貝嘉餅屋

Open Now

Now Closed

今日起身返工唔知醒,落到街快快手上車到左返工地方再快快手搵間麵包鋪買D早餐邊行邊食醫飽個肚買返幾個包,留兩個下午餐食都好4種唔同包腸仔包,吞拿魚包,蟹棒包,芝士火腿包料都幾足都幾好食.

有冇師兄師姊窮豬窮粉都中意行麵包鋪 😍 成日經過都，好大陣包味，傳入我的鼻 🤤 今次要講嘅唔係 bell，而係撻，奶撻果個撻，私心收藏好耐架啦，唔係咩連鎖餅店，全城得一間，得呢一間咁高 cp 嘅撻，#栗子撻 同 #紫薯撻 都係 $4.5，但係啲蓉就整到聖誕樹咁高，成粒紫色同米色嘅聖誕節咁，食落嘅蓉滑身得黎都幾足料濃味，有機會經過就黎呢到整返個撻奶奶去，又或者係呢到買黎做散水餅簡直係窮慳最高境界，對班衰仔唔洗咁好嘅，買啲 cheap 嘢比佢地食就岩 🤩-貝嘉餅屋荃灣街市街 166 號地下

因為黎開荃灣做野，一直都知道貝嘉餅店好出名，難得一場黎到就試下啦😂👉🏿✨迷你芝士撻 Hkd 4.5 💸📌本身真係抱好大期望架..但結果永遠都係失望🤢佢既芝士撻只可以話係一大pat cream 加個撻底，一啲芝士味都食唔到，超級膩呀👉🏿✨迷你栗子撻 Hkd 4.5 💸📌同樣呢個都係冇乜栗子味，食到既都只係冇咁水既cream...膩到完全食唔晒呀😞👉🏿✨朱古力芝士波波 Hkd 11/4個 💸📌呢款朱古力味都幾重，唔會流，同埋入面麻薯份量都幾多，唔錯喔～👉🏿✨芝士波波 Hkd 11/4個 💸📌芝士味就重喇！不過冇咁軟熟～普通啦👉🏿✨一口包（肉碎） Hkd 11/4個 💸📌其實好似肉餅包咁😂一大塊肉係入面，開正我個飯，好食喎！👉🏿✨提子鬆餅 Hkd 11/4個 💸📌呢個scone都幾好食，硬度又剛剛好，提子又多，唔會好甜，good ar !🤙🏿

貝嘉餅屋喺荃灣不嬲都出哂名, 我今日終於都黎到朝聖喇!! 最多人中意既就係一系列既迷你撻 有芝士、紫薯同栗子味 而我手上就係最受歡迎既迷你芝士撻🧀 唔係講笑 上層啲芝士足足有7cm高 食落芝士味有啲淡 但個撻入面有朱古力做餡 雖然話迷你但食完都幾充實 重點係一個只係$4.5咋 平到癲😙 仲唔快啲喺通脹殺到黎之前試下佢?Taste: 👅👅👅Value for Money: 💰💰💰💰💰(on a scale of 0-5 emojis)

超級好味的核桃包，外脆內軟，有彈性，核桃增加口感，橙皮令層次更豐富.配料選自己喜歡的，完美的組合.一整條才hk14,可以兩個人吃兩餐.要再想一下，下次加甚麼配料好.

有日經過荃灣，久聞這間餅點的麵包西餅，又平又抵食，於是便前來一看，果然麵包西餅的款式有很多,我個人比較喜歡栗子同紫薯做嘅糕點，於是買咗栗子及紫薯迷你撻回家與家人分享，果然栗子撻有栗子味，紫薯撻有紫薯味，而且甜度適中，份量亦十足，幾蚊個勁抵食，值得一試!

