BYO 自助烘焙 (Closed)

疫情關係，增值下自己，呢到有晒食譜，自己量分量，又晤洗自己洗嘢， 某app book 仲要買一送一添🤗 有晒iPad step by step 禁教你，晤識嘅就可以問駐場職員。今次整左老婆餅，用成三個半鐘時間，老婆餅晤係好甜，飯到啖啖冬瓜蓉，酥皮好鬆脆，有好多層，，同埋一啲都晤油膩，由零到製成品，好滿足🤗好值得堆介你哋都快啲book 黎玩下啦，一黎就打大佬挑戰左個最複雜嘅🤗

冇咩野做開個電話睇吓的，上下睇吓有咩介紹。睇睇下咁岩見到佢做promotion，經指定apps買一送一，見幾抵就約埋朋友去玩下啦🥳。既然有時間，有買一送一，我哋就揀咗個時間最長，難道最高嘅整🤣，就係老婆餅🤤。官方時間話需時三個鐘，最後整咗三個半鐘🤣。雖然唔係一對一教學，但係iPad有影片跟着做，如果唔明嘅話可以去問小老師，比起小組教學自由度會更高，整下停下影吓相🤣。有3個主要區域，有材料區，清潔區，煮食區。材料區好齊全，基本要用嘅材料都會有齊，除咗一啲指定材料要問職員攞之外，其他都可以喺材料區自己量份量返埋位整。準備好就可以拎去煮食區入爐，用完嘅工具就分類放喺清潔區。三個鐘好快就過咗，老婆餅就出爐啦。原來一個老婆餅係咁多工序😅，整完一次之後，覺得街買$10一個係值。

平日黎整餅，個場無咩人，好似包場咁。呢度有好多款式可以揀，有bb級到高級，㨂好款俾完錢職員會俾ipad同圍裙你，然後帶你去你張枱，講解下啲區域同啲機，就可以開始。枱下面有locker放野，圍裙有袋可以袋電話😆。我㨂左整榛子朱古力撻（$380）-6個，大致上跟住ipad就整到，唔知啲野放邊，唔知啲野點用，你可以隨時叫職員幫你。喺最後啲金箔...職員會幫你整上去（因為係貴野掛😂），第一次整tart都算唔錯，味道都幾好，又唔甜，朱古力味濃！最鍾意係...啲工具用完放清洗區就有人洗💕如果要其他裝飾要另外俾錢，仲有啲牌呀，蠟燭呀之類。如果要雪住個成品，每人要俾$50按金，頭兩個鐘係免費，可以行一陣再返去拎返，但記住兩個鐘之後就要收錢！

終於到我放大假😇放一個星期唔知做咩好😂於是約好左朋友一齊去整蛋糕🎂依間好就好在唔洗自己洗野🙈岩晒我地依啲懶人🤣依到所有野都係自助，自己睇食譜自己整完全冇專人指導‼️(理論上）但我整既時候佢地會教我點樣唧花會唧靚啲☺️.成個場都好整齊同乾淨💯不過打卡位唔算好多😂.⚠️依到唔可以食野，如果岩岩焗完既蛋糕想切少少食都唔得，最唔好係冇得即場試味😟

面對疫情雖然係好大壓力，但係從正面想，市面上好多嘢都比平日平好多。今日我就同左朋友去整餅。係半價半價呀！真係好好，佢比部iPad你，然後你知道要去材料區攞乜嘢，又知道要去包裝區預備啲乜嘢，又可以跟着指示去打蛋，去攪拌麵粉，去焗餅，去裝飾......當你覺得有疑惑嘅時候有專人為你解答，幫你手。個過程都有少少緊張，又真係好好玩，起碼好玩過小時候煮飯仔。重點係負責人係唔會俾你失敗，你無論做成點跟成點，最後你會成功攞走一個蛋糕。半價嘅價錢加上兩個多小時嘅遊玩時間，未有疫情之前仲可以慢慢一邊嘆咖啡飲品一邊等蛋糕麵食。超值！