B.Duck Cafe (Closed)

對上一次經過元朗 Yoho Mall II 商場，路過見到 B. Duck cafe，已經好想試，但當時大排長龍。唯有等熱潮過後再試啦。上星期日和朋友再經過門口，終於不用排隊啦！ 三點三夠鐘下午茶。來一客芒果軟雪糕造型可愛，味道不過不失。 仲另外加多一份士多啤梨窩夫，不過製作需時，可能即叫即整，朋友食完杯軟雪榚，才送到我面前，外脆內軟，上層放滿了甜甜的忌廉以及配上酸酸的士多啤梨，完美的配搭。都是一個不錯的選擇啊！！

帶女去元朗yohomall 個室外遊樂場玩兼行街，大肚媽媽陪玩中途叫肚餓，原來B Duck Cafe就喺遊樂場左近，weekend下午茶時段竟然都唔多人，都唔使等位。侍應姐姐好好人，問我地需唔需要bb椅，不過我女唔肯坐，仲想周圍走，好彩人唔多唧。我地叫咗一個茄醬蝦天使麵同一份熱狗🌭️，食物不過不失，黎同B Duck打吓咭，有得坐吓hea一陣，食少少嘢充飢，又近室外，環境實在不俗！食完個人叉叉電又再同小朋友出去公園玩過！

喺商場離遠就被呢間咁colorful嘅B Duck Cafe吸引左，馬上同男友去咗食午餐！身為一間主題餐廳，餐廳入邊有唔少影相位，亦都有好多公仔陪你一齊用餐！連張檯都有B duck圖案，可愛度滿分！當日見到有好多小朋友同埋家長一齊嚟，cafe亦都有好多兒童餐比小朋友選擇！而我就揀咗all day breakfast,本身以為呢啲餐廳只係for打卡，點知食物質素令人喜出望外！尤其是Benedict egg真係幾好食！不過飲品就過分地甜，飲品相對少選擇。連飲管上都有裝飾，相信小朋友見到實開心！另外一個叫咗炸雞通粉，雞肉幾入味，賣相唔錯！當日係星期六日，客人比較多，無得同大B duck公仔一齊食，唯有影下背景牆就算啦🤣

想去B Duck Cafe好耐啦但係太遠 今次難得入到元朗玩就順便去試食下😋叫左個鮮忌廉火腿栗米飯貪佢有隻鴨整成既造型🐥每個set都跟左個湯🥘湯上面有d麵包粒 好特別🍞不過食物普普通通 價錢略貴但係環境真係好靚 好多B Duck既擺設仲有好多甜品選擇🍰黎一次朝聖下啦😂🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥🐥

因為呢隻咁可愛的鴨，今日來了這裏。11:30左右到，梳化位已坐滿 幸好還有普通位置，但12時已也滿了，因餐廳比預期中細，要早d到呀大家~沒有叫套餐，散叫了咖哩雞肉飯，好cute呀 隻鴨在咖哩上游水，可愛可愛~ 但味道一般般吧，唔夠熱呢，有d失望。再order 了雞腿芝士通粉，好好味，好多 cheese, 但雞腿超炸，有d熱氣，但好香口~值得一提是飲品，香橙沙冰和熱荔枝綠茶，好好飲，尤其是荔枝綠茶，既香又熱，味道剛剛好，正!最後服務質素，又好有禮貌，好笑容，made my day p.s. 希望佢地可用少d膠餐具，愛護地球

因流感停課，約了同學仔一起食午餐，餐廳模式轉換了，由快餐店形式變成餐廳形式。Staff是友善的，可惜，漏了單，四個餐漏了一個。然而是食物的質素，退步了許多，半年前還一個月來一次，因為小朋友開心，食物質素又好，好可惜今次再來，好差。首先，平面鴨仔和3d鴨仔的飯都太乾，然後就是飲品，order了一個熱情果茶和另一款果茶，兩杯都淡到像水一樣，沒有果味，也零茶味。餐牌轉了，模式轉了，可惜食物退步了很多好。失。望

散叫食物就可以加20蚊有杯野飲同湯，只可以指定飲品，補差額都唔得…湯係野菌忌廉湯，賣相靚，都野菌味荔枝梳打，芒果梳打荔枝好飲過芒果，芒果完全係奇怪既味道至尊牛肉漢堡薯條熱辣辣同脆卜卜漢堡太厚身，有菠蘿有煙肉青瓜同雞蛋牛肉，食落就d 狼狽…另外點左兩個拉面，湯底勁咸，面同烏冬都好淋，牛肉/叉燒味道都幾好食，係個湯底累事店舖好細，星期日早上十一點左右到唔洗排隊，影相呃like哄小朋友就Ok，小朋友會好開心

嘩！呢個真係唔可以錯過 @B.Duck Cafe 萬萬估唔到主題餐廳入面會有咁出色嘅cake食！左邊係朱古力鬆餅入面有熱情果同芒果 mousse 配以山莓忌廉 開心果同果仁 層次多到數唔哂😍右邊係香橙味為主調嘅mousse cake 夾層有多種莓莓 提升左朱古力mousse嘅甜美💕

覺得B duck得意所以入黎試下～tea time～ 朋友叫左個脆雞膇芝士通粉，我叫左個炸雞親子飯。都等左一段時間先有得拎餐。食物賣相同相片相乎，試左一啖唔算好濃芝士味，唔會太膩，亦有好多芝士拉絲～雞膇好香，短通粉其實都乎合b duck cafe可愛形象。朋友嘅餐包嘢飲，上面嘅飲管取餐時自取，有唔同顏色～我個飯係有滑蛋、蛋粒同炸雞塊，所以叫親子飯（食阿媽食埋個仔⋯⋯），b duck樣的飯很可愛，有兩片心型蘿蔔片扮煲呔？以為個飯有蕃茄味，點知原來係白飯味，成個飯有極少量類似南瓜汁嘅物體，因為份量太少食唔出咩味，亦絕對唔夠撈飯，於是我要去出面拎兩包茄汁先食得落個雞好香好脆，正不過有少少硬，少少難咬。

