百芳池上便當 (香港仔中心商場第二期)

Open Now

Now Closed

上星期行過見到呢間百芳好多人排隊，已經同定朋友講今個星期要試，於是星期一就去試吓。好好彩去到唔算多人，雖然全場坐滿，但咁啱有檯埋單，等咗兩分鐘就有位坐，其實個場唔算好多位，但都坐得算係咁，唔會有太逼嘅感覺，牆身啲設計風格都好台灣feel。睇完Menu，基本上都係便當、湯麵同乾拌麵揀，午餐種類嚟講都算多選擇。同朋友兩個都不約而同想食乾拌麵，仲要大家都食滷雞扒肉燥乾拌麵，無得試多款其他嘢食。落單之後，嘢食好快就到，一睇個雞扒啲色水就知無叫錯，滷得好入味，肉質又嫩滑，食落啖啖肉，乾拌麵都係我鍾意嘅質感，杯珍珠奶茶都好飲，但係要加$12貴咗少少，跟餐啲嘢飲太少選擇。整體嚟講都好好食，午餐可以再嚟食。

想講因為見食評有人吊 話魯肉飯好小魯肉，所以我又點左：） 個外賣蓋係透明既，其實拎上手一眼就望到魯肉多唔多既@@ 今次又多番小小，証明係水準唔穩定，但收呢個價錢，水準仲係咁，明顯唔識經營喎@@ 唔理你地人手不足定訓練不足，不過都唔係我既負責，香港仔得茶木同呢間賣台式飯，無乜競爭係差小小。。。唯有自己睇緊d, 同埋，都唔會叫外賣送遞，黎到唔滿意，只能夠賠錢，有時幾十蚊，真心唔想你賠，我想要番件正常既野食既。。。點解我打咁多字，係因為要夠200字我先可以俾好評差評。。。

百芳豬扒便當賣相可人，豬扒外層爽脆，咬落肉質美味多汁，不會做到死死實實，厨師有料到。令人意外是米飯伴上粉絲，倍感新鮮。台灣焢肉便當半肥半瘦五花腩味道甘香，肥肉不致太膩，而瘦肉又不會太「柴」，配半隻鹵水蛋，粟米粉絲，飽肚又好味，我推薦。茉莉綠茶，消滯開胃，食完五花腩最啱飲。碳培烏龍茶加珍珠，有口感又煙韌，够醒神又滿足。

因為要去銀行，所以又去呢間食，上次試了焢肉便當，今次就試下滷雞扒，再加個小芋圓碳培烏龍茶微糖少冰.其實不要以為好細碗，食到3/4都有d飽，因為雞扒大件配菜又多，下次可能試試牛肉麵或拌麵那些.

外賣鹵肉飯, 只有8粒鹵肉。粉絲同菜下面都無, 得果8粒, 我點解要叫鹵肉飯呢? 我叫粉絲飯算啦...用袋鼠叫, $66, 呢兜野, $30 都嫌貴。唔想做外賣咪唔好做囉, 堂食明明無咁差, 諗住外賣D 人無得投訴。無下次

去完銀行突然經過見到有間食台灣便當，而我又好肚餓，所以即入去試新野.滷肉便當飯都唔錯，如果滷肉再多一點.唔小心㨂左少甜，我本身想微甜，但都ok, 芋圓好食.不過下次應該㨂小芋圓碳培烏龍奶茶

香港仔終於都有百芳池上便當，梗係要去幫襯一下。餐廳位於香港仔中心。多款台式便當可供選擇。仲可以配返杯台式飲料。端午節期間限定百芳台灣糭。八芳牛肉麵湯底濃郁，帶蘿蔔香甜，牛肉綿軟有咬口，麵條軟硬適中。香酥炸雞腿便當炸雞腿外酥內嫩，肉味香且有嚼勁，配上多款配菜份量十足。夜市花枝丸香氣獨特，口感柔軟，又酥又香。黑糖珍珠鮮奶珍珠香甜彈牙，充滿黑糖香氣，搭配醇厚鮮奶，成為完美配搭。小芋圓碳培烏龍奶茶烏龍茶香濃厚，搭配雙色小芋圓，奶茶味香濃，味道非常獨特。