點準時出爐，想食到新鮮熱辣辣出爐靚包的話就要留意。除咗布丁麵包之外，呢間貌似傳統嘅麵包舖仲有好多唔同嘅包餅同甜品，麻雀雖小，五臟俱全。布丁麵包嘅表皮口感似豬仔包，入口帶點煙韌，味道比較清淡，中間嘅法式布丁奶味香濃，口感好creamy，而且比較甜，兩者相輔相成，如果遇正佢新鮮出爐應該更吸引！紫薯包賣相吸引，不過食嘅時候要較為小心，因為表面嘅紫薯粉會灑到周圍都係，麵包口感鬆軟，中間夾住香甜嘅紫薯蓉，味道天然，唔會過甜。見到呢個配搭咁特別嘅麵包，忍唔住買埋，麵包包住班蘭蛋糕，最適合貪心嘅我，麵包皮仲有少少食緊雞尾包嘅感覺，非常推薦！估唔到一間看似傳統嘅包餅店，店仔細細，竟然內有乾坤，有唔少破格新奇嘅飽餅，細心留意嘅話絕對搵到驚喜！