香港首間B.Duck Cafe進駐YOHO Mall!!! 即刻去朝聖 美式雞肉漢堡超巨型 肉汁多夠鬆軟 蔬菜新鮮 主題餐廳黎講實在驚喜😎 面包忌廉濃湯好creamy 吸左湯嘅農夫包外脆內軟😚 荔枝菠蘿鮮果茶加入新鮮菠蘿青檸 睇得又好味👍 #10分嘅主題餐廳#下次再去要試8寸長嘅大火雞脾

雖然今個中秋天色只是一般，但也無損兩兄妹的歡樂心情，特別是中秋一連放5天假的妹妹，每天都安排了不同活動，今天先分享過去週六的聚餐～ 中秋前夕 + 上週日打風，場內的中菜嚴重爆滿，我們靈機一轉決定再訪 B. Duck Cafe，反正三小無猜在暑期前後腳去了黃金海岸酒店參加 B.Duck 住宿計劃，再見黃鴨一定很高興！ 這裡要自己找位，幸運是來到不久就有位；三位小朋友對著一系列的 B. Duck 美食，愛不釋手呢！這裡的食物不算太貴，如三色飯糰 $45、B. Duck 牛肉漢堡 $86、連飲品通粉套餐 $86，其中個人認為通粉味道不錯，所以這晚點了兩份～ 刻意了留了肚吃甜品，士多啤梨窩夫 ($53) 及巨大的 朱古力珍寶芭菲 ($99) 賣相及味道都不錯，後者尤其得到朱古力妹妹歡心，追著吃了好多好多啊！  連同早上的跆拳道班、下午的游水，非常充實的一天～

今日買左戲飛係yoho mall睇，睇戲前去左好岩大朋友同小朋友既B. Duck Cafe. 餐廳唔算大，但好彩咁岩有兩個位餐廳裝修好別緻，全部都係B.Duck既wallpaper同擺設。 連d野食都有B.Duck個樣，真係好得意！今次叫左個脆雞腿芝士蕃茄肉醬通粉，超大的雞腿，好熱辣辣，仲有拉芝既效果，確係幾正！另外試左個炸雞親子飯，真係砌左個B. Duck樣出泥 佢係用左d南瓜蓉整，健康得泥又食得開心！岩晒小朋友食

—友人帶埋個仔嚟食飯 咁就揀間小朋友都啱嘅餐廳佈滿B. Duck裝修 自成一角 座位唔多喺櫃面買嘢食先 等機仔震動 再自己去拎上至主食 小食 下至特色飲品 甜品都有供應龍蝦湯農夫包($46)挖空中間當做麵包碗用去裝住湯成個包都會焗咗嘅 如果挖咗出嚟嘅麵包都可以焗脆做伴碟 拎埋嚟蘸湯就正和風三色飯團($45)基本上就係混合咗飯素嘅三角紫菜飯團紫菜偏淋 飯粒偏硬 飯素同飯嘅比例幾好每啖都有混合到飯素 唔會話突然食到係白飯脆雞槌芝士番茄肉醬通粉($86)配餐飲菠蘿綠茶睇落似mac and cheese再加咗肉醬冇試到味 但小朋友好似幾啱胃口——————————————————————B.Duck Cafe元朗元龍街9號形點一期2樓2059號舖

超人氣小黃鴨B.Duck Cafe正正於遊樂場旁邊, 剛好湊成一條龍的親子好去處, 在遊樂場玩完之後再到B.Duck Cafe進餐, 孩子們都對這個行程非常滿意!玩累了我們就直接在旁邊的超人氣小黃鴨主題B.Duck Cafe用餐, 與遊樂場是零距離路程!到處都係鴨鴨蹤影， 店內幾乎每一個角落都係 B.Duck 的蹤影，沾滿黃氣。41度朱古力珍寶芭菲足夠兩三個人吃的巨型芭菲，鴨仔嘜頭以法國41度朱古力製作，另有日本牛奶軟雪糕、繽紛樂、餅乾條及棉花糖等，一定吃得飽！泰式咖喱雞肉飯 泰式咖喱一點都不辣，小朋友都啱食，還有超吸睛的立體鴨黃薑飯，唔捨得食啊！炸雞親子飯炸雞塊配以嫩滑炒蛋，還有B.Duck嘜頭的米飯。交通方便, 簡簡單單的行程已經很不錯~食飽飽再去遊樂場玩，勁方便

又是時間約姊妹見見食食+Girls Talk...記得有次去Yoho Mall見到有間黃鴨店, 好可愛。打卡正地方唔算大, 都係可移動細枱 (十張左右)。其位置在Coner, 對著空中花園, 開揚又光猛 不過呢… 2018年8月好熱, 我們又係午餐, 有人出入花園門會開關, 熱氣吹入時,感覺有些汗囉流程自助式: 搵位(最好訂座), 我們平日都滿呀! 睇餐牌, 去收銀處點餐&比錢, 取得食物鐘後回座, 鐘響自取食物。食物睇得... 味道一般咋泰式鷄飯飯好硬湯焗咖哩豬扒飯凍朱古力咖啡咁多樣之中味道最好呀服務就冇咩, 都係自助式。妹妹服務員們都樂意解答問題，收銀職員都有禮貌總結四個字: 打卡唔錯