Babmug

Open Now

Now Closed

去荔枝角趕住上堂但又唔夠時間食野，拿拿臨search下有冇啲輕便野食就發現依間韓國人主理的外賣自取店。一心黎到就諗住Takeaway 韓國紫菜飯卷，簡單方便又飽肚，回想起以前去韓國exchange 時侯的平靚正小食！黎到鋪頭見到都有幾款，有原味、辣豬肉、牛肉、吞拿魚同芝士。🍠辣豬肉紫菜飯卷 $50一條飯卷都大過手掌，同真正韓國份量差唔多，夠方便又飽肚。打開之後發現都幾足料，裡面有滿滿辣豬肉、紅蘿蔔、菠菜、黃蘿蔔、雞蛋同牛蒡。辣豬肉味道都可以，但個人覺得再辣啲就會更好味😋 好可惜唔夠時間，如果唔係都好想試下佢啲韓國餃子同埋韓國拌飯！📍babmug荔枝角長沙灣道883號億利工業中心地下二一號舖

韓國叔叔開既鋪，只做外賣食過幾款都好食👍比較有特色既係飯卷，因為預製好，所以可以即叫即攞👍不過量唔係太多，男人食可能會唔多夠。撈飯就多啲，不過要即時製作，要等下。其他小食有機會再試

荔枝角好似唔算多韓國菜，有日經過見呢度Menu好正宗，一試就愛上咗😆之前試過佢嘅人蔘雞湯，六十幾蚊，超足料！鹽係另上，好細心，可以按個人喜好調鹹淡～今次試佢嘅紫菜飯卷，好可惜夜晚七點左右原味賣晒。買咗牛肉味$50一卷，好大條好夠飽！啲餡好多好豐富，抵食+會想試埋佢其他味仲嗌咗泡菜餃子，味道偏鹹同埋辣，下次會食原味～ 韓國老闆超好人，送咗醃菠菜俾我試！！總括嚟講，係超高質抵食小店，好可惜星期六日唔開同埋平日8pm就閂門🥲🥲大推！！！

其實呢間韓國野已經唔係第一次食，食過好多次依然覺得好好食我地今次叫左飯卷有：呑拿魚、辣豬肉同牛肉味，大家可以係相度見到d餡滿滿，一條平時當lunch已經好飽☺️飯卷有麻油味，唔會太乾，食完成條都唔會有乾食既感覺👍👍而紅色個塊係泡菜餅，好惹味而且特別，每塊入面都有泡菜絲，味道又唔會太辣，唔食得辣既我都食到☺️大家經過可以外賣回家，個度無得堂食，老闆係真真正正既韓國人，唔太識聽廣東話所以d食物都好地道👍

幫襯過N次，每星期總會買1、2次，每次都係食吞拿魚紫菜包飯！好好食！以前有盒裝同錫紙包裝，而家淨返錫紙包，不過仲方便，用筷子食又得、學韓國人揸住後咬都得，仲可以WhatsApp落單！份量又足又好食，每次食完都好滿足🥹

等等下巴士，竟然發現間咁出色，由韓國人主理嘅的小店。小店主要售賣一般韓國菜式，如：紫菜包飯，拌飯，湯，泡菜之類，但味道真的不差。泡菜 （泡菜，芽菜，蒜頭）試過其他很多泡菜也不太啱口味，主要是太酸了。但這間卻沒有那種太酸的味道，反而相當易入口，彷彿在韓國的家庭餐廳裡吃到那些。泡菜：完全唔酸，少少辣。芽菜：清清淡淡，都ok。蒜頭：強烈推薦，超好食，少少酸，微微辣，就算唔食蒜頭嘅都食到。紫菜包飯：一向都只喜歡食壽司而不喜歡紫菜包飯，覺得蔬菜味太搶，啲料唔係太夾啲紫菜和飯，但這間是真好吃，整條完全融合在一起，而且份量唔少。牛肉紫菜包飯金槍魚紫菜包飯口還有泡菜餅，少少酸，煎得香口反而拌飯較一般，都好味，小肉多菜，比較普通。估唔到荔枝角都有咁好食嘅小店～

今日午餐諗住喺公司附近買個外賣食。因為有同事介紹，所以就去咗呢一間韓國舖頭。估唔到咁多人排隊買Kim Bap 同外買，等咗大約10分鐘先到我。 由於成日睇韓劇，都見到啲演員喺度食炸醬麵。所以就嗌咗炸醬麵嚟試吓啦。呢間舖頭係韓國人開嘅，所以好期待佢哋嘅正宗炸醬麵。你可以睇到佢醬汁嘅顏色，都係黑蚊蚊，但係內有乾坤。佢個面底唔知係咪自己整，好煙韌，好似去咗韓國炸醬麵咁。上面加咗隻煎蛋，撈埋佢啲汁真係好好味。佢份量唔算多，女仔嚟講 都夠食嘅。跟餐仲有泡菜跟，不過就冇嘢飲。我朋友試咗佢嘅紫菜包飯都好好味。大家如果喺附近返工，都可以試吓買外賣返公司食

呢間係我值得為佢加冕嘅小店，其實一直想試好耐，但每一次都的唔起心肝過嚟叫外賣🥡難得今日有啲飽唔係咁想食嘢，行咗陣街先叫個外賣返公司食韓式辣豬肉飯卷 $50一打開先發覺原來有10舊咁多😱😱😱 $50/10件其實唔算好平，不過佢個份量都幾足料，而且都幾靚仔下❤️👍🏻入口辣豬肉都幾香但同時唔算好辣，其他配料都多嫁！除左辣豬肉，仲有醃漬蘿蔔，紅蘿蔔絲🥕，牛蒡，生菜同雞蛋🥚。如果係女仔嘅其實真係好夠食🥰下次會再試下佢其他味嘅飯圈❤️

