佰古嗲

Open Now

Now Closed

上次嚟大圍食嗰間肉骨茶嘅餐廳冇咗😱？？？哦，原來只係轉咗名，出品同之前一樣咁好食😋，即刻帶大家睇下有咩好嘢食啦，Let's go!✨馬拉燒魚肉 (3件)未食過呢個好軟淋淋質感嘅魚餅，呢個係馬來西亞出名馬駮魚蕉葉烏達食落有層次，有蕉葉嘅清香同醬料嘅香辣味，好有野外原始燒烤風味✨細滲肉骨茶今次叫個細滲肉骨茶，樣樣材料都有啲：腩肉、豬肚、豬腳、鳳爪、豆卜、少量金菇重點係肉骨茶可以無限添飲😍✨魚仔XO醬蜆仔蜆仔全部開口夠新鮮，脆口魚仔乾鹹味同XO醬辣味滲入蜆仔，帶出蜆肉嘅鮮，好有層次感同時又唔會過於刺激始終係用XO醬所以食到尾會比較油 ✨甘香虎蝦勁多隻彈牙爽口嘅虎蝦，每隻蝦都被惹味參巴醬包裹住，參巴醬嘅辛辣同鹹味提升虎蝦嘅鮮味✨福建炒麵好有馬拉風味，醬汁濃厚但食落唔會過咸配料有魷魚、豬皮、蝦、魚片等等，令到炒麵每一啖都好有口感✨美祿恐龍有美祿粉之外仲加咗蜜糖星星同可可脆片✨冬瓜龍眼茶 (熱)甜甜哋，解渴又解辣

前幾日去完沙田買完野，就落咗去大圍搵嘢食，見到呢間馬來西亞嘢，有肉骨茶飲，見天氣凍凍地，價錢又唔貴就入咗去試吓。叫咗好多嘢食：🟥肉骨茶食馬拉野必飲，我地叫左細滲，入面勁多款料，有一字骨、豬肚、雞腳等等，好足料，仲可以不停咁添呀！🟧炸饅頭+ 咖央多炸饅頭熱辣辣，炸到金黃色，加埋煉奶，good! 咖央多甜甜地，外表都烘到脆卜卜，好快就清晒。🟨芽菜雞 啲雞好嫩滑，份量都多，配埋黃薑飯一流，本身我都好鍾意食芽菜，爽口又易送飯😆🟩黃金醬炸蠔 一啲腥味都冇，雖然蠔size唔算好大，但係炸得幾好食！🟦水魷蕹菜食咗咁多肉，梗係要食返啲菜，啲鮮魷好爽口，溝埋啲蕹菜都幾好食🤤

一向對東南亞美食情有獨鍾，不過喺香港，最常食到嘅係泰國菜或者越南菜，馬來西亞菜嘅餐廳相對少。大圍就有一間馬來西亞菜餐廳，走平民路線。樓高兩層，裝潢簡約，最大特色就係主牆有本地漫畫家創作嘅壁畫，好有本地色彩，令餐廳充滿活潑生氣。食得馬來西亞菜點少得白咖啡，未上枱已經聞到香噴噴，又香滑又香甜。朋友就養生啲飲杯熱檸檬薏米水。【肉骨茶】天氣轉冷，叫碗熱騰騰嘅肉骨茶就啱晒。豬腳彎肥瘦適中，肉骨茶味道容易入口，唔會太重藥材味，仲可以無限添飲，飲完成身暖笠笠，必點之選。【鮮牛油咖央多士】香脆多士夾住咖央醬，重點係大片鮮牛油，口感香脆又同時食到牛油香同椰香，正～【馬拉燒魚肉】用蕉葉包裹住燒嘅魚肉，味道好香口，有帶少少惹味嘅辣，好適合做餐前小吃。【魚仔XO醬蜆仔】蜆肉都算大粒，配XO醬同魚仔，惹味又鮮甜。【芽菜雞（例牌） 】雞肉又厚又大件，味道帶點芽菜嘅清香，芽菜又帶點麻油香味，幾有特色。可以點檸檬辣醬或青辣椒醬，更添一番風味。【黃金醬虎蝦】有十幾隻虎蝦，蝦同黃金醬嘅甜味都幾匹配，非常掛汁。每道菜味道夠晒地道，值得encore~仲要唔駛加一，抵食！

大圍初嘗馬拉餐👍呢間好食得黎又唔貴！大推呀！.🥢細滲 $88（肉骨茶）呢碗肉骨茶真係值得一試，入面有齊五花腩、豬手、豬肚、雞腳同豆卜，湯底味道香濃，每一啖都充滿濃郁嘅中藥味，絕對係肉食愛好者嘅天堂。.🥢芽菜雞 $138（半隻）呢碟芽菜雞份量十足，雞肉滑溜無比，每一口都充滿鮮美嘅雞汁。價錢亦非常抵食。.🥢馬拉沙嗲串燒 3串 $64呢度嘅沙嗲串燒真係好出色，豬同牛串燒各有特色，沙嗲醬汁惹味得來又唔會過鹹，每一串都烤得恰到好處，真係一試難忘。.🥢手抓薄餅配咖喱雞 $62手抓薄餅配咖喱雞真係物超所值，份量大得嚟，咖喱辣辣地好入味，配埋薄餅一齊食，勁滿足。.🥢炸鰻頭 3件 $28炸鰻頭炸得非常脆卜卜，咬落去滿口鮮香。.🥢特色拉茶 $22特色拉茶味道濃郁，茶香撲鼻，而且口感順滑，very nice . .🥢話梅桔仔冰 $30話梅桔仔冰清新解渴，酸酸甜甜非常開胃

沙田友竟然未食過捌哥又未去過圍方 一於帶佢黎食下正宗馬拉菜風味🇲🇾🍢馬拉沙嗲串燒串燒有牛🐮 雞🐔豬🐷3款各2串 店方預先已全串塗上沙嗲醬汁 唔會食到一半點唔到汁 舖滿大花生碎粒咬落好香口🥜🐽細滲肉骨茶瓦煲肉骨茶有 🐖豬手 雞腳 三層肉 豬肚豆卜金菇 細細煲材料豐富 藥材味清淡 遷就返本地人口味 🫖肉骨茶仲係任添嫁🦑玻璃魷魚蕹菜魷魚 菜正常發揮 重點係蒜辣醬惹味🌶️🐓馬拉籽芽菜雞厚雞件肉質嫩滑啖啖肉 伴碟芽菜好健碩🍞鮮牛油咖央多士當然要嗌咖央多士啦 麵包焗得非常香脆夾住薄片牛油香濃咖央醬