小果籽

Open Now

Now Closed

呢間餐廳亦都係呢一區比較少見嘅風格，佢行健康小清新路線，所以都好多OL嚟食，店舖好細，所以成日都食唔到。侍應姐姐雖然好有禮貌，又幾靚女，但有時等位明明等好耐，佢會同你講等7分鐘。😅所以趕時間就自己再考慮下食唔食，而且上菜都幾慢，可能始終廚房細又多人食。同埋佢計幾錢唔係落單時寫，而係食完問返你食咩、睇你啲(空)碟食過咩，再計幾錢，有啲無效率。。。我主要鐘意食A+B+C嘅餐，好豐富而且夠飽，但睇住同一個餐加價加左前後成20蚊，可能生意難做😖我同同事都係叫左呢個餐，麵包我叫咗煙三文魚(+8)牛角包，肉醬焗薯，同沙律可以揀2款😜，由於已經有焗薯，所以只叫左一樣薯仔沙律，另外就要田園沙律。利申我係薯仔怪😛但朋友仲誇張，2款沙律都要薯仔沙律。我覺得牛角包🥐好好食，配煙三文魚好好食，但要再加8蚊好貴丫。焗薯就無乜特別，但沙律其實超大份，同埋好好食，見其他人叫果杯都好新鮮咁。沙律仲要有2款，其實絕對可以同friend share，一個叫A+B，一個叫A+C咁。自己食一份成70幾蚊真係好貴@@不過之前叫個其他食物，我就覺得唔係幾好食，所以我建議叫返A+B+C餐！

舖仔細細，牆上都寫滿了餐單，有A、B、C款任搭，亦有每日精選套餐。沙律、麵包和焗薯等，不同配搭有不同價錢，豐儉由人。叫了蜜糖烤雞扒併司華力腸配田園沙律及焗薯，一次過吃多幾樣食品。田園沙律，可配日式芝麻醬或千島醬，粟米、蕃茄、青瓜和生菜都很新鮮爽脆。主食是蜜糖烤雞扒，烤得皮脆卜卜，雞扒醃得入味，醬汁甜甜地，好正。司華力腸，雖是現成貨，可烤得到位，有焦脆感。黑椒蟹柳焗薯，好多蟹柳餡，加埋焗薯，想唔飽都唔得了。加$8，可配果茶，選了新鮮水果綠茶，綠茶中加有西瓜、檸檬和哈密瓜，在淡淡綠茶味中帶有酸酸甜甜，消飽滯感。

透過面書平台得知呢間貼心西式餐廳！為了支持小店，我們專誠試一試！地址在紅磡工廈的崇潔街整條好多食店亦係住宅區。店鋪裝置較簡潔，主菜款式花多眼亂，即時有選擇恐懼症，但老闆娘好貼心介紹是日晚餐精選！試前我都有做搜集資料，我首選食焗薯配酸忌廉芝士火腿、牛角飽配生菜南瓜蓉雞肉、薯仔廚師腸配Wasabia醬沙津、招牌雞扒餐(好脆雞皮及多炸薯條)、飲水果茶......晚上越夜越多人光顧餐廳，座位已滿，但只得老闆娘一手負責樓面、落單、收銀、十分繁忙。每枱當有食物到時，每位食客立即相機食先，見份量好驚人~最後甜品以蕉糖忌廉烤蘋果，嗯整個晚餐好滿足丫~~~下次再挑戰蛋包飯~~

喺紅磡工業區好難搵到一間小清新嘅店舖，店舖雖然係細啲，但啲員工好有誠意，好有禮貌，食物幾好食。佢哋有水果餐，有焗薯，有三文治，亦都有好好味嘅海南雞飯，仲有好多特色飲品大家不妨一去去試一試

崇潔街一向都好多好嘢食，近日經過發現左間新開小店，被佢餐牌嘅無骨海南雞飯吸引左入去，啖啖肉啱晒我！$48已經包左一杯台式飲品同海南雞飯，價錢都ok,我叫左芋香珍珠奶茶。上枱個飯賣相唔錯，我最喜愛食油飯，呢個油飯食落無令我失望，入味！仲有薑蓉（我食左佢三碟薑蓉）啲雞肉幾嫩滑唔太肥整體唔錯！需然位唔算多，我見午飯時間都爆晒要搭枱，對面叫左豬頸肉太陽蛋飯都好似幾正，仲有沙律，下次會再去試下！