呢間喺屋企附近嘅韓式外賣店🥡啲韓國嘢都幾好食😋係由韓國人開嘅 相當之有地道風味！推介佢哋個金槍魚紫菜包飯 一份都幾大條 內餡超級多 真係幾豐富 而且個飯仲好香麻油味 加埋金槍魚同清爽蔬菜 相當開胃！

平時搭車經過都會見到好多人排隊，琴日Lunch 有時間就行去睇下有咩特別拉， 原來開左一間主要做外賣既韓國小店。 我就排隊買左一份牛肉味既紫菜飯卷 （$50） ，份量都算幾大， 配料又多，d飯仲有d麻油味， 不過d牛就乾左少少🤏 味道唔錯，但性價比唔高， 不過都可以一試。另外， 紫菜包得唔係好實， 一夾起D飯同配料就散曬出黎， 可能咁岩我個條包得唔好拉， 但賣相都OK 既🤣P.s 舖頭只得2個店員 主要講韓文 同 英文，下次可以預先Whatsapp 落單，咁就唔洗排隊等拉

This purely takeout only, a little kiosk, but worth a visit if you happen to be Lai Chi Kok.Actually run by Koreans it offers a range of popular dishes but my fave is their Kimbap.Have bought from here several times and their cooked dishes are also okay.This time bought the Tuna kimbap, and was still in decent shape after taking home. Its a decent size and full of fillings not just rice and can tell its freshly rolled and not prepacked ages ago.

大部份時間嚟荔枝角搵食多數都係會去D2 Place嗰邊，一來嗰邊比較就腳而另外亦都好似多啲選擇。由於趕住上堂要買外賣，經過見到有間新開嘅韓式外賣店所以就買咗飯卷試吓，買咗一盒泡菜豬肉同埋牛肉，分量比預期多好足料，有生菜、蘿蔔同埋雞蛋包埋喺裏面，紫菜一啲都唔林，每樣配菜都切得好幼細，包得好結實豬肉同埋牛肉兩個選擇的話，牛肉係香d好食d嘅，反而豬肉就感覺上得辣醬味道，唔食得辣嘅朋友就唔好揀呢個🤣 另外如果食得辣味啲嘅可以問韓國店員拎一個辣醬配埋飯卷食更加有韓國風味

荔枝角都有幾間食韓國菜，但我特別鍾意呢間，因為係真韓國人主理💕朋友成日問我韓國菜到底有咩好食，的確，菜式對比日本，中菜係少，但每家都有自己嘅調味，間間都唔同味，而呢間外賣小店嘅食物亦好有韓國當地feel 。因為店主唔係好識廣東話，要用英文溝通or Whatsapp 落單。店舖細細間但選擇都多，Menu有韓國小食，紫菜飯卷，麵同飯。我多數會叫一個飯卷，加2個小食e.g. 泡菜餅同辣炒年糕，2-3個女仔一齊食好夠。泡菜餅 $40：煎餅係厚身，每次都煎到外邊脆脆地，而且入面泡菜都好多，唔係麵粉多過泡菜！ 個人大推👍🏻韓式辣炒年糕 $30：以前係超市買嘅粗厚年糕，而家改用幼身，但都好煙韌，入面仲有魚糕添！醬汁係甜辣，年糕同魚糕加埋醬汁，好有韓國街頭feel辣豬肉紫菜包飯 $50：入面除咗辣豬肉，仲有紅蘿蔔，雞蛋絲，綠瓜，醃蘿蔔。睇相都見到餡多個飯，豬肉都好多😍 豬肉吸收晒辣汁，飯卷有加芝麻油，好食！不過一咬就會散，食嘅時候要小心啲總結：雖然係小小的外賣店，但啲食物水準都高，可惜外賣有時都會影響食物質素(e.g 煎餅焗淋咗) 暫時未試過主食嘅飯麵，日後再試~

之前已經食過五六次，又就腳又抵食好食，舖頭就喺億利對住大馬路嗰道門，一出轉左行兩步就會見到呢間babmug！店主同阿珠媽都係韓國人！識基本落單嘅廣東話，英文都可以，如果WhatsApp落單就英文ok（識韓文就直接用韓文啦～）今次叫左原味嘅kimbab同辣炒年糕～去舖頭拎嘅時候都有四五個客人喺度等緊。唔想等可以WhatsApp落單先～價錢正路，好味，又係韓國人嘅손맞! kimbab非常足料又好食（如果個嘴細會比較難一啖食一舊XD）年糕都幾正，係會比較難夾起XD 味道辣度都very good 아주 좋아!想解鄉愁不妨trytry～

一直想試但因為佢只得外賣而冇試今次因為要等十分鐘車期間聽到店主用韓文所以的起心肝買咗原味김밥 ($40)原味嘅包裝係一卷卷一打開已切好哂，大約有11舊係暖的，對我嚟講啱啱好用料有蛋絲、醃蘿蔔，牛蒡絲同生菜等唔會一夾就哂又可以一啖食哂不過略嫌紫菜唔夠脆雖然覺得韓國買嘅好味啲但可以用韓文嚟溝通下又從韓國人手上買到嘢食算係解下鄉愁下次會再試其他！Ps 店主都識基本英文的