B.O.A

Open Now

Now Closed

唔上網搵真唔知原來匿喺商場入面有間靚靚裝修的東南亞餐廳！主色調為蘋果綠和粉木色，配搭木枱、木藤椅，環境好舒適。呢度用手機點餐，餐牌也提供俾我望下有咩食，點完不久後就有嘢食啦😄🍜 火車頭湯金邊粉 (HK$82)．好大碗，上面鋪咗好多料 — 有生牛肉片、熟牛肉片、牛丸、牛筋、牛柏葉、白蘿蔔和多片洋蔥．生牛肉片比較瘦肉多啲、嫩滑啲，熟牛肉片比較薄片和肥啲．金邊粉煮得剛好，軟滑、有少許爽口．湯底夠清甜，同而有牛肉味☕️ 熱紅棗黑糖薑茶．多紅棗和多薑，好夠薑味，不太甜，正！📌 提提你：此店有加一服務費喔！

我和家人一行四人，叫了一客四人晚市套餐，我哋另加了$80，有四隻jumbo size既燒大頭蝦，真係又多膏又香又好食！食物和味道好有質素，謝謝大廚用心烹調所有食物，食品擺盤也花了一點心思，而且味道啱啱好，份量也足夠四人用。燒雞做得外脆內軟，而且又多汁又美味, 真係必食！菠蘿炒飯也做得很好味，椰子雞湯也清甜可口！拼盤份量及組合很合適一家人食用！謝謝服務主任娟姐殷勤、親切給友善的服務態度另外還有一位叫阿妹服務員，她親切有禮，常為客人添加水及詢問我們是否對食物質素的意見，走的時候還送我們，希望我哋再光顧！真的好開心見到這位女服務員！我們已經再相約下星期再來吃其他美味食物！

之前響對面餐廳食完嘢之後，發現呢個角落仲有一間食泰國菜，今次就決定試試佢。大蝦牛油果米紙卷（$72）造型超靚，好似盆栽一樣。每一件米紙卷都包滿了新鮮沙律菜、各有一隻爽口大蝦、一少片牛油果，中間夾著越式香草，好清新。如果覺得味道太清淡嘅話，旁邊附有泰式醬汁，令味道更豐富，米紙卷入面包了少許米線，食兩件都已經好飽足！沙嗲串燒（$68）豬牛雞任選四串，當然要試晒啦！份量都唔細㗎，全部都醃得非常入味，豬肉比較有𡁻口，牛就燒得啱啱好，中間有少許粉紅色，味道係三款之中最濃烈，雞的醃料偏咖喱味，三款我最鍾意係雞串燒，唔洗沾上太多沙嗲醬都已經好夠味。見佢個下午茶SET都幾抵，下次要再黎試先得。

依餐晚餐食下新加坡菜先，好耐無食肉骨茶，有d掛住添，就叫個去骨海南雞飯加肉骨茶食，$108就有兩樣野食，好豐富啊！d雞好滑，加$10就有雞脾肉食，不過我就食普通雞肉ok，就無特別加錢啦！有三種醬料點雞食，有甜醬、雞蓉、辣醬，我覺得甜醬係最襯點雞食既，辣醬太辣！個油飯几好食😋肉骨茶几香，唔會苦又帶有d藥材味！仲叫左個傳統喇沙湯米粉，原本想揀金邊粉，但無曬貨，就食米粉，都ok既，d湯底好濃郁好香，蝦好爽啊！

黃埔新開泰式舖！！舖頭位置有啲隱蔽🤣係壽司郎再入啲～午市套餐要加一 食評如下～▫️泰式金邊粉 [$88]有蛋包嘅金邊粉係大加分！識落幾重茄膏香同埋都幾大碟 金邊粉唔會太濕 蝦都好大隻！！▫️泰式酸菜去骨豬手飯 [$72]呢個一比較落 真係爭啲😂😂😂presentation係一碟白飯+一碗滷豬手 加少少酸菜。。。豬手肉唔係好多 不太推薦這個餐了新開舖 係值得一試嘅！其他檬粉類嘅煮食都幾大碗 整體性價比尚可 環境都乾淨 上餐夠快

喺日式餐廳林立嘅黃埔非常小有西式或東南亞美食，最近新開左一間東南亞多國菜餐廳，如果鍾意食越南泰國美食直絕對值得一去。我今次係下午茶時間去食，所以唔需要等位，叫咗下午茶餐星洲炒米加一杯凍檸茶，價錢係$ 50，喺黃埔來講唔算好貴，更何況呢個星米炒得好好，夠乾身唔油膩；材料足，銀芽叉燒火腿雞蛋蝦仁仲有最重要嘅韭黃，好多地方都唔落韭黃喇因為太貴，蝦嘅質量都嚇親，隻隻都係爽口彈牙，好好味！米粉仲係我鍾意嘅幼身米粉，份外開心！

見到黃埔天地新開左呢間亞州菜餐廳,菜單又有越式、泰式、新加坡菜等,包羅萬有好似幾吸引，所以就一於試試佢.去骨海南雞配油飯 $82去骨雞啖啖肉, 而且雞皮夠薄夠爽滑,雞味濃郁, 但雞肉如果可以再嫩滑啲會更好.雞飯粒粒分明, 充滿油香. 跟餐既椰子雞湯係推介之選, 非常足料, 入面有好多椰子, 所以個湯椰子味濃郁同時又好香雞湯味, 但味道又唔會太過味精, 可見個湯誠意十足.地道越式生熟牛肉湯河 $72牛肉肉質鮮嫩, 但牛肉片唔算太厚, 湯底夠清甜唔會太過濃味, 而且河粉亦夠滑身,整體味道都十分不錯.