峇峇娘惹

Open Now

Now Closed

試業時同屋企人3個去食過，當日人好多，服務員態度良好，只係餐廳管理運作都差。我地坐近廚房出菜位的卡位，個地下又濕又滑，D侍應拎住D食物好似踩雪屐咁，D客人經過條路個個都跣一下腳，我見到咁既情況就同餐廳經理講，佢答我地下倒瀉野所以跣，本身地下張地毯今朝拎左去洗又未乾，我笑而不語，身為餐廳管理者，係咪要諗其他方法令到個地面乾爽呢？搵清潔拖左d油先唔得既，拿拿聲買張地毯備用唔得咩？如果有人滑倒導致索賠，就係餐廳既損失。叫左杯熱圓肉茶，第一次黎左羅漢果茶同侍應講再換，第二次都係黎羅漢果茶，黎第三次先係圓肉茶。講食物，咖哩乾撈麵汁少又辣而不惹味，喇沙湯麵湯少味道不過不失，雞湯麵一般質素，小食拼盤炸雞翼無味，蝦餅係好食，其他都一般質素。 又隔左一個多月，今次有個朋友話要試，雖然我已經覺得對佢無哂興趣，不過都陪朋友又去再食過，照樣侍應態度良好，不過餐廳運作都係有問題，叫左個胡椒排骨湯，原來無跟飯，即刻補單叫返個白飯，由落單到個白飯終於黎，用左廿十幾分鐘，然後個湯已經凍哂，其他人又食飽哂，期間追過單，都係答覆落左單喇等等。其實一個咁既白飯，又唔係即刻煮既，係咪可以上左檯先呢？排骨湯味道一般，芒果芋頭網

話說天水圍開咗間食馬來西亞嘅食店⋯由於本人很喜歡食喇沙⋯所以同朋友去試吓新開既峇峇娘惹😋😋店舖環境乾淨及整潔，店舖員工服務態度亦很👌、於是我就點左峇峇海南雞滲滲喇沙而朋友就點左脆皮燒肉滲滲喇沙和咖哩香茅骨飯，另外亦加多個油酥餅配咖哩鷄⋯⋯當食物到時第一時間試吓個湯先啦⋯⋯味度好淡⋯正確泥話係冇乜味而且不是熱而是暖😰我以為係我有問題啦、問埋朋友佢哋都話係䁔而唔係熱🤔最離譜係個酥餅⋯竟然係凍嘅😓😓即時扣晒分啦！！！我哋諗住食完就算了，都冇搵經理😓😓算把啦⋯⋯未必有下次😰淨係柸拉茶就最好飲😝

第一次上黎嘅油酥餅燶到黑曬，有個好似係店長/經理，即刻自動攞走，叫廚房重新整過，我好欣賞佢哋對食物嘅嚴格和店長/經理嘅果斷。第二次上黎嘅芝士油酥餅超好食😋同埋都好抵食，$30一份。肉骨茶都好好食，份量合適。下次會繼續幫襯👍

見附近商場新開左間娘惹菜好想試吓，不嬲都鍾意食馬拉菜。但因為晚市又新開張太多人排隊就買左外賣返屋企食。等外賣時間大概半個鐘。返到屋企一打開d碗....碗喇沙細到好似小食咁...個肉骨茶又係小食size，得三條排骨仔...唔知係外賣特別細碗定堂食都一樣？ 三個人叫左兩個麵一個飯，一個肉骨茶，一個小食最後都係要再去茶餐廳買多個炒飯先夠食...但其實味道係唔錯的，應該可以試多一次堂食，希望下次去個份量可以大返d。