之前睇過唔少食評話呢度嘅紫薯撻好味又抵食又由同事度得知呢間麵包店喺荃灣大窩口好出名就算之前隔離開左間美心餅店同佢打對台最後都要執笠我對食撻興趣不大，鍾意食包多d所以買左栗子包+肉鬆包做tea我覺得麵包最重要係真材實料，唔係空氣包再好味，但食唔飽肚嘅話都係徒然好彩，呢間麵包舖冇令我失望！先講栗子包普遍麵包店都係用現成栗子蓉但呢度嘅好唔同，顏色深好多有好多栗子粒粒混喺入面又唔會太甜而且好足料，涵多過包至於肉鬆包。。。有圖有真相。。。成個手掌咁大肉鬆足料之餘又keep到乾身唔會冧曬如果食量細嘅人，食1個已經好飽$6.5/個我覺得抵食總括黎講，呢度嘅麵包味道份量都幾好下次經過荃灣嘅話，一定會再買栗子包黎食！

尼粒紫薯撻又真係好吸引😍港式平平無奇既麵包店發現性價比高既 紫 薯 撻 $4.5😋細細個做下午茶係不錯既選擇🤓個撻紫色好紫好紫好紫💜靚到一個點😍撻皮就似普通牛油蛋撻撻皮夠鬆脆 唔會好厚實 撻皮味道就不過不失撻皮上會有一層雪到硬左既朱古力醬上面會有堆生日蛋糕既白色cream再上面就係紫薯cream啦😍唔好睇小佢係紫薯cream呀堆cream既紫薯味好真又夠濃👍🏻係有驚喜啊以$4.5尼個價錢黎講真係抵晒 過下口引都惦😋

行過貝嘉，見到新出左紫薯撻😍之前食過芝士撻都幾好味！所以決定要試下，仲要做試食價$4，真係超抵！要好似食雪糕咁食，第一啖已經食到好濃既紫薯味❤️好味呀！食到撻餅底，仲係好脆，仲有有層朱古力添😃so nice 👍🏻👍🏻

下雨天，幾經辛苦先將呢兩件珍貴嘅撻仔送返屋企。點知返到去，話要食嗰個走左人，咁就我自己嘆了吧。咪睇佢細細粒，但絕對爆餡。呢個係原味芝士撻，cream cheese味幾重。食落酸酸甜甜，我應該再雪返凍少少先食會更好。而呢個栗子撻，我覺得佢個餡都幾厚實，食落都香栗子味嘅，又食到有一粒粒栗子蓉嘅口感。唔錯唔錯。但可惜兩件嘅撻底都有一慣通病，就係太淋。希望可以改善吓。以每件$4嘅價錢，食出黎嘅質素我覺得十分超值，如果唔想俾十幾廿蚊去食出面嘅人氣什麼撻，不妨過黎試下呢度👍

又發現咗好味紫薯撻呀！ 呢個撻唔只賣相靚，仲好足料！ 上面嘅紫薯蓉好似唧花蛋糕上面嘅cream咁，勁多勁厚，重點係食落好幼滑，有淡淡嘅紫薯味！ 咬落去先係忌廉，然後係塗咗朱古力醬嘅牛油撻皮，多重滋味😋 講咁耐，係咪好想食，好想知幾錢同喺邊買呢？ 呢個撻超抵食！因為只係$6蚊！ 最衰得返一個，如果唔係一定買多幾個食！

我係一個面包控，尤其係甜餡的面包，每日仲要食幾個。無意經過呢間面包店，第一次睇到10蚊四個迷你飽，有咸有甜，我當然首選豆沙餡一個大小如手掌，唔算細哦入面好多紅豆沙，甜甜地，甚好食好鐘意，我又多佐個面包店選擇了，下㳄一定再來

朋友係荃灣友。經常幫襯「貝嘉」。朋友買咗紫薯Tart + 芝士Tart 俾我食紫薯Tart 係新產品。原價$6。優惠價$4 。有驚喜Cream 中混入少量紫薯粒。淡淡紫薯香。Tart 底無特別。芝士Tart 係招牌。價格$4。芝士味道偏淡。Cream 不夠滑。比較之下我較喜歡新產品「紫薯Tart」

生日蛋糕又平又抵栗子蛋糕特價$55， 海綿蛋糕鬆軟，栗子份量好重手，上面有栗子cream, 蛋糕內也充滿栗子cream, 甜度剛好，而且栗子味道十分濃厚，什果全是新鮮水果，juicy又鮮味十足，

經過呢間系熊貓酒店附近的貝嘉，見到一個外表平庸的栗子包($5)，但咬落去幾鬆軟，餡料同坊間的淺啡色同打得軟滑的栗子蓉截然不同，而系深啡色，質感粗糙，有好多大小不一的栗子粒，感覺有咬口而且好真材實料，帶來一丁點的驚喜！ （同場加影熱狗一堆）